လူတစ်ယောက် ထူးချွန်သည်ဆိုသည်မှာ ထိုလူ၏ လူမျိုး၊ ယဉ်ကျေးမှု၊ အသားအရောင် နှင့် ယုံကြည်ကိုးကွယ်မှု စသည်တို့အပေါ်တွင် မမူတည်သလို လူတစ်ဦး၏ လိင်တူလိင်ကွဲ စွဲမက်ပုံနှင့်လည်း မဆိုင်ပါ။ အရည်အချင်းရှိသူတိုင်းဟာ မိမိတို့၏ ကျွမ်းကျင်ရာနယ်ပယ်တွင် လုံလ ဝိရိယနှင့် ကြိုးစားခြင်းအားဖြင့် ထိပ်ဆုံးပန်းတိုင်သို့ ရောက်ရှိနိုင်ပါသည်။ ထို့ကြောင့် ယနေ့ ၂၁ ရာစုနှစ်တွင် လိင်ပြောင်းသူ၊ ကျားမပြောင်းသူ၊ ယောက်ျားချင်းချစ်သူများနှင့် မိန်မချင်းချစ်သူများသည် နိုင်ငံရေး၊ လူမှုရေး၊ စီးပွားရေး၊ အနုပညာ၊ အားကစား၊ နည်းပညာ အစရှိသည့် ကဏ္ဍများတွင် ခေါင်းဆောင်နေရာများ၌ ရောက်ရှိနေခြင်းဟာ လိင်တူလိင်ကွဲ စွဲလမ်းမှုဟာ ဘာမှမသက်ဆိုင်ပဲ ၎င်းတို့ဟာ လူများစု လိင်ကွဲချစ်သူများထက် အရည်အချင်းမနှိမ့်ကျဘူးဆိုတာကို သက်သေပြလျှက်ရှိပါသည်။

တစ်ခုရှိသည်မှာ လူနည်းစုများကို ဖိနှိပ်လေ့ရှိသော လူ့အဖွဲ့အစည်းနှင့် နိုင်ငံများတွင် လိင်တူချစ်သူများသည် မိမိ၏အကြောင်းကို ဖွင့်ပြောလျှင် အမြင်စောင်းသူများမှ ၎င်းတို့၏ ဘဝ တိုးတက်ရေး လမ်းကြောင်းကို ပိတ်ပင်တားဆီးမည် စိုးရိမ်သဖြင့် ပွင့်ပွင့်လင်းလင်းမပြောနိုင်ပဲ စိုးရိမ်ထိတ်လန့်နေရခြင်းကြောင့်လိင်တူချစ်သူများအား ခေါင်းဆောင်ပိုင်းတွင် တွေ့ရနည်းခြင်း ဖြစ်နိုင်ပါသည်။

လွန်ခဲ့သော နှစ်ပေါင်းများစွာအတွင်း လူ့အဖွဲ့အစည်းအများစုတွင် အမျိုးသမီးများဟာ ဦးဆောင်နိုင်စွမ်းမရှိ၊ ခေါင်းဆောင်နေရာ မရောက်နိုင်ဟု ရှေးရိုးစွဲ ဖိုဝါဒဖြင့် ကြီးစိုးခဲ့ကြသည်။ ထိုနိုင်ငံတို့တွင် အမျိုးသမီး ပါရမီရှင်များမှ လူ့အဖွဲ့အစည်းသို့ တဖက်တလမ်း ပံ့ပိုးပေးနိုင်သော တန်ဖိုးရှိသော အရာများကို ဆုံးရှုံးကြလိမ့်မည်။ သို့သော်လည်း ယနေ့ခေတ် ထိုရှေးရိုးစွဲ အယူမှားကို ပယ်ဖျက်ပြီး အမျိုးသမီး အမျိုးသား တန်းတူအခွင့်အရေးပေးနိုင်သော နိုင်ငံများသည် တဟုန်ထိုး တိုးတက်လာကာ ရှေးရိုးစွဲများကိုဆက်လက်ထိန်းသိမ်းနေသော ဒေသနိုင်ငံများမှာ ထိုတိုးတက်မှုအဆင့်သို့ လိုက်မမှီနိုင်သေးပါ။ ထိုနည်းတူစွာပင် လိင်တူချစ်သူများအား အယူမှားဖြင့် အမြင်စောင်းခြင်းသည် ၎င်းတို့မှ လူ့အဖွဲ့အစည်းသို့ ပေးစွမ်းနိုင်သော စွမ်းရည်ကို အဆုံးစွန်သို့ မရောက်နိုင်အောင် တားဆီးနေခြင်းသာ ဖြစ်သည်။

သို့သော်လည်း ယနေ့ခေတ်တွင် ထိုအခက်အခဲများ အကြားမှပင် ခေါင်းဆောင်နေရာသို့ ရောက်ရှိလာသော လူတော် လိင်တူချစ်သူများ အမြောက်အများရှိပါသည်။ ၎င်းတို့အထဲမှ ကမ္ဘာအနှံရှိ နယ်ပယ်အသီးသီးမှ ခေါင်းဆောင် နှင့် အောင်မြင်သူ အချို့ကို အားကျ စံနမူနာယူနိုင်ဖို့ ရွေးချယ် ဖော်ပြလိုက်ရပါသည်။

နိုင်ငံရေး / Politics

Jóhanna Sigurðardóttir

Country: Iceland
Career: Prime Minister

အိုက်စလန် နိုင်ငံမှ အမျိုးသမီး ဝန်ကြီးချုပ် ယိုဟန်နာသည် နိုင်ငံရေး ကဏ္ဍ၏ ထိပ်ဆုံးနေရာသို့ ရောက်ရှိလာသူထဲတွင် ဥရောပတိုက်တွင်သာမက ကမ္ဘာမှာပါ ပွင့်လင်းစွာပြောသော လိင်တူချစ်သူထဲမှ ပထမဆုံး ဖြစ်သည်။

Elio Di Rupo

Country: Belgium
Career: Prime Minister

အိုက်စလန်မှ ယိုဟန်နာ  ဝန်ကြီးချုပ်ဖြစ်ပြီးနောက်တစ်နှစ်မှာ ဘယ်ဂျီယမ် မှာလည်း အယ်လီယိုဒီရူပိုဟာ ယနေ့ခေတ်၏ ဒုတိယမြောက် ပွင့်လင်းစွာပြောသော လိင်တူချစ်သူ ဝန်ကြီးချုပ်အဖြစ်ဖြင့် နိုင်ငံရေးလောကမှာ ထိပ်ဆုံးနေရာသို့ ရောက်လာသူဖြစ်သည်။

