အခုတော့ လုလင်မဂ္ဂဇင်း စာဖတ်သူထဲက နိုင်ငံတကာသီချင်းကြိုက်တတ်သူတွေအဖို့ ၂၀၁၇ မှာထွက်ခဲ့တဲ့ သီချင်းကောင်းတွေနဲ့ အဆိုတော်တွေကို ဂုဏ်ပြုတဲ့အနေနဲ့ စာဖတ်သူတို့လည်းနားဆင်နိုင်ဖို့ စုစည်းပေးလိုက်ပါတယ်။
အမေရိကန်နိုင်ငံမှာ လိင်တူချစ်သူတွေက အနုပညာ နှင့် မီဒီယာမှတဆင့် ကမ္ဘာကို သူတို့ရဲ့ အစွမ်းအစတွေကိုပြသနေကြပြီး အမေရိကန်သီချင်း အများအပြားကို ၂၀၁၇ မှာလည်း သီဆိုရိုက်ကူးနိုင်ခဲ့ကြပေမဲ့ ထူးချွန်ထက်မြက်တဲ့ LGBTQ အဆိုတော်တွေကတော့ တကမ္ဘာလုံးမှာရှိကြတယ်ဆိုတာကို မေ့လို့မရပါဘူး။ ပုံမှန်ဆိုရင် အမေရိကန်သီချင်းတွေကို အလွယ်တကူတွေ့ရှိနားထောင်နိုင်ကြတာမို့ လုလင်မဂ္ဂဇင်းကတော့ မြင်ရခဲတဲ့ ကမ္ဘာတဝှမ်းက ထွေပြားစုံလင်လှတဲ့ အနုပညာဖန်းတီးမှုတွေကိုတင်ပြပေးထားပါတယ်။
ဒါ့ကြောင့် စာဖတ်သူပရိသတ်တွေ လေ့လာနားထောင်စရာ နိုင်ငံပေါင်း ၁၅ နိုင်ငံက အနုပညာရှင်တွေရဲ့ ၂၀၁၇ မှာ ထွက်ရှိထားသမျှထဲမှ မြန်မာပရိသတ်ကြိုက်တတ်မယ့် အကောင်းဆုံးသီချင်းတွေကို စုဆောင်းထားပေးထားပါတယ်။
ပွင့်လင်းစွာပြောသော လိင်တူချစ်သူအဆိုတော် အနုပညာရှင်များကို ဂုဏ်နေပြုတဲ့အနေနဲ့ ၂၀၁၇ ခုနှစ်မှာ ထွက်ရှိခဲ့တဲ့ သူတွေထဲက အကောင်းဆုံးသီချင်း အပုဒ် (၃၀) ပဲဖြစ်ပါတယ်။ သောတရှင်များ ပျော်ရွင်ကြည်နှုးနိုင်မယ်လို့လည်း မျှော်လင့်ပါတယ်။ ဒီသီချင်းအနုပညာတွေကတဆင့် ထွေပြားစုံလင်မှုရဲ့ အနှစ်အရသာကို ခံစားနိုင်ကြပြီး သက်တန့်တလျှောက်လုံးမှ ရောင်စဥ်များအားလုံး တောက်ပနိုင်ကြပါစေ။
30. Leon Markcus (SINGAPORE)
စင်္ကပူ အဆိုတော် Leon Markcus ဟာ လူငယ်တွေ အနိုင်ကျင့်ခံရတာတွေနဲ့ စိတ်ဓာတ်ကျပြီး ကိုယ့်ကိုယ်ကို ထိခိုက်နာကျင်အောင်လုပ်တာတွေနဲ့ ပက်သက်ပြီး သူ့သီချင်းထဲမှာ သရုပ်ဖော်ထားပါတယ်။ လိင်တူချစ်သူတွေအတွက် သိပ်မပွင့်လင်းတဲ့ နိုင်ငံဖြစ်တဲ့ စင်္ကပူလိုနိုင်ငံမျိုးမှာ လိင်တူချစ်သူအဆိုတော်တွေက အနုပညာနဲ့ ရှေးတန်းထွက် ကိုယ်စားပြုပေးတာမျိုးက ရှားလည်းရှားပြီး Leon Markcus ရဲ့ Alive က သီချင်းကောင်းတစ်ပုဒ်လည်းဖြစ်တာမို့လို့ သူ့သီချင်းဟာ စင်္ကပူမှာ အထိုက်အလျောက် လူကြိုက်များခဲ့ပါတယ်။Alive
