လူတစ်ယောက် အရည်အချင်းဆိုတာ သူ၏ လိင်စိတ်ဝင်စားမှုနှင့် ဘာမှ မဆိုင်ဘူးဆိုတာ အထင်အရှားပါ။ ဒါပေမဲ့ လူမှုပတ်ဝန်းကျင်၏ ဖိအားပေးမှုများ၊ အယူမှားမှုများ၊ အစွဲမှားမှုများကြောင့် လိင်တူချစ်သူများ အထူးသဖြင့် ကျားမပြောင်းသူများဟာ အလုပ်ရှင်များမှ ခွဲခြားဆက်ဆံပြီး အလုပ်မပေးတာတွေ၊ အခွင့်အရေးတန်းတူမပေးတာတွေ၊ အလုပ်ခွင်မှာ ဖိနှိပ်တာတွေ၊ လုပ်ဖော်ကိုင်ဖက်များက နှောင့်ယှက်တာတွေကို ကြုံတွေ့ကြရပါတယ်။ ဒါတွေကြောင့် လိင်တူချစ်သူများဟာ သူတို့ရဲ့စွမ်းရည်ကို တန်းတူ အသုံးမချနိုင်သောကြောင့် ပတ်ဝန်းကျင်နှင့် တိုင်းပြည်ကို အပြည့်အဝ အကျိုးမပြုနိုင်ပဲ ဖြစ်ကြရပါမယ်။ လိင်တူချစ်သူများ အလုပ်ခွင်မှာ တွေ့ရတဲ့ အခက်အခဲ၊ အတွေ့အကြုံများနှင့် ပက်သက်လို့ လင်းလက်ကြယ်စင် ရေဒီယို podcast လေးက မေးမြန်းထားတာလေးကို နားဆင်ကြည့်ပါ။