လိင်တူချစ်သူယောက်ျားများအတွက် တကိုယ်ရည်ကာယ ကျန်းမာရေး

သွား နှင့် ခံတွင်းအကြောင်း (အပိုင်း ၁) ကို ဖတ်ရန်

ခြေသည်းလက်သည်း နှင့် ဆံပင် အကြောင်း (အပိုင်း ၂) ကို ဖတ်ရန်

အရေပြားအကြောင်း (အပိုင်း-၃) ကို ဖတ်ရန်

လိင်အင်္ဂါအကြောင်း (အပိုင်း-၄) ကို ဖတ်ရန်

အပိုင်း (၅) - ဝှေးစေ့ နှင့် နှင့် ဆီးကြိတ်

ဝှေးစေ့

သင်၏ ဝှေးစေ့များသည် ဆွဲဆန့်ရသော အိတ်ငယ်ကလေးတွင် အတူတကွချိတ်ဆွဲထားပါသည်။ ဝှေးစေ့များ၏ အဓိက လုပ်ဆောင်မှုမှာ သုတ်ကောင်များကို ထုတ်လုပ်ရန်နှင့် testosterone ခေါ် ကျားဟော်မုန်းကို ထုတ်လုပ်ရန်ဖြစ်သည်။ ဝှေးစေ့များကို ခန္ဓာကိုယ်ပြင်ပတွင် ထားရှိရခြင်းမှာ ခန္ဓာကိုယ်အပူချိန်၏ ၅ ဒီဂရီခန့် နည်းအောင်ပြုလုပ်ထားခြင်းဖြစ်ပြီး ၎င်းမှာ သုတ်ကောင်ထုတ်လုပ်မှုကို အကောင်းဆုံးဖြစ်စေသောကြောင့် ဖြစ်သည်။ ထို့ကြောင့် ဝှေးစေ့အိတ်သည် ဆွဲဆန့်၍ ရကာ အပူချိန်အေးသောအခါ ကျုံ့သွားလျက် ခန္ဓာကိုယ်နားကပ်၍ နွေးအောင်လုပ်ပြီး ပူသောအခါ ခန္ဓာကိုယ်မှ ဝေးရာသို့ တွဲလောင်းချကာ အေးအောင်ပြုလုပ်ပေးပါသည်။ ၎င်းတို့သည် အထိအတွေ့အပေါ် တုန့်ပြန်မှုလွယ်ပြီး သိမ်မွေ့နူးညံ့သောကြောင့် ထိခိုက်မှုတွင်လည်း အလွန်နာကျင်နိုင်ပါသည်။
ဝှေးစေ့အတွင်းရှိ မီတာ ၅၀၀ ခန့်ရှည်သော ခေါက်လိမ်ထားသော ပြွန်များအတွင်းတွင် တစ်နေ့လျှင် သုတ်ကောင် သန်း ၄၀၀ မှ ၅၀၀ အကြားထုတ်လုပ်ပါသည်။ ၎င်းတို့သည် အဆင်သင့်ဖြစ်သောအခါ အပြင်သို့ထွက်ရန် ဝှေးစေ့အနောက်ဘက်ရှိ epididymis ထဲတွင် သိုလှောင်ထားပါသည်။ ဝှေးစေ့များသည် testosterone ဟော်မုန်းကို ထုတ်လုပ်ပါသည်။ လူပျိုဖြစ်ချိန်တွင် စထွက်လာသော ထိုသဘာဝဟော်မုန်းသည် ကျွန်တော်တို့ကို ယောက်ျားလက္ခဏာများဖြစ်သော အသံအောခြင်း၊ မုန်ဆိတ်မွေးပေါက်ခြင်း အစရှိသည့် လက္ခာဏာများကို ပေးပါသည်။

ဆီးကြိတ်

ဆီကြိတ်ဆိုသည်မှာ စအိုပြွန် rectum ၏ဘေးတွင် ကပ်လျက်ရှိသော သစ်အယ်သီးအရွယ်ရှိ အကျိတ်တစ်ခုဖြစ်ပြီး ၎င်းသည် ဆီးအိတ်သို့ ပြွန်တစ်ခုနှင့် ချိတ်ဆက်ထားပြီး လိင်တံအတွင်းရှိ ဆီးလမ်းကြောင်းသို့ အခြားပြွန်တစ်ခုနှင့် ချိတ်ဆက်ထားသည်။ ၎င်း၏ လုပ်ဆောင်ချက်များထဲတွင် သုတ်ကောင်များ ရှင်သန်ကူးခတ်နိုင်ရန် သုတ်ရည်ထုတ်လုပ်ပေးခြင်း တစ်ခုအပါဝင်ဖြစ်သည်။ ၎င်းသည် ကျွန်ုပ်တို့သုတ်ရည်၏ သုတ်နံ့ကို ဖြစ်စေသော အရာများကိုလည်း ထုတ်လုပ်ပေးပြီး ၎င်းအရာများသည် လိင်တံမှ သုတ်လွှတ်သောအခါ ပန်းထွက်စေနိုင်ရန် သုတ်ရည်သိပ်သည်းမှုကို လုပ်ပေးပါသည်။ ဆီးကြိတ်ထဲတွင် ထိတွေ့လှုံဆော်မှုကို တုန့်ပြန်လွယ်သော အာရုံကြောများစွာ သိပ်ထည့်ထားသောကြောင့် ဆီးကြိတ်ကို လှုံဆော်စေသော စအိုနှင့် လိင်ဆက်ဆံမှုပြုလုပ်ခြင်း (သို့) စအိုတွင်း လက်ချောင်းထည့်ကာ လှုံဆော်ခြင်းတို့သည် ဆက်ဆံခံရသူတို အားရစေသော ကာမခံစားမှုပေးပါသည်။

သုတ်ရည်

သုတ်ရည်ထဲတွင် ဝှေးစေ့မှထုတ်လုပ်လိုက်သောသုတ်ကောင်များ၊ သုတ်ကောင်များကူးခတ်ရန် ဆီးကြိတ်မှ ထုတ်လုပ်သောအရည် နှင့် အခြားအကြိတ်များမှထုတ်လုပ်သော ပြစ်ခဲစေသော အဖြူရောင် အရာများပါဝင်သည်။ သုတ်ရည်တွင် သုတ်ကောင်များ မဥဆီသို့ မျိုးအောင်သည်အထိ ကူးခတ်နိုင်ရန် လုံလောက်သော အဟာရများ ပါဝင်သည်။ ၎င်းတို့တွင် ဇင့်(zinc)၊ ပိုတက်ဆီယံ (potassium)၊ ဂလူးကို့စ် (glucose) နှင့် ဗီတာမင် စီ (vitamin C) တို့ပါဝင်ကာ ၎င်းတို့အချိုးအစားပေါ်မူတည်ပြီး ချိုသော (သို့) ငံသော အရသာ စသဖြင့် လူတစ်နှင့်တစ်ဦး မတူအောင်ပေးသည်။ ပျှဥ်းမျှအားဖြင့် ယောက်ျားတစ်ဦးသုတ်လွှတ်ရတွင် ၂ မီလီလီတာမှ ၅ မီလီလီတာ အကြားရှိလေ့ရှိပြီး သုတ်ကောင်ရေ သန်း ၅၀ မှ ၁၅၀ အကြားပါဝင်သည်။ သုတ်ခဏခဏထုတ်လွှတ်သည်နှင့်အမျှ ကျွန်ုပ်တို့၏ သုတ်ရည်သည် သုတ်ကောင်ရည်နဲကာ အရည်ပိုကြဲလာပြီး အရောင်ကြည်လင်လာသည်။

ဆီး

ကျွန်ုပ်တို့၏ ခန္ဓာကိုယ်သည် စွန့်ထုတ်ပစ္စည်းများကို စဥ်ဆက်မပြတ်ထုတ်လုပ်လျက်ရှိပြီး အချို့အရာများကို ဆီးကဲ့သို့ အရည်အဖြစ် စွန့်ထုတ်သည်။ ဆီးကို ကျောက်ကပ်မှတဆင့် ၄၀၀ မှ ၈၀၀ မီလီလီတာခန့်ထိန်းထားနိုင်သော ဆီးအိတ်ထဲသို့ထားကာ တနေ့လျှင် အပြင်သို့ ပျဥ်းမျှ ၁.၅ လီတာခန့် စွန့်ထုတ်သည်။ ဆီအိတ်ပြည့်လျှင် အာရုံကြောများမှတဆင့် ဦးနှောက်သို့ သတင်းပို့ကာ ဆီးသွားရန် ခံစားချက်ကို ပေးသည်။ ဆီးသွားရန် အဆင်သင့်ဖြစ်သောအခါ ဆီးကြိတ်မှတဆင့် ဆီးပြွန်တလျှောက် လိင်တံအဆုံးထိ ဆီး စီးဆင်းမှုကို ထိန်းချုပ်သည့် ကြွက်သားများမှ အပြင်ဘက်သို့ စွန့်ထုတ်သည်။

တကိုယ်ရည်ကျန်းမာရေး စစ်ဆေးမှု - ဝှေးစေ့ နှင့် ဆီးကြိတ်

ခန္ဓာကာယ ကျန်းမာမှုကို လေ့လာလိုက်စားမှု၏ အရေးကြီးသော အချက်နှစ်ခုမှာ ခန္ဓာကိုယ်ပေါ်ရှိ အသွင်အပြင်ကို အလေးထားခြင်း နှင့် ထူးခြားသောပြောင်းလဲမှုများကို ကိုယ်တိုင်စစ်ဆေးခြင်းတို့ဖြစ်သည်။ ကိုယ့်ခန္ဓာကိုယ်ကို ကိုယ့်ကိုယ်ကို ကြည့်ကောင်းတယ်လို့ မြင်နိုင်လျှင် စိတ်ကျေနပ်မှု ရရှိနိုင်မည်ဖြစ်သည်။ ကျန်းမာရေးလိုက်စားရာတွင် ရေအလုံအလောက်သောက်သုံးခြင်း၊ သန့်ရှင်းလတ်ဆက်ကျန်းမာရေးနှင့် ညီညွှတ်သော အစားအသောက်များကို အချိုးအစားမျှတစွာစားခြင်း နှင့် တကိုယ်ရည်သန့်ရှင်းမှုကို အလေးထားခြင်း စသည်တို့ဖြင့် မိမိ၏ အရေပြား၊ ဆံပင်နှင့် ခြေသည်းလက်သည်းများကို ကောင်းမွန်သော အခြေအနေတွင် ထိန်းသိမ်းနိုင်သော်လည်း မလုံလောက်သော တကိုယ်ရေစောင့်ရှောက်မှုနှင့် ကျန်းမာရေးထိခိုက်နိုင်သော အလေ့အကျင့်များမှတဆင့် အခြားခန္ဓာအစိတ်အပိုင်းများ၏ ကျန်းမာရေကို လျစ်လျှူရှုသည့် အဖြစ်မျိုး မဖြစ်သင့်ပါ။

ဝှေးစေ့ ကင်ဆာ

ကင်ဆာဆိုသည်မှာ သာမာန်မဟုတ်သော ဆဲလ်ကြီးပွားမှု (cell growth)ကြောင့် ဖြစ်ပေါ်ပြီး အကြောင်းအမျိုးမျိုးကြောင့်ဖြစ်နိုင်ပါသည်။ သာမာန်ဆဲလ်များသည် သူတို့၏ ပြန့်ပွားမှုကို ထိန်းသိမ်းနိုင်သော်လည်း ကင်ဆာဆဲလ်များမှ အတားအဆီးမရှိ ဆက်လက်ကြီးပွားပြီး ခန္ဓာကိုယ်ကို ထိခိုက်မှုဖြစ်စေကာ နောက်ဆုံးတွင် အသက်အန္တရာယ်ရှိလာနိုင်ပါသည်။ ကင်ဆာကို အခြားသူတစ်ဦးဆီမှ မကူးနိုင်သလို ၎င်းသည် လိင်မှတဆင့်ကူးဆက်သည့်ရောဂါလည်းမဟုတ်ပါ။ ဝှေးစေ့ကင်ဆာသည် ဖြစ်ပွားမှုနှုန်းတိုးပွားလာနေပြီး သာမာန်အားဖြင့် အသက် ၂၀ နှင့် ၄၀ ကြား ယောက်ျားများတွင် ဖြစ်တတ်လေ့ရှိသည်။ ၎င်းသည် စောစီးစွာသိပြီး လျှင်မြန်စွာကုသလျှင် ကုသရလွယ်ကူသဖြင့် တစ်ကိုယ်ရေ ကိုယ်တိုင်စစ်ဆေးမှုများပြုလုပ်ခြင်းဖြင့် ရောဂါလက္ခဏာများကို စောစောသိနိုင်ပါသည်။

ဝှေးစေ့ကင်ဆာ ရှိမရှိကိုယ့်ကိုယ်ကို စစ်ဆေးနည်း

မိမိ၏ ဝှေးစေ့ကို ကင်ဆာရှိမရှိ တစ်လလျှင် တစ်ခါမျှ ရေချိုးနေစဥ်/ရေချိုးပြီးသောအခါ ဝှေးစေ့အိတ်များ တင်းကြပ်မနေပဲ ဆွဲဆန့်၍ ရသော အခြေအနေတွင် လွယ်ကူစွာစစ်ဆေးနိုင်ပါသည်။

• အိတ်ကို လက်ဖဝါးထဲထည့်ကာ ဝှေးစေ့များ၏ အလေးချိန်နှင့် အရွယ်အစားကို မှတ်မှတ်ရရရှိအောင် ခံစားကြည့်ပါ။ ပြီးလျှင် လက်မ နှင့် လက်ချောင်းများကိုသုံးပြီး ဝှေးစေ့တစ်လုံးချင်းစီကို စမ်းပါ။ တစ်လုံးသည် နောက်တစ်လုံးထက် အရွယ်ကြီးပြီး အောက်နည်းနည်းပိုကျသည်မှာ ပုံမှန်သဘာဝဖြစ်သည်။
• တစ်လုံးချင်းစီကို လက်ချောင်းများနှင့်လက်မအကြား ညှင်သာစွာလှိမ့်ကြည့်ပါ။ ဝှေးစေ့အပေါ်ပိုင်းတွင် ၎င်းတို့ကို ချိတ်ဆက်နေသော ပြွန်ချောင်းကို စမ်းမိပါလိမ့်မည်။ ဝှေးစေ့၏ အခြားအပိုင်းများမှာတော့ အခြားအဖုများ ယောင်ကိုင်းနေခြင်းများ မရှိသင့်ပါ။
• အကယ်၍ သင်သည် မသင်္ကာစရာ တစ်ခုခု ရှိသည်ဟု သံသယရှိပါက ဆရာဝန်ကို ပြပြီး စစ်ဆေးသင့်ပါသည်။
• သင်ပုံမှန်စစ်ဆေးပြီး အချိန်ကြာလာသည်နှင့်အမျှ သင်သည် သင့် ဝှေးစေ့၏ သဏ္ဍာန်နှင့်အထိအတွေ့ကို ကောင်းကောင်းသိရှိနေပြီးဖြစ်သောကြောင့် တစ်ခုခုမူမမှန်ပြောင်းလဲသည်ကို လျှင်မြန်စွာ သိရှိနိုင်မည်ဖြစ်သည်။ သာမာန်ဆိုလျှင် အဖုအတော်အများဟာ အန္တရာယ်မရှိပေမဲ့ သင်သံသယရှိပါက စစ်ဆေးမှု ပြုလုပ်သင့်သည်။
• ဝှေးစေ့ကင်ဆာသည် စောစီးစွာသိရှိလေ ကုသရလွယ်လေကို မှတ်ထားသင့်ပါသည်။

ဆီးကြိတ် ပြသနာများ

• ဆီးကြိတ်သည် ကျွန်ုပ်တို့ အသက်ကြီးလာသည်နှင့်အမျှ အရွယ်အစားကြီးလာပြီး တခါတစ်ရံတွင် ဆီးကိုစွန့်ထုတ်သောပြွန်ကို ဖိခြေပစ်နိုင်သည်အထိ ဖြစ်နိုင်ပါသည်။
• အများဆုံး အသက် ၂၅ နှင့် ၄၅ နှစ် အရွယ်အကြား ဆီးကြိတ်သည် ပိုးဝင် (သို့) ရောင်ရမ်းမှုဖြစ်နိုင်သည်။
• မကုသလျှင် အရွယ်အစားသည် သံပုရာသီးငယ်အရွယ်ထိ ကြီးလာတတ်သည်။
• ဆီးကြိတ်ကင်ဆာသည် အသက်၅၀ကျော်အထက်ဖြစ်လေ့ရှိသော်လည်း အသက်ငယ်စဥ်လည်း ဖြစ်နိုင်ပါသည်။

ဆီးကြိတ်ပြသနာရှိကြောင်းပြသည့် လက္ခဏာများမှာ။ ။

• ခဏခဏဆီးသွားလိုခြင်း နှင့် ဆီးသွားချင်သည့် ခံစားချက်မပြပဲနှင့် ရုတ်တရက်ဆီးသွားခြင်း၊ ဆီးသွားရန် စတင်ရန်ခက်ခဲခြင်း နှင့် ဆီးသွားနေသည်ကို ရပ်ရန်ခက်ခဲခြင်း၊
• ဆီးသွားပြီးလျှင် အစက်ယိုခြင်းများပြားခြင်း၊
• ဆီးအိပ်ထဲမှ ဆီးအကုန်သွားအောင်ပြုလုပ်ရ ခက်ခဲခြင်း၊
• ဆီးစက်မျာ ယိုခြင်း။

ထိုရောဂါ လက္ခဏာများရှိပါက ဆေးကုမှုခံယူသင့်ပါသည်။

ဆီးကြိတ်ကင်ဆာ

ဆီးကြိတ်ကင်ဆာသည် နုစဥ်တွင် မည်သည့် လက္ခဏာမှ မပြပဲ ရောဂါရင့်မှသာ သိနိုင်သည်။ အရွယ်စားကြီးမားသော ဆီးကြိတ်များကို ကုသသည့် ကုထုံးများရှိသောကြောင့် ဆရာဝန်နှင့် တိုင်ပင်သည့်ပါသည်။ အသက် ၄၀ ကျော် ယောက်ျားများတွင် ဆီကြိတ်ကင်ဆာ အဖြစ်များလေ့ရှိပြီး စောစီးစွာတွေ့ရှိပါက ကုသ၍ရပါသည်။ အထက်တွင်ဖော်ပြထားသော လက္ခဏာများသည် ဆီးကြိတ်နှင့်ပက်သက်သော ပြသနားများ၏ သင်္ကေတဖြစ်ပြီး ဆီးကြိတ်ကင်ဆာရောဂါရှိသော ယောက်ျားများ ခံစားရလေ့ရှိသော်လည်း၊ ကင်ဆာရှိနေသော်လည်း လက္ခဏာမပြသည်လည်း ဖြစ်နိုင်ပါသည်။ သင်အသက် ၅၀ ကျော်လျှင်ဆရာဝန်နှင့် တစ်နှစ်တစ်ခါ ကင်ဆာစစ်ဆေးမှုများကို ပြုလုပ်သင့်ပါသည်။

