ထိုင်ဝမ် ဓာတ်ပုံဆရာ Teddy Tzeng ဟာ လတ်တလောမှာပဲ သူ့နိုင်ငံက မော်ဒယ်ချောတွေတဲ့ ရင်ခုန်ဖွယ်ရာ အဝတ်ဗလာ ဓာတ်ပုံတွေကို ၂၀၁၇ Candy Crush ခေါင်းစဥ်နဲ့ ဓာတ်ပုံအတွဲလိုက်ရိုက်ကူးလိုက်ပါတယ်။ Candy Crush ထဲကလိုရောင်စုံဆေးရေတွေ သူတို့ခန္ဓာကိုယ်အနှံ ပတ်ဖြန်းပြီးတော့ရိုက်ကူးထားတဲ့ ဓာတ်ပုံတွေက စွဲမက်စရာပါ။ အဲ့ဒီ ဓာတ်ပုံတွေနဲ့ ပြက္ကဒိန်လည်းဝယ်လို့ရပါတယ်။ Teddy Tzeng ရဲ့လက်ရာစွမ်းကတော့ ကမ္ဘာကို ထိုင်ဝမ်က ကောင်လေးတွေ ဘယ်လောက်လှကြောင်း ပြသလိုက်တာပဲဖြစ်ပါတယ်။ ဒီဓာတ်ပုံတွေကိုတော့ တစ်ယောက်တည်း လွတ်လွတ်လပ်လပ်ဖြစ်တဲ့ အချိန်မှာ ကြည့်တာပိုကောင်း ပါလိမ့်မယ်။ ;)

ဒီကနေ့ ကျွန်တော်တို့ လူ့အဖွဲ့အစည်းတွင် မည်သည်ကြောင့် လိင်တူချစ်သူများ နှင့် ကျားမပြောင်းသူများကို အမြင်စောင်း၊ နှိမ့်ချ၊ ရွံမုန်း၊ အထင်သေး၊ လှောင်ပြောင်လိုသည့် စိတ်ဓာတ်များအရင်းစွဲတည်ရှိနေရပါသလဲ။ လိင်တူချစ်သူများ နှင့် ကျားမပြောင်းသူများကို ခြုံငုံ၍ နှိမ့်ချခေါ်လေ့ရှိသည့် "အခြောက်"ဟူသော နာမည်နောက်ရှိ မည်ကဲ့သို့သော အယူအဆများက ကျွန်တော်တို့၏ အတွေးအေခါ်ကို လွှမ်းမိုးပုံသွင်းနေပါသလဲ။

လူ့အဖွဲ့အစည်းအတော်အများသည် ယောက်ျားမိန်းမကို တန်ဖိုးခွဲတတ်ကြလေ့ရှိပါသည်။ ရှေးရိုးစဉ်လာအရ အမျိုးသမီးများကို ယောက်ျားများနှင့်ယှဥ်လျှင် ဒုတိယအဆင့်တွင် ရှိကြသည်ဟု ရှုမြင်လေ့ရှိသည်။ အထူးသဖြင့် မြန်မာနိုင်ငံတွင် လူအများ ရှေးရိုးစွဲ အပြောတစ်ခုရှိပါသည်။ ၎င်းမှာ "ယောက်ျားစစ်ရင် ရဲရင့်တယ်၊ ယောက်ျားဘသား" စသဖြင့် အယူအဆ ဝိသေသတစ်ခုဖြစ်သည်။ သို့သော် ယောက်ျားစစ်သည် မစစ်ဘူးဆိုသည်အား မည်ကဲ့သို့ သတ်မှတ်၍ရနိုင်ပါသလဲ။ ယောက်ျား-မိန်းမ ဆိုသည်မှာ လူ့ပတ်ဝန်းကျင် နှင့် ယဉ်ကျေးမှုက သတ်မှတ်ထားသည့် အရာများဖြစ်ပါသည်။ ယဉ်ကျေးမှုတစ်ခုနှင့်တစ်ခုလည်း မတူကြပါ။

ယောက်ျားအချင်းချင်း မေတ္တာသက်ဝင်ကြလျှင် သူတို့ထဲမှ တစ်ဦး (သို့မဟုတ်) နှစ်ဦးစလုံးဟာ ယောက်ျားအဖြစ်မှ နှိမ့်ကျပြီး မိန်းမစိတ်ဝင်သည် သို့မဟုတ် မိန်းမအဖြစ်သို့ ရောက်ရှိသွားပြီး နှိမ့်ကျသူအဖြစ် အမြင်ခံရသည့်ပုံစံ ဖြစ်သွားတတ်သည်။ လိင်ကွဲချစ်သူများ (Straight) ဖြစ်သည်ဆိုသည်မှာ ပုံမှန်ဆိုလျှင် ဆန့်ကျင်လိင်ကို စိတ်ဝင်စားခြင်းကို ဆိုလိုပါသည်။ လိင်တူချစ်သူ (ဂေး) ဖြစ်သည်ဆိုသည်မှာ ပုံမှန်ဆိုလျှင် လိင်တူကို စိတ်ဝင်စားခြင်းကို ဆိုလိုပါသည်။ ပင်ကိုယ်စိတ်နှင့် ပြုမူနေထိုင်ပုံနှင့် မည်သို့မျှ မသက်ဆိုင်ပါ။

သို့သော် မိန်းမစိတ်ဆိုသည်မှာလည်း မည်သည့်အဓိပ္ပာယ်ကို ဆိုလိုသည်တွင်လည်း မူတည်ပါသည်။ ကျွန်တော်တို့ မြန်မာ့လူ့အသိုင်းအဝိုင်းတွင် အရည်အချင်းတစ်ခုကို ယောက်ျားနှင့်သာ သို့မဟုတ် မိန်းမနှင့်သာ ဆိုင်သည်ဟု သတ်မှတ်ထားတတ်လေ့ရှိပါသည်။ လူတစ်ယောက်နှင့် တစ်ယောက်မတူနိုင်ပါ။ ထို့ကြောင့် ဥပမာ ကြောက်တတ်သည့် စိတ် (သို့) စိတ်နုကိုယ်နုခြင်းသည် မိန်းမအရည်အချင်းဟု ပြော၍မရပါ။ ယောက်ျားများအထဲမှ စိတ်ကြံ့ခိုင်သူရှိနိုင်သလို စိတ်နုသည့်သူများလည်း ရှိနိုင်ပါတယ်။ ထို့အတူ မိန်းမများထဲမှာလည်း စိတ်ကြံ့ခိုင်သူအများကြီးရှိသည်။ ၎င်းတို့ဟာ ပင်ကိုယ်အနေအထားနှင့် ကြီးပြင်းရတဲ့ ပတ်ဝန်းကျင်နှင့်သာ ဆိုင်ပါသည်။ ယောက်ျားမိန်းမဖြစ်ခြင်းနှင့် ဒွန်တွဲသတ်မှတ်၍ မရနိုင်ပါ။  စိတ်နေသဘောထားဆိုတာ ယောက်ျား-မိန်းမနှင့် မဆိုင်သလို ကြောက်တတ်သည့်စိတ်ကိုလည်း ညံ့သည်ဟုပြောလျှင် မှားပါသည်။ ဤအချက်တချက်ကို ခွဲခြားထားရမယ်။ ထို့ကြောင့် အမြဲတမ်း ထိုအရည်အသွေးအများကြောင့် ယောက်ျာစိတ်ဝင်ခြင်း မိန်းမစိတ်ဝင်ခြင်းဖြစ်ကာ လိင်တူချစ်ခြင်းဖြစ်ရသည်ဟု ပုံသေသတ်မှတ်၍ မရပါ။ 

ဒုတိယအချက်မှာ ကျွန်ုပ်တို့ မြန်မာအတွေးအခေါ်တွင် အဆင့်အတန်း အလွန်ခွဲခြားတတ်သည်။ လူတစ်နဲ့တစ်ဦး မည်သူက ပိုသာသည်ကို အမြဲတစေ မသိစိတ်က အဆင့်သတ်မှတ်နေတတ်သည်။ မြန်မာနိုင်ငံအပါအဝင် မတိုးတက်သေးသော လူ့အဖွဲ့အစည်းအများအပြားသည် အမျိုးသမီးများ၏ တန်ဖိုးကို နှိမ့်ချလေ့ရှိကြသည်။ သို့သော် အမှန်တော့ လူသားတိုင်း အတူတူသာ မွေးဖွားလာသည်ဆိုသော အချက်ကို မြင်ရမည်။ လိင်တူချစ်သူများအပါအဝင် မြန်မာနိုင်ငံရှိလူအတော်အများ၏ စိတ်ထဲတွင် ယောက်ျား၊ မိန်းမ၊ ဂေး၊ straight စသည်တို့ကို အဆင့်များ ခွဲခြားထားတတ်ကြသည်။ မိန်းမသည် ယောက်ျားထက် ပိုနိမ့်ကျသည်ဟု ထင်နေတတ်သည်။ ဂေးဆိုတာ straight ထက်ပိုနိမ့်ကျသည်ဟု ထင်နေတတ်သည်။ ထိုအမြင်မှားကို အရင်ဖြေရှင်းဖို့လိုအပ်မည်။ အမှန်တကယ်တွင် ဤကဲ့သို့မဟုတ်ပါ။ မည်သူကမှ မည်သူထက် မနိမ့်ကျသလို မည်သူကမှ ပိုမြင့်မြတ်တယ်ဆိုသည်မျိုးလည်း မရှိပါ။ အားလုံးသည် တန်းတူဖြစ်ပါသည်။ ထို့အပြင် မကောင်းသည့်အကျင့်များသည် မိန်းမအရည်အချင်းဖြစ်သည်ဟု မြင်၍လည်းမရပါ။ ယောက်ျားကော မိန်းမမှာပါ ကောင်းသည့်အရည်အချင်းကော မကောင်းသည့်အရည်အချင်းပါ ရှိနိုင်တယ်။ ထို့ကြောင့် သပ်သပ်စီ ခွဲမြင်ရပါမည်။ လူတစ်ယောက်ယောက်ကို သူလုပ်သည့် အလုပ်နှင့် အကျင့်ကိုသာ ကြည့်ပြီး၍သာ ကောင်းသည် မကောင်းသည်ကို သတ်မှတ်နိုင်ပါသည်။ နှိမ့်ကျခြင်းသည် စာရိတ္တနှင့်သာ ဆိုင်ပါသည်။ ဗုဒ္ဓဘာသာအမြင်ရှုထောင့်မှ ကြည့်မည်ဆိုပါကလည်း ကျားမ၊ ဂေး၊ straight မည်သူမှ မနှိမ့်ကျပါ။ သူယောက်ျားဖြစ်၍ မိန်းမဖြစ်၍ ဟူ၍နှင့်လည်း မဆိုင်ပါ။ မည်သူ့ကို စွဲလမ်းတယ်ဆိုသည်နှင့်လည်း မဆိုင်ပါ။