29. Mila Jam (UNITED STATES)
အမေရိကန် Youtube အဆိုတော် Mila Jam ကျားမပြောင်းသူ အခွင့်အရေးလှုပ်ရှားသူ တစ်ဦးလည်းဖြစ်ပါတယ်။ သူ့သီချင်း Faces ကို အမေရိကန် လိင်တူချစ်သူ အခွင့်အရေးလှုပ်ရှားမှုများမှာ အသုံးပြုခဲ့ကြပါသည်။Faces
28. Mary Lambert (UNITES STATES)
အမျိုးသမီးလိင်တူချစ်သူ အဆိုတော် Mary Lambert က လွန်ခဲ့တဲ့ ၅ နှစ်က Same Love သီချင်းနဲ့ စကျော်ကြားပြီးကတည်းက ဆက်တိုက်သီချင်းကောင်းတွေကို ထုတ်ဝေနေလျက်ရှိပါတယ်။ ၂၀၁၇ မှာလည်း Know Your Name သီချင်းကို ထပ်မံ ထုတ်ဝေထားပါတယ်။Know Your Name
27. Rainbow Riots (UGANDA)
အာဖရိက နိုင်ငံအတော်အများမှာ လိင်တူချစ်သူ အခ္ငင့်အရေးတွေ အဆိုးဆုံး ဖောက်ဖျက်ခံနေရတာတွေကို ခုခံဖို့ Uganda, Jamaica နဲ့ Malawi စတဲ့ နိုင်ငံတွေက လိင်တူချစ်သူ အနုပညာရှင်တွေက Rainbow Riots ဆိုတဲ့ ဂီတအနုပညာလှုပ်ရှားမှုစီမံကိန်းကို ၂၀၁၇ မှာပြုလုပ်ခဲ့ကြပါတယ်။ အခုဖေါ်ပြထားတဲ့ Freedom ဆိုတဲ့သီချင်းက Uganda နိုင်ငံက အဆိုတော်တွေ ဖန်တီးထားတာပဲဖြစ်ပါတယ်။Freedom
26. A JAY (SRI LANKA)
လုလင်မဂ္ဂဇင်းက ဒီ သီရိလင်ကာသီချင်းအကြောင်းကို သိပ်မသိရပေမယ့် ဒီလိုနိုင်ငံမျိုးမှာ လိင်တူချစ်သူများအကြောင်းကို ရိုက်ကူးသီဆိုထားတဲ့ အနုပညာမျိုးကို တွေ့ရမြင်ရခဲတာမို့လို့ ဒီသီချင်းကောင်းလေးကို ရွေးချယ်ဖော်ပြပေးလို်က်ရပါတယ်။ သီချင်းထဲမှာ သရုပ်ဆောင်မင်းသားက မိန်းကလေးရီးစားရှိနေပေမဲ့ အခြားကောင်လေးတစ်ယောက်ကို ချစ်နေတဲ့ အကြောင်းကို ရိုက်ကူးထားပါတယ်။Asammatha Pemak (රතු තොල්)
25. Fangoria (SPAIN)
စပိန်က drag အဆိုတော် Fangoria ဟာလည်း ၂၀၁၇ မှာ အကသီချင်းတွေဆက်ဆိုထားပြီး ဥရောပမှာ လူကြိုက်များခဲ့ပါတယ်၊။ Espectacular ဆိုတဲ့ ဒစ္စကို သီချင်းကို လုလင်မဂ္ဂဇင်း ပရိသတ်နားဆင်နိုင်အောင် ရွေးချယ်ပေးထားပါတယ်။Espectacular