Xavier Bettel

Country: Luxembourg
Career: Prime Minister

လူဇင်ဘတ် ဝန်ကြီးချုပ် (ညာဘက်) ၎င်း၏ လက်တွဲဖော် နှင့် အတူတွေ့ရစဉ်

အသက် ၄၁ အရွယ် ယောကျ်ားချင်းချစ်သူ လူဇင်ဘတ် ဝန်ကြီးချုပ် ဇေဗီယာ ဘတ်တယ်ဟာ ဥရောပတိုက်၏ နိုင်ငံရေးလောကတွင် တတိယမြောက် ထိပ်ဆုံးရောက်ရှိလာသူ လိင်တူချစ်သူ ဖြစ်ပါသည်။

လူမှုရေး / Social Activism

Geena Rocero

Country: Philippines
Career: Transgender Model and Advocate

ဖိလိပိုင်နိုင်ငံဖွား ကျားမပြောင်း မော်ဒယ် ဂျီနာ ရိုစေရိုသည် ကမ္ဘာတစ်ဝန်းတွင် Gender Proud လှုပ်ရှားမှုဖြင့် ကျားမပြောင်းသူများ၏ အခွင့်အရေးအတွက် ဦးဆောင်နေသူတစ်ဦးဖြစ်သည်။

Georges Azzi

Country: Lebanon
Career: LGBT Rights Activist

လက်ဘနွန်ရှိ အကျိုးအမြတ်မကြည့်သော အဖွဲ့အစည်း Helem အား တည်ထောင်ကာ ခေါင်းဆောင်သူ ဂျော်ဂျက်(စ) အက်ဇီသည် အာရပ်ဒေသ LGBT အခွင့်အရေးအတွက် လှုပ်ရှား သူတစ်ဦးဖြစ်သည်။

Arsham Parsi

Country: Iran / Canada
Career: LGBT Rights Activist

အီရန်လူမျိုး အာရှမ် ပါစီဟာ လိင်တူချစ်ခြင်းကြောင့် ဖိနှိပ်ခံရခြင်းမှ လွတ်မြောက်ရန် အီရန်မှ တိမ်းရှောင် လာရသောသူများအား ကူညီစောင့်ရှောက်သော Iranian Railroad for Queer Refugees (IRQR) အဖွဲ့အစည်း၏ ခေါင်းဆောင်ဖြစ်သည်။

Nikolai Alexeyev

Country: Russia
Career: LGBT Rights Activist

ရုရှားနိုင်ငံ၏ လိင်တူချစ်သူများအား ဖိနှ်ိပ်သော မူဝါဒများကို အပြင်းအထန် ရှေ့တန်းမှ ကန့်ကွက်သူ ရှေ့နေ နီကိုလေး အယ်လက်ဇီယေ့သည် ၂၀၀၅ ခုနှစ်တွင် အစိုးရ တားစီးမှုများအကြားမှ ရုရှားတွင် လိင်တူချစ်သူ စီတန်းလှည့်လည်ပွဲကို ရဲရင့်စွာ စီစဉ်ပေးသူအဖြစ် ကျော်ကြားသည်။ သူသည် ရုရှားနှင့် နိုင်ငံတကာတွင် လိင်တူချစ်သူ အခွင့်အရေးများကို ရှေ့တန်းမှ ပါဝင်လှုပ်ရှားသူတစ်ဦးဖြစ်ပြီး ဂုဏ်ပြုဆုများစွာ ရရှိခဲ့သည်။

စီးပွားရေး / Business

Tim Cook

Country: US
Career:CEO of Apple

Apple ကိုတည်ထောင်သူ စတိ(ဗ) ဂျော့၏ အရိုက်အရာကို ဆက်ခံသူ လက်ရှိ Apple၏ အမှုဆောင်ချုပ် Tim Cook ဟာ သူကိုယ့်သူ လိင်တူချစ်သူဖြစ်ကြောင်း ဂုဏ်ယူစွာ ဖွင့်ပြောထားသူတစ်ဦး ဖြစ်သည်။ သူ့အတွက် လိင်တူချစ်သူတစ်ဦးဖြစ်ရခြင်းဟာ ဘုရားက ပေးသော အကောင်းဆုံး လက်ဆောင်ဟု ပြောခဲ့သည်။ Tim Cook အုပ်ချုပ်မှုလက်ထက်တွင် Apple မှ လူမှုကူညီရေးလုပ်ငန်းများသို့ ငွေကြေးလှူဒါန်းမှုများ တိုးပွားလာပြီး ပတ်ဝန်းကျင်ထိမ်းသိမ်းရေး နှင့် စွမ်းအင် ပြန်လည် အသုံးပြုခြင်း လုပ်ငန်းများကို ကုမ္ပဏီမှ တိုးချဲ့ရန် ကျိုးပန်းနေသည်။

Geng Le

Country: China
Career:CEO of Danlan and Blued

တရုတ် ပြည်သူ့ သမ္မတနိုင်ငံ၏ အကြီးဆုံး ဖူးစာရှာဖွေရေး လူမှုကွန်ယက် Blued ဟာ တရုတ်စီးပွားရေး ပညာရှင် ဂန်းလီ၏ လက်ရာဖြစ်ပါသည်။ တရုတ်နိုင်ငံအတွင်း သုံးစွဲသူ ၂ သန်းကျော်ရှိတဲ့ ဒီ ဖုန်းapplication ကို ၂၀၁၂ ခုနှစ်တွင် ထုတ်လုပ်ခဲ့ပြီး လိင်တူချစ်သူများအဖို့ ဖူးစာရှာရန် ရေပန်းစားသည့် app တစ်ခုဖြစ်သည်။ အသက် ၃၇ နှစ်သာရှိသေတဲ့ ဂန်းလီဟာ လွန်ခဲ့သော ၁၅ နှစ်အကြာ ၂၀၀၀ ခုနှစ်တုန်း လိင်တူချစ်သူများ အလွယ်တကူ အချင်းချင်းရှာဖွယ် ချိတ်ဆက်နိုင်ဖို့နှင့် လိင်တူချစ်သူများနှင့် ပက်သက်သော ကောင်းမွန်သော အမြင်များပေါ်ပေါက်လာဖို့ Danlan အင်တာနက် စာမျက်နှာကို တည်ထောင်ခဲ့ပါတယ်။ လိင်တူချစ်သူများကို အမြင်စောင်းသော လူ့အသိုင်းအဝန်းမှ ပေးသောအခက်အခဲများတွေ့ကြုံရသည်သာမက နှင့် အစိုးရမှ အကြိမ်ကြိမ် ပိတ်ချခဲ့ပေမယ့် သူဟာ လက်မလျှော့ပဲ ယနေ့အဆင့်ထိရောက်အောင် ကျိုးစားလာခဲ့ပါသည်။

