ဒီခေတ်မှာ (အမှန်တကယ်ကတော့ ခေတ်အဆက်ဆက်မှာပါပဲ) ယောက်ျားတော်တော်များ စိတ်ဝင်စားတာ တခုရှိပါတယ်။ အဲ့ဒါကတော့ သူတို့ရဲ့ညီဘွားကို ကြီးလာအောင် ဘယ်လိုလုပ်ရမလဲဆိုတာကို အမြဲတမ်းပဲ နည်းလမ်းရှာဖွေနေကြတာပါ။ Google က သူတို့ရဲ့ ဆန်းစစ်လေ့လာချက်တစ်ခုမှာ penis ဆိုတဲ့ စာလုံးနဲ့ ပက်သက်လို့ google မှာ ရှာဖွေတဲ့အထဲမှာ အများဆုံးက သူတို့ ညီဖွားကို ဘယ်လိုကြီးအောင် လုပ်ရမလဲဆိုတာတွေတဲ့။

ဒါဆို အင်တာနက်ပေါ်မှာ တကယ်ပဲ နည်းလမ်းကောင်းတွေရှိလား။

ကဲ… အရင်ဆုံး ကြီးစေရမယ်လို့ ကတိပေးနေတဲ့ လိမ်းဆေးတွေ၊ သောက်ဆေးတွေ၊ တိုင်းရင်းဆေးတွေ၊ ကုသမှုတွေ နှင့် ခွဲစိတ်တာတွေက ဘယ်လောက်စွမ်းလဲ စဉ်းစားကြည့်မယ်။

ဘယ်သူ့စီးပွားရေးကိုမှ ရည်ရွယ်ပြီးပြောတာတော့ မဟုတ်ပါဘူးနော်။ ဒါက လူတစ်ဦးချင်းစီရဲ့ စဉ်းစား ဆင်ခြင်မှုနဲ့ ဆုံးဖြတ်ပိုင်ခွင့်ပါ။ ဒါပေမယ့် သိပ္ပံနည်းကျကျပြောရမယ်ဆိုရင်တော့ လူ့ ဇီဝဖွဲ့စည်းပုံအရ ဒီနည်းလမ်းတွေ တစ်ခုမှ အလုပ်ဖြစ်မှာ မဟုတ်ပါဘူး။ ကိုယ့် အင်္ဂါအရွယ်အစားက သဘာဝ မွေးရာပါ အကြီးဆုံး ရောက်နိုင်တဲ့အဆင့်ထိ ကျော်လွန်ပြီး ကြီးအောင်လုပ်လို့ မရပါဘူးလို့ The New Naked ဆိုတဲ့ စာအုပ်ရေးတဲ့ Weill Cornell Medical College က Dr. Harry Fisch ပြောပါတယ်။

နောက်ပြီးတော့ သူတို့ပြောတဲ့ လိင်တံကို ဆွဲဆန့်တဲ့ စက် (penile extenders and stretchers) တွေကလည်း ကြီးမယ်ဆိုရင် ပျော့နေစဉ် အရွယ်အစားကိုသာ ကြီးအောင်လုပ်နိုင်တာပါ။ တောင့်တင်းလာတဲ့အခါ ဘယ်လောက်မှ ပိုကြီးလာတာ မဟုတ်ပါဘူး။ အဲ့တော့ အချိန်ကုန်ခံ ငွေကုန်ခံပြီး သူတို့ပြောတာတွေ လိုက်မလုပ်ပါနဲ့လို့ ဆရာဝန်ကြီးက ပြောပါတယ်။

အဲ့တော့ တကယ်ကြီးလာအောင်လုပ်လို့ ရတဲ့နည်းကဘာလဲ။

ကောင်းတဲ့နည်းလမ်းတစ်ခုကတော့ အမြင်ပိုင်းမှာ ကြီးလာအောင်လုပ်လို့ ရပါတယ်။ ခန္ဓာကိုယ် အလေးချိန်ချခြင်းဖြင့် စတင်ရမှာပါ။