ပါးစပ်၊ လည်ချောင်း နှင့် အစာခြေစနစ်အကြောင်း (အပိုင်း-၆)ကို ဆက်လက်ဖတ်ရှုရန်

လိင်တူချစ်သူယောက်ျားများအတွက် တကိုယ်ရည်ကာယ ကျန်းမာရေး

သွား နှင့် ခံတွင်းအကြောင်း (အပိုင်း ၁) ကို ဖတ်ရန်

ခြေသည်းလက်သည်း နှင့် ဆံပင် အကြောင်း (အပိုင်း ၂) ကို ဖတ်ရန်

အရေပြားအကြောင်း (အပိုင်း-၃) ကို ဖတ်ရန်

အပိုင်း (၄)  - လိင်အင်္ဂါ

လိင်ဆက်ဆံခြင်းနှင့် ပက်သက်လာလျှင် ကျွန်ုပ်တို့သည် ခန္ဓာကိုယ်ဖွဲ့စည်းပုံ၏ အခြေခံသဘောလောက်ကို အကြမ်းဖြင်းသိကြသော်လည်း ခန္ဓာအတွင်းရှိအရာများကိုတော့ အလွယ်အမှတ်ယူကြတတ်သည်။ ခန္ဓာကိုယ်အတွင်း ဇီဝဖွဲ့စည်းတည်ဆောက်ပုံနှင့်ပက်သက်သော ဗဟုသုတများကို ရရှိထားပါက မိမိ၏ လိင်မှုဘဝကို ကိုယ်တိုင်ကိုင်တွယ်ထိန်းသိမ်းနိုင်ပြီး လိင်မှကူးဆက်သောရောဂါများနှင့် ပက်သက်ပြီး ကိုယ့်ကိုယ်ကို အခြေအနေပေါ်ခြင့်ချိန်ကာ ကာကွယ်စောင့်ရှောက်နိုင်ပါမည်။ ဥပမာ စအိုနှင့် လိင်ဆက်ဆံခံနေချိန် နာကျင်ခြင်းသည် သင့်ကျောရိုးပေါ်ရှိ အာရုံကျောများ သို့မဟုတ် နာကျင်လွယ်သော စအိုအတွင်းသားကြွက်သားများကို လိင်တံမှ ထိုးမိတို့မိသောကြောင့် ဖြစ်ခြင်းဖြစ်သည်။ သင့်ကြွက်သားများကို လျှော့ထားလိုက်ပါက သို့မဟုတ် ဆက်ဆံမှုခန္ဓာနေအထားကို ပြောင်းလိုက်ပါက နာကျင်မှုသည် ပျောက်သွားကို တွေ့ရမည်။ ထို့ကြောင့် ခန္ဓာကိုယ်ဖွဲ့စည်းပုံ အသေးစိတ်ကို ကျောင်းစာကဲ့သို့ ပြန်လေ့လာလိုက်ပါက အကျိူးရှိပါမည်။ လိင်တူဆက်ဆံရာနှင့် ပက်သက်ပြီး သိထားသင့်သော ခန္ဓာကိုယ် အစိတ်အပိုင်းများမှာ

• လိင်တံ နှင့် ဝှေးစိ
• ပါးစပ် နှင့် လည်ချောင်း
• အူလမ်းကြောင်း (တင်ပါး နှင့် စအို)

လိင်တံ

ယောက်ျားလိင်အင်္ဂါသည် ရှုံ့ဆန့်၍ရသော စလင်ဒါသဏ္ဍာန် ကြွက်သားများနှင့် ဖွဲ့စည်းထားသည်။ သင့်လိင်တံအတွင်းရှိ သွေးကြောများသည်ထို ကြွက်သားများအတွင်းသို့ သွေးများဖြည့်တင်းပေးလိုက်သော အခါ လိင်တံတောင့်တင်းခြင်းကို ရရှိပါသည်။ လိင်တံ၏ အလယ်အောက်ပိုင်းရှိ ပြွန်ချောင်းကတော့ ဆီးလမ်းကြောင်းဖြစ်ပြီး ဆီး နှင့် သုတ်ရည်ကို ပြင်ပသို့ သွယ်တန်းပေးပါသည်။

လိင်တံထပ်ငုံအရေပြား

လိင်တံ၏အဖြားသည် ဆွဲဆန့်၍ရသော အရေပြားလိပ်ဖြင့် ခြုံထားသည်။ ၎င်းသည် လိင်အင်္ဂါကို ကာကွယ်ပေးပြီး မတောင့်တင်းသော အချိန်တွင် စိုစွတ်အောင်ထားကာ ထိတွေ့ခံစားမှုလွယ်အောင် ထားပေးသည်။ မွေးကင်းစတွင် လိင်တံထပ်ငုံအရေပြားသည် ကပ်နေပြီး ၃-၄ နှစ် အရွယ်ရောက်လာသောအခါ အဖြည်းဖြည်းပွင့်လာပြီး ဆယ်ကျော်သက်အရွယ်ရောက်သည့်အခါ အလွယ်တကူ ဖွင့်ပိတ်နိုင်ပြီ ဖြစ်သည်။

အနံ့နံစေသော အရာများ

ဆီးအကြွင်းအကျန်၊ ဘက်တီးရီးယားများ၊ ရိစ်အမြှုပ်များ နှင့် အရေပြားဆဲအသေများသည် လိင်တံထိပ်အရေပြားအောက်တွင် စုပြုံလာပြီး အနံ့နံစေသော အဖြူရောင် အမြှုပ်ပုံစံအရာများ ဖြစ်ပေါ်လာသည်။ ၎င်းကို အင်္ဂလိပ်လို smegma လို့ခေါ်ပါသည်။ ၎င်းကို သန့်ရှင်းရေးမလုပ်ပဲ စုအောင်းထားလျှင် ယားယံခြင်း ယောင်ယမ်းခြင်းတို့ ဖြစ်တတ်သောကြောင့် တစ်နေ့လျှင်တစ်ကြိမ် အရေပြားအောက်ကို ညှင်ညှင်သာသာ နှင့် သေသေချာချာ သန့်ရှင်းရေးလုပ်သင့်ပါသည်။ ငယ်ရွယ်စဥ်ကလည်း မိဘတွေက ရေချိုးစဥ် အရေပြားအောက်ကို သန့်ရှင်းရေးလုပ်တတ်အောင် သင်ပေးထားပြီးလည်းဖြစ်ပါသည်။

အရေပြား ကြပ်ခြင်း၊ ဖွင့်မရခြင်း

အချို့ ယောက်ျားလေးများသည် သူတို့လိင်တံထိပ်အရေပြားကို အနောက်သို့ အလွယ်တကူဆွဲမဖွင့်နိုင်ပဲ နာကျင်တဲ့ အဖြစ်မျိုးလည်း ဖြစ်တတ်ပါသည်။ ၎င်းအခြေအနေကို phimosis ဟု ခေါ်ပြီး အခြေအနေဆိုးရွားပါက balantitis ခေါ် လိင်တံထိပ်ခေါင်း ယောင်းယမ်း နာကျင်မှုများ ဖြစ်တတ်ပါသည်။ Balantitis ကို ကုသရန် ဆေးများရှိပြီး အချို့အခြေအနေမျိုးတွင် လိင်တံထိပ်အရေပြားဖြတ်ခြင်းဖြင့် ပြသနာဖြေရှင်းနိုင်ပါသည်။

အချို့ ယောက်ျားလေးများတွင် လိင်တံထိပ်အရေပြားကြီးသောအခါ ဆီးများကို အရေပြားထဲတွင် ချန်ထားနိုင်ပြီး ဆီးသွားပြီးသောအခါ အစက်ကျခြင်းကို ဖြစ်ပေါ်စေပါသည်။ ထိုပြသနာကို ဆီးသွားတိုင်း အရေပြားကို နောက်ဘက်ဆွဲကာ ဆီးသွားပြီး၊ ပြီးလျှင် သေချာကုန်စင်အောင်ခါခြင်းဖြင့် ဖြေရှင်းနိုင်သော်လည်း အချို့သူများကတော့ အရေးပြားဖြတ်ရန်လိုအပ်လျှင်လည်း လိုအပ်နိုင်ပါသည်။

လိင်တံထိပ်အရေပြားဖြတ်ခြင်း

လိင်တံထိပ်အရေပြားဖြတ်ခြင်းကို ဘာသာရေးအယူကြောင့်သော်လည်းကောင်း တစ်ကိုယ်ရည်သန့်ရှင်းရေး ကောင်းမွန်စေချင်သောကြောင့်သော်လည်းကောင်း ပြုလုပ်ကြသည်။ အထက်ကဖော်ပြသကဲ့သို့ တခါတရံ အရေပြားသိပ်ရှည်၊ သိပ်ကြပ်နေလွန်းလျှင်လည်း ဖြတ်ခြင်းဖြင့် ကုသ၍ရနိုင်ပါသည်။ အရေပြားဖြတ်ပြီးသောအခါ လိင်တံထိပ်ခေါင်းသည် စိုစွတ်ပြောပြောင်းသော အသားရောင်မှ ပိုအရောင်ရင့်သွားပြီး ပိုရင့်မာခြောက်သွေ့လာကာ သာမာန်အရေပြား အသွင်ဖြစ်သွားသည်။ အရေပြားရှိသောသူများနှင့် ယှဥ်လျှင် ထိတွေ့အာရုံခံထားမှု လျော့သွားပြီး သုတ်လွှတ်ထုတ်ရန် အချိန်ပိုကြာတတ်သော်လည်း ၎င်းသည် ပြဿနာမဟုတ်ပါ။

လိင်တံအရွယ်အစား

ကျွန်တော်တို့အားလုံးသည် လိင်တံအရွယ်အကြီးကို စွဲလမ်းတတ်ကြသော်လည်း ယောက်ျားလိင်အင်္ဂါသည် အရွယ်အစားစား ပုံသဏ္ဍာန်အမျိုးမျိုးနှင့် ရှိကြသည်။ အရင်းမှ အဖြားသို့ တိုင်းတာပါက ယောက်ျားအားလုံး၏ တောင့်တင်းသောလိင်တံအရှည်၏ ပျမ်းမျှမှာ ၆.၃ လက်မဖြစ်သည်။ သို့သော် ယောက်ျားအများစုသည် ၅.၆ လက်မ နှင့် ၇ လက်မ အကြား အရှည်ရှိတတ်ကြသည်။ သို့သော်လိင်တူဆက်ဆံရာတွင် စအို၏ အစပိုင်း ၂ လက်မ နှင့် ၃ လက်မ ဝန်းကျင်ကသာ ထိတွေ့မှု အာရုံခံစားနိုင်သောကြောင့် တိုသော တုတ်သော လိင်တံများသည်လည်း ရှည်သော လိင်တံများနှင့် ဘာမှ မကွာပဲ အာရုံခံထားမှုကောင်းကောင်းပေးနိုင်သည်။ အထူးသဖြင့် အလွန်ရှည်ပြီးကြီးသော လိင်တံများသည် စအိုလမ်းကြောင်းအတွင်းထဲ နံရံများ နှင့် ရှုံ့ဆန့် ကြွက်သားများပေါ်သို့ အတင်းထိုးနှက်မှု ပြုလုပ်နိုင်သောကြောင့် အောင့်ခြင်းနာကျင်ခြင်းဖြစ်သောကြောင့် သတိထားသင့်ပါသည်။ ထို့ကြောင့် အရွယ်လတ်သော လိင်တံများကို လျစ်လျူရှုစရာ မလိုသလို အရွယ်ကြီးသော်လည်း တကိုယ်ကောင်းဆန်ပြီး မဆင်မခြင်လုပ်သော ယောက်ျားများကိုလည်း သတိထားသင့်သည်။

တောင့်တင်းမှု

လိင်တံတောင့်တင်းမှုသည် ကျွန်ုပ်တို့ လက်ချောင်းခြေချောင်းများကိုတွန့်သလို စိတ်နှင့် ထိန်းချုပ်၍ မရပါ။ ၎င်းသည် စိတ်ခံစားမှု၊ ခန္ဓာအာရုံခံစားမှုနှင့် ဟော်မုန်းများမှ ပေးပို့သော အချက်ပြချက်များမှ လျှပ်စစ်စေ့စော်မှုအဖြစ် ကျောရိုးမှ ဆင်းသွားပြီး အင်္ဂါတောင့်တင်းမှုကို ဖြစ်ပေါ်စေပါသည်။ ကျွန်ုပ်တို့ အသက်ကြီးလာပြီး အတွေ့အကြုံရှိလာသည်နှင့်အမျှ ကျွန်ုပ်တို့၏ လိင်စွဲလမ်းမှုကို ကောင်းစွာ သတိပြုမိလာသောအခါ ကျွန်ုပ်တို့ကို စိတ်လှုပ်ရှားစေသော အရာများကို စိတ်ထဲတွင် စုစောင်းလာကြသည်၊ (ဥပမာ စိတ်လှုပ်ရှားစေသော ရုပ်ရည်၊ ခန္ဓာကိုယ်အနံ့၊ မုတ်ဆိတ်ရှိမရှိ၊ အရပ်၊ ခန္ဓာကိုယ်အချိုးအစား စသည်)။ ကျွန်ုပ်တို့ကို စိတ်လှုပ်ရှားစေမှုသည် တစ်ဦးနှင့်တစ်ဦးမတူကြသလို အခါတရံ ကျွန်ုပ်တို့၏ လိင်မှုဘဝတွင် မမျှော်လင့်သော အရာများသည်ကလည်း ကျွန်ုပ်တို့ကို စိတ်အလွန်လှုပ်ရှားလာအောင် လုပ်စေနိုင်ပြီး လိင်တံတောင့်တင်းစေသော အခြေအနေကို ကြုံဖူးကြမှာပါ။

လိင်တံတောင့်တင်းလာသောအခါ လိင်အင်္ဂါအတွင်းသို့ သွေးများဆီးဝင်လာပြီး မာကြောလာစေသည်။ သေးငယ်သော အဆို့ရှင်များက လိင်အင်္ဂါအတွင်းသို့ သွေးလည်ပတ်မှုကို ထိန်းညှိပေးပြီး တောင့်တင်းချိန်တွင် သွေးများကို ဖမ်းထားပြီး ပုံမှန်အနေအထားတွင် ပြန်လွှတ်ပေးလိုက်သည်။

ကောက်ကွေးသော တောင့်တင်းမှု (Peyronie's disease)

အချို့ယောက်ျားများတွင် တောင့်တင်းသောလိင်တံသည် ကွေးနေတတ်သည်။ ၎င်းသည် လိင်တံ၏ တစ်ဖက်တွင် ပိုနေသော အသားမျှင်များက လိင်တံကို အပြည့်အဝတောင့်တောင်းမှုမှ တားဆီးနေချိန် အခြားတစ်ဖက်မှ တောင့်တင်းမှုသည် လိင်တံကိုကွေးကောက်သွားအောင် ပြုလုပ်လိုက်ခြင်းဖြစ်သည်။ သာမာန်အခြေအနေမျိုးသည် ကောက်ကွေးမှုသည်သိပ်မများပဲ နာကျင်မှု (သို့) ပြဿနာမရှိပါ။ သို့သော်အချို့ ယောက်ျားများတွင် ကောက်ကွေးမှုသည် အလွန်များသောကြောင့် နာကျင်မှုဖြစ်ပေါ်စေပြီး လိင်ဆက်ဆံရန် မဖြစ်နိုင်သည့် အခြေအနေမျိုးကို ရောက်နိုင်သည်။ ထိုအခြေနေမျိုးတွင် ဆေးကုသမှု/ခွဲစိတ်ကုသမှုခံယူရန် လိုအပ်နိုင်သည်။

တောင့်တင်းမှု မရပ်ခြင်း (priapism)

တောင့်တင်းမှု မရပ်ခြင်း (တခါတရံ လိင်ဆက်ဆံမှုနှင့်မဆိုင်ပါ) ကို priapism ဟုခေါ်သည်။ ထိုအခြေအနေမျိုးသည် လိင်တံထဲရှိ ရေမြှုပ်ကြွက်သားများထဲမှ သွေးပြန်မထွက်သွားသည့် အချိန်တွင် ဖြစ်ပေါ်ပြီး အလွန်နာကျင်မှုကို ဖြစ်ပေါ်စေသည်။ အချို့အခြေအနေမျိုးသည် လိင်တံသည် အပြာရောင်ပြောင်းသွားနိုင်သည်။ ဆေးရုံ အရေးပေါ်ဌာနသို့ သွားရောက်ပြသရန် လိုအပ်မည်။

ပန်းသေခြင်း

လိင်တံတောင့်တင့်မှုကို မရှိနိုင်ခြင်းကို ပန်းသေပန်းညှိးခြင်းဟုခေါ်သည်။ အမှန်တကယ်တော့ ယောက်ျားအများစုသည် ဘဝတွင် တချိန်ချိန်တော့ ထိုအခြေအနေမျိုးကို ခဏဖြစ်ဖြစ်ကြုံတတ်ကြရသည်။ ၎င်းသည် ဘဝ၏ တစ်ပိုင်းတစ်စသာဖြစ်ပြီး မထူးဆန်းသလို အများစုမှာ ယာယီသာဖြစ်တတ်သည်။ သို့သော် လိင်တံတောင့်တင်းမှု မရရှိခြင်းမှု ကာယပိုင်းဆိုင်ရာ စိတ်ပိုင်းဆိုင်ရာ အခြေအနေနှစ်မျိုးကြောင့် ဖြစ်တတ်ပြီး ၎င်းကို ခွဲခြင်းသိသင့်သည်။

ကာယပိုင်းဆိုင်ရာ

၎င်းသည် အလွန်မောပန်းနွမ်းနယ်ခြင်း၊ မူးရစ်ဆေး နှင့် အရက်အလွန်အကြွံသောက်သုံးခြင်းတို့ကြောင့် အများဆုံးဖြစ်တတ်သော်လည်း အခြားဖြစ်စေသော အချက်များမှာ -

• ပုံမှန်သောက်သုံးနေရသော ဆေးအချို့ (ဥပမာ စိတ်ငြိမ်ဆေး၊ စိတ်ဓာတ်ကျပြောက်ဆေးများ)၊
• သွေးတိုးနေခြင်း၊ ကိုလက်စထရော (cholesterol) များခြင်း နှင့် နှလုံးရောဂါ၊
• အခြားရောဂါအချို့ (ဥပမာ ဆီးချို၊ ပါကင်ဆန် ရောဂါ (Parkinson's disease) နှင့် multiple sclerosis
• လိင်တံတွင်း သွေးစီးဝင်မှုထိခိုက်ခြင်း၊ လိင်တံထိခိုက်ခြင်း နှင့် ခွဲစိတ်ကုသမှု
• ဆေးလိပ်သောက်ခြင်း နှင့် အဝလွန်ခြင်း

စိတ်ပိုင်းဆိုင်ရာ

သင်သည် လိင်တံတောင့်တင်းမှုကို တော့ရရှိနိုင်သည် သို့သော် သင်တောင့်တင်းလိုသော အချိန်တွင် မတောင့်တောင်းလာပါက စိတ်ပိုင်းဆိုင်ရာကြောင့် တောင့်တင်းမှုမရှိနိုင်ခြင်းဖြစ်သည်။ ဖြစ်နိုင်သော အကြောင်းရင်းများမှာ လိင်စိတ်လှုပ်ရှားမှု (သို့) နှိုးဆော်မှုမရှိခြင်း၊ လိင်မှုစွမ်းဆောင်မှုအပေါ်  စိုးရိမ်ပူပန်ခြင်း၊ ကိုယ့်ကိုယ်ကို ယုံကြည်မှုနည်းပါးခြင်း၊ စိတ်ဖိစီးမှု နှင့် စိတ်ဓာတ်ကျခြင်းတို့ဖြစ်ကြသည်။
မိမိ၏ ဆက်ဆံဖော် အပေါ်တွင် စိတ်လှုပ်ရှားမှုမရှိလျှင် တောင့်တင်းမှုမရှိသည်မှာ အသိသာကြီးဖြစ်သည်၊ ဥပမာ ဆက်ဆံဖော်တစ်ဦး၏ရုပ်ရည်အသွင်အပြင်ကို အခြားသူများလောက် စွဲလမ်းမှုမရှိလျှင် (သို့) ကိုယ်အရင်က စိတ်ဝင်စားမှုရှိသော လိင်မှုအပြုအမူကို စိတ်မပါတော့လျှင် စသည့်အဖြစ်မျိုး ဖြစ်သည်။ ထို့ကြောင့် ကျွန်တော်တို့သည် အသစ်အဆန်းများကို စမ်းသပ်ရှာဖွေခြင်း ဖြစ်ကြသည်။ လိင်မှုစွမ်းဆောင်မှု နှင့် ရုပ်ရည်အသွင်အပြင် ပြည့်စုံမှုအပေါ် အလွန်အရေးထားခြင်းသည် ကိုယ့်ကိုယ်ကိုပေါ်ကော ကိုယ့်ဆက်ဆံဖော်ပေါ်မှာပါ မျှော်လင့်ချက်ကြီးကြီးမားမားထားခြင်းကို ဖြစ်ပေါ်စေပြီး ထိုမျှော်လင့်ချက်များကို ပြည့်မှီစေရန်ဆိုသည်မှာ အမြဲတမ်း မဖြစ်နိုင်ပါ။ ထို့အတွက်ကြောင့် ကိုယ့်ကိုယ်ကို လုံလောက်အောင် မစွမ်းဆောင်နိုင်မည်ကို စိုးရိမ်မှုသည် ကျွန်ုပ်တို့၏ လိင်တံတောင့်တင်းမှုအပေါ် သက်ရောက်နိုင်သော်လည်း ၎င်းသည် ကျနော်တို့လိင်ဆက်ဆံလိုစိတ်မရှိဟုမဆိုလိုပါ။ ရုပ်ရည်အသွင်အပြင်ပိုင်းဆိုင်ရာတွင်လည်း ကျွန်ုပ်တို့၏ ကိုယ့်ခန္ဓာ နှင့် ရုပ် ကို ကိုယ်ယုံကြည်လက်မခံနိုင်လျှင်၊ ကိုယ့်ကိုယ်ကိုအပေါ် စိတ်အေးအေးမထားနိုင်လျှင် လိင်တံတောင့်တင်းမှုရရှိရန် ခက်ခဲနိုင်သည်။ သို့သော်လည်း အလှအပဆိုသည်မှာ ကြည့်ရှုသူနှင့်သာဆိုင်ပြီး ကိုယ့်ကိုယ်ကိုအလိုမကျသောအချက်သည် အခြားတစ်ယောက်ယောက်အတွက်တော့ အလွယ်တကူစိတ်လှုပ်ရှားနိုင်စရာ ဖြစ်သွားနိုင်သည်။