Koyuki Higashi & Hiroko Masuhara

Country: Japan
Career: Directors of Trois Couleurs

ဂျပန်နိုင်ငံမှ LGBT အခွင့်အရေးများအတွက် ရှေ့တနး်မှ လှုပ်ရှားသူနှစ်ဦးဖြစ်သည့် အမျိုးသမီးချင်းချစ်သူ စုံတွဲ ဟာ ဂျပန်နိုင်ငံ မှ Trois Couleurs ဆိုသော ကုမ္ပဏီကို ကိုယ်တိုင်တည်ထောင်ခဲ့ကြသည်။ ဂျပန်တွင် လိင်တူလက်ထပ်ခြင်းကို အသိအမှတ်မပြုသော်လည်း ၎င်းတို့သည် ၂၀၁၂ ခုနှစ်တွင် လက်ထက်ခဲ့သော ပထမဆုံး စုံတွဲဖြစ်သည်။ 

Antonio Simoes

Country: UK
Career:CEO of HSBC UK

ပေါ်တူဂီလူမျိုး စီးပွားရေးခေါင်းဆာင် အန်တိုနီယို စီမိုအက်(စ)သည် ယူကေ HSBC၏ အမှုဆောင်ချုပ် ဖြစ်ပြီး နိုင်ငံတကာ စီးပွားရေး အဖွဲ့အစည်းကြီးများ၏ ခေါင်းဆောင်များထဲမှ ပွင်လင်းစွာပြောသော လိင်တူချစ်သူများထဲတွင် အတော်ဆုံးဟု Out at Work နှင့် Telegraph Top 50 LGBT Executives စာရင်းတို့တွင် အသိမှတ်ပြုခံထားရသည်။

အနုပညာ / Entertainment

Sir Ian McKellen

Country: UK
Career: Actor and Activist

ဗြိတိသျှလူမျိုး သရုပ်ဆောင် အီယန်း မက်ကီလန်ကိုတော့ ရုပ်ရှင်ချစ်သူများက Lord of the Rings ဇာတ်လမ်းတွဲထဲမှ Gandalf အနေနှင့် သော်လည်းကောင်း X-men ဇာတ်လမ်းများထဲမှာ Magnito အနေနှင့် သော်လည်းကောင်း မှတ်မိကြပါလိမ့်မည်။ ဗြိတိန်၏ လူအလေးစားဆုံး မင်းသားတစ်ဦးဖြစ်သလို ၁၉၉၁ ခုနှစ်မှာ ဗြိတိန်သူရဲကောင်းဘွဲ့ကို အပ်နှင်းခြင်းခံရပါသည်။ ယနေ့တွင် အသက် ရ၆ နှစ်ရှိပြီဖြစ်သော အီယန်း မက်ကီလန်ဟာ သရုပ်ဆောင်အလုပ်များ ဆက်လက်လုပ်ကိုင်နေသလို လိင်တူချစ်သူ အခွင့်အရေးများတွင် လှုပ်ရှားသူ ခေါင်းဆောင်တစ်ဦးလည်းဖြစ်ပါသည်။

Ellen Degeneres

Country: US
Career: TV Host

အမေရိကန်၏ လူချစ်အများဆုံး လိင်တူချစ်သူ ရုပ်မြင်သံကြား တင်ဆက်သူနှင့် လူရွင်တော် အယ်လန် ဒေဂျန်နရက်(စ်)ဟာ ဆုပေါင်းမြောက်များစွာ ရရှိပြီးပြီဖြစ်ပါသည်။

Frank Ocean

Country: US
Career: Singer / Songwriter

အမေရိကန် rapper နှင့် သီချင်းရေးသူ အနုပညာ ပါရမီရှင် Frank Ocean ဟာ အခြားအဆိုတော်များအတွက် သီချင်းကောင်းများရေးပေးခဲ့သလို သူ၏ တေးအယ်ဘမ်အတွက်လမ်း ၂၀၁၃ မှာ Grammy ဂီတထူးချွန်ဆုကို ရရှိခဲ့ပါသည်။

Sridhar Rangayan

Country: India
Career: Director

ထူးချွန် ရုပ်ရှင်ပြုလုပ်သူ ရှရီဒါ ရန်ဂါယန်သည် အိန္ဒိယရှိ LGBTတို့၏ ဘဝများကို သူ၏ ရုပ်ရှင်များမှ ပြောင်မြောက်စွာ ဖော်ကျူးကာ အခွင့်ရေးလှုပ်ရှားသူတစ်ဦး ဖြစ်ပြီး ရုပ်ရှင်ဆုများကို နိုင်ငံတကာတွင် ဆွတ်ခူးထားသည်။

Kim Jho Gwangsoo

Country: Korea
Career: Director

တောင်ကိုရီးယား ဒါရိုက်တာ ကင်ဂျိုကွမ်ဆူး (ဘယ်ဘက်) ၎င်း၏ ချစ်သူနှင့်အတူ

တောင်ကိုရီးယား၏ ရှေ့တန်းမှနေ လိင်တူချစ်သူများအကြောင်းကို ရုပ်ရှင်ရိုက်ကူး ထုတ်လုပ်သူ ကင်ဂျိုကွမ်ဆူးကို ပီတာ ကင်(မ်)ဟု လူသိများကြပါသည်။ တောင်ကိုရီးယားတွင် လိင်တူလက်ထပ်ခြင်းကို အသိအမှတ် မပြုသေးပေမဲ့ သူ၏ ချစ်သူနှင့် လူသိရှင်ကြား လက်ထပ်နိုင်ခဲ့ပါသည်။

Dana International

Country: Israel
Career: Transsexual singer

လိင်ပြောင်းအဆိုတော် ဒါနာ အင်တာနေရှင်နယ်သည် အစ္စရေး၏ အအောင်မြင်ဆုံး အဆိုတော်များအထဲမှာ တစ်ဦးအပါအဝင်ဖြစ်ပြီး တစ်ကမ္ဘာလုံးရှိ လိင်ပြောင်းအဆိုတော်ထဲတွင် အကျော်ကြားဆုံးဖြစ်ပါသည်။

Conchita Wurst

Country: Austria
Career: Artist / Singer

သြစတြီးယား နိုင်ငံသား အဆိုတော် Thomas "Tom" Neuwirth ဖန်တီးထားတဲ့ သရုပ်ကောင် ကွန်ချီတာ ဗက်(စ်တ်)  ဟာ ၂၀၁၄ Eurovision သီချင်းဆိုပြိုင်ပွဲမှာ သရဖူဆောင်းပြီးနောက် မုတ်ဆိတ်နှင့် အမျိုးသမီးဟု ကမ္ဘာကျော်လာပါသည်။  သြစတြီးယားနိုင်ငံမှာ လက်ရှိ အရောင်းရဆုံး သီချင်းများကို ပိုင်ဆိုင်နေသူဖြစ်ပါသည်။

Ricky Martin

Country: Puerto Rico
Career: Singer

ပေါ်တိုရီကိုမှ ကမ္ဘာကျော် အဆိုတော် ရစ်ကီမာတင်ဟာ ကမ္ဘာပေါ်မှာ လိင်တူချစ်သူများအတွက် စံနမူနာ ယူလောက်အောင် ထူးချွန်သူ အနုပညာ ပါရမီရှင်တစ်ဦး ဖြစ်သည်။