24. Denis Ng (HONG KONG)
ဟောင်ကောင် လိင်တူချစ်သူအဆိုတော် Denis Ng က ၂၀၁၇ မှာ သီချင်းတစ်ပုဒ်ကို ဆက်လက်ထုတ်ဝေထားပါတယ်။ ဟောင်ကောင် LGBT တွေကို ကိုယ်စားပြုနေတဲ့ အနုပညာရှင် Denis Ng ရဲ့ သီချင်းအေးအေးငြိမ့်ငြိမ့်လေးပဲဖြစ်ပါတယ်။傷城故事 (Injury Story)
23. ĐÀO BÁ LỘC (VIETNAM)
ဗီယက်နမ် နိုင်ငံမှာ အချစ်သီချင်းအဆွေးသီချင်းက လူကြိုက်များပါတယ်။ ဒီနှစ်မှာလည်း ဗီယက်နမ်ရဲ့ The Voice သီချင်းဆိုပြိုင်ပွဲလိုမျိုး နိုင်ငံတော်အဆိုပြိုင်ပွဲမှာ ဆုရလူငယ်အဆိုတော် ĐÀO BÁ LỘC က အချစ်အဆွေးသီချင်းကောင်းတစ်ပုဒ်ကို လိင်တူချစ်သူ ဇာတ်လမ်းလေးနဲ့ သီဆိုရိုက်ကူးထားပါတယ်။THANH XUÂN
22. Superfruit (UNITED STATES)
ဒီနှစ်မှ အသစ်ဖွဲ့စည်းလိုက်တဲ့ အမေရိကန်အဖွဲ့ Superfruit က တစ်နှစ်အတွင်း Imaginary Parties, BAD 4 US, Worth It (Perfect), နဲ့ Vacation အစရှိတဲ့ သီချင်းတွေ အများကြီးထုတ်ဝေထားပါတယ်။ အမေရိကမှာ လိင်တူချစ်သူတွေအကြားလူကြိုက်များလာတဲ့ အဖွဲ့ပဲဖြစ်ပါတယ်။ အဲ့ထဲမှာ သူတို့ရဲ့ Fantasy သီချင်းကို ရွေးပြထားပါတယ်။Fantasy (feat. Amber Liu)
21. Lizzo (UNITED STATES)
အမေရိကန်အဆိုတော် Lizzo က ၂၀၁၆ တုန်းက Good as Hell သီချင်းနဲ့ လူကြိုက်များခဲ့ပြီးတော့ ၂၀၁၇ မှာလည်း သူရဲ့အနုပညာနဲ့ LGBT အသိုင်းအဝိုင်းနဲ့ လူမဲအမျိုးသမီးများရဲ့ စွမ်းရည်ကို ထုတ်ဖော်ပြသနိုင်ဖို့ ကျိုးပမ်းနေသူဖြစ်ပါတယ်။Water Me
20. Francisco Victoria (CHILE)
ချီလီနိုင်ငံက လူငယ်အဆိုတော်လေး Francisco Rojas ဟာ ပရိသတ်ကို သူ့ရဲ့ ပွဲဦးထွက်သီချင်းနဲ့ အံသြသွားစေပြီး လိင်တူချစ်သူ ဂီတနှစ်သက်သူများကို ကြေနပ်အားရစေခဲ့ပါတယ်။ ဆန်းဆန်းငြိမ့်ငြိ်မ့်လေးနဲ့ Marinos ဆိုတဲ့သီချင်းဟာ လက်တင်အမေရိကမှ ၂၀၁၇ အတွက် သီချင်းကောင်းတစ်ပုဒ်ဖြစ်ပါတယ်။Marinos
19. Neon Trees (UNITED STATES)