ယောက်ျားတစ်ယောက်ကို စွဲလမ်းခြင်း သို့မဟုတ် မိန်းမတစ်ယောက်ကို စွဲလမ်းခြင်း သို့မဟုတ် ကျားမနှစ်မျိုးစလုံးကိုတပြိုင်နက်စွဲလမ်းခြင်းသည် ယောက်ျားစိတ်ရှိခြင်း မိန်းမစိတ်ရှိခြင်းကို မဆိုလိုပါ။
လူတစ်ယောက်သည် ယောက်ျားတစ်ယောက်၊ (သို့) မိန်းမတစ်ယောက်၊ (သို့) နှစ်ယောက်စလုံးကို စွဲလမ်းနိုင်ပါတယ်။ ယောက်ျားကိုစွဲလမ်းခြင်းသည် မိန်းမစိတ်မဟုတ်သလို၊ မိန်းမကို စွဲလမ်းခြင်းသည်လည်း ယောက်ျားစိတ် မဟုတ်ပါ။ ၎င်းကို မည်သို့မှ အဓိပ္ပါယ်ကောက်၍မရပါ၊ မိန်းမစိတ်၊ ယောက်ျားစိတ်ဆိုသည်မှာ လွဲမှားပြီး ကျဉ်းမြောင်းစွာ သတ်မှတ်ထားသည့် အတွေးအခေါ် နှင့် အခေါ်အဝေါ်များသာ ဖြစ်ပါသည်။ ထိုမှတစ်ဆင့် နိမ့်ချလိုသော စိတ်များဖြစ်ပေါ်စေပါသည်။
ထို့ကြောင့် မြန်မာလူအများ၏ မသိစိတ်ထဲတွင် (လိင်တူချစ်သူများ၏ စိတ်ထဲတွင်အပါအဝင်) အခြားပတ်ဝန်းကျင်ရှိလူများကို ကျားမ၊ ဂေး စသည်တို့ကို အခြေခံကာ နှိမ်လိုစိတ်များသည် ကိန်းအောင်းနေပြီး လူတစ်ဦးကို အလျှင်စလို တန်ဖိုးဖြတ်တတ်ကြပါသည်။ ထိုနှိမ်စိတ်မှတဆင့် ပိုဆိုးလာသည့်အခါ ကြောက်စိတ်အဖြစ် ပြောင်းလဲသွားပါတယ်။ ထို့နောက် ကြောက်စိတ်ကနေတဆင့် မုန်းတီးစိတ်ကို ပြောင်းလဲသွားပါသည်။ လိင်တူချစ်သူများ ကိုယ်၌ပင်တွင်လည်း မည်သူက ပိုမြင့်မြတ်သည် မည်သူက နှိမ့်ကျသည်ဟူသော အမြင်မှားများကြောင့် ထိုနိမ့်ကျသည်ဟု ထင်ထားသည့်ဘက်သို့ ကျဆင်းသွားမည်ကို ကြောက်စိတ် ဖြစ်နေခြင်းသာ ဖြစ်သည်။

တနည်းဆိုရသော် လိင်တူချစ်သူများကိုယ်၌က မိမိကိုယ်ကိုယ် မိန်းမစိတ်ဝင်နေသည်၊ မိန်းမစိတ်ဆိုသည်မှာမကောင်း၊ မိန်းမသည်နိမ့်ကျသည်ဟူသော နှိမ်စိတ်ကနေ ကြောက်ရွှံ့ခြင်းဖြစ်လာကာ ထိုမှတဆင့် မိမိကိုယ်ကိုယ် ယုံကြည်မှုကျဆင်း (သို့) မုန်းတီးမှုများ ဖြစ်လာနိုင်ပါသည်။ မိမိကိုယ်ကို မုန်းတီးရာမှ အခြားသူများကိုပါအလားတူ မုန်းတီးစိတ်ဝင်လာပါသည်။

ထို့အပြင် အထူးသဖြင့် ယောက်ျားချင်းချစ်သူ အချင်းချင်းအကြားမှာပင် လိင်ဆက်ဆံရာတွင် (top နဲ့ bottom) ပေးသူနဲ့ လက်ခံသူဆိုပြီး ခွဲခြားလေ့ရှိရာမှ လက်ခံသူကို နှိမ့်ချမြင်ကြပြီး မိန်းမနှင့်နှိုင်းကာ မိန်းမအဆင့်ရှိသူ၊ အဆင့်နိမ့်သူအဖြစ် မြင်ကြတတ်ပါသည်။ ဒီနေရာမှ လက်ခံသူက မိန်းမအလုပ်၊ မိန်းမသာသာရှိသည်ဟူသော အမြင်ကို မြင်နေခြင်းသည် မြန်မာ့ လူ့အသိုင်းအဝန်း၏ မသိစိတ်မှ အမျိုးသမီးများကို အဆင့်နိမ့်သည်ဟု တွေးဆချက်ကနေ အခြေတည်နေပါတယ်။ ထို့ကြောင့် အခြားယောက်ျားတစ်ဦးကို ချစ်ရခြင်းဟာ သို့မဟုတ် ယောက်ျားချင်းချစ်ရခြင်းဟာ မိန်းမဖြစ်နေသောကြောင့်ဟုဆိုကာ လိင်တူချစ်သူများကို နှိမ့်ချလိုကြပါသည်။ ထိုနှိမ့်ချလိုစိတ်မှာ မြန်မာလူ့အသိုင်းရှိ လူများစု လိင်ကွဲချစ်သူများတွင် ရှိနေသလို လူနည်းစု လိင်တူချစ်သူများတွင်လည်း အလားတူပင်ရှိနေသည်။

ထို့ကြောင့် လူ့အဖွဲ့အစည်းတွင် လိင်တူချစ်သူများ၊ အထူးအဖြင့် ကျားမပြောင်းသူများအား တန်းတူဆက်ဆံမှု နှင့် လူ့ဂုဏ်သိက္ခာလေးစားမှကိုရရှိရန် ပထမဆုံးအနေနှင့်  လိင်တူချစ်သူ အသိုင်းအဝိုင်းထဲမှပင်စ၍ အမျိုးသမီးများအပေါ်ထားသော အမြင်မှားများကို အရင်ပြင်ရပါမည်။ သို့မှသာ ကိုယ့်ကိုယ်ကိုအနေနှင့် လူတိုင်းကို တန်းတူဟု မြင်နိုင်သည့်အခါ မိမိကိုယ်၌လည်းတန်းတူ ဖြစ်သွားပါမည်။ ပြီးမှ ကျွန်တော်တို့ဟာ အမျိုးသမီးများ တန်းတူဆက်ဆံမှု ရရှိနိုင်ရေးအတွက် အတူတူတိုက်ပွဲဝင်ကာ လူသားအားလုံး ဂုဏ်သိက္ခာဖြင့် တန်းတူနေထိုင်နိုင်သော ကမ္ဘာကြီးကို အတူတကွ တည်ဆောက်သွားကြရပါမည်။

ဖွံ့ဖြိုးအတိုးတက်ဆုံး  ကမ္ဘာ့ ခေါင်းဆောင်နိုင်ငံ တစ်ခု၏ စစ်တပ်ကို တစေ့တစောင်း ကြည့်မည်ဆိုပါက ရဲရင့်မှု၊ ထူးချွန်မှု နှင့် ထက်မြက်မှုဆိုတာမျိုးဟာ ယောက်ျားဖြစ်မှ၊ ကြမ်းတမ်းခက်ထန်မှ၊ ဗလအားကောင်း မောင်းသန်မှ ဆိုတာမျိုးလို့ ယူဆပြီး တာဝန်ထမ်းဆောင်ခွင့်ပေးတယ် လို့ မသတ်မှတ်ပါဘူး။ သူတို့အတွက် လူတိုင်းဟာ တန်းတူအရည်အသွေးရှိနိုင်တာကို အသိအမှတ်ပြုတဲ့အတွက် သင့်တော်ရာနေရာမှာ တာဝန်ထမ်းနိုင်ဖို့ ယောက်ျားမိန်းမ မခွဲခြားပဲ နိုင်ငံကိုကာကွယ်တဲ့ တာဝန်ကို ထမ်းဆောင်ခွင့်ပြုတဲ့ အထဲမှာ ကျားမပြောင်းသူ လိင်ပြောင်းလဲသူများကိုလည်း အကာအကွယ်ပေးပြီး တန်းတူအခွင့်အရေး ပေးပါတယ်။ သူတို့အတွက်တော့ လုပ်နိုင်စွမ်း နှင့် အရည်အချင်းဆိုတာ ဇီဝခန္ဓာဖွဲ့စည်းပုံ နှင့် ဘာမှ မဆိုင်ပါဘူး။ လူတိုင်းရဲ့ ကျိုးစားနိုင်မှုနှင့်သာ ဆိုင်တာပါ။

ဗြိတိသျှ မီဒီယာ အဖွဲ့တစ်ဖွဲ့ဖြစ်တဲ့ All About Trans မှ ပြုလုပ်ထားသော လိင်ပြောင်းသူများ၏ ဘဝ အကြောင်းကို လူအများ နားလည်းသဘောပေါက်အောင် ပြုလုပ်ထားတဲ့ အောက်က ဗီဒီယိုထဲတွင် စစ်တပ်ထဲက လိင်ပြောင်း စစ်သားများ အကြောင်းကို လေ့လာနိုင်ပါတယ်။