အားကစား / Sport

Gareth Thomas

Country: UK
Career: Rugby Player

ဗြိတိန်၏ ရတ္ဂ်ဘီ အားကစားသမားဟောင်း ဂယ်ရတ် သောမတ်(စ)သည် ဗြိတိန်နိုင်ငံ၏ လွှမ်းမိုးမှု အရှိဆုံး လိင်တူချစ်သူ တစ်ဦးအဖြစ် ရွေးကောက်ခြင်းခံရသည်။

Mathew Mitcham

Country: Australia
Career: Diver

သြစတြေးလျှနိုင်ငံမှ လိင်တူချစ်သူ ဒိုင်ဗင်သမား မက်သယူး မစ်ချမ်ဟာ အိုလမ်ပစ် ရွေတံဆုရှင်တစ်ဦးဖြစ်ပြီး အိုလမ်ပစ် ဒိုင်ဗင် သမိုင်းတွင် အမှတ်အများဆုံးရရှိထားသူ ဖြစ်သည်။

Parinya Charoenphol

Country: Thai
Career: Boxer

လူသိများသော ထိုင်းရိုးရာ လက်ဝေ့ ချန်ပီယန် ပါရင်ယာသည် လိင်ပြောင်းသူ အားကစားသမား တစ်ဦးသာမက အဆိုတော် သရုပ်ဆောင်လည်းဖြစ်ပါသည်။

Michael Sam

Country: US
Career: Soccer Play

လိင်တူချစ်သူဖြစ်ကြောင်း ပွင့်လင်းစွာ ထုတ်ပြောသူ အားကစားသမား မိုက်ကယ် ဆမ်ဟာ အမေရိကန် ဘောလုံ အသင်း NFLတွင် ပါဝင်သူတစ်ဦးဖြစ်ပြီး အမေရိက၏ အောင်မြင်သော အားကစားသမားတစ်ဦး ဖြစ်သည်။

နည်းပညာ / Technology

Chris Hughes

Country: US
Career: Facebook Co-founder

Facebook ကို စတင်ခဲ့သူဟု အများသိကြတဲ့ မက် ဇက်ကာဘတ်နှင့် အတူ Facebookကို စတင်ရေးသားသူများအထဲတွင် တစ်ဦးအပါအဝင်ဖြစ်သူကတော့ Chris Hughes ဖြစ်ပါသည်။ နောက်ပိုင်း Facebook အောင်မြင်လာသောအခါ သူသည် Facebook၏ ပြောရေးဆိုခွင့်ရှိသူ တစ်ဦးဖြစ်လာပါသည်။ ၂၀၁၂ ခုနှစ်တွင် သူသည် LGBT အခွင့်အရေးလှုပ်ရှားသူ Sean Eldridge နှင့် လက်ထပ်ခဲ့သည်။

Joel Simkhai

Country: US
Career: Founder of Grindr

ဂေး ယောကျ်ားအချင်းချင်း နီးစပ်ရာ နေရာမှ ရှာပေးနိုင်သည့် Smart phone application တစ်ခုဖြစ်သော Grindr ကို စတင်ခဲ့သူ ဖြစ်ပါသည်။ ၎င်း၏ တီထွင်မှုသည် ယနေ့ခေတ်အခါ လိင်တူချစ်သူချင်း တွေ့ဆုံနိုင်ပုံကို ပြောင်းလဲပစ်သောလိုက်သော အရာတစ်ခုဖြစ်ပါသည်။

Jon "Maddog" Hall

Country: US
Career: Linux Co-founder

Linux Operating System ကို အသုံးပြုသောလိုသော နည်းပညာနယ်ပယ်မှ သူများအား အထောက်အပံ့ပေးသော အကျိုးအမြတ်မကြည့်သည့် Linux International အဖွဲ့အစည်း၏ ဒါရိုက်တာ ဖြစ်ပါသည်။ Open Source နည်းပညာ ကို အသုံးပြုရန် တိုက်တွန်းသော သူတစ်ဦးလည်းဖြစ်သည်။

အထက်တွင်ဖော်ပြထားသော သူတို့သည် ၎င်းနယ်ပယ်အသီးသီးမှ အောင်မြင်နေသူ အချို့သာဖြစ်ပြီး ယနေ့ခေတ်တွင် ၎င်းတို့ကဲ့သို့ပင် အခြား လိင်တူချစ်သူ အောင်မြင်သူ အမြောက်အများ ရှိနေပါသေးသည်။

အနောက်တိုင်းနိုင်ငံများမှ အခွင့်အရေး လှုပ်ရှားသူများဟာ လိင်တူချစ်သူများ၏ တန်းတူအခွင့်အရေးများကိုရရှိဖို့ ကြိုးပမ်းနေချိန်မှာ ကျွန်တော်တို့၏ အာရှတိုက်တွင်လည်း လိင်တူချစ်သူများအပေါ် အာဏာပိုင်၊ ရဲ၊ တရားစီရင်ရေးစနစ်၊ အလုပ်ခွင်နှင့် ပတ်ဝန်းကျင် စသည်တို့မှ လိင်ကွဲပြားမှုကြောင့် သော်လည်းကောင်း၊ ကျားမကွဲပြားမှု အပေါ်မူတည်၍ သော်လည်းကောင်း၊ လိင်စိတ်ကိုင်းညွတ်မှု မတူကွဲပြားမှုကြောင့် သော်လည်းကောင်း ဖိနှိပ်မှုများ၊ ဖမ်းစီးမှုများ၊ တရားမျှတမှု မရှိခြင်းများ၊ ခွဲခြားဆက်ဆံခြင်းများမှ ကာကွယ်စောင့်ရှောက်မှုပေးရန် အခွင့်အရေးတောင်းဆိုမှုများကို ပြုလုပ်နေတဲ့ သူရဲကောင်းများရှိပါတယ်။ အီရန်အစ ဂျပန်အဆုံး ဒီနိုင်ငံတွေက လိင်တူချစ်သူများဟာ စာအုပ်ရေးခြင်း၊ ရုပ်ရှင် ထုတ်လုပ်ခြင်း၊ တရားရုံးတွင် တိုက်ပွဲဝင်ခြင်း၊ အဖွဲ့အစည်း ထူထောင်ခြင်း၊ စီးပွားရေးစွမ်းဆောင်မှု လုပ်ဆောင်ခြင်း စသည်တို့ကို ပြုလုပ်ခြင်းဖြင့် ကျွန်တော်တို့ လိင်တူချစ်သူများအတွက် ရှေ့တန်းကနေ တိုက်ပွဲနေသူကြသူများ ဖြစ်ပါတယ်။