ပန်းသေခြင်းကို ဖြေရှင်းရန် အဆင့်များ

ပြဿနာကို အသိမှတ်ပြုခြင်းသည် ၎င်းကို ဖြေရှင်းနိုင်မည့် ပဏာမ ခြေလှမ်းဖြစ်သည်။ လက်တွဲဖော်၊ သူငယ်ချင်း (သို့) ယုံကြည်ရသူ တစ်ဦးဦးကို ထိုအကြောင်းရင်ဖွင့်ပြောပြခြင်းသည် ခက်ခဲနိုင်သော်လည်း အလွန်အကျိုးပြုနိုင်ပါသည်။ ထို့နောက် လိင်ကျန်းမာရေး ဆရာဝန်နှင့် ဆွေးနွေးတိုင်ပင်ခြင်းသည်ကို ပြုလုပ်နိုင်ပါသည်။ ရှက်ကြောက်ခြင်းသည် ယောက်ျားအများစုကို အကူညီရယူခြင်းမှု တားဆီးနိုင်ကာ ၎င်းသည် တစ်ကိုယ်တည်း စိတ်ဆင်းရဲခြင်းကို ဖြစ်ပေါ်စေပြီး ၎င်းသည် မိမိ၏ တကိုယ်ရည်နှင့် လူမှူဘဝများကို ကို ထိခိုက်လာနိုင်ပါသည်။ ပန်းသေခြင်း၏ အကြောင်းရင်းမြစ်ကို ရှာဖွေနိုင်ခြင်းသည် ကုသမှုနည်းလမ်းကို ဆုံးဖြတ်ပေးနိုင်သည် (ဥပမာ လက်ရှိသောက်သုံးနေသော ဆေးကိုပြောင်းလဲခြင်း၊ သောက်ဆေးများပေးခြင်း (ဥပမာ လိင်တံတောင့်တင်းဆေး) နှင့် စိတ်ပိုင်းဆိုင်ရာ တိုင်ပင်ဆွေးနွေးခြင်း၊ ကုသခြင်း စသည်တို့ကို ပြုလုပ်နိုင်ပါသည်)။

ဝှေးစေ့ နှင့် ဆီးကြိတ် အကြောင်း (အပိုင်း-၅) ကို ဆက်လက်ဖတ်ရှုရန် 

ပါးစပ်၊ လည်ချောင်း နှင့် အစာခြေစနစ်အကြောင်း (အပိုင်း-၆)ကို ဆက်လက်ဖတ်ရှုရန်

 

အမေရိကန်နိုင်ငံမှ လိင်တူချစ်သူ သားတစ်ဦးရဲ့ ဖခင်ဖြစ်သူ နှလုံးအထူးကု ပါရဂူဆရာဝန်ကြီး James O'Keefe က မိသားစူအတွင်းမှာ လိင်တူချစ်သူ သားသမီးများ ဘာ့ကြောင့် မွေးဖွားလာရသလဲနဲ့ ပက်သက်တဲ့ စိတ်ဝင်စားစရာ သီအိုရီတစ်ခုကို လူတွေအား Tedtalk တစ်ခုမှာ ပြောပြထားပါတယ်။ သူရဲ့ သီအိုရီမှန်းဆချက်က ယုတ္တိရှိနေတာမို့ လူတွေအတွက် ဖြစ်နိုင်ခြေရှိမလားဟု မှန်းဆစရာတစ်ခု ဖြစ်နေပါတယ်။

“လိင်တူချစ်သူများဟာ မျိုးရိုးဗီဇကြောင့်ဖြစ်လာတယ်ဆိုရင် လိင်တူချစ်သူတွေက ကလေးမှမယူတာ။ တကယ်လို့ လိင်တူချစ်သူတွေက ဆင့်ကဲ့ပြောင်းလဲမှုမှာ မျိုးရိုးဗီဇကို အမွေပေးရမယ်ဆိုရင် လူနည်းစုသာဖြစ်တဲ့ လိင်တူချစ်သူတွေဟာ နှစ်ပေါင်းထောင်ပေါင်းများစွာ ကြာလာတဲ့အခါ ကမ္ဘာပေါ်ကနေ ပျောက်ကွယ်သွားတာ ကြာလှနေပေါ့။ ဒါပေမဲ့ သမိုင်းတလျှေက် ယဥ်ကျေးမှုတိုင်းမှာ လိင်တူချစ်သူတွေဟာ ရာဇဝင်ထဲမှာ ရှိနေခဲ့တယ်” ဟု ဆရာဝန်ကြီးက စပြောပါတယ်။

ဆက်လက်ပြီး ဆရာဝန်ကြီးကရှင်းပြရာမှာ “ဆိုတော့ ကျနော်က တွေးကြည့်တာ ကျနော့်သား အသက်ကြီးလာတာနဲ့အမျှ မိသားစုအတွင်းမှာ သူ့ မောင်နှမတွေနဲ့ ပျော်ပျော်ရွင်ရွင်ရှိတာ၊ မောင်နှမတွေက သူ့ကိုချစ်တာတွေကိုကြည့်ပြီး လိင်တူချစ်ခြင်းဆိုတာဟာ လိင်တူချင်းဆက်ဆံဖို့သက်သက်တစ်ခု မဟုတ်ဘူးဆိုတာကို ကျနော် မြင်လာမိပါတယ်။ လိင်တူချစ်သူတွေဟာ ဆက်လက်ရှင်သန်နိုင်ရေးအတွက် အလွန်အရေးပါတဲ့သူတွေဖြစ်တယ်ဆိုတာကို ရုတ်တရက်တွေးမိလိုက်တယ်။ တစ်ဦးတစ်ယောက်ထဲ ရှင်သန်ဖို့တင်မဟုတ်ပါဘူး မိသားစုတစ်ခုလုံး ဆက်လက်ရှင်သန်နိုင်သန်နိုင်ရေးအတွက် အရေးပါတဲ့သူတွေပါ။ ကျနော်တို့ လူသားမျိုးနွယ်တွေဟာတွေ တစ်ယောက်ချင်းရှင်သန်ခြင်းထက် အသိုက်အဝန်းနှင့် နေထိုင်ခြင်းကို အလေးပေးဆုံး သတ္တဝါတွေ ဖြစ်ကြပါတယ်။ လူတွေဟာ တစ်ယောက်နှင့်တစ်ယောက် ယှဥ်ပြိုင်တိုက်ခိုက်နေရင် လူသားမျိုးနွယ်တုံးသွားမှာပေါ့။ အမှန်တော့ လူသားတွေက လူသားမျိုးနွယ် ဆက်လက်ရှင်သန်နိုင်ရေးအတွက် အချင်းချင်းအသိုက်အဝန်းနှင့် နေမှရတာပါ။ လူသားတွေဟာ မိသားစုအတွင်းအချင်းချင်း စည်းစည်းလုံးလုံး ချစ်ချစ်ခင်ခင်နေနိုင်၊မနေနိုင်ခြင်းဟာ ထိုမိသားစု ဆက်လက်ရှင်သန်၊မရှင်သန်ခြင်းကို ဆုံးဖြတ်ပေးတဲ့အရာပါ။ အဲ့ဒါကြောင့် လူသားမျိုးနွယ်ဟာ ဆင့်ကဲ့ပြောင်းလဲမှုဖြစ်စဥ်မှာ အသန်မာဆုံးလူတစ်ယောက်သာရှင်သန်ခြင်း မဟုတ်ပါဘူး။ အသန်မာဆုံး မိသားစုများသာ ရှင်သန်ခြင်းဖြစ်ပါတယ်။ မိသားစုတစ်ခုမှ မောင်နှမများဟာ ၅၀ ရာခိုင်နှုန်း မျိုးရိုးဗီဇ အတူတူရှိပါတယ်။ သင့်ရဲ့ တူနဲ့တူမတွေမှာ ၂၅ ရာခိုင်နှုန်း သင်နဲ့တူတဲ့ မျိုးရိုးဗီဇ ရှိပါတယ်။ ဆင့်ကဲပြောင်းလဲမှု ရှုထောင့်ကကြည့်မယ်ဆိုရင် သင်ကိုယ်တိုင် ကလေးတစ်ယောက် ပြုစုပျိုးထောာင်တာဟာ သင့် မောင်နှမတစ်ယောက်ယောက်ကို ကလေးနှစ်ယောက် ရှင်သန်နိုင်အောင် ကူညီတာနဲ့ မျိုးရိုးဗီဇ ထိန်းသိမ်းတာချင်း အတူတူပဲဖြစ်ပါတယ်။

ဆင့်ကဲပြောင်းလဲမှုမှာ ဒီအရာကတော့ အတူပူးပေါင်းဆောင်ရွက်မှုနဲ့ ကိုယ်ကျိုးမငဲ့ခြင်းတို့ကြောင့် မိသားစုရှင်သန်နိုင်ခြင်း ဖြစ်ပါတယ်။ လိင်တူချစ်သူတွေဟာ ဒီအပိုင်းအတွက် မိသားစုအတွင်းမှာ ပရဟိတစိတ်ဓာတ်အပြည့်အရှိဆုံး သူတွေဖြစ်အောင် မျိုးရိုဗီဇနှင့်ပုံသွင်းပြီးသားသူတွေ ဖြစ်ပါတယ်။ လိင်တူချစ်သူတွေဟာ မိသားစုအကြားမှာ တစ်ဦးနှင့် တစ်ဦးအကြားမှ ကြင်နာမှုတွေ ဖြစ်ပေါ်လာအောင် ကူညီဖို့ဖြစ်ပေါ်လာခြင်း ဖြစ်ပါတယ်။

ဒါ့ကြောင့် ဆင့်ကဲ့ဖြစ်စဥ်မှုကို လေ့လာတဲ့ သိပ္ပံပညာရှင်တွေက လိင်တူချစ်သူတွေဟာ အထူးပြုထားတဲ့ပါရမီတွေနဲ့ ထူးခြားတဲ့ရည်သွေးတွေပိုင်ဆိုင်ကာ အုပ်စုတစ်စုချင်းစီအတွက် အားသာချက်တွေပေးပါတယ်။ ထို့ကြောင့် လိင်တူချစ်သူတွေကို ဖိနှိပ်တဲ့ လူ့အဖွဲ့အစည်းတွေက သူ့တို့လူ့အဖွဲ့အစည်းကို ပြန်ထိခိုက်အောင်လုပ်နေတာပါပဲ။”

“ဆိုတော့ ထူးခြားတဲ့ရည်သွေးတွေက ဘာတွေလဲ။ လိင်တူချစ်သူတွေက အိပ်ယာထဲမှာ သူတို့အချင်းချင်း ဘာတွေလုပ်တာလဲတစ်ခုတည်းနှင့်သာ သူတို့ကို သတ်မှတ်ဖို့မဟုတ်ပါဘူး။ သူတို့တွေက ဉာဏ်ကောင်းတယ်၊ ရီရတယ်၊ သိတတ်တယ်၊ စာနာတယ်၊ သူများတွေအပေါ်မှာ နားထောင်ပေးတယ် စသဖြင့် စသဖြင့် အရည်အသွေးတွေမှာ ပိုတော်တတ်ကြပါတယ်။

ဆင့်ကဲပြောင်းလဲမှု ရှုထောင့်ကပြောရရင် သူတို့က အလွန်အရေးပါတယ်။ သိပ္ပံသုတေတနကလည်း လူနည်းစု လိင်တူချစ်သူတွက ဉာဏ်ပိုကောင်းတတ်တယ်၊ အထူးသဖြင့် emotional intelligence လို့ခေါ်တဲ့ စိတ်ခံစားမှုကို ထိန်းသိမ်းရာမှာ ဉာဏ်အလွန်ကောင်းတတ်ကြပါတယ်လို့ သက်သေပြထားပါတယ်။ နောက်သုတေသနတစ်ခုမှာလည်း စိတ်ပညာစစ်ဆေးမှုတွေပြုလုပ်ရာမှာ လိင်းတူချစ်သူတွေဟာ စာနာမှု နှင့် ပူးပေါင်းဆောင်ရွက်မှုတွေမှာ အမှတ်များပြီး ရန်လိုမှု စိတ်ဓာတ်မှာ အမှတ်နည်းပါတယ်။”

“ထွေပြားစုံလင်မှုဆိုတာ သဘာဝကို ဖန်တည်းပေးလိုက်တဲ့ လျှို့ဝှက်လက်နက်တစ်ခုလိုပါပဲ။ လူ့အဖွဲ့အစည်းမှ ယောက်ျားတိုင်းဟာ လိင်တူချစ်သူတွေကြီးဖြစ်နေရင် ပြသနာတော့တက်မှာပေါ့။ ဒါပေမဲ့ ယောက်ျားတိုင်းဟာလည်း သူရဲကောင်းတွေကြီးပဲဖြစ်နေရင်လည်း တကမ္ဘာလုံးမှာ တချိန်လုံး စစ်တွေပဲဖြစ်ကုန်တော့မှာပေ့ါ။ အောင်မြင်တဲ့ လူ့ယဥ်ကျေးမှုအသိုင်းအဝိုင်း တစ်ခုဖြစ်ဖို့ လိုအပ်ချက်ကတော့ မတူညီတဲ့အရာတွေ ပေါင်းစည်းထားတဲ့ စုပေါင်းစွမ်းအားရဲ့ အကျိုးရလာဒ်ပဲဖြစ်ပါတယ်။ လိင်တူချစ်သူတွေက ဒီအထဲမှာ လူသားတွေ စည်းလုံးပေါင်းစည်းနိုင်ဖို့ အတွက် ဓာတ်ကူလုပ်ပေးနေသလိုပါပဲ။"

ဆက်လက်ပြီး ဆရာဝန်ကြီးက မျိုးရိုးဗီဇရှုထောင့်ကနေ ဆက်လက်ရှင်းပြပါတယ်။ “ဆိုတော့ ကျနော်တို့ရဲ့ ခန္ဓာထဲက ဗီဇ (gnome) ထဲမှာ ကျနော်တို့ လိုအပ်သမျှ ဗီဇလက္ခဏာအမှတ်အသားတွေ အကုန်ထည့်ပေးလိုက်ပါတယ်။ ဒါပေမဲ့ ပတ်ဝန်းကျင်ကနေ ဗီဇထဲမှာရှိတဲ့ ဘယ်လက္ခဏာအမှတ်အသားကိုသာ ခလုတ်ဖွင့်ပေးရမလဲဆိုတာကို ဆုံးဖြတ်ပါတယ်။ ဒါကြောင့် ပတ်ဝန်းကျင်အတွက် အသင့်တော်ဆုံးဖြစ်တဲ့ သင်လူသားတစ်ယောက်ဖြစ်အောင် လုပ်ပေးရမလဲဆိုတာကို ဘယ်လက္ခဏာတွေကို ဖွင့်ပေးပြီး သင့်ကို ပုံသွင်းပါတယ်။ နှိုင်းယှဥ်ပြီး ဥပမာပေးပြောရရင် ပုရွက်ဆိတ်တွေဟာ လူတွေလိုပဲ အသိုင်းအဝန်းအဖွဲ့အစည်းနှင့် အလွန်နေတတ်တဲ့ တိရစ္ဆာန်တွေပါ။ သူတို့ရဲ့ မျိုးရိုးဗီဇယန္တာယားဟာလည်း လူတွေနှင့် အတော်တူပါတယ်။ ဥပမာတစ်ခုပေးရရင် အလုပ်လုပ်တဲ့ ပုရွက်ဆိတ် နှင့် စစ်သားပုရွက်ဆိတ်ဆိုပြီး နှစ်ကောင်ရှိပါတယ်။ တစ်ကောင်က သေးသေးသွက်သွက်နှင့် အစာရှာလုပ်လုပ်တဲ့ ပုရွက်ဆိတ်ပါ၊ နောက်တစ်ကောင်ကတော့ သန်သန်မာမာ ကြီးကြီးထွားထွား ရန်သူတွေကို တိုက်မယ့်အကောင်ကြီးပါ။ ဒါပေမဲ့ သူတို့နှစ်ကောင်က ပုံသဏ္ဍာန်မတူပေမဲ့ သူတို့က အမွှာတွေပါ။ အမွှာနှစ်ကောင်လုံးမှာ ဗီဇဖွဲ့စည်းပုံက တစ်ပုံစံထဲပါပဲ။ အဲ့ဒါဘယ်လိုဖြစ်တာလဲ။ ဆိုတော့ ပုရွက်ဆိတ်ဘုရင်မကြီးက ဗီဇကိုပုံသွင်းတဲ့အခါဆုံးဖြတ်မှုမှာ မူတည်ပါတယ်။ ဘုရင်မကြီးက ပုရွက်ဆိတ်အုံ တိုက်ခိုက်ခံနေရချိန်မှာဆိုရင် ပေါက်ဖွားလာမယ့် ပုရွက်ဆိတ်တွေကို စစ်သားပုရွက်ဆိတ်ဖြစ်စေတဲ့ ဗီဇလက္ခဏာအမှတ်အသားတွေကို ဖွင့်ပေးလိုက်ပြီး စစ်သားဖြစ်စေမယ့် အခြေအနေကို ဖန်တည်းပေးလိုက်ပါတယ်။ ထို့အတူပဲ ပုရွက်ဆိတ်အုံဗိုက်ဆာနေချိန်မှာ အလုပ်သမား ဖြစ်စေမယ့် ဗီဇလက္ခဏာအမှတ်အသားတွေကို ဖွင့်ပေးလိုက်ပါတယ်။ ထို့ကြောင့် ကျနော်တို့ဟာ မွေးလာတဲ့အချိန်မှာ မိသားစုကို အကောင်းဆုံးရှင်သန်နိုင်စေမယ့် လက္ခဏာများကို ပိုင်ဆိုင်တဲ့ အခြေအနေမျိုးနှင့် မွေးလာတတ်ပါတယ်။ ဆိုတော့ ကျနော်တို့အားလုံးရဲ့ မျိုးရိုးဗီဇဖွဲ့စည်းပုံထဲမှာ လိင်တူချစ်သူဖြစ်စေမယ့် ဗီဇလက္ခဏာအမှတ်အသား လူတိုင်းမှာ ရှိနေနိုင်ပါတယ်။ ဒါပေမဲ့ မလိုအပ်လို့ရှိရင် သင့်မိခင်ဝမ်းဗိုက်ထဲမှာ မဖွင့်ပဲထားခဲ့ပြီး အသာလေး ဗီဇကြိုးကို ထုံးထားခဲ့ထားတာ ဖြစ်နိုင်ပါတယ်။ အမေရိကန် တက္ကသိုလ် UCLA မှာ မကြာခင်ကမှ ပြုလုပ်ခဲ့တဲ့ သုတေသနတစ်ခုမှာ ယောက်ျားအုပ်စုတစ်ခုရဲ့ ဗီဇလက္ခဏာအမှတ်အသားတည်ဆောက်ပုံကို စစ်ဆေးခြင်းဖြင့် သူတို့၏ လိင်စိတ်တိမ်းညွှတ်မှုကို ၇၀ ရာခိုင်နှုန်းမှန်အောင် ခန့်မှန်းနိုင်ခဲ့ကြပါတယ်။”