နောက်တာတော့မဟုတ်ပါဘူး။ ဗိုက်နဲ့ ဆီးစပ်နေရာမှာ အဆီတွေစုနေတော့ အဲ့ဒီဖောင်းနေတာတွေက ကိုယ့်ရဲ့ ငယ်ပါလေးကို ကွင်းကွင်းထင်းထင်း မမြင်စေနိုင်ဘူးပေါ့။ တကယ်လို့ အဆီတွေကျပြီး အဲ့ဒီနေရာတွေက ချပ်နေရင် ကိုယ့်ငယ်ပါ တောင့်တင်းလာတဲ့အခါ ပိုကြီးလာတယ်လို့ ထင်ရမှာပါ။

နောက်တနည်း ကြီးအောင်လုပ်ဖို့က ခြုံ ရှင်းပစ်ဖို့ပါ။ အမွေးတွေက ကိုယ့်အချောင်းနားမှာ လာရှုပ်နေတော့ အမြင်မှာ သိပ်မကြီးတော့ဘူး ထင်ရတာပေါ့။ ဆီးစပ်ကအမွှေးတွေကို ဘယ်လိုထားမယ်ဆိုတာက ယောကျ်ားတွေ တစ်ဦးချင်းစီမှာ ကိုယ့်အကြိုက်နဲ့ကိုယ်ပါ။ ဒါပေမယ့် ငွေကုန်ကြေးကျမယ့် နည်းလမ်းတွေ သုံးမယ့်အစား ကိုယ့်ကိုယ်ပေါ်မှာ ရှိတဲ့ တောကိုရှင်းလိုက်တာကတော့ အန္တရာယ်ကင်းတာပေါ့။

နောက်တစ်နည်းကတော့ ကိုယ့်လိင်တံကို အပြည့်အဝ တင်းတောင့် အောင်လုပ်ဖို့ပါ။

ကိုယ်အကြီးနိုင်ဆုံး အရှည်နဲ့ လုံးပတ် အရွယ်ရောက်တဲ့အခါ အဲ့ဒီထက်ပို မကြီးနိုင်တော့ပါဘူး၊ ဒါပေမဲ့ ယောကျ်ားတော်တော်များများက အဲဒီအဆင့်ကို ရောက်တဲ့အထိ မတောင့်တင်းသေးတာရှိပါတယ် လို့ Dr. Harry Fisch ကဆက်ပြောပါတယ်။ ဘာ့ကြောင့်လဲဆိုတော့ သွေးက ငယ်ပါထဲကို လုံလောက်အောင် မရောက်နိုင်ဘူးဖြစ်နေပါတယ်။ အဲ့တော့ ရှင်းရှင်းလေးပါ - ကိုယ့်ငယ်ပါ ကြီးချင်ရင် ကျန်းမာအောင် နေထိုင်ရပါမယ်။ အထူးသဖြင့် နှလုံးနဲ့ သွေးလည်ပတ်မှု ကောင်းမွန်ဖို့ပါ။ ကိုယ့်ကျန်းမာရေးကောင်းတော့ ကိုယ့်ငယ်ပါလည်း သန်စွမ်းတာပေါ့။

ဒီဟာအတွက်တော့ ဆေးရှိတယ်။

ဥပမာ Viagra တို့ Cialis တို့ကို မှီဝဲရင်တော့ရတယ်။ ဒါပေမဲ့ သူတို့က အရွယ်ကြီးလာ အောင်လုပ်တာတော့မဟုတ်ဘူး။ သွေးစီးဝင်တာကောင်းလုပ်ပြီးတော့ ကြာကြာတောင့်တင်းအောင်ပဲ လုပ်တာပါ။ အဲ့တော့ အပြည့်အဝ မတောင့်တင်းနိုင်လို့ အကြီးဆုံးအရွယ်မရောက်နိုင်ရင် ဒီဆေးတွေရဲ့ အကူအညီယူလို့ရပါတယ်။ ဆရာဝန်နဲ့တော့ အရင်ဆွေးနွေးပေါ့။