Nisha Ayub /  နီရှာ အာယု - မလေးရှား 

မလေးရှားမှ Justice for Sisters ခေါ် ကျားမပြောင်း (transgender) အမျိုးသမီးများအဖွဲ့ရဲ့ ခေါင်းဆောင် နီရှာ အာယု ဟာ ရှေ့နေ အက်စတွန် ပိုင်ဗာ (Aston Paiva) နှင့် အခြား ကျားမပြောင်းအမျိုးသမီး သုံးဦးနှင့်အတူ မလေးရှားတရားရုံးတွင် ကျားမပြောင်းသူများကို ခွဲခြားဆက်ဆံတဲ့ ၀တ်စားဆင်မှု ဥပဒေတစ်ခုကို ပယ်ဖျက်ဖို့ ကြိုးပမ်းခဲ့ရာမှာ အောင်မြင်ခဲ့ပါတယ်။

Pinki Pramanik / ပင်ကီး ပရာမာနစ် - အိန္ဒိယ

နိုင်ငံတကာ ရွေတံဆိပ်ဆုရှင် အိန္ဒိယ အပြေးသမား ပင်ကီးဟာ မုဒိန်းမှုနှင့် ယောက်ျားဖြစ်နေသည်ကို ဖုံးကွယ်ဟန်ဆောင်မှုတို့ဖြင့် ၂၀၁၂ ခုနှစ်မှာ မတရား တရားစွဲဆိုခြင်း ခံခဲ့ရပါတယ်။ ၂ နှစ်လောက်ကြာတဲ့ အမှုအတွင်းမှာ သူမကို ရဲများက ခန္ဓာကိုယ်ကို မတရား စစ်ဆေးမှုများပြုလုပ်ခြင်းများပြုလုပ်ပြီး စစ်ဆေးမှုများကို သူမ၏ ဆန္ဒမပါဘဲ လူသိရှင်ကြား ဖော်ထုတ်ခဲ့ပါတယ်။ မီဒီယာမှ သူ့ကို ဆိုးရွားစွာရေးသားခဲ့ပါတယ်။ ဒါပေမဲ့ သူသည် ရဲ့ရင့်စွာ ကြံခံခဲ့ပြီး သူကဲ့သို့ ကျာမ-မထင်ရှားသူများအတွက် ကိုယ်စားပြုအသံဖြစ်လာခဲ့ပါတယ်။ ၂၀၁၄ မှာတော့ သူ့ကို အပြစ်မရှိကြောင်း အတည်ပြုခဲ့ပါတယ်။ နောက်ဆုံးတွင် သူမဟာ မိန်းမဖြစ်ကြောင်း ကြောညာခဲ့ပါတယ်။

Wei TingTing / ဝေ တင်တင် - တရုတ် ပြည်သူ့ သမ္မတနိုင်ငံ

ဝေတင်တင်ဟာ တရုတ်နိုင်ငံမှာ လိင်တူလိင်ကွဲနှစ်မျိုးစလုံး ချစ်သူတွေရဲ့ အခြေအနေကို လူသိအောင်ပြုလုပ်ပေးခဲ့ပါတယ်။ သူဟာ LGBTI အခက်အခဲတွေ နှင့် အမျိုးသမီး အခွင့်တူဝါဒ တို့နှင့်ပက်သက်ပြီး လူမှုရေးမျှတမှုအတွက်တိုက်ပွဲ ၀င်ခဲ့သူတစ်ဦးဖြစ်ပါတယ်။ အသက် ၂၆ အရွယ် ဝေတင်တင်ဟာ ၂၀၁၅ မှာ တရုတ်အစိုးရ၏ တစ်လတာ ဖမ်းစီးခြင်းခံခဲ့ရပါတယ်။

Julian and Weeny - ဗီယက်နမ်

ဗီယက်နမ်မှ အမျိုးသမီးချင်းချစ်သူ စုံတွဲဖြစ်သူ Julian နှင့် Weeny တို့လက်တွဲခဲ့သည်မှာ ၁၀ ကျော်ကြာပြီဖြစ်ပြီး သူတို့ရဲ့ လူသိရှင်ကြား လက်ထက်ပွဲက နိုင်ငံအတွင်းမှာရှိတဲ့ လိင်တူချစ်သူများကို ကျေနပ်အားရစေပြီး စိတ်ဓာတ်တက်ကြွစေပါတယ်။

Vicent Huang / ဗင်းဆန့် ဟွူန် - ထိုင်ဝမ်

Disabled Queer ဆိုတဲ့ ထိုင်ဝမ်ရဲ့ ပထမဆုံး မသန်စွမ်း လိင်တူချစ်သူများ အဖွဲ့ ရဲ့ခေါင်းဆောင်ဖြစ်ပြီး မသန်စွမ်းသူများအား လူမှုရေးနှင့် လိင်ပိုင်းဆိုင်ရဲလိုအပ်ချက်များကို ဖြည့်ဆည်းပေးသော Hand Job Taiwan အဖွဲ့ဝင်တစ်ဦးဖြစ်ပါတယ်။

သူကိုယ်တိုင်ကလည်း မသန်စွမ်းသူတစ်ဦးဖြစ်ပြီး မသန်စွမ်း LGBTIတို့ရဲ့ လူမှုရေး၊ စိတ်ပိုင်းဆိုင်ရာ နှင့် လိင်ပိုင်းဆိုင်ရာ အခွင့်အရေးများ၏ လိုအပ်ချက်များအတွက် လှုပ်ရှားနေသူတစ်ဦးဖြစ်ပါတယ်။

Amanda Lee Koe / အမန်ဒါ လီကိုး - စင်ကာပူ

Ministry of Moral Panic ဆိုတဲ့ စာအုပ်ကို ရေးတဲ့ စာရေးဆရာမ အမန်ဒါလီကိုး ဟာ စင်ကာပူရဲ့ အသက်ငယ်ဆုံး စာပေဆုကို ရရှိသူဖြစ်ပါတယ်။ သူရဲ့ ပုံပြင်ငယ်များကို စုဆည်းထားတဲ့ စာအုပ်ဟာ LGBTI များအကြောင်းကို လူတွေ ပိုမိုနားလည်ဖို့ လမ်းကြောင်းဖွင့်ပေးပါတယ်။

Geena Rocero / ဂျီနာ ရိုစီရို - ဖိလစ်ပိုင်

ဖိလစ်ပိုင် ကျားမပြောင်း မော်ဒယ် ဂျီနာ ရိုစီရို ဟာ Gender Proud ဆိုတဲ့ အဖွဲ့အစည်းကို တည်ထောင်သူလည်းဖြစ်ပါတယ်။ ကျားမပြောင်းသူများ၏ ဒုက္ခ အခက်အခဲများအကြောင်းကို လူတွေသိအောင် TedX ဟောပြောပွဲတွေမှာ လိုက်ပြောပြီးတော့ တကမ္ဘာလုံးမှာ ရှိတဲ့ ကျားမပြောင်းသူများ၏ အခွင့်အရေးအတွက် တက်တက်ကြွလှုပ်ရှားသူ တစ်ဦးဖြစ်ပါတယ်။
 