တပ်ကြပ် Hannah Winterbourne ဟာ ဗြိတိသျှ စစ်တပ်မှာ ရာထူးအမြင့်ဆုံး လိင်ပြောင်း အမျိုးသမီး တာဝန်ထမ်းဆောင်သူ ဖြစ်ပါတယ်။ အသက် ၂၇ နှစ်အရွယ် ဟန်နာဟာ ယခင်က ယောက်ျားစစ်သားအနေနှင့် အာဖဂန်နစ္စတန်မှာ တာဝန်ထမ်းဆောင်ခဲ့ပြီး ၂၀၁၃ ခုနှစ်က လိင်ပြောင်းခဲ့ပါတယ်။ သူအဲ့လို ပြောင်းလဲဖို့လည်း စစ်တပ် အထောက်အပံတွေ ပေးခဲ့ပါတယ်။ သူအသက် ၂၃ အရွယ် တုန်းက သူဟာ မိန်းမတစ်ယောက်ဖြစ်တယ်ဆိုတာကို သဘောပေါက်ပြီး ပြောင်းလဲဖို့ စတင်ခဲ့ပါတယ်။ သူ့ကိုသူ ကျားမပြောင်းသူ မိန်ခလေးတစ်ယောက်ပါလို့ ဖွင့်ပြောနိုင်ဖို့ သတ္တိတွေအများကြီးလိုအပ်ခဲ့ပြီး အခက်အခဲများလည်း ကြုံတွေ့ခဲ့ရပါတယ်။ ဒါပေမဲ့ ဖွင့်ပြောပြီးကတည်းက စစ်တပ်က သူ့အတွက် အကောင်းဆုံး အလုပ်ခွင်တစ်ခုလို ဆက်ဆံခဲ့ပါတယ်ဟု ပြောပါတယ်။

သူ့ကို စစ်တပ်က လေးစားပါတယ် ဘာကြောင့်လဲဆိုတော့ စစ်တပ်ထဲမှာက စွမ်းဆောင်ရည်နဲ့ ရလာဒ်တွေကိုသာကြည့်လို့ပါဟု သူကပြောပါတယ်။ ထို့အပြင် စစ်တပ်က သူ့ရဲ့ တက္ကသိုလ်ပညာရေးကို ပြီးမြောက်အောင်ပါ ပံ့ပိုးပေး ခဲ့ပါသေးတယ်။ ဗြိတိသျှ စစ်တပ်ဟာ ၁၉၉၉ ခုနှစ်ကတည်းက ကျားမပြောင်းသူများကို တာဝန်ထမ်းဆောင်ခွင့်ရှိတဲ့ မူဝါဒတွေ ချမှတ်ပေးထားတာပါ။

ယခုတော့ ဟန်နာ က  ဗြိတိသျှ စစ်တပ်၏ ကျားမပြောင်းသူ တာဝန်းဆောင်သူများ၏ ကိုယ်စားလှယ်တစ်ဦး ဖြစ်ပြီး စစ်တပ်ထဲမှ ကျားမပြောင်းသူများ၏ အခက်အခဲ ဖြေရှင်းပေးဖို့နှင့် ကောင်းကျိုးအတွက်လည်း တာဝန်ယူနေပါတယ်။

ကျွန်တော်တို့ မြန်မာ့လူ့အဖွဲ့အစည်းမှာလည်း အမျိုးသမီးအခွင့်အရေးနှင့် တန်းတူညီမျှမှုကို ရရှိအောင် ပြုလုပ်မည်ဆိုပါက ကျားမပြောင်းသူများ (အရပ်အခေါ် ယောက်ျားလျှာ မိန်းမလျှာ) တို့၏ အခွင့်အရေးကို လှစ်လျှူရှုလို့ မရပါဘူး။ ဘာကြောင်လဲဆိုတော့ မိန်းမလျှာတစ်ယောက်ကို ပင်ကို ယောက်ျာလိုမနေပဲ ကျားကျားယားယားမရှိတာ မိန်းမဖြစ်ချင်တာ မကောင်းဘူးဆိုတဲ့ အမြင်နဲ့ ကြည့်နေသေးသရွေ့ လူတွေရဲ့စိတ်ထဲမှာ မိန်းမဆိုတာ မကောင်းဘူးဆိုတဲ့ အတွေးတွေ ရှိနေသေးလို့ပါပဲ။ ထို့အတူပဲ ယောက်ျားလျှာတစ်ဦးကို မိန်းမဆန်ဘူး မသိမ်မွေ့ဘူးလို့ မြင်နေသရွေ့ မိန်းမဆိုတာ ဘယ်လိုပုံစံမျိုး ဖြစ်ရမယ်ဆိုပြီး ဖိနှိပ်နေလို့ပါပဲ။ ထို့ကြောင့် ကျွန်တော်တို့ လူ့အဖွဲ့အစည်းမှာ ယောက်ျားကမှ ဘုန်းကြီးတယ် ဘယ်သူကမှ ပိုမြင့်မြတ်တယ် အစရှိတဲ့ အယူမှားတွေအားလုံးကို ဖယ်ရှားပြီး အားလုံးဟာ တန်းတူဖြစ်တယ်ဆိုတဲ့ လွတ်လပ်တဲ့ အတွေးအခေါ်ကို လက်ခံနိုင်ပါမှ နိုင်ငံကို တိုးတက်အောင် ချီလှမ်းနိုင်မှာပါ။ အမျိုးသမီးတွေကို တန်းတူအခွင့်အရေး မပေးပဲ ခွဲခြားဆက်ဆံနေပါက သူတို့ယူဆောင်လာနိုင်တဲ့ အရည်အချင်းတွေကို နိုင်ငံတော်အနေနဲ့ အများကြီး ဆုံးရှုံးနေတာပဲ။ ထို့အတူပင် LGBT/လိင်တူချစ်သူ နှင့် ကျားမပြောင်းသူများ၏ တန်းတူအခွင့်အရေးအတွက် မလုပ်ဆောင်ပဲ ခွဲခြားဆက်ဆံပြီး လူ့အဖွဲ့အစည်းမှ ပစ်ပယ်နေခြင်းဟာ သူတို့မှ ပေးစွမ်းနိုင်မယ့် လူ့စွမ်းအားအရင်းအမြစ်တွေကို နိုင်ငံအတွက် ကြီးမားသော ဆုံးရှုံးမှု တစ်ခုပါပဲ။

ကျွန်တော်တို့ နေထိုင်တဲ့ လူ့အဖွဲ့အစည်းမှာ ယောက်ျားဆိုတာ ဘယ်လိုမျိုး မိန်းမဆိုတာ ဘယ်လိုမျိုးဆိုပြီး ကျဉ်မြှောင်းစွာ ချမှတ်ထားတဲ့ ဝိသေသတွေရှိပါတယ်။ လူ့အဖွဲ့အစည်းနှင့် ပတ်ဝန်းကျင်က အဲ့ဒါတွေကို အခြေခံပြီး ကျွန်တော်တို့ နေထိုင်ပြုမူမှုတွေကို သေးသေးမွားမွားတွေကစ အကဲဖြတ်ပြီး ကျွန်တော်တို့ကို သတ်မှတ်ချက်တွေထဲမှာ ဆန့်ဝင်အောင် မျှော်လင့်ထားကြပါတယ်။ အဲ့လိုမျိုးအရာတွေကို လူတိုင်းက ဆန့်ဝင်ဆိုတာ မဖြစ်နိုင်ပါဘူး။ အဲ့ဒီအခါ ထိုသူတွေကို အပြစ်တင်တာတွေ အထင်သေးတာတွေ အကဲဖြတ်တာတွေ ဆူတာတွေ ပြုလုပ်ကြတာကို မြင်ရမှာပါ။ အဲ့လို အရိပ်လိုလိုက်နေတဲ့ ဒီလို မျှော်လင့်ချက်တွေ အကြားမှာ ကျွန်တော်တို့ဟာ ကျိုးစားလို့ ဆန့်ဝင်အောင် နေနေရခြင်းဟာ လူတိုင်းအတွက် မကောင်းသလို အချို့သူများကို လွန်စွာထိခိုက် နိုင်စေပါတယ်။ ဒါကြောင့် ကျွန်တော်တို့ လူအဖွဲ့အစည်းဟာ ကျား၊မ အခြေပြုပြီး လူတွေကို ချုပ်တည်းတဲ့ အမြင်တွေကို ပြောင်းလဲပြီး လူတိုင်းကို ပွင့်လင်းတဲ့ အမြင်နှင့် ကြည့်မှ သာယာပြီး လူတိုင်းနှင့် သဟဇာတ ဖြစ်တဲ့ ပတ်ဝန်းကျင် တစ်ခုကို တည်ဆောက်နိုင်မှာ ဖြစ်ပါတယ်။

အောက်က ဗီဒီယိုလေးမှာ ယောက်ျားတွေကို ငယ်ငယ်လေးကနေ အသက်ကြီးတဲ့ အထိ အရွယ်ပေါင်းစုံမှာ အပြောခံရတဲ့ အရာတွေကို စုဆောင်းထားပါတယ်။ ကျွန်တော်တို့ ပတ်ဝန်းကျင်မှာလည်း အဲ့ဒီလိုမျိုး အပြောခံရတာတွေ အများကြီး ကြုံဖူးကြမှာပါ။

