International LGBT music (2015 September)

နိုင်ငံတကာသီချင်းများကို နှစ်သက်သူ ဝါသနာရှင်တို့အတွက် ၂၀၁၅ စက်တင်ဘာ  အတွင်းမှာ ထွက်ရှိထားပြီး ကမ္ဘာအရပ်အရပ်မှာ ဒေသအလိုက် လတ်တလော   ရေပန်းစားနေတဲ့  လိင်တူချစ်သူအဆိုတော်တွေရဲ့ သို့မဟုတ် လိင်တူချစ်သူတွေနဲ့ ပက်သက်တဲ့  အကြောင်းအရာပါတဲ့ သီချင်း အသစ်တွေ  နားထောင်ကြည့်ဖို့ အချိန်ရောက်လာပါပြီ။

A Great Big World အဖွဲ့။ လိင်တူချစ်သူ အဆိုတော် Chad King (ဘယ်ဘက်)။

ဒီလမှာတော့ အမေရိကန်က The Great Big World ရဲ့အသစ်ထွက်တဲ့ သီချင်း၊ ယူကေက Years & Years ရဲ့နောက်ဆုံးသီချင်း နှင့် Westlife အဖွဲ့သားဟောင်း Mark Feehily ရဲ့ သီချင်းတို့ အပါအဝင် သီချင်းသစ် ၁၀ ပုဒ် စုဆောင်းထားပါတယ်။

Tom Goss feat. Matt Alber -  Breath and Sound

ပထမဦးဆုံးအနေ စတင်ချင်တဲ့သီချင်းကတော့ အမေရိကန်က လိင်တူချစ်သူ အဆိုများတော်ဖြစ်ကြတဲ့ Tom Goss နှင့် Matt Alber တို့ အတူတူဆိုထားတဲ့  Breath and Sound ဆိုတဲ့ ပေါ့ သီချင်းပါ။ ဗီဒီယိုထဲမှာ လိင်တူလိင်ကွဲ၊ အသားအရောင်၊ လူမျိုးမခြားပဲ အတူတူက နေတာကို တွေ့နိုင်ပါတယ်။


Courtney Act - Ugly

ဒုတိယတစ်ပုဒ်က သြစတြေးလျှနိုင်ငံက ကျားမပြောင်း အဆိုတော် Courtney Act ၏ သီချင်းပါ။



Aquilo - Calling Me 

အဆိုတော်တွေက လိင်တူချစ်သူ ဟုတ်မဟုတ်မသိရပေမဲ့ ဗြိတိသျှအဖွဲ့ Aquilo ၏ ဒီသီချင်းအေးအေးလေကတော့ သီချင်းဗီဒီယိုထဲမှာ လူငယ်ကျောင်းသားတစ်ယောက်ဟာ သူတိတ်တခိုး ချစ်ရတဲ့ သူက သူ့ကို ငြင်းဆန်ပြီး နောက်မှာတော့ အနိုင်ကျင့်သူတွေ အကြားမှာ သူ့ရဲ့ ကြေကွဲမှုကို အက နှင့် ဖြေဖျောက်တဲ့ ပုံစံ စမ်းစမ်းလေးရိုက်ထားပါတယ်။



Denis Ng - Loganis

ဟောင်ကောင် အဆိုတော် Denis Ng ကတော့ အိုလမ်ပစ်ရွှေတံဆိပ်ဆုရှင် LGBT အခွင့်အရေးလှုပ်ရှားသူ Greg Louganis ကို ဂုဏ်ပြုတဲ့ သီချင်း သီဆိုထားပါတယ်။



Of Monsters and Men - Empire

အိုင်စလန်က Of Monsters and Men အဖွဲ့ကတော့ လိင်တူချစ်သူအဖွဲ့ မဟုတ်ပေမဲ့ သူတို့ရဲ့ Empire ဆိုတဲ့ သီချင်းရဲ့ ဗီဒီယိုမှာတော့ အမျိုးသမီးနှစ်ယောက်ရဲ့ တမူထူးခြားတဲ့ အချစ်ဇာတ်လမ်းကို ရိုက်ကူးထားပါတယ်။



Yoel - Bailemos

စပိန်က အဆိုတော် က ခပ်မြူးမြူး ပေါ့သီချင်းကို စပိန်လို တစ်ဝက် အဂ်လိပ်တစ်ဝက် သီဆိုထားပါတယ်။



Troye Sivan - WILD

အသက်၂၀ သာရှိသေးတဲ့ လူငယ် သြစတြေးလျှ Youtube ကြယ်ပွင့် Troye Sivan ရဲ့ သီချင်းသစ်ကတော့ လတ်တလော လူကြိုက်များနေပါတယ်။ လူငယ် အချစ်ဇာတ်လမ်းလေးနှင့် သီချင်းဗီဒီယိုကို ရိုက်ကူးထားသလို သီချင်းကလဲ ကောင်းပါတယ်။




Markus Feehily - Butterfly

ကျွန်ုပ်တို့ အသဲစွဲ Westlife အဖွဲ့ ရဲ့ အဖွဲ့ဝင်ဟောင်း Mark ဟာ သူ့ရဲ့ တစ်ကိုယ်တော် သီချင်းနောက်တစ်ပုဒ်ကို ထုတ်လိုက်ပါပြီ။ မာ့ခ်က ဂေးဆိုတာ အားလုံးသိကြပါတယ်နော်။



Years & Years - Real

ဂေးအဆိုတော် Olly Alexander ပါဝင်တဲ့ Years & Years အဖွဲ့ရဲ့ ထုတ်တဲ့ သီချင်းတိုင်းလိုလို အောင်မြင်မှုတွေရနေပါတယ်။ သူတို့ရဲ့ နောက်ဆုံးသီချင်း ဗီဒီယိုပါ။



A Great Big World - Hold Each Other ft. Futuristic

နောက်ဆုံးအနေနှင့် လတ်တလော လူတိုင် သဘောကျနေတဲ့ A Great Big World ရဲ့ ပေါ့သီချင်းကို မိတ်ဆက်ပေးချင်ပါတယ်။ ဒီအချစ်သီချင်း မြူးမြူးလေးဟာ လိင်တူချစ်သူ အဆိုတော် Chad King နဲ့ သူရဲ့ အဖွဲ့ဖော် လိင်ကွဲချစ်သူ တို့ အတူတူသီဆိုထားပြီး တလှည့်စီ သူတို့ဟာ ချစ်တဲ့သူ အကြောင်းကို သီဆိုတဲ့ အခါ မှန်ကန်တဲ့ နာမ်စားတွေကို ပြောင်းလဲသီဆိုသွားတာကို တွေ့ရမှ ဖြစ်ပါတယ်။