Fan Po Po / ဖန် ပိုပို - တရုတ် ပြည်သူ့ သမ္မတနိုင်ငံ

တရုတ်နိုင်ငံက အသက် ၂၀ကျော် ရုပ်ရှင်ပြုလုပ်သူ ဖန် ပိုပို ၏ ရုပ်ရှင် Mama Rainbow ဟာ လိင်တူချစ်သူများနှင့် သူတို့အမေတွေအကြောင်းကို ရိုက်ထားပြီး တရုတ်နိုင်ငံမှာ သက်ရောက်မှုတွေ ရှိခဲ့ပြီး နိုင်ငံတကာ ရုပ်ရှင်ပွဲတော်တွေမှာလည်း နာမည်ရခဲ့ပါတယ်။ သူဟာ လိင်တူချစ်သူများနှင့် ပက်သက်သော မှတ်တမ်းရုပ်ရှင်များလည်း ပြုလုပ်ပါတယ်။

Sridhar Rangayan / ရှရီဒါး ရန်ဂါယမ် - အိန္ဒိယ

ရုပ်ရှင် ဒါရိုက်တာ၊ စာရေးဆရာ၊ အခွင့်အရေးလှုပ်ရှားသူ ရှရီဒါး ရန်ဂါယမ် ဟာ အိန္ဒိယတွင် လိင်တူချစ်သူများ၏ အသံကို လူအများသိအောင် ရုပ်ရှင်များမှ တဆင့် ဖွင့်ပြပေးသူဖြစ်ပါတယ်။ သူ၏ ရုပ်ရှင်အမြောက်အများဟာ ဆုများ ဆွတ်ခူးခဲ့ပါတယ်။

Abbey Lee and Betty Grisoni - ဟောင်ကောင်

အမြဲတတွဲတွဲ အလုပ်အတူလုပ်တဲ့ Abbey Lee နှင့် Betty Grisoni (ဓာတ်ပုံညာဘက်) တို့ဟာ ဟောင်ကောင် အမျိုးသမီးချင်းချစ်သူ လူမှု ကွန်ယက်ကို စတင် တည်ထောင်ခဲ့တဲ့ စုံတွဲဖြစ်ပါတယ်။ Double Happiness ဆိုတဲ့ အဖွဲ့အစည်းမှ တဆင့် လိင်တူချစ်သူများ လက်ထက်ဖို့ အခွင့်အရေးကိုလည်း ဟောင်ကောင်တွင် လှုပ်ရှား တောင်းဆိုသူများဖြစ်ပါတယ်။ ဟောင်ကောင်မှာ အမျိုးသမီးချင်းချစ်သူများနှင့် ပက်သက်လို့ အရေးကိစ္စများတွင် ကိုယ်စားပြုသူတွေ ဖြစ်ပါတယ်။

Candy Darim Yun / ကန်ဒီ ဒါရင် ယွန် - ကိုးရီးယား

ကိုရီးယား ကျားမပြောင်းသူများ အတွက် ဥပဒေမှ ကာကွယ်ပေးရန် အတွက် အခွင့်အရေးများကို လှုပ်ရှားသူဖြစ်ပါသည်။ ကျားမပြောင်းသူများ၏ အခက်အခဲများနှင့် ပြဿနာများကို အသိပညာပေးများကို ပြုလုပ်ခဲ့သည်။

ကန်ဒီ ဒါရင် ယွန်သည် Transgender Patchwork Project ခေါ် စီမံကိန်းမှတဆင့် အင်တာနက်ပေါ်တွင် ကျားမပြောင်းသူများနှင့်ပက်သက်သော အကြောင်းများကို အသိပညာပေးခြင်း၊ မီဒီယာ လမ်းညွှန်ချက်များပြုလုပ်ခြင်း၊ မှတ်တမ်းတင်ခြင်းများကို ပြုလုပ်နေပါသည်။

William Shen / ဝီလီယမ် ရှန် - ထိုင်ဝမ်

၁၉၉၀ ခုနှစ်ကတည်းက ထိုင်ဝမ်ရှိ LGBTI အခွင့်အရေးများအတွက် လှုပ်ရှားနေသူဖြစ်ပါသည်။ သူ၏ကျိုးပမ်းမှုများကြောင့် ထိုင်ဝမ်တွင် HIV ကူးစက်နေသူ ပြည်ဝင်သူများအပေါ် တာမြစ်ထားခြင်းများကို ပယ်ဖျက်ခြင်းများနှင့် HIV ကုသမှုအား ရယူမှုများကို တိုးတက်လာအောင်စွမ်းဆောင်ပေးခဲ့သည်။

Geng Le / ဂန်းလီ - တရုတ် ပြည်သူ့ သမ္မတနိုင်ငံ

တရုတ်နိုင်ငံ၏ လိင်တူချစ်သူများအတွက် dating app နှင့် website တစ်ခု ဖြစ်တဲ့ Danlan & Blued ဟာ အသုံးပြုသူ ၁၅ သန်းရှိပြီး တည်ထောင်သူကတော့ အောင်မြင်တဲ့ စီးပွားရေး စွန့်စားသူ ဂန်းလီဟု အများသိတဲ့ မာဘောင်လီ ဖြစ်ပါတယ်။ အာဏာရှင်တွေရဲ့ အတားအဆီးတွေနှင့် လူမှုရေး အမြင်စောင်းမှုများကို ကျော်လွားပြီး ဤအောင်မြင်မှုကို ရရှိခဲ့ကာ တရုတ်နိုင်ငံတွင် လိင်တူချစ်သူများနှင့်ပက်သက်သော ကုမ္ပဏီတွင် အကြီးဆုံးဖြစ်သည်။

Koyuki Higashi နှင့် Hiroko Masuhara - ဂျပန်

အမျိုးသမီးချင်းချစ်သူ စုံတွဲ ကိုယူကီ ဟီဂါရှီ နှင့် ဟီရိုကို မာဆူဟာရာ တို့ဟာ ဂျပန်မှ Trois Couleurs ဆိုတဲ့ ကုမ္ပဏီကို ဦးဆောင်ပါတယ်။ ၂၀၁၂ ခုနှစ်လက်ထပ်ခဲ့ကြပြီး ဂျပန်တွင် အမျိုးသမီးချင်းချစ်သူ အခွင့်အရေးတွက် လှုပ်ရှားသူများဖြစ်ကြပါတယ်။