- ကောင်လေးတွေ မိန်းခလေးအရုပ်တွေနဲ့ မကစားဘူး
- ပန်းရောင်က ကောင်းမလေးတွေ အရောင်
- ယောက်ျားလေးတွေဆိုတာ မငိုဘူး
- မင်းက အရမ်းသန်မာတာပဲ
- မင်းကို ကောင်မလေးကရိုက်သွားတယ်?
- ပစ်ကတာလည်း မိန်းမပစ် ပစ်တာကျနေတာပဲ
- မင်း အခြောက်လား
- ဘော မကြောင်စမ်းနဲ့
- မင်းဘောလုံးပွဲ မကြည့်ဘူး?
- မင်း အမေနား တော်တော် ကပ်တာပဲ
- မင်း ပိန်ညှော်နေတာပဲ
- မင်းမှာ မှတ်ဆိတ်တောင် မရှိပဲနဲ့
- မင်းက ဖင်ကြိုက်တဲ့ကောင်လား နို့ကြိုက်တဲ့ကောင်လား
- မင်းခုထိ ဘယ်သူနဲ့မှ မအိပ်ဖူးသေးဘူး?
- သိပ် သဘောကောင်းနေရင် နောက်ဆုံးပဲရမယ်
- ယောက်ျားလေးဆိုတာကတော့ ဒီအတိုင်းပဲ
- မင်းသောက်နေတာက တော်တော် အရောင်စုံတဲ့ ဖျော်ရည်ပဲ
- ယောက်ျားလေးဖြစ်ပြီး အဲ့လောက်ဆက်ဆက်ထိမခံရလား
- မင်း ရာသီလာနေတာလား
- မင်းနဲ မင်းရည်းစား(ယောက်ျားလေး) အကြားမှာဆိုရင် ဘယ်သူ ယောက်ျားလဲ
- ယောက်ျားလေးဖြစ်ပြီး အရပ်ပုတာ မကြိုက်ဘူး
- မင်းအဲ့ဒီကောင်ကို မင်းရည်းစားကို စကားပေးပြောမှာလား
- မင်းဒီကောင့်ကို ပညာပြပေးလိုက်စမ်းပါ
- အခြောက်လိုမလုပ်စမ်းနဲ့
- ကျားကျားယားယား လုပ်စမ်းပါ
- မင်း ရုပ်ရှင်ကြည့်ရင် ငိုတယ်?
- မင်းကို သူ(မ) အဲ့လိုပြောတာ ခံမှာလား?
- မင်းကို အဲ့ဆော်ကတော့ အပိုင် ချုပ်ထားပြီ
- မင်းက သူနာပြုလား၊ ဆရာဝန် ထင်နေတာ
- မင်းမိန်းမက မင်းထက် ပိုက်ဆံပိုရှာနိုင်တာ မရှက်ဖူးလား
- မင်းက အိမ်မှာ ကလေးထိန်းတာပေါ့
- မင်းက မင်းရဲ့သား အကသင်တန်းသွားတာကို ခွင့်ပြုတယ်ပေါ့
- ယောက်ျားပဲ ဖောက်ပြန်မှာပေါ့။ ယောက်ျားတွေဆိုတာ အကုန်ဒီလိုပဲ
- မင်းတော့ မင့်သမီးကို ကြည့်ထိမ်းမှ ဖြစ်မယ်
- မင်းက အိပ်မှာ ဟင်းချက်တယ်?
- မင်း အိပ်ရာထဲမှာ မာကော မာနိုင်သေးရဲ့လား
- အဘတို့က ယောက်ျားတွေ တကယ် ယောက်ျားပီသတဲ့ အချိန်တုန်းက ကြီးပြင်းလာတာ

အချစ်မေတ္တာ ဆိုတာ လူမျိုး၊ ဘာသာ၊ အသားအရောင်၊ ကျား၊ မ၊ ခန္ဓာ နှင့် အသက်အရွယ် မရွေးတာမို့ မည်သူမဆို ချစ်တတ်ကြတာ သဘာဝ ဆိုတာ အားလုံး သဘောတူတယ်ဟုတ်။

ဒါကြောင့် အခြားယောက်ျားတွေကိုသာ စွဲမက်တတ်တဲ့ ကျွန်တော်တို့ လိင်တူချစ်သူများအဖို့လည်း ချစ်တတ်တာ ဘာဆန်းလဲလို့။

အဲ့ဒီလို ယောက်ျားလေး ချစ်သူနှစ်ယောက် စုံဖက်တော့ ဖိုဓာတ်ချင်းတွေ့တော့ အိပ်ယာပေါ်မှာ ကစားတဲ့အခါ ဓာတ်တူချင်း ပြင်းထန်ပြီး ဒီလို အဖြစ်တွေ ရောက်ကုန်ပါရော။

အားလပ်ရက်မှာ အပြင်းပြေစေဖို့ (ဟ်ဟ်) ဒီလို ပေါက်ပေါက်ရှာရှာ တွေးကြည့်တာပါ။

ဟိတ်... သတိပေးလိုက်မယ်နော်။ ဒါက ဂေးယောက်ျားလေးတွေပဲ ဖတ်ဖို့။ ဒီစာမျက်နှာကို လမ်းမှားရောက် လာရင် အခုပြန်လှည့်တော့။

၁) သူ့ grindr/facebook ပေါ်က ဓာတ်ပုံထဲက ရုပ်နဲ့ အပြင်မှာ ဘယ်လိုမှ မတူတဲ့ အခါ။

ဟွန်း... လူလိမ်။ စိတ်တိုတယ်။ အခုလေးတင်ပဲ မျက်နှာ ခွဲစိတ်ကုသလာသလား အောင့်မေ့တယ်။

၂) အချင်းချင်း အကြင်နာပေးတာများပြီး မျက်နာတွေ နှုတ်ခမ်းမွေး လောင်ကုန်တာမျိုး။

နှစ်ယောက်လုံး နှတ်ခမ်းမွေး ပုံမှန်ရိတ်မှရမယ်၊ မဟုတ်ရင်တော့ moisturizer ကောင်းကောင်း ဝယ်လိမ်းမှပဲ ဖြစ်မယ်။

၃) တစ်ယောက်နှင့် တစ်ယောက် ဖက်ပြီး အကြင်နာပေးနေတုန်း တစ်ယောက်ဗိုက်ကို တစ်ယောက် ငယ်ပါ လာထောက်ထောက်နေတဲ့ အဖြစ်မျိုး။

အဲ့တော့လဲ မသိမသာလေး လျှိုပြီး အနေအထားမှန်အောင် သိမ်းလိုက်တာပေါ့။

၄) အကုန်လုံး အဆင်အပြေနေပြီ အိပ်ယာထဲရောက်မှ နှစ်ယောက်စလုံး top တွေ (သို့) bottom တွေဖြစ်နေ။

ဟွန်... ခက်ပြီ၊ ဘယ်လို ရှေ့ဆက်တိုးရမလဲလို့ ပြောပါဦး။

၅) သူ့ ငယ်ပါ နိုးထလို့ မရတော့တဲ့ အဖြစ်မျိုး။

တစ်ခါတစ်လေ သိပ်စိတ်လှုပ်ရှားပြီး ပူပန်တဲ့အခါ ဖြစ်တတ်ပါတယ်။ ကျွန်တော်တို့က လူသားတွေမို့ ဒါက ဘာမှ မဆန်းပါဘူး။ သူ့ကို ဘာမှ အပြစ်တင်စရာ မလိုပါဘူး။ သင့်အပေါ်မှာသူ သိပ်စိတ်လှုပ်ရှားသွားပြီး ဖြစ်တာမို့ ကိုယ့်ကိုယ်ကို ဂုဏ်ယူလိုက်ပါ ပြီးတော့ သူ့ကို နှစ်သိမ့်လိုက်ပါ။ တအောင့် လောက်နားပြီးမှ ပြန်ကစားပေါ့။

၆) သင်နဲ့တွေ့ပြီး အရမ်းကို ရင်ခုန်လို့ သင်ထိလိုက်တာနဲ့ စက္ကန့်ပိုင်းအတွင်း သူပြီးသွားတာမျိုး။

ဖြစ်တတ်ပါတယ်။ အဲ့ဒီလိုဖြစ်တာ သင်ကိုယ့်သင် ဂုဏ်ယူ သင့်ပါတယ်။ သင့်ရဲ့ အလှမှာ သူမထိန်းနိုင် ဖြစ်သွားတာပါ။

၇) သူ ဘောင်းဘီချွတ်လိုက်တဲ့အချိန် သူ့အရွယ်ကြီးက ကိုယ့် အတွက် မဖြစ်နိုင်ဘူး ဆိုတာ သဘောပေါက်လိုက်တဲ့ အချိန်။

ကဲ သင် မစမ်းရဲဖူးဆိုရင် သူ့ကို ချိုချိုသာသာ လေးသာ ငြင်းပေလော့။ သူစိတ်မဆိုးပါဘူး။

၈) သူတော့ ကွန်ဒုံး ဝယ်ထားမှာပဲလို့ ၂ ယောက်လုံး အပိုင်တွက်ထား တဲ့အခါ။

သူဝယ်မယ်ထင်လို့ ကိုယ်မဝယ်လိုက်မိဘူး။ ကဲကဲ ဘောင်းဘီပြန်ဝတ်ပြီး အနီးအနား မှာ မြန်မြန်လေး ပြေးဝယ်လိုက်။

၉) သူ အရမ်းကျပ်နေတာမျိုး။

နှစ်ယောက်လုံး အရမ်းရင်ခုန်နေပြီ၊ အဆင်သင့် လည်းဖြစ်နေပြီ။ ဒါပေမဲ့ ဘယ်လောက်ကျိုးစား ကျိုးစား သူ လက်ခံပေးဖို့ အရမ်းကျပ်နေတဲ့ အဖြစ်မျိုး။ ဒါဟာက ကမ္ဘာကြီးရဲ့ အဆုံး မဟုတ်ပါဘူး။ ဒုတိယ အကြိမ် ထပ်ကျိုးစားပေ့ါ။ ဒါမှ မဟုတ် အခြား ကစားနည်းတွေပြောင်းပြီး ဆော့ကြပေ့ါ။ ဖြစ်တတ်ပါတယ်။

၁၀) တခါတလေ သူ့ရဲ့ ရေခဲချောင်းမှာ ချော့ကလက် တပ်ပေးလိုက်တာမျိုး။

မျှော်လင့်မထား တချိန်ချိန်တော့ ဖြစ်မှာပဲ။ အဲ့တော့လဲ နှစ်ယောက်လုံး ရယ်ပြီး ဆက်လုပ်စရာ ရှိတာ ဆက်ပေ့ါ။

