လိင်တူချစ်သူများ အခွင့်အရေးကို ထောက်ခံတဲ့ Bollywood ရဲ့ ပထမဆုံး သီချင်းဗီဒီယို

၂၀၁၄ ခုနှစ်တုန်း က Office of the UN High Commissioner for Human Rights (OHCHR) ကမ္ဘာ့ကုလသမဂ္ဂလူ့အခွင့်အရေး မဟာမင်းကြီးရုံးကနေ LGBT ရပ်ဝန်းအတွက် တူညီသော အခွင့်အရေးတွေကို မြှင့်တင်ဖို့ အိန္ဒိယ နိုင်ငံ မွန်ဘိုင်း (Mumbai) မြို့မှာ Bollywood စတိုင် သီချင်းဗီဒီယို တစ်ပုဒ်ကို ထုတ်လွင့်ခဲ့ပါတယ်။

အိန္ဒိယ နိုင်ငံမှာ ပထဆုံးဖြစ်သော ဒီသီချင်းမှာ ကောင်လေးတစ်ယောက်က သူ့ရဲ့ ရည်းစား တခြား ကောင်လေးတစ်ယောက်ကို သူ့မိသားစုနှင့် မိတ်ဆက်ပေးဖို့ ခေါ်ဆောင်သွားတဲ့အကြောင်းကို ရိုက်ပြထားပါတယ်။ မိမိရဲ့သားသမီးတွေက မည်သူ့ကိုပင် လက်တွဲဖို့ဆုံးဖြတ်စေကာမူ မိသားစုဝင်တွေက နွေးထွေးစွာ လက်ခံကြိုဆိုပေးဖို့ဟာ အရေးကြီးကြောင်းကို ရိုက်ပြထားပါတယ်။ 

The Welcome လို့ခေါ်တဲ့ ဒီသီချင်းကို Bollywood မင်းသမီးလည်းဖြစ် Miss India လည်းဖြစ်တဲ့ Celina Jaitly ကိုယ်တိုင် ပါ၀င်သီဆိုထားပါတယ်။ ၁၉၇၉ ခုနှစ်က Bollywood ဂန္ထဝင်သီချင်း Uthe Sab Ke Kadam ကို Celina Jaitly ကိုယ်တိုင် ခေတ်ဟန်နှင့် ပြန်လည်သီဆိုထားပါတယ်။ Celina Jaitlyသည် သူရဲ့ LGBT အခွင့်အရေးတွေလှုပ်ရှားမှုတွေကြောင့် UN equality champion လို့လည်းသတ်မှတ်ခံထားရပါတယ်။

ကမ္ဘာ့ကုလသမဂ္ဂ Free & Equal သည် ကမ္ဘာအရပ်ရပ်မှာရှိတဲ့ နိုင်ငံတွေမှာ LGBT တူညီအခွင့်အရေးတွေ ရရှိဖို့အတွက် ပညာပေးလှုပ်ရှားမှုတစ်ခု ဖြစ်ပါတယ်။ LGBTလူတွေရဲ့ ဖိနှိပ်ခံရမှုတွေနှင့် ဘေးဖယ်ခံရမှုတွေကို လူတွေ သိရှိနို်င်ဖို့ ၂၀၁၃ ခုနှစ်မှာ စတင်ခဲ့တာဖြစ်ပြီး ကမ္ဘာ့ကုလသမဂ္ဂ အတွင်းရေးမှုးချုပ် Ban Ki-moon ကိုယ်တိုင် ထောက်ပံ့ပေးထားပါ။