လိင်တူချစ်သူအသံရှင် Tyler Glenn ပါဝင်တဲ့ ရော့ခ်အဖွဲ့ Neon Trees ဟာ သီချင်းမြူးတစ်ပုဒ်ကို ၂၀၁၇ မှာ ထပ်သီဆိုလိုက်ပါတယ်။ အမေရိကန်/အင်္ဂလိပ် သီချင်းကြိုက်သူများအတွက် Neon Tree ရဲ့ Feel Good ကို နံပါတ် ၂၀ မြောက်မှာ ရွေးချယ်ပေးထားပါတယ်။Feel Good
18. Titica (ANGOLA)
အန်ဂိုလာနိုင်ငံက လိင်ပြောင်းအဆိုအတော် Titica ဟာ ပေါ်တူဂီစကားပြောနိုင်ငံတွေမှာ ကျော်ကြားလူကြိုက်များတဲ့ အဆိုတော်တစ်ဦးဖြစ်ပါတယ်။ လိင်တူချစ်သူတွေကို မုန်းတီးမှုများပြားတဲ့ အာဖရိက နိုင်ငံတစ်နိုင်ငံဖြစ်တဲ့ အန်ဂိုလာမှာ အခက်အခဲတွေကို အံတုပြီး အောင်မြင်လူကြိုက်များတဲ့ အဆိုတော်ဖြစ်အောင် ကြိုးစားနိုင်ခဲ့တဲ့ အနုပညာပါရမီရှင် Titica ဟာ နိုင်ငံတကာ မီဒီယာတွေရဲ့ အသိမှတ်ပြုချီးကျူးမှုတွေကို ရရှိခဲ့ပါတယ်။ ၂၀၁၇ မှာ ခပ်မြူးမြူးဆန်းဆန်း ခပ်ကြမ်းကြမ်း Sobra Raiva သီချင်းက သီချင်းကောင်းတစ်ပုဒ်လည်းဖြစ်ပါတယ်။Sobra Raiva
17. Alfie Arcuri - (AUSTRALIA)
သြစတြီးလျနိုင်ငံက The Voice အဆိုပြိုင်ပွဲအနိုင်ရသူ Alfie Arcuri က ပေါ့ပ်သီချင်းအဆွေး If They Only Knew ကို ၂၀၁၇ မှာ ဒုတိယပွဲဦးထွက် သီဆိုထားတာကို လိ်င်တူချစ်သူ ပရိသတ်များ ကြိုက်နှစ်သက်ခဲ့ကြပါတယ်။ သူက သြစတြီးလျနိုင်ငံ လိင်တူချစ်သူတန်းတူ လက်ထပ်နိုင်ရေး တောင်းဆိုရာမှာပါဝင်ဖို့ Love Is Love ဆိုတဲ့ သီချင်းကိုလည်း ထုတ်ဝေထားပါသေးတယ်။If They Only Knew
16. Aof Pongsak (THAILAND)
Aof လို့လူသိများတဲ့ Pongsak Rattanapong က ထိုင်းနိုင်ငံက ဂေးအဆိုတော်ဖြစ်ပါတယ်။ အာရှအဆွေးသီချင်းတွေကို ခံစားတတ်တဲ့ ပရိသတ်တွေအဖို့ Aof ရဲ့ ၂၀၁၇ အသစ်ထွက် Waiting for the Miracles ဆိုတဲ့သီချင်းကို ရွေးချယ်ထားပါတယ်။รอปาฏิหาริย์ (Waiting for the Miracles)
15. Harel Skaat (ISRAEL)
Harel ဟာ အစ္စရေးနိုင်ငံရဲ့ ပရိသတ်အသည်းစွဲ အဆိုတော်ဖြစ်ပြီး ဥရောပတိုက်မှာ လိင်တူချစ်သူများ ကြိုက်နှစ်သက်တဲ့ အနုပညာရှင်တစ်ဦးပါ။ ၂၀၁၇ မှာ အင်္ဂလိပ်လို Radio ဆိုတဲ့သီချင်းကို ဂေးပရိသတ်များက ကြိုက်နှစ်သက်ခဲ့ကြပါတယ်။Radio