၁၁) ဇာတ်ရှိန်မြင့်နေတုန်း ချောဆီကုန်သွားတာ။

ငိုချင်တယ် ဇာတ်ရှိန်မြင့်နေပါပြီဆိုမှ။

၁၂) သင် ဇာတ်ရှိန်မြင့်နေတုန်း ဆီးသွားချင်လာတဲ့ အခါ။

ခက်ပြီ... ရပ်ပြီး အိမ်သာပြေးရမလား... ဆက်အောင့် ထားရမလား။

၁၃) ကွန်ဒုံးကွဲ သွားပြီဆိုတာ သတိပြုမိတဲ့ အခါ။

ဖြားဖြား ဘယ်ချိန် ကတည်း ကွဲနေတာတုန်း။

၁၄) သင် ဘယ်လိုမှ မပြီးနိုင်ပဲ ဖြစ်နေတဲ့ အခါ။

 ချစ်သူ လက်တွေလဲ ညောင်း ပါးစပ်တွေလဲ ညောင်း၊ စိတ်ရှော့ပြီး အိပ်သွားလေရဲ့။

၁၅) သူချိန်မှတ်မှားပြီး သင့်မျက်စိကို ပစ်မိတဲ့ အခါ။

သင့် မျက်လုံးတွေ ဘာကြောင့် နီနေတယ်ဆိုတာ ဘယ့်သူ့ကို မှ လိမ်လို့မရဘူးနော်။

၁၆) ပြီးသွားတဲ့နောက် အိပ်ယာခင်းတော့ ပြန်လျှော်ရဦးမယ်လို့ ဝင်လာတဲ့ အတွေး။

ဟာ... အရင်တစ်ပတ်ကမှ လျှော်ထားတဲ့ဟာကို။

၁၇) ပြီးသွားတဲ့ အခါမှ သတိပြုမိလာတဲ့ ခပ်ပြင်းပြင်းအနံ။

 သင် ဂရုမစိုက်တော့ပါဘူး။ သင် သူနဲ့အတူ အချစ်တိုက်ပွဲကို အတူတူ အောင်ပွဲဆင်လာခဲ့ပြီပဲ။ 

၁၈) နောက်ဆုံးတော့ တစ်ယောက် မျက်ဝန်းကို တစ်ယောက် အကြည့်ချင်းဆုံတဲ့ အခါ။

အချစ်ဆိုတာ ဒါတာပဲ။

ကဲပြီးရင် Buzzfeed က ပြုလုပ်ထားတဲ့ ဂေးချစ်သူနှစ် ယောက်ကြားမှာ ဖြစ်တတ်တဲ့ ဒီ ဟာသ ဗီဒီယိုကိုလည်း ကြည့်ကြည့်ပါ။

အားလုံး အဆင်ပြေချောမွေ့စွာ လက်တွဲနိုင်ကြပါစေ။ 

ကျွန်တော်တို့ ငယ်ရွယ်စဉ်ကတည်းက ကျွန်တော်တို့ရဲ့ တင်ပါး နှင့် နောက်ဖေးတံခါးဟာ အညစ်အကြေး စွန့်ဖို့အတွက်သာ ဖြစ်တယ်ဆိုပြီး ခန္ဓာကိုယ်ရဲ့ ဒီအင်္ဂါ အစိတ်အပိုင်းကို ရှက်ကြောက်ရွံဖွယ်ရာ တစ်ခုအဖြစ် သင်ကြားလာရပါတယ်။ အမှန်အတကယ်တော့ ဆေးပညာအရကော စိတ်ပညာအရအပါ ကြည့်မယ်ဆိုရင် သဘာဝက ၄င်းအစိတ်အပိုင်းကို အညစ်အကြေး စွန့်ဖို့တစ်ခုတည်းအတွက် ဖန်းတီးပေးထားတာ မဟုတ်ပါဘူး။

အနောက်တိုင်း စိတ်ပညာရှင်ကြီး Sigmund Freud ၏ အဆိုအရ ကျွန်တော်တို့ဟာ ငယ်ရွယ်စဉ်တုန်းက Psychosexual stages လို့ခေါ်တဲ့ လိင်စိတ် အဆင့်၄ဆင့်ကို ဖြတ်ကျော်ခဲ့ပါတယ်။ မွေးကင်းစနေ ၁ နှစ်အထိမှာ ပါးစပ်နှင့် ကျေနပ် ကြည်နှုးမှုကို ရယူလိုတာကြောင့် ကလေးငယ်တွေဟာ ဟိုကိုက်ဒီကိုက်လုပ်ပြီး ပါးစပ်ထဲ အကုန်လိုက်ထည့်တာ ဖြစ်ပါလို့ သူ၏ စိတ်ပညာက ဆိုပါတယ်။ ၁ နှစ်က နေ ၃ နှစ်အထိမှာ ကလေးဟာ သူ့စိတ်ဝင်စားမှုဟာ စအိုကို ရောက်သွားပါတယ်။ ဒီအဆင့်မှာ ကလေးဟာ အိမ်သာတက်ခြင်းမှ ကျေနပ်မှုကို ရယူတယ်လို့ ပြောပါတယ်။ ကလေးရဲ့ စိတ်ကြည်နှုးမှုခံစားလိုတဲ့ အပိုင်းဟာ စအိုဝန်းကျင်တဝိုက်လို့ ဆိုပါတယ်။ စိတ်ဝင်စားစရာ တစ်ခုက ၄င်းအဆင့် တွေမှာ ကလေးဟာ သူ့ရဲ့ အတွေအကြုံတွေ အပေါ်မူတည်ပြီး နောက်ပိုင်း စိတ်နေသဘောထားတွေ တိုးတက်လာတယ်လို့ ဆိုတာပါ (ဥပမာ သန့်ရှင်းတတ်တာ၊ အချိန်တိကျတာ၊ ကပ်သီးကပ်သပ်နိုင်တာ စသဖြင့် အမျိုးမျိုးပေါ့)။ နောက်အဆင့်ကတော့ ၃ နှစ်ကနေ ၅ နှစ် ၆ နှစ် အထိ လိင်တံအဆင့်ဖြစ်ပြီး အဲ့ဒီနောက် ပျိုဖော်ဝင်ချိန်အထိ ဘာကိုမှ စိတ်မဝင်စားတော့ပါဘူးတဲ့။ နောက်ဆုံး အဆင့်ကတော့ ပျိုဖော်ပြီးနောက်ပိုင်း လိင်အင်္ဂါကို စိတ်ဝင်စားတဲ့ အဆင့်ပါ။

Sigmund Freud၏ စိတ်ပညာအဆိုအရ စအိုဟာလည်း အရေးပါတဲ့ အစိတ်အပိုင်းတစ်ခုပါ။ သူ့ကို ဇီဝဗေဒ ရှုထောင့်ကနေ အသေအချာ လေ့လာကြည့်မယ်ဆိုရင်လည်း ၄င်းဟာကျွန်တော်တို့ ယောက်ျားချင်းချစ်သူများအဖို့ စွမ်းဆောင်ပေးနိုင်တာ အများကြီးရှိပါတယ်။ ဒါကြောင့် ဒီအင်္ဂါ အစိတ်အပိုင်းကို ရှက်ကြောက်ရွံဖွယ်ရာ အရာတစ်ခုလို့ မမြင်ပဲ သဘာဝကပေးတဲ့ ခန္ဓာ အစိတ်အပိုင်းတစ်ခုလို့သာ တွေးတော သတ်မှတ်လိုက်ပါက ကျွန်တော်တို့အတွက် သာယာဖွယ်ရာ လိင်မှု အတွေ့အကြုံကို ပေးနိုင်မှာ ဖြစ်ပါတယ်။

အဲ့ဒီအထဲမှာမှ စအိုလမ်းကြောင်း တဝိုက်မှာ ရှိတဲ့ ဆီးကျိတ်ဟာတော့ ယောက်ျားချင်း ချစ်သူများအတွက် စွမ်းဆောင်မှုတွေ အများကြီး ပေးနိုင်တဲ့ သဘာဝရဲ့ လက်ဆောင်တစ်ခု ဖြစ်ပါတယ်။ ဆီးကျိတ်ကို ပွတ်တိုက် နှိပ်နှုယ်မှုကြောင့် ဖြစ်ပေါ်လာတဲ့ လှုံဆော်မှုဟာ သုခကို ဖြစ်ပေါ်စေပါတယ်။ ဒါဆို ဆီးကျိတ်ဆိုတာ ဘာလဲဆိုတာကို လေ့လာကြည့်ရအောင်။

ဆီးကျိတ်ဟာ ယောက်ျားတွေအတွက် လိင်မှုသုခ၏ အရေးပါတဲ့ အရင်းခံတစ်ခုပါ။

၁) ၄င်းဟာ သင့်ရဲ့ သုတ်ရည်ကို ပြုလုပ်ပေးပါတယ်။ သုတ်ကောင်တွေ ရှင်သန်ကူးခတ်နိုင်ဖို့ ဇင့်ပါတဲ့ အရည်တစ်ခုကို ထုတ်ပေးပါတယ်။
၂) ၄င်းဟာ သင့်အတွက် လိင်ဆက်ဆံမှု ပြီးမြောက်မှုအချိန်မှာ အထွတ်အထိပ်ရောက်အောင် ပြုလုပ်ပေးပါတယ်။ ဆီးကျိတ်ဟာ ကျွန်တော်တို့ ယောက်ျားတွေ လိင်မှုပြီးမြောက်ချိန် သို့မဟုတ် သုတ်လွှတ်ချိန်မှာ သုခပြည့်တဲ့ ကြည်နှုးမှုကို ပြုလုပ်ပေးတယ်လို့ ယူဆရပါတယ်။ အကယ်၍ ဆီးကျိတ်ကို နှိပ်နှယ် နှိုးဆွပါက ပိုမို ထပ်ဆောင်း ပြင်းထန်တဲ့ သုခခံစားမှုကို ပေးစွမ်းတယ်လို့ ဆိုပါတယ်။ တချို့ ယောက်ျားများဆို ဆီးကျိတ်တစ်ခုတည်းကို နှိုးဆွရုံဖြင့်သာ သုတ်လွှတ်ခြင်းကို ရရှိနိုင်ပါတယ်။
၃) ဆီးကျိတ်ဟာ သင့် စအို အဝင် လက်တထွာနေရာမှာ ရှိပါတယ်။ အကယ်၍ လက်ထည့်ပြီး (ချောဆီလိမ်းပါ - အမြဲလိမ်းဖို့မမေ့ပါနဲ့) စမ်းကြည့်မယ်ဆိုရင် ၂ လက်မ ၃ လက်မလောက်အတွင်းမှာ ဝမ်းဗိုက်ဖက်မှာ ရှိပါတယ်။