Sungjung Park / ဆွန်ဂျွန်း ပက် - ကိုရီးယား

ဆွန်ဂျွန်းပက်ဟာ ကိုရီးယားရဲ့ အကြီးဆုံး လိင်တူချစ်သူများ၏ အင်တာနက်အသိုင်းအဝန်း ဖြစ်သော Ivancity ၀က်ဆိုဒ်၏ အမှုဆောင် ဥက္ကဌဖြစ်ပါတယ်။ ကိုရီးယားမှာ ရှိတဲ့ လိင်တူချစ်သူ ယဉ်ကျေးမှုပွဲတော်များ ကိုဖြစ်မြောက်တောင် ငွေကြေး ကမကထပြုသူလည်း ဖြစ်ပါတယ်။ AIDS တိုက်ဖျက်ဖို့ Red Party လို့ခေါ်တဲ့ ရန်ပုံငွေကောက်ခံပွဲ တစ်ခုကို လည်းပြုလုပ်ခဲ့ပါသေးတယ်။

Aung Myo Min / အောင်မျိုးမင်း - မြန်မာ

မြန်မာနိုင်ငံရဲ့ လူ့အခွင့်အရေး ပညာပေးလုပ်ငန်းများ လုပ်ဆောင်နေတဲ့ Equality Network၏ ဒါရိုက်တာ ဖြစ်ပါတယ်။ မြန်မာနိုင်ငံအနှံ တန်းတူညီမှု အခွင့်အရေးကိုရရှိဖို့ ပထမဆုံးခြေလှမ်းဟာ လူ့အခွင့်အရေး အကြောင်းများကို လူနည်းစု အုပ်စုများကို ပညာပေးခြင်းနှင့် အရင်စတင်ရမည်လို့ ယုံကြည်သူဖြစ်ပါတယ်။ IDAHO (International Day Against Homophobia and Transphobia) ဆိုတဲ့ နိုင်ငံတကာ လိင်တူချစ်သူများ နှင့် ကျားမပြောင်းသူများအား မုန်းတီးမှုပပြောက်ရေးနေ့ များကို မြန်မာနိုင်ငံတွင် စတင်ကျင်းပခဲ့ရာတွင် ဦးဆောင်ပါဝင်ခဲ့ပါတယ်။

Georges Azzi – ဂျော်ဂျက်စ် အာဇီ - လက်ဘနွန်

လက်ဘနွန် နိုင်ငံ၏ အရေးပါသော လိင်တူချစ်သူ အခွင့်အရေးလှုပ်ရှားသူ ဖြစ်ပြီး လက်ဘနွန် LGBTIများ၏ ဥပဒေနှင့် လူမှုရေး အဆင့်အတန်းများ တိုးပွားလာအောင် ပြုလုပ်သော Helem ခေါ် အဖွဲ့အစည်းကို စတင်တည်ထောင်ခဲ့ပြီး Arab Foundation for Freedoms and Equality (လွတ်လပ်မှု နှင့် တန်းတူညီမှုအတွက် အာရပ် ဖောင်းဒေရှင်း) ၏ ဒါရိုက်တာလည်းဖြစ်ပါတယ်။

Asham Parsi - အာရှမ်း ပါစီ - အီရန်

ကနေဒါတွင် တိန်းရှောင်နေရသော အီရန်လူမျိုး အာရှမ်း ပါစီဟာ လိင်တူချစ်သူအခွင့်အရေးများ ကို လှုပ်ရှားသူတစ်ဦးဖြစ်ပြီး Iranian Railroad for Queer Refugees (IRQR)ခေါ် အီရန်လိင်တူချစ်သူ ဒုက္ခသည်များအတွက် အဖွဲ့အစည်းကို တည်ထောင်သူဖြစ်ပါတယ်။

အင်္ဂလိပ် ရုပ်ရှင် The Imitation Game ဟာ သင်္ချာပညာရှင် အလန်တူရင်း၏ ဘဝ တပိုင်းတစကို အခြေခံပြီး ရိုက်ကူးထားသော ဇာတ်ကားဖြစ်ပါသည်။ အင်္ဂလိပ် သင်္ချာပညာရှင် အလန်တူရင်းသည် ကမ္ဘာသမိုင်းတွင် ဒုတိယ ကမ္ဘာစစ်အတွင်း၌ နာဇီဂျာမာန်တို့၏ လျှို့ဝက်သတင်းအချက်အလက်များအား ဖော်ထုတ်နိုင်သူ တစ်ဦးအဖြစ်ကျော်ကြားသည်။ သူ၏ ကျိုးပန်းမှုကြောင့် မဟာမိတ် စစ်တပ်တွေဟာ နာဇီတပ်တွေကို ပိုမို လျှင်မြန်စွာ အနိုင်ယူနိုင်ခဲ့ပြီး ကမ္ဘာစစ်ကြီးကို ၂ ကျော် တိုတောင်းသွားစေကာ လူ့အသက်ပေါင်း သန်းနှင့််ချီကာ ကယ်တင်နိုင်ခဲ့သည်။ ထို့အပြင် ကျွှန်ုပ်တို့ ယနေ့အသုံးပြုနေသော ကွန်ပြူတာဟုခေါ်သော အခြေခံအယူအဆကို စတင်သော တူရင်းစက်များကို တီထွင်ခဲ့ သူတစ်ဦးအဖြစ် မော်ကွန်းတင်ကြသည်။ ဤစွမ်းဆောင်မှုများအပါအဝင် အခြားအရေးပါသော ရှာဖွေမှုများပြုလုပ်ခဲ့သော ပရော်ဖက်ဆာ အလန် တူရင်းသည် လိင်တူချစ်သူ အမျိုးသားတစ်ဦး ဖြစ်သည်။

ဒုတိယ ကမ္ဘာစစ်ပြီးနောက် အင်္ဂလန်တွင် လိင်တူချစ်သူများ တရားမဝင်ဟု သတ်မှတ်ထားချိန်တွင် အလန် တူရင်းအား အပြစ်ဒါဏ်ချမှတ်ခဲ့သည်။ တရားရုံးမှ ထောင်ဒါဏ် သို့မဟုတ် ဟော်မုန်းအစားထိုးခြင်းအားခံယူရန် ရွေးချယ်စေရာ သူသည် အစားထိုးမှုခံယူရန် ဆုံးဖြတ်ခဲ့သည်။ ဟော်မုန်းအစားထိုးခံယူပြီးနောက် ၁ နှစ်ကျော်အကြာ ၁၉၅၄ ခုနှစ်၌ အသက်၄၁နှစ်တွင် မိမိကိုယ်ကို အဆုံးစီရင်ခဲ့သည်ဟု သမိုင်း ပညာရှင်များက သတ်မှတ်ကြသည်။ သေဆုံးပြီးနောက်ပိုင်းတွင် ၂၀၀၉ ခုနှစ်တွင် ဗြိတိသျှ ၀န်ကြီးချုုပ်မှ လည်းကောင်း ၂၀၁၃ ခုနှစ်တွင် ဘုရင်မကြီးမှ လည်းကောင်း သူ့အား အပြစ်ဒါဏ် ချမှတ်ခဲ့ခြင်းအပေါ် နိုင်ငံတော်မှ တောင်းပန်ခြင်းကို ပြုလုပ်ခဲ့ပြီး သူ၏ အောင်မြင်မှုကို ဂုဏ်ပြုခဲ့သည်။