14. Nakhane (SOUTH AFRICA)
တောင်အာဖရိကရဲ့ လိင်တူချစ်သူအဆိုတော် Nakhane က ဂီတအနုပညာကို ဆန်းသစ်တဲ့ ဖန်တီးမှုတွေနဲ့ ဆက်လက်လုပ်ဆောင်နေပါတယ်။ နိုက်ရှိုင်းတဲ့ အဓိပ္ပာယ်တွေနဲ့ သူ့သီချင်းတွေက သူလိင်တူချစ်သူတစ်ယောက်အနေနဲ့ ရုန်းကန်ရတွေကို ဖော်ကျူးထားပါတယ်။Clairvoyant
13. LP (UNITED STATES)
အမေရိကန် တေးရေးအဆိုတော် Laura Pergolizzi က ၂၀၁၆ ကစပြီး Lost On You သီချင်းနဲ့ တကမ္ဘာလုံး၏ ကြိုက်နှစ်သက်မှုကို ရရှိခဲ့ပါတယ်။ ဆက်လက်ပြီး ၂၀၁၇ မှာ Other People, Tightrope, No Witness, နဲ့ When We're High အစရှိတဲ့ သီချင်းတွေကိုလည်း ထုတ်ဝေခဲ့ပါတယ်၊။Other People
12. Tokio Hotel (GERMANY)
ရော့ခ်သီချင်းနှစ်သက်သူ ပရိသတ်တွေအဖို့ ၂၀၁၇ နှစ်မှာ ဂျာမန်ရောခ့် အဖွဲ့ Tokio Hotel က What If, Boys Don't Cry, နဲ့ Something New စတဲ့ သီချင်းတွေ ထုတ်ဝေခဲ့ပါတယ်။ အဖွဲ့ခေါင်းဆောင်အဆိုတော် BILLY က သူ့ရဲ့အသွင်အပြင်ကြောင့် လိင်တူချစ်သူပရိသတ် ကြိုက်နှစ်သက်မှုကို ရရှိနေပါတယ်။ သူက လိင်တူကော လိင်ကွဲကော မခွဲခြားပဲ သူ့ကို ပျော်ရွင်အောင် လုပ်တဲ့သူကိုကြိုက်မယ်လို့ပြောပါတယ်။What If
11. Todrick Hall (UNITED STATES)
Drag သီချင်းတွေကြိုက်တဲ့ ပရိသတ်တွေအတွက် Todrick Hall နဲ့ RuPaul တို့ရဲ့ ခပ်မြူးမြူးရွရွ Low ဆိုတဲ့ အကသီချင်းကို ၂၀၁၇ ရဲ့ သီချင်းကောင်းတစ်ပုဒ်အဖြစ်ရွေးချယ်ပေးထားပါတယ်။Low
10. Ivri Lider (ISRAEL)
အစ္စရေးရဲ့ နိုင်ငံကျော်အဆိုတော် Ivri Lider ဟာ ၂၀၁၇ မှာ သီချင်းအသစ် Moogzam နဲ့ ပြန်လာခဲ့ပါတယ်။ လိင်တူချစ်သူတစ်ဦးဖြစ်သူ Ivri Lider က အစ္စရေး ဂေးအချစ်ရုပ်ရှင်တွေဖြစ်တဲ့ Yossi and Jagger နဲ့ The Bubble တို့မှာ ဇာတ်ဝင်သီချင်းတွေ သီဆိုခဲ့ဖူးပြီး နိုင်ငံပရိသတ်အသည်းစွဲအဆိုတော်ကြီးတစ်ဦးလည်းဖြစ်ပါတယ်။Moogzam
9. Hayley Kiyoko (UNITED STATES)