Bottom ကိုကိုတွေအတွက် (Top ကိုကိုတွေလည်း စိတ်ဝင်စားရင်ပေါ့) ဆီးကျိတ်ကို လှုံ့ဆော်တဲ့ စအိုဖြင့် လိင်ဆက်ဆံခြင်း၏ လျို့ဝှက်ချက်ကတော့ စိတ်ရှည်သီးခံခြင်းပါ။ 

ဆီးကျိတ်ကို လှုံ့ဆော်ဖို့ အခက်အခဲဆုံး အဆင့်ကတော့ စအိုရှိ ရှုံ့ဆန့် ကြွက်သားတွေကို ဘယ်လို လျော့ထားရမလဲဆိုတာကို အလေ့အကျင့်ရဖို့ အချိန်လိုပါတယ်။ အတင်းအကြပ်မပြုလုပ်ပဲ ကြွက်သားတွေ သက်တောင့် သက်သာဖြစ်တဲ့ အထိ စိတ်ရှည်စွာ ပြုလုပ်ပါက နာကျင်မှု ကင်းမဲ့ပြီး နှစ်လိုဖွယ်ရာ သုခကို ပေးစွမ်းနိုင်မှာပါ။

သင့်ချစ်သူနှင့် သွားလာတဲ့ အခါ သင့်အတွက် ဘယ်လိုမျိုး အနေအထားမျိုးက အကောင်းဆုံးလှုံ့ဆော်မှုကို ဖြစ်စေသလဲဆိုတာကို စမ်းသပ်ရမှာ ဖြစ်ပါတယ်။ သင့်စအို အနေအထားနှင့် သင့်ချစ်သူ၏ ငယ်ပါ သဏ္ဍာန်ပေါ်မူတည်ပြီး အံဝင်ကွင်ကျဖြစ်အောင် ပြုလုပ်ရမှာ ဖြစ်လို့ တစ်ဦးနှင့် တစ်ဦး မတူနိုင်ပါဘူး။ ချစ်သူနှင့် မှန်ကန်စွာ သွားလာတဲ့အခါ ဆီးကျိတ်ကို ပွတ်တိုက် ဖိနှိပ်မှုကြောင့် ဖြစ်ပေါ်လာတဲ့ ခံစားမှု အရသာဟာ အကောင်းဆုံး လိင်မှုသုခကို ပေးပြီး ပြီးမြောက်မှုသုခကို အားပြင်းစေပါတယ်။ ဒါကြောင့် ဆီးကျိတ်ဟာ ကျွန်တော်တို့ ယောက်ျားချင်းချစ်သူတွေအတွက် တော့ သဘာဝက ဖန်စဉ်းပေးထားတဲ့ လက်ဆောင်မွန်ပါ။

နောက်ဆုံးအနေနှင့် ဒီဟာက bottom တွေနဲ့သာ ဆိုင်တဲ့ အရာတစ်ခုမဟုတ်ပါဘူး top တွေကော straight ယောက်ျားတွေပါ စိတ်ကူးရရင်ရသလို အမျိုးမျိုး စမ်းသပ်နိုင်ပါတယ်။ ဒါကြောင့် ကျွန်တော်တို့ လူအဖွဲ့အစည်းမှာ လူတွေကို နှိမ့်ချဖို့ အသုံးပြုကြနေတဲ့ -င်ခံ ဆိုတဲ့ စကားလုံးနှင့် ၄င်းဟာ အောက်ကျတယ်ဆိုတဲ့ အတွေးအခေါ်တွေကို ပြင်ဖို့ကောင်းပါပြီ။

ကျွန်တော်တို့ လူပျိုစဖြစ်ကတည်းက ယောက်ျားတွေရဲ့ ခန္ဓာကိုယ်က သုတ်ရည်ထွက်တယ်ဆိုတာကို သတိပြုမိကြပါတယ်။ ဇီဝ သဘာဝကြောင့် ဖြစ်ပေါ်လာတဲ့ ဒီအရာဟာ လူသား မျိုးဆက်ပြန့်ပွားဖို့ဆိုတာ နောက်တော့ သဘောပေါက်လာပါတယ်။ တကိုယ်ရည် အာသာဖြေရင်း ဒါမှမဟုတ် ချစ်သူနှင့် သွားလာပြီး ထွက်လာတဲ့ ကိုယ့်ရဲ့အရည်ပဲဖြစ်ဖြစ် ချစ်သူရဲ့ အရည်ပဲဖြစ်ဖြစ် ယောက်ျားတွေမို့ ဒီသုတ်ရည်ကို စိတ်ဝင်စားကြပါတာ။ ဒီဟာ ထူးထူးဆန်းဆန်းဖြစ်ပြီး တချို့က အနံခံကြည့်၊ လျှက်ပြီး အရသာခံကြည့်လုပ်သလို၊ တချို့ကတော့ ပြီးပြီဆိုတာနဲ့ မြန်မြန် သန့်ရှင်းလုပ်လိုက်ပါတယ်။ တချို့တလေကေတာ့ ခုန်ခုန်မင်မင် မှီဝဲကြလေရဲ့ (သူတို့အတွက်တော့ ချစ်သူပေးတဲ့ အားဆေးတလက်ပေါ့)။ ထားပါတော့။ ဒါပေမဲ့ သုတ်ရည်အကြောင်းကို စိတ်ဝင်စားတာ ယောက်ျားတိုင်းလိုလိုပါပဲ။ အထဲမှာ ဘာပါလဲ ဘာရှိလဲပေါ့။ အဲ့ဒါနဲ့ ပက်သက်ပြီး လေ့လာရှာဖွေသူတွေကတော့ ဒီလို အချက်တွေတွေ့ လေရဲ့ ပြီးတော့ ဒီလို ပေါက်ပေါက်ရှာရှာ တွေလည်း လုပ်လေရဲ့။

၁၀) သုတ်ပိုးကို ရှာဖွေတွေ့ရှိခြင်း
သုတ်ပိုးကို ၁၆၇၄ ခုနှစ်မှာ ပထမဆုံ ဒတ်(ချ) ဇီဝသိပ္ပံပညာရှင် အန်တိုနီ ဗန် လူဝင်ဟော့(ခ်) က ရှာဖွေတွေ့ရှိခဲ့ပါတယ်။ တွေ့ရှိခဲ့ပုံကတော့ မစ္စတာ ဗန်လူဝင်ဟော့(ခ်)က တနေ့၌ အိမ်မှာပြင်းတာနဲ့ သူ့ရဲ့ သုတ်ရည်ကို အနုစိတ်မှန်ပြောင်းနဲ့ ကြည့်ကြည့်ဖို့ စိတ်ကူးရတာနဲ့ ကြည့်လိုက်တော့ အကောင်သေးသေးလေးတွေ ပြေးလွှားကူးခတ်နေတာကို တွေ့လိုက်ပါတယ်။ အဲ့ဒါနဲ့ သူ့ အတွေ့ရှိချက်တွေကို မှတ်စုရေးမှတ်ထားပြီး နောက် ၂ နှစ်လောက်ကြာမှ သူ့ရှာဖွေတွေ့ရှိချက်ကို ထုတ်ပြောတော့ လူတွေအကုန် ပြောစမှတ်စရာတွေ ဖြစ်ကုန်တယ်။

၉) သုတ်ရည်ထဲမှာ ပါ၀င်တဲ့အရာများ
အများထင်သလို သုတ်ရည်က သုတ်ကောင်တွေ အပြည့်နဲ့ ပြုလုပ်ထားတာမဟုတ်ပါဘူး။ ထုတ်လွှတ်လိုက်တဲ့ သုတ်ရည် လက်ဖက်ရည်ဇွန်း ၁ ဇွန်းစာမှာ သုတ်ပိုး ၁ ရာခိုင်နှုန်းသာ ပါတာပါ။ အခြား ၉၉ ရာခိုင်နှုန်းကတော့ ဗီတာမင် စီ၊ ကယ်စီယမ်၊ စစ်ထရစ် အက်စစ်၊ အင်ဇိုင်း၊ ဖရက်တို့ သကြား၊ ဖော့စဖိတ်၊ ပရိုတင်း၊ ဇင့် နှင့် ရေပဲဖြစ်ပါတယ်။

၈) သွား ယို့ယွင်းတာကာကွယ်တယ်

သုတ်ရည်မှာ ဇင့်၊ ကယ်စီယမ် နှင့် အခြား သတ္ထုတွေပါဝင်တယ်လို့ ခုနက ပြောတယ်နော်။ သူတို့တွေကို သွားယို့ယွင်းတာကို ကာကွယ်နိုင်တဲ့ စွမ်းတွေရှိသလို ကိုယ်ခံအားစနစ်နဲ့ အာရုံကြောစနစ်တွေကို အားဖြည့်ပေးပါတယ်။ အင်းပေါ့ သွားတိုက်ဆေးကို အစားထိုးလို့ရအောင်တော့ ဘယ်လိုလုပ် အစွမ်းထက်မလဲ။ ဒါပေမဲ့ ကို့ချစ်သူအိမ်မှာ သွားတိုက်တံရှာမရင်တော့ သိတယ်နော်။ သွားတိုက်ဆေးလိုတော့ ပူရှိန်းတဲ့ အနံလေး ပါးစပ်ထဲ ကျန်မနေခဲ့ဘူး ပေါ့နော်။