“ဆိုတော့ ဘယ်လိုအခြေအနေများက ကိုယ်ဝန်ဆောင်နေတုန်း လိင်တူချစ်သူဖြစ်စေမယ့် ဗီဇလက္ခဏာအမှတ်အသားကို ဖွင့်ပေးတာလဲ။ ယောက်ျားလေးတွေအတွက် သင်လိင်တူချစ်သူဖြစ်စေနိုင်မယ့်ရာခိုင်နှုန်းဟာ အရင်မွေးခဲ့တဲ့ ယောက်ျားလေးကလေးအရေအတွက် ပေါ်မူတည်ပြီး အချိုးကျ မြင့်တက်လာပါတယ်။ ဆိုတော့ သီအိုရီအရ သင့်ရဲ့ အထက်မှာ အကိုတစ်ယောက်ရှိတိုင်း သင့်မှ လိင်တူချစ်သူဖြစ်နိုင်ခြေ ၃၃ ရာခိုင်နှုန်း ပိုမြင့်တက်လာပါမယ်။ ဟိုးအရင်တုန်းက ကိုယ်ဝန်တားဆေးတွေ မပေါ်ခင်တုန်းက သဘာဝက လိင်တူချစ်ခြင်းကို လူဦးရေထိန်းသိမ်းဖို့ တီထွင်ခဲ့တာဖြစ်နိုင်ပါတယ်။ ဆို့တော့ မိသားစုထဲမှာ လိင်ကွဲချစ်သူ ယောက်ျားလေး လေးယောက်လောက်ရှိလာတဲ့အခါ မိခင်ဝမ်းဗိုက်က လုံလောက်ပြီဆိုပြီး ၅ ယောက်မြောက် ကလေးကို လိင်တူချစ်သူဖြစ်သူဖြစ်မယ့် ဗီဇလက္ခဏာအမှတ်အသားကို ဖွင့်ပေးလိုက်တယ်။ အဲ့ဒီအခါ မိသားစုထဲမှာ လိင်တူချစ်သူ ယောက်ျားလေးတစ်ယောက်ထပ်မွေးလာတယ်။ ဒါ့ကြောင့် နောက်မျိုးဆက်ထဲမှာ ကလေးတွေအများကြီးထပ်မမွေးတော့ပဲ ကျွေးစရာလူတွေအများမဖြစ်တော့အောင် ထိန်းသိမ်းထားသလို ဖြစ်သွားမယ်။ ပြီးတော့ မိသားစုထဲမှာ ညီအကိုတွေ မိန်းမလုဖို့ တိုက်ခိုက်တဲ့ အဖြစ်မျိုးတွေ ရှောင်လို့ရမယ်။”

“နောက်ထပ် ဗီဇလက္ခဏာအမှတ်အသားတစ်ခုကတော့ အထီးကို စွဲမက်စေတဲ့ ဗီဇလက္ခဏာအမှတ်အသားလို့ခေါ်ပါတယ်။ သတ္တဝါတွေထဲမှာ အဲ့ဒီ ဗီဇလက္ခဏာအမှတ်အသားက အမတွေမှာ ပေါ်လာလို့ရှိရင် သူတို့က မိတ်ပိုလိုက်လေ့ရှိပြီး မျိုးပွားမှုကို ပိုမိုဖြစ်ပေါ်စေပါတယ်။ ဒါပေမယ့် အထီးကို စွဲမက်စေတဲ့ ဗီဇလက္ခဏာအမှတ်အသားက အထီးတွေမှာ ပေါ်လာခဲ့ရင်တော့ လိင်တူချစ်ခြင်းကို ဖြစ်စေနိုင်တဲ့ အလေ့အထပိုများလာစေပါတယ်။ ထို့ကြောင့်လူတွေမှာ ဒီဗီဇလက္ခဏာအမှတ်အသားကတော့ မိသားစုတွေမှာ လူဦးရေ အရေအတွက်အလွန်များမလာအောင် ပြုလုပ်ပေးနိုင်တဲ့ ဗီဇလက္ခဏာအမှတ်အသားဖြစ်ပြီး မိသားစုအတွင်း အတူတကွစည်းလုံးပေါင်းစည်းမှုကို ဖြစ်စေမယ့် အကျင့်စရိုက်တွေကို ထိုကလေးမှာပါလာအောင် သဘာဝက ဖန်တည်းထားတာဖြစ်ပါတယ်။ ဤသို့နှင့် မိသားစုကို ဆက်လက်ရှင်သန်ဖို့ အခွင့်အရေးကို ပိုများစေခြင်းပဲဖြစ်ပါတယ်။”

“ဒါပေမယ့် ကျနော့်သားက အကိုတွေမရှိဘူး။ သူက ပထမဆုံးကလေး။ ဘာလို့ လိင်တူချစ်သူဖြစ်နေရတာလဲ။ အကြောင်းကတော့ သူ့အမေက သူ့ကိုယ်ဝန်ရှိနေတုန်းမှာ လည်ပင်းကင်ဆာဖြစ်နေခဲ့ပါတယ်။ အဲ့ဒီချိန်တုန်းက တော်တော်စိတ်ညစ်ခဲ့ရတဲ့အချိန် ဖြစ်ခဲ့ပါတယ်။ ကံကောင်းထောက်မစွာ သူတို့နှစ်ယောက်လုံး အဲ့ဒီအခက်အခဲကို ကျော်ဖြတ်နိုင်ခဲ့ကြပြီး ဒီနေ့အထိ ကျန်းမာစွာနေထိုင်နေကြပါတယ်။ ဆိုတော့ မမွေးခင် ကိုယ်ဝန်ဆောင်စဥ် စိတ်ဖိစီးမှုရှိခြင်းက လိင်တူချစ်သူကလေးများကို မွေးဖို့ အလားအလာကို ဖြစ်စေပါတယ်တဲ့။ သုတေသနတစ်ခုမှာ လိင်တူချစ်သူ ၃၇ ရာခိုင်နှုန်းက သူတို့အမေတွေ ကိုယ်ဝန်ဆောင်စဥ်က စိတ်ဖိစီးမှုရှိခဲ့တယ်လို့ ပြောကြပါတယ်။ လိင်ကွဲချစ်သူတွေကတော့ ၃ ရာခိုင်နှုန်းကပဲ အဲ့လိုပြောပါတယ်။ ဒီအဖြစ်က ကျနော်ခုနက ပြောခဲ့တဲ့ ပုရွက်စိတ်ဘုရင်မကြီးရဲ့ ဥပမာလိုပဲ၊ မိခင်က သူရဲ့ကလေးရဲ့ ဗီဇလက္ခဏာအမှတ်အသား ကိုပြောင်းလဲပေးပြီး အနာဂတ်မှာ မိသားစုကို ကူညီနိုင်မယ့် ကလေးတစ်ယောက်ကို မွေးလာအောင် ပြင်ဆင်ပေးနေသလိုပါပဲ။ အဲ့ဒါက အမေကနေကလေးကို

“အမေတို့ ဒုက္ခရောက်ပြီး စိတ်ညစ်နေတယ်၊ မိသားစုကို ပျော်ရွင်အောင်လုပ်ပေးနိုင်မယ့် ကြင်နာတတ်တဲ့ကလေးတယောက်လိုတယ်” လို့ 

ပြောနေသလိုပါမယ်။ အနှစ်ချုပ်ပြောရရင် မိသားစုထဲမှာ ကလေးတွေသိပ်များနေရင် ဒါမှမဟုတ် မိသားစုက ခက်ခဲတဲ့ အချိန်အခြေအနေနဲ့ ကြုံနေရရင် သဘာဝက အလိုလျောက် လိင်တူချစ်သူ ဗီဇကို ဖွင့်ပေးလိုက်ကာ ၎င်းက ဦးနှောက်ဖွင့်ဖြိုးမှုကို ပြောင်းလဲပေးပြီး လိင်စိတ်စွဲမက်မှုကို ပြောင်းပေးရုံသာမက (emotional intelligence) စိတ်ခံစားမှုကို ထိန်းသိမ်းရာမှာ ဉာဏ်အလွန်ကောင်းအောင်ပါ ပြင်ဆင်ပေးလိုက်ပါတယ်။”

ဆက်လက်ပြီး ဆရာဝန်ကြီးက သူ့သားဟာ မိသားစုထဲမှာ ညီကိုမောင်နှမတွေက ဘယ်လိုစည်းလုံးအောင် ကူညီပေးကြောင်းကို ဆက်ပြောပြီးတော့ လိင်တူချစ်သူတွေကို ဖိနှိပ်ခြင်းက မိသားစုတွေကို ဘယ်လိုထိခိုက်နိုင်ကြောင်းဆက်ပြောပါတယ်။

“လိင်ကွဲချစ်သူတွေက အချစ်မေတ္တာရှိကြပြီး လိင်တူချစ်သူတွေက လိင်ဆက်ဆံချင်တာတစ်ခုပဲရှိတယ်လို့ လူတွေပြောကြတာ လုံးဝမမှန်ပါဘူး။ လူတိုင်းက အသည်းနှလုံးရှိကြပြီး အချစ်မေတ္တာကို လိုချင်ကြတာပါ။ အရာအားလုံးရဲ့အထက်မှာ အချစ်မေတ္တာက အရင်လာတာပါ။ 

ဝမ်းနည်းစရာကောင်းတာက ဒီနေ့အမေရိကန်နိုင်ငံမှာဆိုရင် လိင်တူချစ်သူ လူငယ်ဆယ်ကျော်သက်များဟာ အနိုင်ကျင့်တာနှစ်ဆပိုခံရပြီး အခြားလူငယ်များထက် ကိုယ့်ကိုယ်ကို သတ်သေချင်စိတ် ၅ဆပိုများပြီး လိင်တူချစ်သူလူငယ် ၂၉ ရာခိုင်နှုန်းဟာ ကိုယ့်ကိုယ်ကို သတ်သေဖို့ကြိုးစားခဲ့ကြပါတယ်။ အခြားနိုင်ငံမှာ လိင်တူချစ်သူတွေဟာ တရားမဝင်ဖြစ်ပြီး အချို့နိုင်ငံတွေမှာ လိင်တူချစ်ခြင်းဟာ သေဒါဏ်ချမှလို့ရပြီး ကျန်တဲ့နိုင်ငံတွေမှာ ထောင်ဒါဏ်ချမှတ်လို့ရပါတယ်။

ဘာလို့လဲဆိုတော့ သဘာဝကို ဆန့်ကျင်တယ်လို့ သတ်မှတ်နေကြလို့ပါပဲ။ ဒါပေမယ့် အဲ့ဒါကလုံးဝမဟုတ်တာပဲ။ သဘာဝဟာ လိင်တူချစ်ခြင်းကို လိုအပ်တဲ့နေရာမှာ လိုအပ်တဲ့ချိန်မှာ ဖန်ဆင်းပေးလိုက်ပြီး သူတို့တွေကို ထူးခြားတဲ့ အရည်အသွေး အကျင့်စရိုက်တွေကို ပေးပြီး သူ့တို့ပတ်ဝန်းကျင်က လူတွေ စည်ပင်ဝပျိုးအောင် ကူညီပေးဖို့ရောက်လာတာပါ။ တကယ်တော့ သဘာဝကိုဆန့်ကျင်ဆိုတာမှာ ဒီလူနည်းစုကို ဖိနှိပ်ဖျက်စီးခြင်းတဲ့ လုပ်ရက်ကမှ သဘာဝကို ဆန့်ကျင်တာပါ။ ဒီလူတွေကိုက မျက်စိလည်နေတဲ့လူတွေလည်းမဟုတ်ဘူး၊ ရောဂါရနေတာလည်းမဟုတ်ဘူး၊ သူတို့ကို ဆေးကုသပေးစရာလိုမလိုဘူး၊ လူ့အသိုင်းအဝိုင်းမှ ကြဉ်ဖယ်ပစ်ရမယ့်လူတွေလည်း မဟုတ်ပါဘူး။

သူတို့တွေဟာ ကျနော်တို့အသိုင်းအဝိုင်းအတွက် အဖိုးတန်တဲ့သူတွေဖြစ်တာကြောင့် သူတို့ကို လက်ခံပေးဖို့လိုမယ်။ သူတို့တွေက ကျနော်တို့ကို ပိုကောင်းအောင် ပြုလုပ်ပေးတဲ့ သူတွေဖြစ်ပါတယ်။ ကျနော့်မိသားစုကို ကျနော်ပြန်ကြည့်မိတဲ့အခါ သဘာဝက သူလူသားတွေဘာလိုတယ်ဆိုကို သိနေသလိုပဲ။ ကျနော့်မိသားစုမှ လိင်တူချစ်သူကလေးတစ်ယောက်ရဲ့ ကောင်းတဲ့ချက်တွေကို လိုနေတယ် ဆိုတာကို သိနေတယ်။ လိင်တူချစ်သူတွေနဲ့ ပက်သက်တဲ့ သိပ္ပံဟာ အများကြီး နားလည်ဖို့လိုနေပါသေးတယ်ဆိုတာကို ဝန်ခံပါတယ်။ ဒါပေမယ့် ကျနော့်သားကြောင့် ကျနော်အသေအခြာပြောနိုင်တာက ကျနော့်သားဟာ ဒီတိုင်းဖြစ်လာဖို့ သဘာဝက သတ်မှတ်ပေးထားပြီး သူရှိနေတဲ့အတွက်ကြောင့် ကျနော်တို့မိသားစုက အမြဲတမ်း ကြံ့ခိုင်ပြီး ပျော်ရွင်တဲ့ မိသားစု တစ်ခုဖြစ်နေပါတယ်။ ဒါဆိုရင်သင်တို့ကော်၊ လိင်တူချစ်သူတွေကို လိင်တူချင်းဆက်ဆံတာ တစ်ခုတည်းကို ပဲမကြည့်ပဲ အဲ့ဒါကိုဘေးဖယ်ထားပြီး သူတို့ဟာ တန်ဖိုးရှိပြီး လူ့အသိုင်းအဝိုင်းမှာအရေးပါတာကို သဘောပေါက်မလား။ လိင်တူချစ်သူ အမျိုးသားနဲ့ အမျိုးသမီးတွေဟာ လူသားအတွေအတွက် မရှိမဖြစ်အရေးပါပါတယ်။ ကျနော်တို့ လူသားတွေဟာလည်း ပုရွက်ဆိတ်တွေလိုပါပဲ။ ကျနော်တို့ရဲ့ ထွေပြားစုံလင်မှုထဲမှာ ကျနော်တို့ရဲ စုပေါင်းတဲ့ အင်းအားကို ရရှိပြီး အတူအကွ ပေါင်းစည်းမှ ကြံခိုင်ရှင်သန်နိုင်ကြပါတယ်။”

ထိုဆရာဝန်ကြီးမှ တင်ဆက်မှု အပြည့်အစုံကို အောက်မှာ အင်္ဂလိပ်လို ကြည့်နိုင်ပါတယ်။

လိင်တူချစ်သူယောက်ျားများအတွက် တကိုယ်ရည်ကာယ ကျန်းမာရေး

သွား နှင့် ခံတွင်းအကြောင်း (အပိုင်း ၁) ကို ဖတ်ရန်

ခြေသည်းလက်သည်း နှင့် ဆံပင် အကြောင်း (အပိုင်း ၂) ကို ဖတ်ရန်

အပိုင်း (၃) - အရေပြား

၄ ကီလိုဂရမ် (၉ ပေါင်) မျှလေးသော အရေပြားသည် ခန္ဓာကိုယ်တစ်ခုလုံး၏ မျက်နှာပြင်ကို ဖုံးအုပ်ထားပြီး ခန္ဓာကိုယ်၏ အကြီးဆုံး အင်္ဂါအစိတ်အပိုင်းဖြစ်သည်။ ကြံ့ခိုင်သော ပရိုတင်း keratin နှင့် ပြုလုပ်ထားပြီး ၎င်းသည် လူ့ခန္ဓာကိုယ်ကို ပတ်ဝန်းကျင်၊ ဘက်တီးရီးယား နှင့် အခြားပြင်ပမှ ဇီဝရုပ်ကောင်များမှ ကာကွယ်ပေးပါသည်။

အရေပြားသည် အလိုအလျောက် သူ့ဘာသာသူ ပြန်ပြင်ပြီး ပြန်ရှင်သန်လာနိုင်ကာ မပျက်ဆီးမကျိုးပဲ့သော အရေပြားသည် ရေစိမ့်ဝင်မှုတားဆီးပြီး ခန္ဓာကိုယ်ကို အန္တရာယ်ရှိသော နေရောင်ခြည်များမှ ကာကွယ်ပေးသည်။ ၎င်းသည် မယ်လနင် (melanin) ခေါ် အမဲအရောင်အသားရောင်ချယ်ကို ထုတ်လုပ်ပြီး နေရောင်ခြည်တွင်ရှိသော ခရမ်းလွန်ရောင်ခြည်များစုတ်ယူထားကာ အသားရေကို ကာကွယ်ပေးပါသည်။ ထို့ကြောင့် နေပူထဲထွက်ခြင်းကြောင့် အသားညိုရခြင်းဖြစ်သည်။

အရေပြားသည် ခန္ဓာကိုယ်၏ အပူချိန်နှင့်ရေဓာတ်ထိန်းညှိမှုကိုလည်း ပြုလုပ်ပေးပါသည်။ ဥပမာ ကိုယ်ပေါ်ရှိ အမွေးများသည် အေးသောရာသီဥတုတွင် ထောင်မတ်လာကာ နွေးသောလေများကို ခန္ဓာကိုယ်နှင့် နီးအောင် သိမ်းယူထားပေးသည်။ ရာသီဥတုအရမ်းပူသောအခါ ချွေးများထုတ်ပေးကာ ခန္ဓာကိုယ်ကို အေးအောင်လုပ်ပေးသည်။ အာရုံခံစားသော အကြောများသည် အရေပြားပေါ်တွင်အပြည့်ရှိပြီး ပတ်ဝန်းကျင်တွင်ရှိသော ထိတွေ့မှု၊ ဖိအား၊ နာကျင်မှု နှင့် အပူချိန်များကို ဦးနှောက်သို့ နာလည်းနိုင်ရန် ပို့ပေးကာ ပတ်ဝန်းကျင်အခြေအနေကို သိရှိစေပြီး ကိုယ့်ကိုယ်ကို ကာကွယ်နိုင်အောင် ကူညီပေးသည်။ ထို့ကြောင့် အရေပြားသည် ခန္ဓာကိုယ်တွင် အလွန်အရေးပါသော အင်္ဂါအစိတ်အပိုင်းဖြစ်ပါသည်။

အရေပြားသည် collagen (ကိုလာဂျင်) ဟုခေါ်သော ဆန့်ကျုံ့နိုင်သည့် အသားမျှင်ပါသော ခန္ဓာတစ်ရှူးများနှင့် ချိတ်ဆက်ထားသည်။ ကျွန်ုပ်တို့ အသက်ကြီးလာသည်နှင့်အမျှ နေရောင်ခြည် နှင့် သဘာဝဒါဏ်ကို ခံလာရသော ခန္ဓာအစိတ်အပိုင်းများ (ဥပမာ မျက်နှာ၊ လည်ပင်း နှင့် လက် စသည်) တို့သည့် ကိုလာဂျင်များပျက်ဆီးမှုကြောင့် မဆန့်ကျုံ့နိုင်တော့ပဲ အသားရေတွန့်လာခြင်းဖြစ်သည်။

အရေပြား၏ အဓိက တာဝန်မှာ ကျွန်ုပ်တို့၏ ခန္ဓာကိုယ်ကို ပတ်ဝန်းကျင်မှ ကာကွယ်ရန် ဖြစ်သည့် အလျောက် အချိန်နှင့်အမျှ အရေပြားပျက်စီးသည်မှာ အံ့သြစရာတော့ မဟုတ်ပါ။ အရေပြားပြသနာများသည် အသက်အန္တရာယ် ခြိမ်းခြောက်နိုင်သော အရာများမဟုတ်ပဲ အလွယ်တကူ ကုသ၍ရနိုင်သော်လည်း ၎င်းတို့၏ ဘေးထွက်ဆိုးကျိုးများ နှင့် အခြားသွယ်ဝိုက်သက်ရောက်မှုများသည် ကျွန်ုပ်တို့ကို ထိခိုက်နိုင်သော အရာများဖြစ်ကြသည်။ အထူးသဖြင့် ထပ်ခါတလဲလဲဖြစ်ပေါ် အရေပြားရောဂါများသည် ကျွန်ုပ်တို့ကို အထူးထိခိုက်နိုင်သည်။