အမေရိကန် အဆိုတော်မလေး Hayley Kiyoko က ၂၀၁၇ မှာ Feelings နဲ့ Sleepover သီချင်းကောင်းနှစ်ပုဒ်ကို ဆက်လက်ထုတ်ဝေလိုက်ပြီး သူ့သီချင်းတွေမှာ သူကြိုက်တဲ့ မိန်းကလေးချစ်သူတွေကို ပိုးပန်းရတဲ့ အကြောင်းတွေကို သီဆိုထားပါတယ်။Feelings
8. Michele Bravi (ITALY)
လူငယ်အဆိုတော် Michele Bravi က အီတလီရဲ့ X Factor သီချင်းဆိုပြိုင်ပွဲကို အနိုင်ရရှိပြီး နိုင်ငံကျော်အဆိုတော်ဖြစ်လာပါတယ်။ ၂၀၁၇ မှာ သူ့ရဲ့ ဒုတိယောက်မြောက်အခွေ Anime di carta က အရောင်းရကောင်းဆုံး အခွေတစ်ခွေဖြစ်ခဲ့ပါတယ်။ အဲ့ထဲမှာ သီချင်းတွေအများကြီးထဲက Solo Per Un Po ကလည်း နံပါတ်တစ်သီချင်းနေရာကိုလည်း ရောက်ရှိခဲ့ပါတယ်။ နောက်ပြီး သူ့သီချင်း Il Diario Degli Errori ကလည်း အီတလီနိုင်ငံတော် သီချင်းဆိုပြိုင်ပွဲ Sanremo 2017 မှာလည်း နံပါတ်လေးအဆင့်ရရှိခဲ့ပါတယ်။Solo Per Un Po
7. Toya Delazy (SOUTH AFRICA)
တောင်အာဖရိက လိင်တူချစ်သူ အမျိုးသမီး အဆိုတော် Toya Delazy ဟာ သူ့နိုင်ငံမှာ ဆုများစွာဆွတ်ခူးထားတဲ့သူတစ်ဦးဖြစ်ပြီး လိင်တူချစ်သူအခွင့်အရေးကို တစ်တက်တစ်အား ပါဝင်နေသူဖြစ်ပါတယ်။ ၂၀၁၇ မှာလည်း သီချင်းသစ်တွေ ထပ်သီဆိုထားပြီး သူ့သီချင်း Greatest ကို ၂၀၁၇ ရဲ့ လိင်တူချစ်သူအဆိုတော်များရဲ့ သီချင်းကောင်းတစ်ပုဒ်အဖြစ် ရွေးချယ်ပေးလိုက်ပါတယ်။Greatest
6. Mashrou' Leila (LEBANON)
လက်ဘနွန် အဖွဲ့ Mashrou' Leila ရဲ့ အဖွဲ့ခေါင်းဆောင်ဟာ လိင်တူချစ်သူတစ်ယောက်ဖြစ်ပါတယ်။ အရှေ့အလယ်ပိုင်းဒေသက နိုင်ငံတွေမှာ ပွင့်လင်းစွာပြောတဲ့ လိင်တူချစ်သူ အနုပညာရှင်တွေကို တွေ့ရမြင်ရခဲပါတယ်။ ဒါပေမဲ့ Mashrou' Leila ကတော့ ဆန်းသစ်တဲ့ သီချင်းတွေနဲ့ ပရိသတ်ရဲ့ ကြိုက်နှစ်သက်မှုကို ရယူထားနိုင်ယုံသာမက သူတို့ရဲ့သီချင်းတွေနဲ့ လူ့အဖွဲ့အစည်းမှာရှိတဲ့ ပြဿနာတွေကို ထောက်ပြတတ်လေ့ရှိပါတယ်။ ၂၀၁၇ မှာထွက်တဲ့ သူတို့ရဲ့ Roman ဆိုတဲ့ အာရဗီသီချင်းဟာ အမျိုးသမီးတွေပေါ်ထားတဲ့ တစ်ဖက်စောင်းနင်းအမြင်(stereotypes) တွေကို ခုခံတွန်းလှန်တဲ့ဟန်တဲ့ ဖော်ကျူးရိုက်ကူးပြထားပါတယ်။Roman