၇) အနံအရသာ ဆိုလို့
သုတ်ရည်ရဲ့ အရသာက သူဘာစားသောက်ထားတယ် ဆိုတာအပေါ် အများကြီးမူတည်ပါတယ်။ ဒါ့ကြောင့် သင့်ကောင်လေးရဲ့ အရသာက တစ်နေ့တစ်မျိုး ပြောင်းနေ ဖြစ်မယ်။
ဥပမာ။ ။ ကော်ဖီ၊ အရက်၊ စီးကရက်တွေ သောက်သုံးထားရင် ခါးတဲ့ အရသာ။
အသား၊ နို့ထွက်ပစ္စည်း၊ ဘရိုကိုလီ၊ ချောကလက်ဆိုရင် စူးရှတဲ့ အရသာ။
အသီးအနှံများများစားထားတာ ဥပမာ နာနတ်သီး၊ ပန်းသီး စတာတွေဆို အရသာက ပြော့ပါတယ်။
သဘာဝအချိုရည်တွေသောက်တာ ဒါမှမဟုတ် သွေးချိုရှိတယ်ဆိုရင် သုတ်ရည်က ချိုပါတယ်။

၆) ယောက်ျားအများစုဟာ (လိင်တူ/လိင်ကွဲချစ်သူ ဘယ်သူမဆို)သူတို့ သုတ်ကို မြည်းကြည့်ဖူးပြီး ကြိုက်တယ်တဲ့။

၂၀၁၀ ခုနှစ်မှာ လုပ်ခဲ့တဲ့ လေ့လာချက်မှာ လူတွေ ဖြေတဲ့ အဖြေအရ ပြောတာပါ။

၅) သင့် သုတ်ကို အရသာကောင်းအောင် လုပ်ပေးတဲ့ အရာတွေရှိတယ်ဆိုပဲ။

Semenex ဆိုတဲ့ စားဆေးက ၁၀၀ရာခိုင်နှုန်း သဘာဝထွက်ကုန်တွေနှင့် ယောက်ျားတွေအတွက် အထူးပြုလုပ်ထားတာတဲ့။ ရွှေဖရုံသီးလို အရသာ ဖြစ်အောင်ပြုလုပ်ထားပြီး အထူးရွေးချယ်ထားတဲ့ အသီးတွေနှင့် ဗီတာမင်နဲ့ သတ္ထုဓာတ်တွေပါတယ်တဲ့။ တစ်ခါသောက်ပြီး ၂၄ နာရီကြာလာရင် သင့်သုတ်ရည် အရသာကောင်းလာတယ် ဆိုပဲ။ စျေးကတော့ ၁၀ ခါသောက် ၁ ဘူးကို ၅ သောင်းလောက်ပေးရတယ်။


၄) သုတ်ရည်က အသားရည်ကို နူးညံ့စေတယ်တဲ့
သုတ်ရည်မှာ ပါတဲ့ spermine ဆိုတဲ့ အင်တီ အောက်ဇီဒင့် က အသားတွန့်တာကို လျှော့ချပြီး
အသားရည်ကို ချောမွတ်စေသလို၊ ဝက်ခြံပျောက်စေပါတယ်။ အကုန်ကျ သက်သာတဲ့ အလုကုန်ပစ္စည်းလို့ ဆိုရမလား။ ပိုက်ဆံလုပ်လို့ရမယ့်နည်းရှိရင် ပိုက်ဆံရှာမယ်လူတွေ ပေါ်လာစမြဲဆိုတော့ ထူးထူးခြားခြား နော်ဝေးက ကုမ္ပဏီတစ်ခုက spermine ကိုထုတ်ဖေါ်ပြီး မျက်နှာလိမ်းဆေးကို လုပ်ပြီး တကမ္ဘာလုံးက စပါးတွေမှာ လိုက်ဖြန့်ပါတယ်တဲ့။ စျေးကတော့ မသေးဘူးပေါ့နော်။ ၁ ခါပေါင်းတင်ရင် ၃ သိန်းလောက်ကျမယ်။

၃) သုတ်ရည်နဲ့ ဟင်းချက်နည်းစာအုပ် ရှိတယ်တဲ့

စားဖိုမှုး Paul “Fotie” Photenhauer ရဲ့ ဟင်းချက်နည်းစာအုပ် Natural Harvest: A Collection of Semen-based Recipes က သုတ်ရည်သုံးပြီး ချက်တဲ့ ဟင်းလျှာ အမြောက်အများပါ ပါတယ်။ ဖြားဖြား ဒီလူကြီး ကြိုက်တတ်တဲ့ အစားအစာတွေက တော်ရုံတန်ရုံ မဟုတ်ပါလား။

၂) ကယ်လိုရီ နည်းတယ်။ ပရိုတင်းများတယ်။
လူတွေ အယူမှားနေကြတာက သုတ်တစ်ခါလွှတ်ရင် ကြက်ဥတစ်လုံးစာလောက် အားကုန်တယ်တဲ့။ အမှန်တော့ ယောက်ျားတစ်ယောက်ရဲ့ ပျဉ်းမျှ သုတ်တစ်ခါထွက်စာက ၀.၇ ကယ်လိုရီနဲ့ ပရိုတင်း ၁၇၁ မီလီဂရမ်ပဲ ပါတာပါ။ ကြက်ဥတစ်လုံးစာလောက် အဟာရရဖို့ဆိုရင် လူတွေယောက်က သုတ်ရည် ၄ အောင်စ မှီဝဲမှ ပဲရမယ်၊ ဒါပေမဲ့ အကိုတို့ တစ်ခါသုတ်လွှတ်ရင် ၀.၄ အောင်စ ၀န်းကျင်လောက်ဆိုတော့ သူ့ကို ဘယ်လောက်တောင်... အင်းတွေးကြည့်တာပါ။

၁) ကျန်းမာရေး အန္တရာယ်

ကိုယ့်ဟာကို ကိုယ်ပြန်မျိုချရင် ဘာအန္တရာယ်မှ မရှိပါဘူး။ ဒါပေမဲ့ သင့်ရဲ့ ရည်းစားက လိင်ကနေတဆင့် ကူးစက်နိုင်တဲ့ ရောဂါတွေရှိရင်တော့ သင့်ကို ကူးစက်သွားပါမယ်။ အထူးသဖြင့် ကာလသားရောဂါ။ ဂနို စသဖြင့် ရောဂါများ ကူးစက်စေပါတယ်။ ဒါတွေကို မဖြစ်အောင် ကွန်ဒုံးသုံစွဲခြင်းဖြင့် တားဆီးနိုင်ပါတယ်။ ပြီးတော့ အရသာပေါင်းစုံနှင့် ကွန်ဒုံးတွေရနိုင်နေပြီလေ။

ဒီခေတ်မှာ (အမှန်တကယ်ကတော့ ခေတ်အဆက်ဆက်မှာပါပဲ) ယောက်ျားတော်တော်များ စိတ်ဝင်စားတာ တခုရှိပါတယ်။ အဲ့ဒါကတော့ သူတို့ရဲ့ညီဘွားကို ကြီးလာအောင် ဘယ်လိုလုပ်ရမလဲဆိုတာကို အမြဲတမ်းပဲ နည်းလမ်းရှာဖွေနေကြတာပါ။ Google က သူတို့ရဲ့ ဆန်းစစ်လေ့လာချက်တစ်ခုမှာ penis ဆိုတဲ့ စာလုံးနဲ့ ပက်သက်လို့ google မှာ ရှာဖွေတဲ့အထဲမှာ အများဆုံးက သူတို့ ညီဖွားကို ဘယ်လိုကြီးအောင် လုပ်ရမလဲဆိုတာတွေတဲ့။

ဒါဆို အင်တာနက်ပေါ်မှာ တကယ်ပဲ နည်းလမ်းကောင်းတွေရှိလား။

ကဲ… အရင်ဆုံး ကြီးစေရမယ်လို့ ကတိပေးနေတဲ့ လိမ်းဆေးတွေ၊ သောက်ဆေးတွေ၊ တိုင်းရင်းဆေးတွေ၊ ကုသမှုတွေ နှင့် ခွဲစိတ်တာတွေက ဘယ်လောက်စွမ်းလဲ စဉ်းစားကြည့်မယ်။

ဘယ်သူ့စီးပွားရေးကိုမှ ရည်ရွယ်ပြီးပြောတာတော့ မဟုတ်ပါဘူးနော်။ ဒါက လူတစ်ဦးချင်းစီရဲ့ စဉ်းစား ဆင်ခြင်မှုနဲ့ ဆုံးဖြတ်ပိုင်ခွင့်ပါ။ ဒါပေမယ့် သိပ္ပံနည်းကျကျပြောရမယ်ဆိုရင်တော့ လူ့ ဇီဝဖွဲ့စည်းပုံအရ ဒီနည်းလမ်းတွေ တစ်ခုမှ အလုပ်ဖြစ်မှာ မဟုတ်ပါဘူး။ ကိုယ့် အင်္ဂါအရွယ်အစားက သဘာဝ မွေးရာပါ အကြီးဆုံး ရောက်နိုင်တဲ့အဆင့်ထိ ကျော်လွန်ပြီး ကြီးအောင်လုပ်လို့ မရပါဘူးလို့ The New Naked ဆိုတဲ့ စာအုပ်ရေးတဲ့ Weill Cornell Medical College က Dr. Harry Fisch ပြောပါတယ်။

နောက်ပြီးတော့ သူတို့ပြောတဲ့ လိင်တံကို ဆွဲဆန့်တဲ့ စက် (penile extenders and stretchers) တွေကလည်း ကြီးမယ်ဆိုရင် ပျော့နေစဉ် အရွယ်အစားကိုသာ ကြီးအောင်လုပ်နိုင်တာပါ။ တောင့်တင်းလာတဲ့အခါ ဘယ်လောက်မှ ပိုကြီးလာတာ မဟုတ်ပါဘူး။ အဲ့တော့ အချိန်ကုန်ခံ ငွေကုန်ခံပြီး သူတို့ပြောတာတွေ လိုက်မလုပ်ပါနဲ့လို့ ဆရာဝန်ကြီးက ပြောပါတယ်။

အဲ့တော့ တကယ်ကြီးလာအောင်လုပ်လို့ ရတဲ့နည်းကဘာလဲ။

ကောင်းတဲ့နည်းလမ်းတစ်ခုကတော့ အမြင်ပိုင်းမှာ ကြီးလာအောင်လုပ်လို့ ရပါတယ်။ ခန္ဓာကိုယ် အလေးချိန်ချခြင်းဖြင့် စတင်ရမှာပါ။