ဖြစ်လေ့များသော အရေပြားပြသနာများမှာ

ဝက်ခြံပေါက်ခြင်း - ဟော်မုန်းကြောင့် အရေပြားအောက်ရှိမွေးညင်းပေါက်များသည် အဆီအပိုထုတ်လုပ်လာသဖြင့် ဖြစ်ပေါ်လာခြင်းဖြစ်သည်။ ယောက်ျားလေးများကို လူပျိုဖြစ်စအချိန်တွင် အဖြစ်များလေ့ရှိသော်လည်း နောက်ပိုင်း အရွယ်တွင်လည်း ဖြစ်နိုင်သေးသည်။

Eczema/နှင်းခူနာ (သို့) အရေပြား အလွန်ခြောက်သွေ့ခြင်း - ရောင်ရမ်းသော၊ ယားယံသော၊ ခြောက်သွေ့သည့် အလွှာများကွာကျသော အရေပြားအခြေအနေဖြစ်သည့်။ တခါတရံတွင် ဓာတ်မတည့်မှုကြောင့် ဖြစ်ပေါ်သော်လည်း အရေပြားအလွန်ခြောက်သွေ့ခြင်းကြောင့်အပါအဝင် အခြားအကြောင်းအရင်းအမျိုးမျိုးကြောင့်လည်း ဖြစ်ပေါ်ပါသည်။

(ခြေထောက်) သဲဝဲ - ဝဲဆွဲစေသော မှို (သို့မဟုတ်) ဘက်တီးရီးယားကူးစက်မှုကြောင့် ခြေချောင်းများအကြား ယားယံပြီးစပ်သော နာများဖြစ်ခြင်းဖြစ်သည်။ ဘွတ်ဖိနပ်ဝတ်ပြီး ချွေးထွက်သော ခြေထောက်များတွင် အဖြစ်လွယ်သည်။

ကိုယ့်ကိုယ်ကို ထိန်းသိမ်းကုသခြင်း

• သင့် အရေအပြားအခြေအနေ၏ ရောဂါအကြောင်း နှင့် ကုသနည်းကို ကောင်းကောင်းမသိပါက သင့်ဆရာဝန်၏ အကူအညီကိုယူပါ။

• ဝက်ခြံကို ကုသ၍ မရသော်လည်း ပိုမဆိုးလာအောင် ထိန်းသိမ်းထားသင့်ပါသည်။ ဝက်ခြံသည် တစ်ကိုယ်ရေညစ်ပတ်ခြင်းအကြောင့် ဖြစ်ပေါ်လာခြင်းမဟုတ်ပါ။ ခဏခဏ မျက်နှာသစ်ခြင်းကြောင့် ပျောက်သွားမည်မဟုတ်ပဲ ၎င်းသည် အရေပြားကို ခြောက်သွေ့ယားယံစေပြီး အနာများကိုသာ ပိုဆိုးစေပါသည်။ သင်ဝက်ခြံပေါက်သူဖြစ်ပါက တစ်နေ့ကို နှစ်ကြိမ်ထက်ပိုပြီး မျက်နှာကို မသစ်ပါနှင့်။ အလွန်ပူသော၊အလွန်အေးသောရေသည် ဝက်ခြံကို ပိုဆိုးစေသည်။ ဝက်ခြံရှိ အမဲစက်များကို မြန်မြန်ထွက်အောင် မညှစ်ပစ်ပါနှင့်။ အမာရွတ်များကျန်တတ်သည်။ ဆံပင်ရှည်လျှင် ဆံပင်ပုံမှန် သန့်ရှင်းရေးလုပ်ပါ။ ဆံပင်ကို မျက်နှာပေါ်မကျစေပါနှင့်။ အလွန်အဆီပြန်စေသော မျက်နှာနှင့်ဆံပင်လိမ်းဆေးများကို ရှောင်ပါ။ ၎င်းတို့သည် သင့်အရေပြား၏ လေဝင်လေထွက်ကို ပိတ်ထားနိုင်ပါသည်။ ဝက်ခြံပိုဆိုးလာပါက ဆရာဝန်နှင့် အရင်တိုင်ပင်ကာ ထိရောက်သော ဆေးများကို ရယူပြီး အခြေအနေထိန်းထားနိုင်ပါသည်။

• နှင်းခူနာ (သို့) အရေပြား အလွန်ခြောက်သွေ့ခြင်းဖြစ်ပေါ်နေပါက moisturizer လိမ်းဆေးများကို အသုံးပြုပြီး အသားရေကို စိုဆွတ်အောင်လုပ်ပါ။ အလွန်ပူသောရေကိုသုံးခြင်း၊ အကြာကြီးရေချိုးခြင်းရှောင်ပါ။ အလွန်ပြင်းသော အမွှေးနံများပြင်းသော ဆပ်ပြာများသည် အသားရေကို ခြောက်သွေ့စေပါသည်။ ဆပ်ပြာအများကြီးသုံးခြင်းရှောင်ပါ။ တခါတရံ ကိုယ်စားသော အစားသောက်အထဲမှအချို့သည် အရေပြားကို ယားယံစေပါသည်။ အချို့အစားအစာကို ပြောင်းလဲခြင်းဖြင့်လည်း ပြသနာကို သက်သာအောင်ပြုလုပ်နိုင်ပါသည်။ ဥပမာ အချို့ နှင်းခူနာဖြစ်သူအချို့သည် နို့ထွက်အစားအစာများကို ရှောင်ခြင်းဖြင့်သက်သာကြသည်။ စိတ်ဖိစီးမှုသည် အရေပြားပြသနာများကို ဖြစ်စေသလို ပို၍လည်းဆိုးရွားစေနိုင်ပါသည်။ သင့်ကို စိတ်ဖိစီးမှု ဖြစ်စေသော အရာများကို ရှောင်ပါ၊ ဖြေရှင်းပါ။ နေရောင်ခြည်ကို ရယူခြင်းဖြင့်လည်း အရေပြားအခြေအနေများ တိုးတက်ကောင်းမွန်လာနိုင်ပါသည်။ သို့သော် နေမလောင်မိစေရန်လည်း အထူးသတိပြုရမည်ဖြစ်သည်။

• ခြေထောက် သဲဝဲ ပေါက်ပါက အလွယ်တကူပျောက်ကင်းစေသော လိမ်းဆေး၊ အမှုန့်နှင့်၊ ဖြန်းဆေးများ ဆေးဆိုင်တွင် မေးမြန်းဝယ်နိုင်ပါသည်။

အရေပြားကင်ဆင်ကာ ရှိမှရှိ ကိုယ့်ဖာသာ စစ်ဆေးခြင်း

အရေပြားကင်ဆာသည် ကိုယ်ဖာသာ စစ်ဆေးခြင်းဖြင့် စောစီးစွာသိရှိနိုင်ပါသည်။ ဝှေးစိကင်ဆာ ကဲသို့ပင် အရေပြားကင်ဆာသည် စောစီးစွာသိရှိပါက အောင်မြင်ကုသပျောက်ကင်းနိုင်ပါသည်။ အရေပြားကင်ဆာဟု သံသယရှိဖွယ် သင်္ကေတများမှာ -

• တဖြည်းဖြည်း ကြီးလာသော အဖု (သို့) အကြိတ်

• အရေပြားအရောင်၊ အသားအရေ ပြောင်းလဲသွားခြင်း

• ပုံစံ၊ အရွယ်အသားနှင့် အရောင်ပြောင်းလဲသွားပြီး ယား၊ စပ်၊ (သို့) သွေးထွက်လာသော မှဲ့ (သို့) အမဲစက်

• ရုတ်တရက်ပေါ်လာသော မှဲ့အသစ်

• သုံးပတ်ကျော်ကြာသည်အထိ မကျက်သော အနာ၊ ဖက်ခွက်နာ၊ ပြည်နာ

သို့သော် အလွန်တရာတော့ သံသယ မကြီးပါနှင့်။ သင်အသက်ကြီးလာသည်နှင့် အမျှ ခန္ဓာကိုယ်ကိုသည် အမြင်ပုံပန်း ပြောင်းလဲတာလည်း ဖြစ်တတ်ပါသည်။

အရေပြား ထိန်းသိမ်းစောင့်ရှောက်မှု အလေ့အကျင့်ကောင်းများ

• သင်စားသော အစားအသောက်တွင် လတ်ဆတ်သော သစ်သီးများ နှင့် ဟင်းသီးဟင်းရွက်များ များများပါပါစေ။

• တစ်နေ့လျှင် ရေသန့်ရေရှစ်ခွက်အနည်းဆုံး သောက်ပါ။ လက်ဖက်ရည်၊ ကော်ဖီ နှင့် အခြား အချိုရေများကို မဆိုလိုပါ။

• ဆေးလိပ်သောက်တတ်ရင် ဆေးလိပ်ဖြတ်ပါ။ အရွယ်မတိုင်ခင် အသားတွန့်ခြင်းကို ဖြစ်စေပါသည်။

• ရေပုံမှန်ချိုးကာ မပြင်းထန်သောဆပ်ပြာနှင့် အညစ်အကျေးများနှင့် ဆဲလ်အသေများကို ဆေးချပါ။ ရေချိုးလျှင် ဆပ်ပြာပြောင်အောင်ချိုးပါ။

• ရေပူရေနွေးနှင့်ချိုးပါက ရေကို အရမ်းမပူစေပါနှင့်၊ ရေပူနှင့် အလွန်အကြာကြီးချိုးခြင်း စိမ်ခြင်းကို ရှောင်ပါ။ ၎င်းသည် အသားရေကိုခြောက်သွေ့သွားစေပါသည်။

• ကိုယ့်အသားရေနှင့် လိုက်ဖက်သော moisturizer ကို ရှာသုံးပါ။

• ရေချိုးပြီးလျှင် ခြေချောင်းများ လက်ချောင်းများအကြား ဂရုတစိုက်ခြောက်အောင်သုတ်ပါ။

• နေပူထဲသို့ထွက်လျှင် နေရောင်ထိသော နေရာများကို နေရောင်ခြည်ကာကွယ်လိမ်းဆေး (သို့) ထီးဆောင်ခြင်း၊ မျက်နှာကို ဦးထုပ်ဆောင်း ကာကွယ်ခြင်း၊ မျက်လုံးများကို မျက်မှန်တပ်ကာကွယ်ခြင်း စသည်တို့ဖြင့် နေလောင်ခြင်းမှ ကာကွယ်ပါ။

• အေးသော လေပြင်းထန်သော ရာသီများတွင် လုံလုံခြုံခြုံဝတ်ဆင်ပါ။

• အရေပြားကို ထိခိုက်ပျက်ဆီးစေသော ဆေးများ (ဥပမာ အက်စက်ပါသော အိမ်တွင်းသုံး ကြွေပြားအစွန်းချွတ်ဆေး စသည်)ကို တိုက်ရိုက်ထိတွေ့ခြင်းမှ ရှောင်ကျင်ပါ။ 

လိင်အင်္ဂါအကြောင်း (အပိုင်း-၄) ကို ဆက်လက်ဖတ်ရှုရန်

ဝှေးစေ့ နှင့် ဆီးကြိတ် အကြောင်း (အပိုင်း-၅) ကို ဆက်လက်ဖတ်ရှုရန် 

ပါးစပ်၊ လည်ချောင်း နှင့် အစာခြေစနစ်အကြောင်း (အပိုင်း-၆)ကို ဆက်လက်ဖတ်ရှုရန်

 

လိင်တူချစ်သူယောက်ျားများအတွက် တကိုယ်ရည်ကာယ ကျန်းမာရေး

သွား နှင့် ခံတွင်းအကြောင်း (အပိုင်း ၁) ကို ဖတ်ရန်

အပိုင်း (၂) - ခြေသည်းလက်သည်း

အရေပြားကဲ့သို့ ခြေသည်းလက်သည်းများသည် keratin ခေါ် ပရိုတင်းတစ်မျိုးဖြင့်ပြုလုပ်ထားပြီး ကျွန်ုပ်တို့၏ လက်ချောင်းခြေချောင်းများကို ကာကွယ်ပေးသည်။ လက်သည်းများသည် ပုံမှန်အခြေအနေတွင် အောက်ခြေမှနေ ထိပ်ဆုံးထိ ရှည်လာရန် ၅ လ မှ ၆ လအထိကြာသည်။ ခြေသည်းများမှာတော့ လက်သည်းထက် နှစ်ဆမျှ ရှည်ရန်ပိုကြာသဖြင့် လက်သည်းညှပ်သလောက် ခြေသည်းကို ညှပ်စရာ မလိုပါ။

ပျက်ဆီးမှု နှင့် အချက်ပြလက္ခဏာများ

ခြေသည်းလက်သည်းများသည်လည်း ထိခိုက်ဒဏ်ရာရမှု နှင့် ထုခြေခံရမှုတို့ကြောင့် ပျက်ဆီးမှုဖြစ်နိုင်သလို ဘက်တီးရီးယား နှင့် မှို ကူးစက်မှုကို ခံရလည်းလွယ်ပါသည်။ ကြွပ်ပြီးကျိုးလွယ်သော (သို့) ပြော့ကြောင်းထိုးသော ခြေသည်းလက်သည်း၊ လက်သည်းအောက်တွင် အမဲရောင်လှိုင်းအမှတ်များ နှင့် လက်သည်းရောင် အပြာ (သို့) အစိမ်းသို့ ပြောင်းလဲခြင်းတို့သည် ဗီတာမင်ချို့တဲ့မှု နှင့် အခြားရောဂါများ၏ အချက်ပြလက္ခဏာများ ဖြစ်ကြသည်။

လက်သည်းကိုက်ခြင်း

လက်သည်းကိုက်ခြင်းသည် စိတ်လှုပ်ရှားမှုမှ အကျိုးဆက်ဖြစ်လာသော အကျင့်ဖြစ်သည်။ ဆိုးရွားစွာကိုက်ထားသော လက်သည်းသည် နာကျင်မှု၊ သွေးထွက်မှု တို့ဖြစ်လွယ်ပြီး ရောဂါပိုး အလွယ်တကူ ဝင်နိုင်ပါသည်။ သန့်ရှင်းလှပပြီး လက်သည်းများကို ရရှိဖို့ မိမိကိုယ်ကို ထိန်းပြီး လက်သည်းကိုက်သည့် အကျင့်ကို ဖယ်ရှားသင့်ပါသည်။

လက်သည်း ဂရုစိုက်ခြင်း အလေ့ကျင့်ကောင်းများ

• လက်သည်းများအောက်မှ ဂျီးများ ဖုန်များကို တိုက်ထုတ်ခြင်းဖြင့် သန့်ရှင်းရေးလုပ်ပါ။

• လက်သည်းမညှပ်ခင် ရေနွေးဖြင့် လက်ဆေးခြင်းဖြင့် လက်သည်းများပြော့အောင်လုပ်ပါက ပိုညှပ်ရလွယ်ပါသည်။

• လက်သည်းများကို အရမ်းတိုအောင် မညှပ်ပါနှင့်။

• လက်သည်းကို မကိုက်ပါနှင့်။ ကျန်းမာရေးအတွက် မကောင်းသလို လူကြားမြင်မကောင်းလည်း ဖြစ်ပါသည်။

• လက်သည်းပိုးဝင်ခြင်းမှ ကာကွယ်ရန် လက်များကို ရေထဲတွင် အကြာကြီး အလုပ်လုပ်ရမည်ဆိုပါက ရာဘာလက်အိပ်ဝတ်ပြီး မှလုပ်ပါ။

• လက်သည်းများ အရောင်ပြောင်း၊ ပြော့ (သို့) ကြွပ်လာပါက ဆရာဝန်ပြပါ။ မှိုကိုက်သောကြောင့် ဖြစ်ခြင်း ဖြစ်နိုင်ပါသည်။ အလွယ်တကူ ကုသ၍ ရနိုင်ပါသည်။

ခြေဖဝါး နှင့် ခြေသည်း ဂရုစိုက်ခြင်း အလေ့ကျင့်ကောင်းများ

• ခြေဆွယ်ငုပ်ခြင်းမှ ကာကွယ်ရန် ခြေသည်းများကို ဖြောင့်ဖြောင့်တည့်တည့် ညှပ်ပါ။

• ရေချိုးတိုင်း ခြေဖဝါး၊ ခြေချောင်းများနှင့် ခြေသည်းများကို သန့်ရှင်းရေးလုပ်ရန် မမေ့ပါနှင့်။ ရေချိုးပြီးတိုင်း ခြေထောက်ကို ခြောက်အောက်သုတ်ပါ။ အထူးသဖြင့် ခြေချောင်းများအကြား ခြောက်သွေ့အောင်သုတ်ဖို့ မမေ့ပါနှင့်။

• အရေပြားရောဂါများ မှိုများ ကူးစက်လွယ်သူဖြစ်ပါက၊ အနာပေါက်သည့်နေရာတွင် လိမ်းရန် လိမ်းဆေး၊ အမှုန့်ဆေး (သို့) မှုတ်ဆေးများ အမြဲတမ်းဆောင်ထားပါ။ ခြေထောက်ကို သုတ်ရန် တံပတ်သတ်သတ်ထားပါ (အထူးသဖြင့် ခြေထောက်သုတ်ပြီး မျက်နှာကို မသုတ်မည့် တံပတ်ပေါ့)။

• ဘွတ်ဖိနပ်စီးပါက ခြေထောက်အနံမနံအောင် ခြေအိပ်ကို နေ့တိုင်းလဲပါ။

• ခြေဖနှေင့်နှင့် ခြေဖဝါးများ မှ ခြေအသားမာများမတက်အောင် ကျောက်ပွ (သို့) ရေမြှပ်ကျောက် ဖြင့် ဆဲလ် အသေများကို အသာအယာ ချွတ်ပါ။

• အလွန်ဟောင်းနေသော ဖိနပ်များ၊ မတော်တော့သော ဖိနပ်များကို မဝတ်ပါနှင့်။

• ပူပြင်းသော ရာသီဥတုများတွင် ခြေထောက်ချွေးအရမ်းထွက်စေသော ဖိနပ်များကို ရှောင်ပါ။ သဘာဝ အရာများဖြင့် ပြုလုပ်ထားသော (ဥပမာ) ချည်ထည် ခြေအိပ်၊ လည်သာ ဖိနပ်၊ ကတီပါ ဖိနပ် စသည်တို့ကို ရွေးချယ်ပါ။

ဆံပင် နှင့် အမွေးအမြင်များ

အရေပြားနှင့် ခြေသည်းလက်သည်းကဲ့သို့ပင် ဆံပင်သည်လည်း keratin နှင့် ပြုလုပ်ထားသည်။ ဆံပင် နှင့် အမွေးအမြင်များသည် ခန္ဓာကိုယ်ကို အကာကွယ်ပေးသော အတားအဆီးများ ဖြစ်ကြသည်။ ဥပမာ မျက်တောင်သည် မျက်လုံးများကို ကာကွယ်သည်။ နှာခေါင်း နှင့် နားအတွင်းရှိ အမွေးများသည် အတွင်းသို့ ပြင်ပမှအရာများ ဝင်မလာစေရန် တားဆီးပေးသည်။ မျက်ခုံးသည် မျက်လုံးအတွင်းသို့ ချွေးများမဝင်စေရန် တားဆီးသည်။ အမွေးတစ်ပင်စီ၏ အမြစ်တွင် ကပ်နေသော ကြွက်သားများကို ခန္ဓာကိုယ်၏ အပူချိန်နှင့် စိတ်ခံစား ဖိစီးမှုများမှ နှိုးဆွပေးသည်။ ဥပမာ ခန္ဓာကိုယ်အေးလာသောအခါတွင် ကြွက်သားများ ကျုံ့လာပြီး အမွေးများထောင်လာကာ လေကိုဖမ်းထားပြီး အပူဓာတ်ကို ထိန်းသိမ်းပေးပါသည်။ အမွေးတပင်သည် ၅ နှစ် ကြာသည်ထိ ရှည်လာနိုင်ပြီးနောက် ရှင်သန်မှု ရပ်တံ့သွားပါသည်။ ရှည်လာမှုရပ်တံသွားသောအခါ ဆံပင်သည် ကျွတ်သွားပြီး နောက် ၃ လအကြာတွင် နောက်တပင်ပေါက်ပါသည်။ လူတစ်ဦးနှင့် တစ်ဦး အမွေးအမြင် အရေအတွက် မတူသည်မှာ အသိအသာပင်ဖြစ်သည်။ ဆံပင်အရောင်သည် ဆံပင်တွင် pigment ခေါ် ခန္ဓာအရောင်ချယ်အရာများ မည်မျှ ရှိသလဲပေါ်မူတည်ပါသည်။ အသက်ကြီးလာသည်နှင့် အမျှ pigment ထုတ်လုပ်မှုနည်းသွားသောကြောင့် ဆံပင်များ ဖြူလာရခြင်းဖြစ်သည်။