5. Logi, Alessia Cara & Khalid - 1-800-273-8255 (UNITED STARES)
4. Sam Smith (UNITED KINGDOM)
ဗြိတိသျှအဆိုတော် Sam Smith ကိုတော့ အထူးမိတ်ဆက်ပေးစရာမလိုပဲ လူတိုင်းသိပြီးနေပြီလိုထင်ပါတယ်။ ဒီနှစ်မှာလည်း သူ့ရဲ့သီချင်းအသစ် Too Good At Goodbyes က တကမ္ဘာလုံးမှာ လူကြိုက်များခဲ့ပါသေးတယ်။ Youtube မှာ ကြညိ့ရှုကြိမ်ပေါင်း သန်း ၆၀၀ ရောက်တော့မှာပဲဖြစ်ပါတယ်။Too Good At Goodbyes
3. Troye Sivan feat. Betty Who - HEAVEN (AUSTRALIA)
ဂေးပရိတ်သတ်တိုင်းအသည်းစွဲ လူငယ်အဆိုတော် Troye Sivan က ၂၀၁၅ ခုနှစ်ကတည်းက လူငယ်အသည်းစွဲသီချင်းတွေ တစ်ပုဒ်ပြီးတစ်ပုဒ်ထုတ်ဝေခဲ့တာ မငြီးငွေ့ရအောင်ပါပဲ။ ဒီနှစ်ထဲမှာလည်း Martin Garrix နဲ့ပေါင်းပြီး There For You ဆိုတဲ့သီချင်းထုတ်ဝေခဲ့ပြန်တာ Youtube မှာ ကြည့်ရှုကြိမ် သန်း ၁၇၀ နီးပါးရှိပါတယ်။ လုလင် မဂ္ဂဇင်း ကတော့ သူ Betty Who နဲ့ သြစတြေးလျ လိင်တူချစ်သူချင်း လက်ထပ်ခွင့် တောင်းဆိုမှုကျိုးပမ်းမှုအတွက် သီဆိုထားတဲ့ HEAVEN ဆိုတဲ့ သီချင်းကို နံပါတ်သုံးနေရာမှာ ရွေးချယ်ပေးလိုက်ပါတယ်။HEAVEN
2. MUNA (UNITED STATES)
လိင်တူချစ်သူ မိန်းကလေးသုံးယောက်ဖွဲ့စည်းထားတဲ့ MUNA အဖွဲ့ က ၂၀၁၇ မှာ သူတို့ရဲ့ ပထမဆုံး တေးအခွေ About U ကို ထုတ်ဝေလိုက်ပါတယ်။ သူတို့ဟာ သီချင်းအနုပညာအသုံးပြုပြီး လူငယ်တွေတွေ့ကြုံရတဲ့ ဒုက္ခအခက်ခဲတွေပေါ်မှာ လက်မလျှော့ပဲ အားတက်စေဖို့ရာ သီဆိုဖျော်ဖြေနေကြသူများ ဖြစ်ပါတယ်။ LGBT အသိုင်းအဝိုင်းအတွက် အားကျိုးမန်တက် ရှေ့တန်းကပါဝင်ပြောဆိုကြတဲ့ အဖွဲ့ဖြစ်ရုံသာမက သူတို့ရဲ့ electronic သီချင်းတွေရဲ့ စာသားတွေက ငြိမ့်ညောင်းအားတက်စရာကောင်းပါတယ်။ သူတို့ရဲ့ Loudspeaker ဆိုတဲ့ သီချင်းက အိမ်တွင်းအကြမ်းဖက်တဲ့အကြောင်းကိုသီဆိုထားတာဖြစ်ပြီး၊ အခုရွေးချယ်ထားတဲ့ I Know A Place သီချင်းကတော့ လူသားတိုင်းကြောက်လန့်စရာမလိုပဲ အားလုံးလက်နက်ချတဲ့ မေတ္တာနဲ့တည်ဆောက်ထားတဲ့ နေရာလေးတစ်ခုရှိတယ်ဆိုတာကို သီဆိုထားတဲ့ ၂၀၁၇ ရဲ့သီချင်းကောင်းတစ်ပုဒ်ပဲဖြစ်ပါတယ်။I Know A Place