တူရင်းသည် ငယ်ရွယ်စဉ်ကပင် ထူးချွန်သူတစ်ဦးဖြစ်သည်။ သိပ္ပံနှင့် သင်္ချာဘာသာကို အထူးစိတ်ဝင်စားသူ ဖြစ်သည်။ သူသည် ကျောင်းတက်နေစဉ် သူ၏ ကျောင်းနေဖက် ခရစ္စတိုဖာ မော်ကွမ်း (Christopher Morcom) နှင့် အလွန်နီးကပ်ခဲ့ပြီး မေတ္တာသက်ဝင်ခဲ့သည်။ သို့သော် မော်ကွမ်းသည် တီဘီရောဂါကြောင့် သိပ်မကြာခင်တွင် သေဆုံးသွားခဲ့သည်။ မော်ကွမ်းသေဆုံးမှုကြောင့် တူရင်းသည် သူနှင့် အတူတူလေ့လာခဲ့သော သိပ္ပံနှင့် သင်္ချာဘာသာကိုသာ အာရုံပိုစိုက်လာခဲ့သည်။ ထို့နောက် ကိန်းဘရစ် တက္ကသိုလ်တွင် ဂုဏ်ထူးဖြင့် ဘွဲ့ရခဲ့သည်။

ဒုတိယ ကမ္ဘာစစ်အတွင်း တူရင်းသည် ဗြိတိသျှ အစိုးရအတွက် ဂျာမာန်တို့၏ Enigma ခေါ် လျှို့ဝက် သတင်းအချက်အလက်များကို ဖော်ထုတ်သော အဖွဲ့တွင်ပါ၀င်ပြီး စစ်ပွဲ အနိုင်ရရှိနိုင်ရန် ကူညီခဲ့သည်။ သူသည် Bombe ဟုခေါ်သော စက်ကို တီထွင်ပြီး လျှို့ဝှက်သတင်းများကို နားလည်ဖော်ထုတ်နိုင်ရန် ကြိုးစားခဲ့သည်။ ၎င်းအဖွဲ့တွင် တူရင်းသည် အရေးပါသော ကဏ္ဍမှ ပါ၀င်ခဲ့ပြီး မဟာမိတ်တပ်များကို အထောက်အကူပြုခဲ့သည်။ စစ်ပြီးနောက်တွင် ယနေ့ ကွန်ပြူတာများ၏ အစပိုင်းဖြစ်သော Universal Turing Machine ခေါ် တွက်ချက်သည့် စက်များကို ဆက်လက်တီထွင်နေခဲ့သည်။ ထို့အပြင်သူသည် အရေးပါသော တက္ကသိုလ်စာတမ်းများလည်း ရေးသားခဲ့သည်။

ထိုခေတ်အခါ၌ အင်္ဂလန်တွင် လိင်တူချစ်ခြင်းကို ဖမ်းဆီးနိုင်သည်ဟု သတ်မှတ်ထားသော်လည်း တူရင်းသည် သူ၏ လိင်တူချစ်ခြင်းကို ဖုံးကွယ်ထားခြင်းမရှိပါ။ ၁၉၅၂ ခုနှစ်တွင် ယောက်ျားတစ်ဦးနှင့် တွဲသောကြောင့် အဖမ်းခံရပြီးနောက် သူ၏ လိင်တူချစ်ခြင်းကို ဖုံးကွယ်မထားပဲ ၀န်ခံခဲ့သည်။ သူသည် လုပ်ငန်းများကို ဆက်လက်လုပ်ကိုင်လိုသောကြောင့် ထောင်ဒဏ် ၂ နှစ်ချမှတ်ခြင်းကို လက်မခံပဲ ဟော်မုန်းအစားထိုးခြင်းကိုသာ ခံယူခဲ့သည်။ ဤကဲ့သို့ ပြုလုပ်ခြင်းသည် သူ၏ ကျန်းမားရေးကို များစွာထိခိုက်နေသော်လည်း မရပ်နားပဲ သူတီထွင်နေသော စက်များနှင့် ဆက်လက် အလုပ်လုပ်ကိုင်ခဲ့သည်။ သို့သော် ထိုကဲ့သို့ အပြစ်ဒဏ်ချမှတ်ခြင်းသည် သူ၏ လုပ်ငန်းများအပေါ် အကြီးမားဆုံး ထိခိုက်ခဲ့သည်။

တူရင်းသည် သင်္ချာပညာ လောကတွင် အမြင့်မားဆုံး ဂုဏ်ထူးဆောင်တစ်ဦးဖြစ်သည်။ သူ့အားဂုဏ်ပြုသောအားဖြင့် တူရင်းဆုကို Association for Computing Machinery (ACM) မှ ၁၉၆၆ ခုနှစ်မှစ၍ နှစ်စဉ်နှစ်တိုင်း ကွန်ပြူတာ ဘာသာရပ်တွင် ထူးချွန်စွာ တီထွင်သူများအား ပေးအပ်လေ့ရှိသည်။ တူရင်းသည် ၂၀ ရာစုနှစ်၏ အရေးပါသော လူတစ်ဦးအဖြစ်လည်း သတ်မှတ်ခြင်းခံရသည်။ လိင်တူချစ်သူ တစ်ဦးနေဖြင့် အလန်တူရင်းသည် ခေတ်သစ် လူ့သမိုင်းအား တန်ဖိုးမဖြတ်နိုင်သော ဆောင်ရွက်မှုများ ပြုလုပ်ပေးခဲ့သူ လူစွမ်းကောင်းတစ်ဦးပင် ဖြစ်ပါသည်။

၂၀၁၄ ခုနှစ်တွင် ရိုက်ကူးသော The Imitation Game ဇာတ်ကားသည် အလန်တူရင်း၏ ဘဝ တပိုင်းတစကို ပုံဖော်ပေးဖို့ ရိုက်ကူးထားပါသည်။ အင်္ဂလိပ် သရုပ်ဆောင် Benedict Cumberbatch သည် အလန်တူရင်းအဖြစ် သရုပ်ဆောင်ထားသည်။ ၎င်းရုပ်ရှင်အား လိင်တူချစ်သူ၏ အခွင့်အရေးများနှင့် အလန်တူရင်း၏ အောင်မြင်မှုကို လူအများအသိအမှတ်ပြုနိုင်စေရန် ပြုလုပ်သည်ဟု ချီးကျူးကြပြီး အကယ်ဒမီ ဆုများရရှိခဲ့သည်။