ဆံပင်ကျွတ်ခြင်း

ဆံပင်ကျွတ်ရခြင်း အကြောင်းအရင်း အမျိုးမျိုးရှိပါသည်။ ဥပမာအချို့မှာ ခန္ဓာကိုယ်ဖျားနာခြင်း၊ အရေပြားရောဂါ၊ ဓာတ်မတည့်မှု ဖြစ်ပေါ်ခြင်း နှင့် စိတ်ဖိစီးမှုတို့ကြောင့် ဖြစ်သည်။ အဖြစ်များသော ဆံပင်ကျွတ်ခြင်းမှာ ထိပ်ပြောင်ခြင်းဖြစ်သည်။ ၎င်းမှာ ကျွန်ုပ်တို့ အသက်ကြီးလာသည်နှင့် အမျှ ခန္ဓာကိုယ်အတွင်း ဟောမုန်းပြောင်းလဲမှုကြောင့် ဖြစ်ရခြင်းဖြစ်သည်။ ၎င်းသည် ခန္ဓာကိုယ်၏ သဘာဝ ဖြစ်စဥ်ဖြစ်ရပ်တစ်ခုဖြစ်သော်လည်း အချို့ယောက်ျားများအတွက် အထူးသဖြင့်ငယ်ရွယ်စဥ် ထိပ်ပြောင်ခြင်းသည် စိတ်ညစ်စရာ ကိစ္စတစ်ခုဖြစ်နိုင်သည်။ အကယ်၍ ထိပ်ပြောင်ခြင်းသည် သင့်အတွက် စိတ်ဖိစီးစရာ၊ စိတ်ဓာတ်ကျစရာဖြစ်ပါက လိမ်းဆေးများ ဆံပင်စိုက်ကုသမှုများအား ပိုက်ဆံအကုန်ခံပြီး မပြုလုပ်မီ ဆရာဝန်နှင့် အရင်မေးမြန်းဆွေးနွေးသင့်ပါသည်။

ဗောက်

ဗောက်သည် လူတိုင်းတွင် အဖြစ်များသော အခြေအနေတစ်ခုဖြစ်ပြီး သာမာန်တွင် အန္တရာယ်တော့ မရှိပါ။ ဗောက်သည် ဦးရေပြားမှ ဆဲလ်အသေများ ခွာချသောအခါ ဖြစ်ပေါ်လာခြင်းဖြစ်သည်။ ပုံမှန်တွင် ကုသမှုသည် ဗောက်ပြောက်သော ခေါင်းလျှော်ရည်ကိုသုံးပြီး ထိန်းသိမ်း၍ရသော်လည်း အလွန်ခေါင်းယားပြီး ဗောက်များအခြေအနေဆိုးပါက ဆရာဝန်ညွှန်ကြားသော ဆေးများကို အသုံးပြီး ကုသ၍ရနိုင်ပါသည်။

ဆံပင် နှင့် ဦးရေပြား ဂရုစိုက်ခြင်း အလေ့ကျင့်ကောင်းများ

• ခေါင်းလျှော်ရည်သုံပြီး အဆီနှင့် အညစ်အကြေးများကင်းစင်အောင် ပုံမှန် ဦးခေါင်းကို ဆေးကြောပေးပါ။ ပြင်းပြီးကြမ်းသော ဗောက်ပျောက်ခေါင်းလျှော်ရည် သုံးမည်ဆိုပါက အရင် ဆေးဆိုင် (သို့) ဆရာဝန်နှင့် ဆွေးနွေးပါ။

• ခေါင်းလျှော်နေစဥ် ဦးရေပြားကို ဖိနှိပ်ပြီး ဦးခေါင်းသို့ သွေးစီးစင်းမှုကောင်းအောင်ပြုလုပ်ပြီး အကြောများလျော့သွားအောင် ပြုလုပ်နိုင်ပါသည်။

• ခေါင်းလျှော်ရည်ဆပ်ပြာများ ပြောင်အောင် သေချာဆေးချပါ။

• Hairdryer သုံးပါက အပူကြောင့် ပျက်ဆီးခြင်း မဖြစ်အောင် ခပ်ဝေးဝေးကနေ လေမှုတ်ပါ။

• ဆံပင်အစိုကို ရေခြောက်ရန် တံပတ်နှင့်သုတ်ရာတွင် အရမ်းကြမ်းတမ်းစွာ မပွတ်ပါနှင့်။ ဆံပင်စိုနေချိန်တွင် ဘီးမဖီးပါနှင့်။ ဆံပင်များသည် ရေစိုနေချိန်တွင် အားပြော့သောကြောင့် ကျိုးတတ်ပါသည်။

• နှာခေါင်း နှင့် နားတွင်းရှိ အမွေးများသည် ရှည်လာတတ်သဖြင့် ကြည့်ရဆိုးသော ထွက်နေသော အမွေးများကို တိုအောင်ညှပ်ပစ် နိုင်ပါသည်။

အရေပြားအကြောင်း (အပိုင်း-၃) ကို ဆက်လက်ဖတ်ရှုရန်

လိင်အင်္ဂါအကြောင်း (အပိုင်း-၄) ကို ဆက်လက်ဖတ်ရှုရန်

ဝှေးစေ့ နှင့် ဆီးကြိတ် အကြောင်း (အပိုင်း-၅) ကို ဆက်လက်ဖတ်ရှုရန်

ပါးစပ်၊ လည်ချောင်း နှင့် အစာခြေစနစ်အကြောင်း (အပိုင်း-၆)ကို ဆက်လက်ဖတ်ရှုရန်

လိင်တူချစ်သူယောက်ျားများအတွက် တကိုယ်ရည်ကာယ ကျန်းမာရေး

ကျွန်ုပ်တို့သည် မိမိကိုယ်ကို ကျန်းမာရေးစောင့်ရှောက်ရာတွင် ကျွန်ုပ်တို့၏ ခန္ဓာဖွဲ့စည်းပုံ၊ အလုပ်လုပ်ပုံ နှင့် ရောဂါဖြစ်ပွားပုံ စသည်တို့ကို သိထားပါက ဖျားနာရောဂါများကို မဖြစ်ခင်ကတည်းက ကြိုတင်တားဆီး နိုင်မည်ဖြစ်ပါသည်။ ထိုအခါ ကျန်းမာပျော်ရွင်သော ခန္ဓာကိုယ်ကို ပိုင်ဆိုင်နိုင်ပါမည်။ ခန္ဓာကျန်းမာမှ စိတ်ကျန်းမာမည်။ စိတ်ကျန်းမာသည့်အခါ မိမိ ပတ်ဝန်းကျင်ရှိ မိသားစု၊ သူငယ်ချင်း၊ လက်တွဲဖော် စသည်တို့နှင့် ပျော်ရွင်သော လူမှုဘဝကိုပိုင်ဆိုင်နိုင်မည်။ နောက်ဆုံး ကျန်းမာသော လူမှုဘဝ မှတဆင့် ဘဝ အောင်မြင်မှုများကို ရရှိနိုင်လာမည်။ ထို့အပြင် ချစ်သူလက်တွဲဖော် နှင့် မိမိအကြား နှစ်ဦးလုံးကျန်းမာသော ခန္ဓာကိုယ်ကို ပိုင်ဆိုင်ပါက မေတ္တာရေး နှင့် လိင်မှုဘဝတွင်လည်း သာလွန်ကောင်းမွန်သော ဘဝကို ပိုင်ဆိုင်နိုင်မည်။ ထို့ကြောင့် မိမိ ခန္ဓာကိုယ်အကြောင်းနှင့် ဖျားနာမှုရောဂါများအကြောင်း အခြေခံ ဗဟုသုတရှိပါက ဘဝအတွက် အကျိုးရှိပါသည်။ သို့ဖြစ်၍ လုလင်မဂ္ဂဇင်းမှ စာဖတ်သူများအတွက် အကျိုးရှိမည့် လိင်တူချစ်သူယောက်ျားများအတွက် တကိုယ်ရည်ကာယ ကျန်းမာရေးအကြောင်းကို အတွဲလိုက် တင်ပြပေးလိုက်ပါသည်။

အပိုင်း (၁) သွား နှင့် ခံတွင်း

လူကြီးတစ်ယောက်တွင် အံဆုံးသွား ပေါက်မပေါက်ပေါ်မူတည်၍ သွား ၂၈ ချောင်းကနေ ၃၂ ချောင်းထိရှိပါသည်။ အံဆုံးသည် လူတိုင်းတွင် မပေါက်ပါ။ သွား၏ အတွင်းသားထဲတွင် သွေးကြောများနှင့်အာရုံကြောများရှိပြီး အပြင်တွင် dentin ဟု ခေါ်သော နံရံရှိသည်။ ကျွန်ုပ်တို့မြင်နေရသော အပြင်ဆုံးအပိုင်းကို crown ဟုခေါ်ပြီး ၂ မီလီမီတာခန့်ရှိသော ကြွေလွာကဖုံးအုပ်ထားပါသည်။ သွားဖုံး၏ အောက်အတွင်းပိုင်းတွင် သွားအမြစ်ကို cementum နှင့် ပြုလုပ်ထားသည်။ dentin နှင့် cementum နှစ်ခုစလုံးသည် အရိုးကဲ့သို့အလွန်မာကြောသော အရာဝတ္ထုများဖြစ်ကြသည်။ သွားများကို သွားဖုံးထဲတွင် အထူးအမှေးပါးတစ်မျိုးက သွားအအိမ်အတွင်းကို ကပ်နေအောင် ချုပ်ကပ်ထားပါသည်။ ခံတွင်းသန့်ရှင်းမှုမရှိခြင်း၊ သွားပုံမှန်မတိုက်ခြင်း၊ သွားချောင်းများအကြား ကျိုးနှင့်သန့်ရှင်းမှုမပြုလုပ်ခြင်းဖြင့် ခံတွင်းသည် ကူးစက်ရောဂါပိုးများကို တိုက်ဖျက်နိုင်စွမ်းကို ကျဆင်းပြီး သွားများအား သွားဖုံးအတွင်းသို့ ချုပ်ထားသော အမှေးပါးများကို အားလျော့စေပါသည်။ ခံတွင်းအတွင်းရှိ တံတွေးသည် သဘာဝအလျောက် အစွန်းချွတ်ပြီး ပိုးများကိုသေစေနိုင်သော်လည်း ခံတွင်းသန့်ရှင်းရေးကင်းမဲ့ခြင်း၏ အကျိုးဆက်ကြောင့် ပါးစပ်တွင်းအနာပေါက်ခြင်း၊ သွားဖုံးသွေးယိုခြင်းတို့ဖြစ်ပေါ်ကာ နောက်ဆုံး သွားဖုံးရောင်ရောဂါဖြစ်ပြီး အသည်းရောင်အသားဝါပိုး၊ HIV ပိုးများ စသည့် ကူးစက်ရောဂါပိုးများလည်း အလွယ်တကူဝင်ရောက်လာရန် လမ်းကြောင်းကို ဖြစ်ပေါ်စေပါသည်။

ခံတွင်း အနံ့ဆိုးခြင်း

ခံတွင်းအနံ့ဆိုးခြင်းသည် ဘက်တီးရီးယားပိုးများမှ သွားယို့စေယွင်းခြင်း၊ ဆေးလိပ်သောက်ခြင်း နှင့် အစားအသောက်အချို့ကြောင့် ဖြစ်ပေါ်ပါသည်။ အထူးသဖြင့် ညဘက်အရက်သောက်ပြီး နောက်တနေ့နံနက်တွင် ခံတွင်းအနံ့ဆိုးရွားခြင်း ဖြစ်ပေါ်နိုင်ပါသည်။ ညအခါ အိပ်နေစဥ်တွင် သင်၏ခန္ဓာကိုယ်သည် သဘာဝအလျောက် ပါးစပ်ကိုဆေးကြောပေးသည့် တံတွေးကို ထုတ်လုပ်မှုနည်းသောကြောင့် သွား၊ သွာဖုံးနှင့် လျှာပေါ်တွင် ပါးလွားသော အမြုပ်ပုံစံ အလွှာတစ်ခုဖြစ်ပေါ်လာသည်။ ကျန်းမာရေးကို အထောက်အပံ့ပြုသော ဘက်တီးရီးယားများသည် ၎င်းအလွှာကို ဖြိုဖျက်ရာတွင် အနံဆိုး၊အရသာဆိုးသော အဆိပ်အပြော့စားတစ်မျိုးကို စွန့်ထုတ်ခြင်းကြောင့် ခံတွင်းအနံ့ဆိုးခြင်းဖြစ်သည်။ အချို့အခြေအနေမျိုးတွင် ခံတွင်းအနံ့ဆိုးခြင်းသည် မှီဝဲနေရသော ဆေးများကြောင့်သော်လည်းကောင်း အစာအိမ်တွင်အနာဖြစ်နေသောကြောင့်သော်လည်းကောင်း အနံ့ဆိုးတတ်သည်။

သွားချေး

သွားချေးဆိုသည်မှာ တံတွေး၊ ဘက်တီးရီးယား နှင့် အစာအကြွင်းအကျန်များ စုပေါင်းထားသော သွားပေါ်တွင်ဖြစ်ပေါ်လာသည့် ကပ်စည်းစည်းအလွှာတစ်ခုဖြစ်သည်။ ၎င်းသည် သွားယို့ယွင်းခြင်း သွားဖုံးရောင်ခြင်း စသည်တို့၏ အဓိက တရားခံဖြစ်သည်။ သန့်ရှင်းရေးမလုပ်ပဲ ထိုအတိုင်း စုပြုံလာအောင်ထားပါက မာကြောလာပြီး ဖယ်ရှားရခက်ခဲလာသည်။ သွားချေးများသည် သွားတိုက်ပြီး နာရီအနည်းငယ်အတွင်း ပြန်ဖြစ်ပေါ်လာတတ်သည်။ သွားဖုံးများ မကျန်းမာပါက သွားချေးများ ပိုမိုလျှင်မြန်စွာ ပြန့်နှံ့နိုင်သည်။ ထိုအခါ ဘက်တီးရီးယားများသည် သွားကြွေလွှာများကို မြန်မြန် တိုက်စားလာနိုင်ပြီး နောက်ဆုံး သွားအခေါင်းပေါက်များ တခုချင်းစီ ဖြစ်လာမည်။ ထို့ကြောင့် သွားချေးများကို တစ်နေ့လျှင် အနည်းဆုံးနှစ်ခါမျှ သွားတိုက်သန့်ရှင်းခြင်း၊ သွားချောင်းများအကြားကျိုးဖြင့် အစာအကြွင်းအကျန်များကိုရှင်းခြင်း စသည်တို့ကို ပြုလုပ်သင့်ပါသည်။

သွားဖုံးရောင်ခြင်း

သွားဖုံးရောင်ခြင်းသည် သွားချေးများ ချိုးကပ်ခြင်းဆိုးရွားမှုကြောင့် ဖြစ်လေ့ရှိသည်။ သွားချိုးများအတွင်းမှ ဘက်တီးရီးယားများမှ ထုတ်လွှတ်သော အဆိပ်များသည် သွားဖုံးကို ယားယံစေပြီး ပိုးဝင်၍ နာကျင်လာစေကာ ရောက်ကိုင်းလာစေပါသည်။ သွားဖုံးရောင်ခြင်းသည် သွားကြမ်းတမ်းစွာ တိုက်ခြင်းကြောင့်လည်း သွားဖုံးများ ဒါဏ်ရာရခြင်းမှာလည်း ဖြစ်ပေါ်နိုင်ပါသည်။ ကျန်းမာသော သွားဖုံးသည် ပန်းရောင် သို့မဟုတ် အညှိရောင်ရှိပြီး တောင့်တင်းသည်။ မကျန်းမာသော သွားဖုန်းသည် အနီသန်းသောခရမ်းရောင်ရှိပြီး ပျော့ပြဲကာ ဖောရောင်သည်။ သွားတိုက်စဥ် သွားဖုံးသွေးယိုမှုကို လွယ်ကူစွာဖြစ်ပေါ်နိုင်ပြီး သွားဖုံးများနာကျင်မှုကို ဖြစ်ပေါ်သည်။ အစကတည်းက သွားချေးများနှင့် သွားချိုးများ ခံတွင်းအတွင်း မစုပြုံစေခြင်းသည် သွားဖုံးရောင်ရောဂါကို ကာကွယ်ခြင်းဖြစ်သောကြောင့် ခံတွင်းသန့်ရှင်းရေးပုံမှန်ပြုလုပ်ခြင်းသည် သွားဖုံးရောင်ခြင်းကို ကာကွယ်ကုသနိုင်သည့် အဓိကနည်းလမ်းပင် ဖြစ်သည်။

ခံတွင်းကျန်းမာရေး ဂရုစိုက်မှု အလေ့အကျင့်ကောင်းများ

• သင့်တွင် သွားနှင့်ပက်သက်သော ပြသနာမရှိသည့်တိုင် သင်သည် သွားဆရာဝန်နှင့် ၆ လ (သို့) ၁ နှစ် တစ်ခါ ပုံမုန် သတိရတိုင်း စစ်ဆေးသင့်သည်။ သို့မဟုတ်ပဲ ခံတွင်းအတွင်း တစ်ခုခုနာကျင်သည်အထိ လစ်လျူရှုထားပါက  ပိုမိုးဆိုးရွားသော ပြဿနာများနှင့် ကြုံတွေ့ရနိုင်သည်။

• တစ်နေ့ နှစ်ကြိမ် ခံတွင်းကို သန့်ရှင်းရေးလုပ်ပါ။ အစာစားပြီးတိုင်း သန့်ရှင်းလုပ်နိုင်ပါက အကောင်းဆုံးဖြစ်သည်။ သွားတစ်ကြိမ်တိုက်လျှင် ၃ - ၄ မိနစ် ထက်မနည်း တိုက်သင့်သည်။

• သွားတိုက်တံကို နှစ်လတစ်ခါ (သို့မဟုတ်) ညစ်ပတ်မှုပေါ်မူတည်ပြီး အသစ်လဲပါ။

• တစ်နေ့ အနည်းဆုံးတစ်ကြိမ် သွားချောင်းများအကြားကို ကျိုးဖြင့် အစာအကြွင်းအကျန်များ ဖယ်ရှားသန့်ရှင်းရေးလုပ်ပါ။ ထိုသို့ပြုလုပ်ခြင်းဖြင့် သွားဖုံးများ ဆုတ်ယုတ်ခြင်းမှကာကွယ်ပြီး ရေရှည်တွင် သွားဆုံးရှုံးမှုမှ ကာကွယ်ပေးပါသည်။

• ပီကေဝါးခြင်းသည် ခံတွင်းတွင် တံတွေးဖြင့်စိုစွတ်စေပြီး ဘက်တီးရီးယားများကို သေစေပါသည်။ သကြားမပါသော ပီကေကို ရှာစားပါ။

• သကြားသည် သွားများကို ပုပ်စေပါသည်။ သကြားနည်းသော/မပါသော အချိုရည်၊ သရေစာနှင့် အစားအစာများကို ရွေးချယ်ပါ။

• ပါးစပ်ဆေးရည်များသည် ခံတွင်းအနံ့ဆိုးကို ဖယ်ရှားပေးခြင်းမဟုတ်ပဲ ဖုံးအုပ်ပေးထားခြင်းသာ ဖြစ်သည်။ ခံတွင်းအနံဆိုးခြင်း ပြဿနာကို မဖြေရှင်းနိုင်ပါ။