နောက်တာတော့မဟုတ်ပါဘူး။ ဗိုက်နဲ့ ဆီးစပ်နေရာမှာ အဆီတွေစုနေတော့ အဲ့ဒီဖောင်းနေတာတွေက ကိုယ့်ရဲ့ ငယ်ပါလေးကို ကွင်းကွင်းထင်းထင်း မမြင်စေနိုင်ဘူးပေါ့။ တကယ်လို့ အဆီတွေကျပြီး အဲ့ဒီနေရာတွေက ချပ်နေရင် ကိုယ့်ငယ်ပါ တောင့်တင်းလာတဲ့အခါ ပိုကြီးလာတယ်လို့ ထင်ရမှာပါ။

နောက်တနည်း ကြီးအောင်လုပ်ဖို့က ခြုံ ရှင်းပစ်ဖို့ပါ။ အမွေးတွေက ကိုယ့်အချောင်းနားမှာ လာရှုပ်နေတော့ အမြင်မှာ သိပ်မကြီးတော့ဘူး ထင်ရတာပေါ့။ ဆီးစပ်ကအမွှေးတွေကို ဘယ်လိုထားမယ်ဆိုတာက ယောကျ်ားတွေ တစ်ဦးချင်းစီမှာ ကိုယ့်အကြိုက်နဲ့ကိုယ်ပါ။ ဒါပေမယ့် ငွေကုန်ကြေးကျမယ့် နည်းလမ်းတွေ သုံးမယ့်အစား ကိုယ့်ကိုယ်ပေါ်မှာ ရှိတဲ့ တောကိုရှင်းလိုက်တာကတော့ အန္တရာယ်ကင်းတာပေါ့။

နောက်တစ်နည်းကတော့ ကိုယ့်လိင်တံကို အပြည့်အဝ တင်းတောင့် အောင်လုပ်ဖို့ပါ။

ကိုယ်အကြီးနိုင်ဆုံး အရှည်နဲ့ လုံးပတ် အရွယ်ရောက်တဲ့အခါ အဲ့ဒီထက်ပို မကြီးနိုင်တော့ပါဘူး၊ ဒါပေမဲ့ ယောကျ်ားတော်တော်များများက အဲဒီအဆင့်ကို ရောက်တဲ့အထိ မတောင့်တင်းသေးတာရှိပါတယ် လို့ Dr. Harry Fisch ကဆက်ပြောပါတယ်။ ဘာ့ကြောင့်လဲဆိုတော့ သွေးက ငယ်ပါထဲကို လုံလောက်အောင် မရောက်နိုင်ဘူးဖြစ်နေပါတယ်။ အဲ့တော့ ရှင်းရှင်းလေးပါ - ကိုယ့်ငယ်ပါ ကြီးချင်ရင် ကျန်းမာအောင် နေထိုင်ရပါမယ်။ အထူးသဖြင့် နှလုံးနဲ့ သွေးလည်ပတ်မှု ကောင်းမွန်ဖို့ပါ။ ကိုယ့်ကျန်းမာရေးကောင်းတော့ ကိုယ့်ငယ်ပါလည်း သန်စွမ်းတာပေါ့။

ဒီဟာအတွက်တော့ ဆေးရှိတယ်။

ဥပမာ Viagra တို့ Cialis တို့ကို မှီဝဲရင်တော့ရတယ်။ ဒါပေမဲ့ သူတို့က အရွယ်ကြီးလာ အောင်လုပ်တာတော့မဟုတ်ဘူး။ သွေးစီးဝင်တာကောင်းလုပ်ပြီးတော့ ကြာကြာတောင့်တင်းအောင်ပဲ လုပ်တာပါ။ အဲ့တော့ အပြည့်အဝ မတောင့်တင်းနိုင်လို့ အကြီးဆုံးအရွယ်မရောက်နိုင်ရင် ဒီဆေးတွေရဲ့ အကူအညီယူလို့ရပါတယ်။ ဆရာဝန်နဲ့တော့ အရင်ဆွေးနွေးပေါ့။

သွေးအားကောင်းစေမယ့် အစားအသောက်တွေ စားသုံးတာကတော့ အကောင်းဆုံးပေါ့။

တစ်ခု သတိထားသင့်တာက ကိုယ်အရင်တုန်းကလို မတောင့်တင်းနိုင်တော့ဘူးဆိုရင် တခြား ကျန်းမာရေးနဲ့ ပက်သက်တဲ့ ပြသနာကြီးကြီးတွေရဲ့ အစဦး လက္ခဏာပါပဲ။ ဒီအတိုင်းပစ်မထားပဲ ဆရာဝန်နှင့် ဆေးစစ်မှုတွေ ပြုလုပ်သင့်ပါတယ်။

ကဲ… အဲ့တော့ နည်းလမ်းတွေတော့ ပြောလိုက်ပြီ။ ဒါပေမဲ့ ဒီထက်ပိုကြီးတဲ့ ညီငယ်ကို မရနိုင်တဲ့ ဘာဖြစ်လဲ။ မွေးရာပါ အရွယ်အစားနဲ့ပက်သက်လို့ ဘာမှာ အားငယ်စရမရှိပါဘူး၊ ပြသနာလည်းမရှိဘူး။

တကယ်ပါ၊ ဘာမှပူစရာမရှိဘူး။

အရင်ဆုံးအနေနှင့် လိင်ရုပ်ရှင်တွေထဲက မင်းသားတွေရဲ့ တံဆာအကြီးကြီးတွေကို ကြည့်ပြီး ကိုယ့်ဟာကိုယ်အားမရ ဖြစ်နေလား။ သုတေသနတွေက ပြောတာက ကမ္ဘာပေါ်မှာ ယောက်ျားအင်္ဂါ ပျဉ်းမျှ အရွယ်အစားက ၅.၄လက်မ ပါ။ အဲ့တော့ အကိုတို့ ညီတို့ အရွယ်တွေကလည်း အဲ့ဒီ ၀န်းကျင်ပါပဲ။

(စိတ်ဝင်စားစရာ အချက် - အဲ့ဒီ သုတေသနက ပြောတာမှာ ခြေမ အရွယ်အစားနှင့် လိင်အင်္ဂါအရွယ်အစား ဘာမှ ဆက်စပ်မှုမရှိပါဘူးတဲ့)။

ကိုယ်ရထားတဲ့ ဘယ်အရွယ်အစား အစုံအလင်မဆို ကိုယ့်ချစ်သူကို သုခ အပြည့်အဝ ပေးနိုင်ပါတယ်။ အရွယ်အစားကြီးမှ ပိုကောင်းအောင် စွမ်းဆောင်နိုင်ဆိုတာ မမှန်ပါဘူး။ အရမ်းကြီးနေရင် ချစ်သူကို နာကျင်စေတာပဲ ပိုမှာပါ။ ပြီးတော့ ယောက်ျားချင်းချစ်သူတိုင်းကလဲ စအိုကနေ ထိုးသွင်းဆက်ဆံတဲ့ နည်းလမ်းကို ကြိုက်တာ မဟုတ်ပါ။ တခြားနည်းတွေနှင့်လည်း အချင်းချင်း ကြင်နာလို့ ရပါတယ်။

အဲ့တော့ တကယ်ကို ပျဉ်းမျှထက်ငယ်နေတဲ့ အကိုတွေအတွက်ဆိုရင်ကော်… တချို့တလေကတော့ အရွယ်ငယ်လို့ ရင်မခုန်ဘူးလို့ပြောချင်ပြောမယ် ဒါပေမဲ့ တကယ်ပဲ အရွယ်အစားကို ဘယ်လောက်ဖြစ်ဖြစ် ဂရုမစိုက်တဲ့ ယောကျ်ားတွေလည်း ရှိပါတယ်။ အဓိက ကတော့ ကိုယ်နဲ့ လိုက်ဖက်မဲ့ လက်တွဲဖော်ကိုရှာဖို့ပါ။ မှန်ကန်တဲ့သူနဲ့ လက်တွဲတဲ့အခါ ပျော်ရွင်တဲ့ လိင်မှုဘဝကို ရရှိနိုင်ပါတယ်။ သူနှင့်ဆို စဉ်းစားနိုင်သလောက် အမျိုးမျိုး စမ်းသပ်ပြီး အချင်းချင်း ပျော်အောင်လုပ်လို့ရပါတယ်။ စိတ်ဝင်စားရင် လိင်အရုပ်တွေ ထည့်သုံးတာ ပြီးတော့ နှစ်ဦးစလုံး အဆင်ပြေမယ့် ပုံစံကိုစမ်းသပ်ပြီး အတူတူသွားလာလို့လည်း ရပါတယ်။ နောက်တစ်ခုက ယောက်ျားနှစ်ယောက်ရဲ့ တွယ်တာမှုတွေဟာ လိင်ဆက်ဆံတာတစ်ခုတည်းနဲ့သာ တည်ဆောက်ရတာ မဟုတ်ပါဘူး။

အဲ့တော့ နောက်ဆုံးပြောချင်တာက ကိုယ့် လိင်အင်္ဂါကို တန်ခိုးနှင့် ကြီးလာအောင်လုပ်လို့ မရသလို အဲ့ဒါက ပြဿနာတစ်ခုလည်းမဟုတ်ပါဘူး။

ရအောင်လုပ်ပေးမယ်လို့ ပြောပြောနေတဲ့ နည်းလမ်းတွေကို ကိုယ့်ရဲ့ တွေးတောဆင်ချင်မှု နှင့် ရွေးချယ်မှုအရတော့ လုပ်မယ်ဆိုရင်တော့ ဒါကလူတစ်ဦးချင်းစီရဲ့ ဆုံးဖြတ်ပိုင်ခွင့်ပါ။ ဒါပေမဲ့ ကိုယ့်အတွက် တကယ် ရေရှည် အကျိုးရှိစေမှာကတော့ ကိုယ့် သဘာဝအရွယ်အစားနှင့် ကိုယ့်ကိုကိုယ် ကျေနပ်စွာ လက်ခံပေးဖို့ပါပဲ။ ပြီးတော့ ကိုယ့်ကို အမှန်တကယ်လက်ခံတဲ့ ချစ်သူ လက်တွဲဖော်ကို ရှာဖို့ပါပဲ။