1. Wrabel (UNITED STATES)
Wrabel ကို ၂၀၁၄ မှာ Afrojack ရဲ့ Ten Feet Tall သီချင်းနဲ့ ပရိသတ်စသိခဲ့တာပါ။ သူရဲ့ စူးရှတဲ့အသံနဲ့ ဆန်းပြားတဲ့ စာသားတွေနဲ့ Wrabel က နိုင်ငံတကာ ပရိတ်သတ်ကို အမှတ်ရစေခဲ့ပါတယ်။ အဲ့ဒီနောက်ပိုင်းနှစ်တွေမှာ ဆက်လက်ပြီး သီချင်းသစ်တွေကို တေးသံသွင်းအကြီးစားတွေရဲ့ အကူအညီမပါပဲ တစ်သီးပုဂ္ဂလ တေးသံထုတ်ဝေခဲ့ရာမှာ မီဒီယာဌာနကြီးတွေရဲ့ အသိမှတ်ပြုခံခဲ့ရပါတယ်။ ဆက်လက်ပြီး ၂၀၁၆ မှာ Marshmello ရဲ့ Ritual ဆိုတဲ့သီချင်း၊ ၂၀၁၇ Kygo ရဲ့ With You ဆိုတဲ့ သီချင်းတွေမှာ အသံပါဝင်သီဆိုပေးခဲ့ပါတယ်။ သူကိုယ်တိုင် ၂၀၁၆ မှာတော့ သူ့ရဲ့ ပထမဆုံးကိုယ်ပိုင်သီချင်း 11 Blocks ဟာ ပရိသတ်ကြိုက်နှစ်သက်မှုရရှိပြီး အသိမှတ်ပြုရရှိခဲ့တဲ့ သီချင်းကောင်းတစ်ပုဒ်ပါ။ ၂၀၁၇ မှာ Bloodstain နဲ့ We Could Be Beautiful ဆိုတဲ့သီချင်းတွေကို ဆက်လက်ထုတ်ဝေခဲ့ပါတယ်။၂၀၁၇ ဖေဖော်ဝါရီမှာ ဒေါ်နယ်ထရမ့်က ကျောင်းတွေမှာ လိင်ပြောင်းနဲ့ ကျားမပြောင်း ကျောင်းသူကျောင်းသားတွေကို ကာကွယ်မှုပေးထားတဲ့ နိုင်ငံတော်ဥပဒေကို ပယ်ဖျက်လိုက်တာကြောင့် Wrabel က သူ့ရဲ့ သီချင်း The Village နဲ့ လိင်ပြောင်းနဲ့ ကျားမပြောင်းသူတွေရဲ့ အခွင့်အရေးကို လူ့အခွင့်အရေးအဖြစ် သီဆိုကာ တောင်းဆိုထားတဲ့ သီချင်းပဲဖြစ်ပါတယ်။ ဒါ့ကြောင့် Wrabel ကို ၂၀၁၇ ရဲ့ အကြိုက်နှစ်သက်ဆုံး လိင်တူချစ်သူ အနုပညာရှင်အဖြစ်ရွေးချယ်ပေးလိုက်ပါတယ်။
မြန်မာနိုင်ငံက လိင်တူချစ်သူ ဂီတပရိသတ်လည်း လုလင်မဂ္ဂဇင်းရွေးချယ်ထားတဲ့ ကမ္ဘာအနှံမှသီချင်းများကို ကြိုက်နှစ်လိမ့်မယ်လို့ မျှော်လင့်ရင်း လှပတဲ့ ၂၀၁၈ ကို ပိုင်နိုင်စေပါလို့ ဆုမွန်ကောင်းတောင်းလိုက်ပါတယ်။ ၂၀၁၈ မှာလည်း ကမ္ဘာတစ်ဝှမ်းမှ လိင်တူချစ်သူအနုပညာရှင်များဟာ သူတို့၏ အနုပညာနဲ့ ကမ္ဘာကြီးကို လှပအောင်အရောင်ချယ်ရင်း အကျိုးပြုနေကြလိမ့်မယ်လို့ မျှော်လင့်ပါကြောင်း။
0 comments:
Post a Comment