• သွားဖြူဆေးများသည် အစွန်းချွတ်ဆေးပါသောကြောင့် သွားကြွေလွှာကို ထိခိုက်နိုင်သည်။ မသုံးခင် သွားဆရာဝန်နှင့် အရင်စစ်ဆေးမှုပြုလုပ်ပါ။
  

ခြေသည်းလက်သည်း နှင့် ဆံပင် အကြောင်း (အပိုင်း-၂) ကို ဆက်လက်ဖတ်ရှုရန်

အရေပြားအကြောင်း (အပိုင်း-၃) ကို ဆက်လက်ဖတ်ရှုရန်

လိင်အင်္ဂါအကြောင်း (အပိုင်း-၄) ကို ဆက်လက်ဖတ်ရှုရန်

ဝှေးစေ့ နှင့် ဆီးကြိတ် အကြောင်း (အပိုင်း-၅) ကို ဆက်လက်ဖတ်ရှုရန် 

ပါးစပ်၊ လည်ချောင်း နှင့် အစာခြေစနစ်အကြောင်း (အပိုင်း-၆)ကို ဆက်လက်ဖတ်ရှုရန်

 

 

၂၀၁၆ ကုန်သွားခဲ့ပါပြီ။ ဒီနှစ်ထဲမှာ ဆက်လက်၍ ကမ္ဘာအရပ်ရပ်ရှိ အနုပညာ အသိုင်းအဝန်းမှ လိင်တူချစ်သူ အဆိုတော်များဟာ ပွင့်ပွင့်လင်းလင်း မိမိကိုယ်ရည် အနုပညာအစွမ်းအား ကမ္ဘာကို ဂုဏ်ယူစွာနှင့် ပြသနိုင်ခဲ့ကြသလို အနုပညာကိုသုံးကာ လိင်တူချစ်သူ အခွင့်အရေးနှင့် တန်းတူညီမျှရေးကို ဆက်လက်ကာ တတပ်တအား တိုက်ပွဲဝင်ပေးနိုင်ခဲ့ကြပြန်ပါတယ်။ ဒါကြောင့် နိုင်ငံတကာ သီချင်းချစ်သူများအတွက် သီချင်းကောင်းများ နားထောင်နိုင်စေရန်နှင့် ပွင့်လင်းစွာပြောသော လိင်တူချစ်သူအဆိုတော် အနုပညာရှင်များကို ဂုဏ်ပြုသည့်အနေဖြင့် ၂၀၁၆ ခုနှစ်မှာ ထွက်ရှိခဲ့တဲ့ ကမ္ဘာအရပ်ရပ်မှ အကောင်းဆုံး သီချင်း အပုဒ် (၃၀) ကို စုစည်းပေးလိုက်ပါသည်။ သောတရှင်များ ပျော်ရွင်ကြည်နှုးနိုင်ကြပါစေ။

30. Harel Skaat - את לי הכל (at li hakol) (For me you are everything) (ISRAEL)

Harel Skaat ဟာ ၂၀၁၀ တုန်းက Milim ဆိုတဲ့ သီချင်းနဲ့ Eurovision သီချင်းဆိုပြိုင်ပွဲကနေစပြီး ဥရောပမှာ လူသိများလာတဲ့ အစ္စရေး အဆိုတော်တစ်ဦး ဖြစ်ပါတယ်။ အစ္စရေးသူ့နိုင်ငံမှာတော့ သူဟာ လေးနက်တဲ့ အချစ်သီချင်းအေးအေးလေးတွေဆိုပြီး ပရိသတ်အသည်းစွဲအဆိုတော် တစ်ဦးလည်း ဖြစ်ပါတယ်။ အသက် ၃၅ နှစ်ရှိပြီဖြစ်တဲ့ ဂေးအဆိုတော် Harel Skaat ဟာ ၂၀၁၆ ခုနှစ်မှာ At Li Hakol ဆိုတဲ့ ဇာတ်ဝင်သီချင်းကို ထုတ်ဝေထားပါတယ်။

29. Bright Light Bright Light feat. Elton John - All In The Name (UNITED KINGDOM)

Bright Light Bright Light နာမည်နဲ့ ဗြိတိသျှ အဆိုတော် Rod Thomas ဟာ ၂၀၁၆ အတွင်း သူ့ရဲ့ အသစ်ထွက်တဲ့ အခွေထဲမှာ ဗြိတိသျှ ပြည်သူချစ်အဆိုတော်ကြီး Elton John နဲ့တွဲဖက်ကာ All In The Name ဆိုတဲ့ သီချင်းကို ထုတ်ဝေထားပါတယ်။

28. Anh Tú - Giấc Mơ Không Nhoà (VIETNAM)

အဆိုတော် Anh Tú သည်ဆိုထားတဲ့ ဗီယက်နမ် ရုပ်ရှင် Thần Tiên Cũng Nỗi Điên ရဲ့ ဇာတ်ဝင်သီချင်း Giấc Mơ Không Nhoà သီချင်းဟာလည်း ၂၀၁၆ ရဲ့ လိင်တူချစ်သူအကြာင်းပါတဲ့ အဆွေးသီချင်းကောင်းတစ်ပုဒ် ဖြစ်ပါတယ်။

27. Toya Delazy - Nu High (SOUTH AFRICA)

တောင်အာဖရိက လိင်တူချစ်သူ အမျိုးသမီးအဆိုတော် Toya Delazy ဟာ သူ့နိုင်ငံမှာ ၂၀၁၃ ခုနှစ်က သူရဲ့ ပထမဆုံး အခွေနဲ့ ဆုတွေအများကြီး ဆွတ်ခူးထားတဲ့ အဆိုတော်တစ်ဦး ဖြစ်ပါတယ်။ ၂၀၁၆ မှာလည်း ဆက်လက်ပြီး ဆန်းသစ်တဲ့သီချင်းအမျိုးအစားနဲ့ အနုပညာအလုပ်တွေ ဆက်လက်လုပ်ဆောင်နေပါတယ်။

26. "เหงา" [OST. The Rain Stories เมื่อฝนหยดลงบนหัว] (THAILAND)

လိင်တူချစ်သူလူငယ်များရဲ့  အချစ်ဇာတ်လမ်းရိုက်ထားတဲ့ တက်သစ်စ ထိုင်းဒါရိုက်တာ Nichaphoom Chaianan ရဲ့ ရုပ်ရှင် The Rain Stories မှ ၂၀၁၆ ခုနှစ်ရဲ့ ထိုင်းဇာတ်ဝင်သီချင်းကောင်းနောက်တစ်ပုဒ်ပါ။

25. A Great Big World - Won't Stop Running (UNITED STATES)

လိင်တူချစ်သူ Chad King ပါဝင်တဲ့ A Great Big World အဖွဲ့ရဲ့ ဆက်လက်ထွက်ရှိနေတဲ့ သီချင်းများထဲက ဘဝကို တိုက်ပွဲဝင်နေတဲ့သူများကို ဂုဏ်ပြုသီဆိုထားတဲ့ Won't Stop Running ဆိုတဲ့သီချင်းကို ၂၀၁၆ ရဲ့ အကောင်းဆုံး သီချင်းများထဲက တစ်ပုဒ်အဖြစ် ရွေးချယ်လိုက်ပါတယ်။

24. Parson James - A Sinner Like You (UNITED STATES)

တက်သစ်စ အမေရိကန် လူငယ် လိင်တူချစ်သူ အဆိုတော် Parson James ဟာ ၂၀၁၆ မှာ သူ့ တကိုယ်တော် သီချင်းများကို စတင် ထုတ်ဝေခဲ့ပါတယ်။ Parson James ဟာ နော်ဝေးနိုင်ငံမှ DJ ဖြစ်သူ Kygo ရဲ့  Stole the Show ဆိုတဲ့ သီချင်းမှာ အသံပါဝင်သီဆိုခဲ့တာကြောင့် ကမ္ဘာကျော်သူတစ်ဦးဖြစ်ပါတယ်။

23. Hương Giang (Idol) - Mùa Để Yêu Thương (VIETNAM)

ဗီယက်နမ် အနုပညာရှင် Hương Giang ဟာ ၂၀၁၂ ခုနစ် က ဗီယက်နမ် Idol မှာဆုရပြီးနောက် ပြည်သူအားပေးတဲ့ အောင်မြင်တဲ့ အဆိုတော်တစ်ဦး ဖြစ်လာခဲ့ပါတယ်။ သူ့ကို ဗီယက်နမ် Idol ဝင်သူတွေထဲက အချောဆုံး အဆိုတော်တစ်ယောက်လို့ သတ်မှတ်ကြပါတယ်။ သူဟာ ငယ်ငယ်တုန်းက ယောက်ျားလေးအဖြစ်နှင့် မွေးဖွားခဲ့ပြီး နောက်ပိုင်းမှ မိန်းမအဖြစ် လိင်ပြောင်းထားတဲ့သူတစ်ဦး ဖြစ်ပါတယ်။ ခပ်လန်းလန်း သီချင်းတွေ ဆိုတတ်တဲ့ Hương Giang (Idol) က ၂၀၁၆ မှာ အချစ်သီချင်းအေးအေးလေး တစ်ပုဒ်ထပ်ဆိုထားပြီး ဗီယက်နမ်မှာ လူကြိုက်များပါတယ်။

22. Steve Grand - We Are the Night (UNITED STATES)

အမေရိကန် ဂေးပရိသတ်ရဲ့ အသည်းစွဲ country သီချင်း အဆိုတော် Steve Grand ဟာ သူ့အခွေဟောင်းထဲက သီချင်း We Are the Night ကို DJ ဖြစ်သူ Dave Aude နဲ့ ပြန်လည် ဆန်းသစ်ပြီး ဗီဒီယိုသစ်ရိုက်ထားတာမှာ မြူးကြွတဲ့ သီချင်းကောင်း တစ်ပုဒ်ဖြစ်ပါတယ်။ သူ့သီချင်းက လိင်တူချစ်သူ လူငယ်တွေအတွက် ရည်ရွယ်ထားတာဖြစ်ပါတယ်။

21. Markus Feehily - Sanctuary (IRELAND)

ကျွန်တော်တို့ ကလေးဘဝအသည်းစွဲ Westlife အဖွဲ့ရဲ့ အဖွဲ့ဝင် Markus Feehily ဟာလည်း လိင်တူချစ်သူဖြစ်တာ အားလုံးသိကြမှာပါ။ ၂၀၁၅ နဲ့ ၂၀၁၆ မှာ Markus Feehily ဟာ တစ်ကိုယ်တော်သီချင်းတွေကို ပြန်လည်ထုတ်ဝေနေပါတယ်။ ၂၀၁၆ ထဲမှာ ထွက်တဲ့ သီချင်း Sanctuary ကတော့ ယောက်ျားနှစ်ယောက်အကြား အချစ်ဇာတ်လမ်းကို နက်နက်ရှိုင်းရှိုင်းရိုက်ပြထားပါတယ်။

20. MIKA - Hurts (UNITED KINGDOM)

ပြင်သစ်-ဗြိတိသျှ အဆိုတော် MIKA က သူ့နောက်ဆုံး အခွေထဲမှ ၂၀၁၅ တစ်နှစ်လုံး သီချင်းတွေ ဆက်တိုက်ထုတ်ဝေခဲ့ပြီး ၂၀၁၆ အထိ အနောက်ဆုံးအနေနဲ့ Hurts ဆိုတဲ့ သီချင်းကို မြူးမြူးကြွကြွလေး ပြန်လည်ဆန်းသစ် သီဆိုထားပါတယ်။ ဒါ့ကြောင့် ၂၀၁၆ ရဲ့ လိင်တူချစ်သူ အနုပညာရှင်များရဲ့ သီချင်းကောင်းတစ်ပုဒ် အဖြစ်ရွေးချယ်လိုက်ပါတယ်။

19. Mary Lambert - Hang Out With You (UNITED STATES)

အမေရိကန် လိင်တူချစ်သူ မိန်းခလေး အဆိုတော် Mary Lambert က ကမ္ဘာကျော် Hip-Hop သီချင်း Same Love မှာ ပါဝင်သီဆိုထားတာ ကြားဖူးကြမှာပါ။ သူတကိုယ်သီချင်းတွေ စထုတ်ဝေထားတော့လဲ အမေရိကန် LGBT ပရိသတ်ရဲ့ ကျေနပ်အားရမှုကို ရရှိခဲ့ပါတယ်။ ဒါ့ကြောင့် သူရဲ့ ကြည်နူးစရာ Hang Out With You ဆိုတဲ့ သီချင်းကိုလည်း ရွေးချယ်ပေးလိုက်ပါတယ်။

18. Adam Lambert - Welcome to the Show (UNITED STATES)

မြန်မာပရိသတ်အားလုံး ကြိုက်တဲ့ Adam Lambert ရဲ့  ၂၀၁၆ နှစ်မှာထွက်တဲ့ သီချင်းတစ်ပုဒ်ဖြစ်တဲ့ Welcome to the Show ဆိုတဲ့ သီချင်းကိုလည်း ရွေးချယ်ထားပါတယ်။

17. Eli Lieb & Steve Grand - Look Away (UNITED STATES)

အမေရိကန်ရဲ့ လိင်တူချစ်သူ ပရိသတ်တိုင်း တောင့်တတဲ့ ဂေးအဆိုတော်နှစ်ဦး Eli Lieb နဲ့ Steve Grand ပေါင်းပြီ စုံတွဲသီချင်းဆိုလိုက်တာ သူတို့ရဲ့ ပရိသတ်တွေ အတော်ကို ရင်ခုန်ခဲ့ရပါတယ်။ ဒါ့ကြောင့်သူတို့ရဲ့ စုံတွဲသီချင်းဟာ ၂၀၁၆ ရဲ့ အမှတ်ရစရာ အနုပညာဖန်တီးမှု တစ်ခုပါပဲ။

16. Lyon Hart - Falling for You (UNITED STATES)

နယူးယောက် အခြေစိုက် တပိုင်တနိုင် အဆိုတော် Lyon Hart ဟာ သူဆန်းဆန်းပြားပြားရိုက်ကူးတဲ့ ဗီဒီယိုထဲမှာ ဘဲလေးအက ကသူ ယောက်ျားနှစ်ယောက်ရဲ့  အချစ်ပုံပြင်ကို ရင်ခုန်ဖွယ်ရာရိုက်ပြထားရာ ၂၀၁၆ မှာ လိင်တူချစ်သူများ ကြိုက်နှစ်သက်နေတဲ့ သီချင်းကောင်းတစ်ပုဒ်ဖြစ်ပါတယ်။

15. Rayvon Owen - Can't Fight It (UNITED STATES)

အမေရိကန် Idol ရဲ့  စတုတ္ထဆုရ အဆိုတော်သစ် Rayvon Owen ရဲ့ ပွဲဦးထွက်သီချင်း Can't Fight It ဟာ ၂၀၁၆ ခုနှစ်ထဲမှ အဆိုတော်သစ်တွေရဲ့ သီချင်းကောင်းတစ်ပုဒ် ဖြစ်ပါတယ်။ သီချင်းဗီဒီယိုထဲမှာ အချစ်ဇာတ်လမ်းတစ်ခုနဲ့ သူဟာ လိင်တူချစ်သူဖြစ်ကြောင်း ဖွင့်ပြောပြထားပါတယ်။

14. Jess Glynne - Ain't Got Far To Go (UNITED KINGDOM)

ဗြိတိသျှ လိင်တူချစ်သူအမျိုးသမီ အဆိုတော် Jess Glynne က Rather Be သီချင်းနဲ့ ကမ္ဘာကျော်လာပြီးနောက်မှာ တစ်ကိုယ်တော် သီချင်းတွေ ဆက်လက်ထုတ်ဝေလျှက်ရှိပြီး ၂၀၁၆ မှာလဲ Ain't Got Far To Go သီချင်းက သီချင်းကောင်းတစ်ပုဒ်ပါ။

13. 6 Pack Band - Ae Raju (INDIA)

၂၀၁၆ ခုနှစ်ထဲမှာ အိန္ဒိယ ပရိသတ်တွေကို သီချင်းကောင်းအများကြီး ယူဆောင်လာပေးခဲ့တဲ့ တတိယလိင် Hijra (ဟီဂျရာ) အဆိုတော် ၆ ဦးပါဝင်တဲ့ 6 Pack Band အဖွဲ့ရဲ့ သီချင်းတွေအထဲမှာ Ae Raju သီချင်းဟာလည်း သီချင်းကောင်းတစ်ပုဒ် ဖြစ်ပါတယ်။ ဒီသီချင်းမှာ  Bollywood မင်းသားကြီး Hrithik Roshan ပါဝင်သီဆိုသရုပ်ဆောင် ပေးထားပါတယ်။ အရပ်ဖက် လူမှုအဖွဲ့အစည်း အသိုင်းအဝိုင်းရဲ့ အထောက်အပံ့နဲ့ အိန္ဒိယ LGBT အသိုင်းအဝိုင်းရဲ့  ဂုဏ်ဆောင်အဖွဲ့ 6 Pack Band လို အဆိုတော်မျိုးဟာ အခြားအဆိုတော်ကြီးတွေလို စီးပွားဖြစ် ဖြန့်ချီတာမျိုးကို မပြုလုပ်နိုင်ပဲ တစ်ပိုင်တစ်နိုင် အနုပညာပြုလုပ်တာတောင် သူတို့ရဲ့ သီချင်းဟာ Youtube မှာ ကြည့်ရှုကြိမ် ၁ သန်းကျော်ရရှိခဲ့ပါတယ်။

12. Tegan and Sara - Boyfriend (CANADA)

အမွာနှစ်ယောက်ပါဝင်တဲ့ ကနေဒါက အဖွဲ့ Tegan and Sara ဟာ ၂၀၁၆ ခုနှစ်အထိ အခွေ ၈ ခွေထုတ်ဝေပြီးပြီ ဖြစ်ပါတယ်။ ညီအမနှစ်ယောက်လုံး လိင်တူချစ်သူများဖြစ်တဲ့ Tegan and Sara အဖွဲ့ဟာ သူတို့ရဲ့ ခပ်ဆန်းဆန်း ခပ်ငြိမ့်ငြိမ့် သီချင်းတွေနဲ့ လိင်တူချစ်သူ ဂီတပရိသတ်များရဲ့ အားပေးမှုကို ဆက်လက်ပြီး ရယူနေဆဲပါပဲ။ ၂၀၁၆ ခုနှစ်မှာသူတို့ ဟာ ယူကေ၊ ဟောင်ကောင်၊ ထိုင်ဝမ် အပါအဝင် နိုင်ငံအတော်များမှာ လှည့်လည်ပြီး ဂီတပွဲများ သီဆိုခဲ့ကြသလို ကမ္ဘာကျော် Electronic သီချင်းဖန်တီးသူများနှင့်လည်း ပူးပေါင်း သီဆိုခဲ့ကြပါတယ်။ ဒါ့အပြင် သူတို့ဟာ လိင်တူချစ်သူ အခွင့်အရေးအတွက် ရှေ့တန်းမှ ပါဝင်လှုပ်ရှားနေတဲ့ အဆိုတော်များလည်း ဖြစ်ကြပါတယ်။ သူတို့ရဲ့သီချင်း Boyfriend ဟာ ၂၀၁၆ မှာ လိင်တူချစ်သူ ဂီတပရိသတ်များရဲ့ အကြိုက်ဆုံးသီချင်းတစ်ပုဒ် ဖြစ်ခဲ့ပါတယ်။

11. Wrabel - 11 Blocks (UNITED STATES)

အမေရိကန် တက်သစ်စ အဆိုတော် Wrabel ဟာ တပိုင်တနိုင် သီချင်းရေးသီဆိုကာ ၂၀၁၆ မှာ သူ့ရဲ့ ပွဲဦးထွက် တကိုယ်တော်သီချင်း 11 Blocks ကိုထုတ်ဝေခဲ့ပါတယ်။ မဂ္ဂဇင်းကြီးတွေက သူ့ကို ချီးကျူးသုံးသပ်ချက်တွေပေးကာ တက်သစ်စ အကောင်းဆုံးအဆိုတော်တစ်ဦးအဖြစ် သတ်မှတ်ထားပါတယ်။ သူ့ရဲ့ လေးနက်စူးရှတဲ့အသံနဲ့ DJ Afrojack ရဲ့ Ten Feet Tall သီချင်းမှာ အသံပါဝင်သီဆိုပေးခဲ့ပြီး သူဟာ ကမ္ဘာကျော်ခဲ့သူ ဖြစ်ပါတယ်။ ဒါ့ကြောင့် လုလင်မဂ္ဂဇင်းကလည်း ၂၀၁၆ ရဲ့ အကောင်းဆုံး သီချင်းတွေမှာ လိင်တူချစ်သူအဆိုတော်သစ် Wrabel ရဲ့ သီချင်းကို ဂုဏ်ပြုထည့်သွင်းလိုက်ပါတယ်။

10. Shura - What's It Gonna Be? (UNITED KINGDOM)

ဗြိတိသျှ အဆိုအတော်သစ် လိင်တူချစ်သူ မိန်းခလေးအဆိုတော် Shura က ၂၀၁၆ ခုနှစ်မှာ သူ့ရဲ့ အနုပညာစွမ်းရည်ကို စတင်ထုတ်ဖော်ပြသလိုက်ပါတယ်။ Electropop သီချင်းအမျိုးအစားဟာ ဗြိတိသျှမှာ ရေပန်းစားလာတဲ့အလျှောက် Shura ရဲ့သီချင်းတွေကတော့ တမူထူးခြားပြီး လူစိတ်ဝင်စားမှုရစေတဲ့အပြင် သူဟာ အနုပညာကိုသုံးကာ လိင်တူချစ်သူများအပေါ် အမြင်စောင်းခြင်းကို တိုက်ဖျက်မယ်လို့ ဆိုပါတယ်။ သူ့ရဲ့ ကြည်နူးစရာ What's It Gonna Be ဆိုတဲ့သီချင်းကို ၂၀၁၆ ရဲ့ အတက်သစ်စ အဆိုတော်များထဲက သီချင်းကောင်းတစ်ပုဒ်အဖြစ် ရွေးချယ်လိုက်ပါတယ်။

9. Years & Years ft. Tove Lo - Desire (UK - SWEDEN)

Years & Years အဖွဲ့ခေါင်းဆောင် Olly Alexander ဟာ ၂၀၁၅ ခုနှစ်မှာ လိင်တူချစ်သူ အသိုင်းအဝိုင်း နှင့် မီဒီယာ တို့ရဲ့ စိတ်အဝင်စားဆုံး သူတစ်ဦးဖြစ်ခဲ့ပြီး သူတို့အဖွဲ့ရဲ့ သီချင်းတွေဟာ အောင်မြင်မှု အများကြီးရရှိခဲ့တာကို မှတ်မိမှာပါ။ ၂၀၁၆ မှာတော့ ဗြိတိသျှအဆိုတော်က ဆွီဒင်အဆိုတော် Tove Lo နဲ့ ပေါင်းပြီး သူ့ရဲ့ ၂၀၁၄ က သီချင်းဟောင်း Desire ဆိုတဲ့ သီချင်းကို ပြန်လည် သီဆိုကာ လိင်တူချစ်သူ အသိုင်းအဝန်းအတွက် ဗီဒီယိုအသစ် ထုတ်ဝေထားပါတယ်။ Years & Years အဖွဲ့ဟာ ၂၀၁၆ ခုနှစ်မှာလည်း လူကြိုက်များတဲ့ သီချင်းတွေကို ဆက်လက်ပြီး ထုတ်ဝေနိုင်ခဲ့ပါတယ်။

8. Gun Achi (กันอชิ) - I Believe True Love Exists (เชื่อว่ารักแท้มีจริง) (THAILAND)

၂၀၁၆ ခုနှစ်ဟာ ထိုင်းနိုင်ငံမှာ လိင်တူချစ်သူ လူငယ်များရဲ့ အချစ်ဇာတ်လမ်းတွဲများကို ထူးထူခြားခြား ထုတ်ဝေခဲ့တဲ့ နှစ်ဖြစ်ပါတယ်။ အဲ့ဒီအထဲမှာ ၂၀၁၆ မှာ ထုတ်ဝေတဲ့ လူငယ်တွေရဲ့ ကျောင်းသားဘဝ အချစ်ရေးအကြောင်းကို အခြေခံရိုက်ကူးထားတဲ့ Make it Right (รักออกเดิน) ရုပ်သံဇာတ်လမ်းတွဲဟာ ထိုင်းပရိသတ်သာမက အရှေ့တောင်အာရှ ပရိသတ်များရဲ့ အသဲစွဲဖြစ်ရတဲ့ ဇာတ်လမ်းတွဲတစ်တွဲပါပဲ။ Gun Achi သီဆိုထားတဲ့ အဲ့ဒီဇာတ်လမ်းတွဲရဲ့ အဖွင့်ဇာတ်ဝင်သီချင်း I Believe True Love Exists (เชื่อว่ารักแท้มีจริง) ဆိုတဲ့သီချင်းဟာလည်း ထိုင်းပရိသတ်ရဲ့ အားပေးမှုနဲ့ Youtube မှာ ကြည့်ရှုကြိမ် ၂ သန်းခွဲ ရရှိခဲ့ပါတယ်။

7. Gun Achi and Amp (กันอชิ,แอมป์) - The Secret in Our Hearts (ความลับในใจ) (THAILAND)

နောက်ထပ် ၂၀၁၆ မှာ ပရိသတ်ကို အသည်းစွဲစေခဲ့တဲ့ ထိုင်းဇာတ် လူငယ်အချစ်လမ်းတွဲတစ်တွဲကတော့ SOTUS The Series (พี่ว้ากตัวร้ายกับนายปีหนึ่ง) ဖြစ်ပါတယ်။ အဲ့ဒီ ရုပ်ရှင်ရဲ့ ဇာတ်ဝင်သီချင်းကိုလည်း Gun Achi က ပဲ Amp နဲ့အတူ သီဆိုထားပါတယ်။

6. Tiziano Ferro - Potremmo Ritornare (ITALY)

Tiziano Ferro ဟာ အီတလီနိုင်ငံရဲ့ ဂုဏ်ဆောင် ထိပ်တန်းအဆိုတော်တစ်ဦး ဖြစ်ပါတယ်။ အသက် ၃၀ နှစ်အရွယ်မှာ ကမ္ဘာကြီးကို သူဟာ လိင်တူချစ်သူ အဆိုတော်တစ်ဦးဖြစ်ကြောင်း ဖွင့်ဟ မပြောကြားခင်ကတည်းက အီတလီမှာ အလွန်အောင်မြင်တဲ့ နိုင်ငံအသည်းစွဲ အဆိုတော်တစ်ဦး ဖြစ်နေပါပြီ။ သူ့ရဲ့ နက်နဲပြီးခံစားချက်ပြင်းထန်တဲ့ အချစ်သီချင်းတွေက အီတလီ နိုင်ငံနှင့် စပိန်စကားပြောနိုင်ငံတွေမှာ အောင်မြင်မှုအကောင်းဆုံးဖြစ်ပါတယ်။ သူထုတ်သမျှ အခွေတိုင်းဟာလည်း အီတလီနိုင်ငံနှင့် လက်တင်အမေရိကမှာ ရောင်းရအကောင်းဆုံးအခွေဖြစ်နေကြမို့ ၂၀၁၆ မှာဆက်လက်ထုတ်ဝေမယ့် အခွေထဲက Potremmo Ritornare ဆိုတဲ့ ပထမဆုံးသီချင်းဟာလည်း ကြည့်ရှုကြိမ် ၁၃ သန်းရရှိပြီးပြီ ဖြစ်ပါတယ်။

5. Troye Sivan - YOUTH (AUSTRALIA)

လူငယ်အဆိုတော် Torye Sivan ရဲ့  အောင်မြင်မှုဟာ ၂၀၁၅ မှာ သူ့ရဲ့ ပထမဆုံး အခွေနဲ့ စတင်ခဲ့ပါတယ်။ လိင်တူချစ်မီဒီယာတွေ အကြိုက်ဆုံး အဆိုတော်တစ်ဦးအဖြစ် အမြဲတမ်းအရေးခံရသလို လိင်တူချစ်သူ အသိုင်းအဝိုင်းအတွက် စံပြလူငယ် ပုဂ္ဂိုတစ်ဦးလို့လည်းသူ့ကို အားလုံးက ချီးကျူးကြပါတယ်။ သူဟာ သူ့နိုင်ငံ သြစတြေးလျမှာ လိင်တူချစ်သူ အခွင့်အရေးအတွက် မီဒီယာ နှင့် အနုပညာမှတဆင့် တက်ကြွလှုပ်ရှားသူတစ်ဦး ဖြစ်ပါတယ်။ သူ့သီချင်းများဟာ လိင်တူချစ်သူများသာမက ကမ္ဘာတစ်ဝှမ်းလုံးရဲ့ အားပေးမှု ရရှိပါတယ်။ ၂၀၁၆ မှာ ထွက်ရှိတဲ့ YOUTH ဆိုတဲ့သီချင်းဟာ Youtube မှာပဲ ကြည့်ရှုကြိမ် သန်း ၆၀ ကျော် ရရှိနေပါတယ်။

4. LP - Lost On You (UNITED STATES)

LP ဆိုတဲ့နာမည်နဲ့ သီချင်းဆိုတဲ့ Laura Pergolizzi ရဲ့ Lost On You ဆိုတဲ့သီချင်းဟာ ၂၀၁၆ နှစ်အောင် အအောင်မြင်ဆုံး သီချင်းများထဲမှ တစ်ပုဒ်ဖြစ်ပါတယ်။ ဥရောပမှာ နိုင်ငံ ၇ နိုင်ငံ မှာ ဒီသီချင်းဟာ နံပါတ် (၁) နေရာကို ရောက်ရှိခဲ့ပြီး Youtube မှာ ကြည့်ရှုကြိမ် ၈၅ သန်းကျော်ရှိနေပါတယ်။ လိင်တူချစ်သူ အဆိုတော် Laura Pergolizziဟာ ကမ္ဘာကျော် အဆိုကြီးတွေအတွက်လည်း သီချင်းများရေးပေးခဲ့သလို သူကိုယ်တိုင်ရေးဆိုတဲ့ သီချင်းတွေကလည်း အောင်မြင်ပါတယ်။

3. Ricky Martin feat. Maluma- Vente Pa' Ca (PUERTO RICO)

လူတိုင်းသိကြတဲ့ Puerto Rico က စပိန်သီချင်းအဆိုတော် Ricky Martin ဟာ လိင်တူချစ်သူတိုင်းလိုချင်တဲ့ ယောက်ျားတစ်ယောက် ဖြစ်ပါတယ်။ တစ်ကမ္ဘာလုံးမှ ပရိသတ်များအသည်းစွဲဖြစ်တဲ့ Ricky Martin ဟာ ၂၀၁၀ ခုနှစ် မှာ ဂေးဖြစ်ကြောင်း ထုတ်ဖော်ပြောကြားခဲ့ပါတယ်။ ၂၀၁၆ ခုနှစ် စက်တင်ဘာမှာ သူထုတ်ဝေခဲ့တဲ့ Vente Pa' Ca သီချင်းဟာ လက်တင်အမေရိက နိုင်ငံများအားလုံးမှာ ဟိုးလေးတကျော်အောင်မြင်ပြီး လူတိုင်းကြိုက်တဲ့ မြူးကြွတဲ့ သီချင်းတစ်ပုဒ်ဖြစ်ပါတယ်။ လေးလအတွင်းပင်ပဲ Youtube မှာ သူ့ သီချင်းဟား ကြည့်ရှုကြိမ် သန်း ၅၀၀ နီးပါး ရောက်ရှိနေပြီး ယနေ့ထက်တိုင် လူကြိုက်များတဲ့သီချင်းအဖြစ် ရပ်တည်နေပါသေးတယ်။

2. Sia - The Greatest (AUSTRALIA)

လိင်တူချစ်သူများရဲ့ ရှေ့ဆောင်ကြယ်ပွင့်တစ်ဦးဖြစ်သူ လိင်တူလိင်ကွဲနှစ်ဦးစလုံးချစ်သူ အဆိုတော် Sia  ဟာ သူ့နိုင်ငံ သြစတြေးလျမှာ လိင်တူချစ်သူများအတွက် ရှေ့ဆောင်တစ်ဦးဖြစ်သလို အနုပညာလောကမှာလည်း တစ်ကမ္ဘာလုံးကြိုက်တဲ့ အဆိုတော်ကောင်းတစ်ဦး ဖြစ်ပါတယ်။၂၀၁၆ ခုနှစ်မှာ သူရဲ့ သီချင်းတစ်ပုဒ်ဖြစ်တဲ့ The Greatest ကို အမေရိကန်နိုင်ငံ  Orlando ရှိ ဝမ်းနည်းစရာအကြမ်းဖက်မှုမှာ သေဆုံးသွားတဲ့ လိင်တူချစ်သူများအတွက် ဂုဏ်ပြုရိုက်ကူးထားပါတယ်။ ဒီသီချင်းဟာ နိုင်ငံအမြောက်အများမှာ ထိပ်တမ်းနေရာကိုလည်း ရောက်ရှိခဲ့ပါတယ်။ ဒါ့ကြောင့် Sia ရဲ့ လိင်တူချစ်သူများအတွက် ဂုဏ်ပြုသီချင်း The Greatest ကို ၂၀၁၆ ရဲ့ အကောင်းဆုံးသီချင်း နံပါတ်၂ နေရာမှာ ရွေးချယ်ပေးလိုက်ပါတယ်။

1. 6 Pack Band feat. Sonu Nigam - Sab Rab De Bande (INDIA)

အိန္ဒိယရဲ့ ပထမဆုံး ကျားမပြောင်းသူ အမျိုးသမီး ၆ ဦးနှင့် ဖွဲ့စည်းထားတဲ့ 6 Pack Band အဖွဲ့ဟာ LGBT အသိုင်းအဝိုင်းအတွက်ဂုဏ်ယူစရာ စံပြပုဂ္ဂိုလ်များအဖြစ် ပေါ်ထွက်လာရုံသာမက ၂၀၁၆ ခုနှစ်ကို လုပအောင်ရောင်စုံချယ်သပေးခဲ့တဲ့ အနုပညာဖန်းတီးသူများဖြစ်ပါတယ်။ တတိယလိင် သို့မဟုတ် hijra (ဟီဂျရာ) လို့ခေါ်တဲ့ ကျားမပြောင်းသူများဟာ အိန္ဒိယမှာ ခန့်မှန်းချေ ၁.၉ သန်းရှိပါတယ်။ သူတို့ဟာ လူ့အသိုင်းအဝန်းမှ ရိုင်းဆိုင်းစွာဆက်ဆံခြင်း၊ ကျဥ်ပယ်ခြင်း၊ နှိမ့်ချခြင်း၊ အမြင်စောင်းခြင်း နဲ့ မလိုမုန်းထားခြင်းတို့ကို နေ့စဥ်ကြုံတွေ့ရပါတယ်။ ဒါပေမဲ့ သူတို့အသိုင်းအဝိုင်းထဲက အနုပညာပါရမီရှင် ၆ ဦးဟာ 6 Pack Bandကို ဖွဲ့စည်းပြီး ရှေ့တန်းထွက်ကာ လူတိုင်းရဲ့ လေးစားမှုနှင့် သူတို့ရဲ့ ဂုဏ်သိက္ခာကို ရယူဆွတ်ခူပေးခဲ့ကြပါတယ်။ ဒါပေမယ့် သူတို့အဖွဲ့ဟာ ကျားမပြောင်းသူ အသိုင်းအဝန်းတစ်ခုတည်းအတွက် လှုပ်ရှားနေသူတွေမဟုတ်ပါဘူး။ အိန္ဒိယရဲ့  ဖိနှိပ်ခဲ့ရသူ၊ အနိုင်ကျင့်ခံရသူ၊ ခွဲခြားဆက်ခံရသူတိုင်းအတွက် ကိုယ်စားပြုတိုက်ပွဲဝင်ပေးနေပြီး လူသားတိုင်း ခင်မင်ရင်းနှီးမှု နှင့် လက်ခံမှုကို ရရှိရေးကို တောင်းဆိုပေးနေသူများဖြစ်ပါတယ်။

သူတို့အဖွဲ့ရဲ့ အကြောင်းကို ၂၀၁၆ နှစ်ဦးပိုင်းမှာ စတင်ထွက်ရှိခဲ့တဲ့ Pharrell Williams ရဲ့ Happy ကို ပြန်လည်ဆန်းသစ်ထားတဲ့ သီချင်းအကြောင်းနဲ့ ပက်သက်ပြီး လုလင်မဂ္ဂဇင်းမှ ဆောင်းပါးတစ်ပုဒ် ရေးသားခဲ့ဖူးပါတယ်။ သူတို့ရဲ့ ပထမဆုံး Hum Hain Happy သီချင်းဟာ စထွက်ထွက်ချင်း ရက်အနည်းငယ်ထဲမှာပဲ ကြည့်ရှုကြိမ် ၁.၅ သန်းကျော်သွားပါတယ်။ အဲ့ဒီနောက် ၂၀၁၆ တနှစ်ပတ်လုံး သူတို့ဟာ အိန္ဒိယတနိုင်ငံလုံးကို သူတို့ရဲ့ အနုပညာနဲ့ ကောင်းမွန်စွာကိုယ်စားပြုသူ စံပြပုဂ္ဂိုလ်များအနေနှင့် ဆက်လက်အကျိုးပြုမှုတွေ ပြုလုပ်ခဲ့ကြပါတယ်။ သူတို့ရဲ့ လှုပ်ရှားမှုတလျှောက် Bollywood မှ ထိပ်တန်းအဆိုတော်ကြီးများရဲ့ ထောက်ပံ့ပါဝင်ပူးပေါင်းမှုဖြင့် Sab Rab De Bande, Hil Pori Hila, Ae Raju, Raula Paye Gaya စတဲ့ သီချင်းတွေအပါအဝင် လူကြိုက်များတဲ့ သီချင်း ၆ ပုဒ်ကို ထုတ်ဝေရိုက်ကူးခဲ့ပါတယ်။ အိန္ဒိယလူထုကို ကောင်းမွန်တဲ့အဆိုအမိန့်တွေကို ပေးစွမ်းတဲ့ သူတို့ရဲ့ အနုပညာတီထွင်ကြံဆမှုအတွက် ပြင်သစ်နိုင်ငံမှာကျင်းပခဲ့တဲ့ နိုင်ငံတကာ Cannes ပွဲတော်မှ ထိပ်တန်းဆု (Cannes Grand Prix Glass Lion) ကို သူတို့ဟာ ရယူဆွတ်ခူးနိုင်ခဲ့ကြပါတယ်။ အဲ့ဒီမတိုင်ခင်က လူမှုရေးလှုပ်ရှားတွေရဲ့ အောင်မြင်မှုကို အသိအမှတ်ပြုတဲ့ နိုင်ငံတကာ Webby Award ကိုလည်း ရရှိခဲ့ကြပါသေးတယ်။ သူတို့နိုင်ငံ အိန္ဒိယတဝန်းမှာတော့ အနုပညာပွဲတော်များကို သူတို့ တက်ရောက်ချီးမြင့်ခဲ့ကြပါတယ်။

ဒါ့ကြောင့် 6 Pack Band အဖွဲ့ရဲ့ သီချင်းတွေထဲမှ Sab Rab De Bande သီချင်းကို ၂၀၁၆ ရဲ့ အကောင်းဆုံးသီချင်းအဖြစ် ရွေးချယ်ပေးလိုက်ပြီး မြန်မာပြည်မှ လိင်တူချစ်သူ ဂီတပရိသတ်လည်း လုလင်မဂ္ဂဇင်းရွေးချယ်ထားတဲ့ နိုင်ငံတကာသီချင်းများကို ကြိုက်နှစ်လိမ့်မယ်လို့ မျှော်လင့်ရင်း လှပတဲ့ ၂၀၁၇ ကို ပိုင်နိုင်စေပါလို့ ဆုမွန်ကောင်းတောင်းလိုက်ပါတယ်။ ၂၀၁၇ မှာလည်း ကမ္ဘာတစ်ဝှမ်းမှ လိင်တူချစ်သူ အနုပညာရှင်များဟာ သူတို့၏ အနုပညာနဲ့ ကမ္ဘာကြီးကို လှပအောင်အရောင်ချယ်ရင်း အကျိုးပြုနေကြလိမ့်မယ်လို့ မျှော်လင့်ပါကြောင်း။