သွေးအားကောင်းစေမယ့် အစားအသောက်တွေ စားသုံးတာကတော့ အကောင်းဆုံးပေါ့။

တစ်ခု သတိထားသင့်တာက ကိုယ်အရင်တုန်းကလို မတောင့်တင်းနိုင်တော့ဘူးဆိုရင် တခြား ကျန်းမာရေးနဲ့ ပက်သက်တဲ့ ပြသနာကြီးကြီးတွေရဲ့ အစဦး လက္ခဏာပါပဲ။ ဒီအတိုင်းပစ်မထားပဲ ဆရာဝန်နှင့် ဆေးစစ်မှုတွေ ပြုလုပ်သင့်ပါတယ်။

ကဲ… အဲ့တော့ နည်းလမ်းတွေတော့ ပြောလိုက်ပြီ။ ဒါပေမဲ့ ဒီထက်ပိုကြီးတဲ့ ညီငယ်ကို မရနိုင်တဲ့ ဘာဖြစ်လဲ။ မွေးရာပါ အရွယ်အစားနဲ့ပက်သက်လို့ ဘာမှာ အားငယ်စရမရှိပါဘူး၊ ပြသနာလည်းမရှိဘူး။

တကယ်ပါ၊ ဘာမှပူစရာမရှိဘူး။

အရင်ဆုံးအနေနှင့် လိင်ရုပ်ရှင်တွေထဲက မင်းသားတွေရဲ့ တံဆာအကြီးကြီးတွေကို ကြည့်ပြီး ကိုယ့်ဟာကိုယ်အားမရ ဖြစ်နေလား။ သုတေသနတွေက ပြောတာက ကမ္ဘာပေါ်မှာ ယောက်ျားအင်္ဂါ ပျဉ်းမျှ အရွယ်အစားက ၅.၄လက်မ ပါ။ အဲ့တော့ အကိုတို့ ညီတို့ အရွယ်တွေကလည်း အဲ့ဒီ ၀န်းကျင်ပါပဲ။

(စိတ်ဝင်စားစရာ အချက် - အဲ့ဒီ သုတေသနက ပြောတာမှာ ခြေမ အရွယ်အစားနှင့် လိင်အင်္ဂါအရွယ်အစား ဘာမှ ဆက်စပ်မှုမရှိပါဘူးတဲ့)။

ကိုယ်ရထားတဲ့ ဘယ်အရွယ်အစား အစုံအလင်မဆို ကိုယ့်ချစ်သူကို သုခ အပြည့်အဝ ပေးနိုင်ပါတယ်။ အရွယ်အစားကြီးမှ ပိုကောင်းအောင် စွမ်းဆောင်နိုင်ဆိုတာ မမှန်ပါဘူး။ အရမ်းကြီးနေရင် ချစ်သူကို နာကျင်စေတာပဲ ပိုမှာပါ။ ပြီးတော့ ယောက်ျားချင်းချစ်သူတိုင်းကလဲ စအိုကနေ ထိုးသွင်းဆက်ဆံတဲ့ နည်းလမ်းကို ကြိုက်တာ မဟုတ်ပါ။ တခြားနည်းတွေနှင့်လည်း အချင်းချင်း ကြင်နာလို့ ရပါတယ်။

အဲ့တော့ တကယ်ကို ပျဉ်းမျှထက်ငယ်နေတဲ့ အကိုတွေအတွက်ဆိုရင်ကော်… တချို့တလေကတော့ အရွယ်ငယ်လို့ ရင်မခုန်ဘူးလို့ပြောချင်ပြောမယ် ဒါပေမဲ့ တကယ်ပဲ အရွယ်အစားကို ဘယ်လောက်ဖြစ်ဖြစ် ဂရုမစိုက်တဲ့ ယောကျ်ားတွေလည်း ရှိပါတယ်။ အဓိက ကတော့ ကိုယ်နဲ့ လိုက်ဖက်မဲ့ လက်တွဲဖော်ကိုရှာဖို့ပါ။ မှန်ကန်တဲ့သူနဲ့ လက်တွဲတဲ့အခါ ပျော်ရွင်တဲ့ လိင်မှုဘဝကို ရရှိနိုင်ပါတယ်။ သူနှင့်ဆို စဉ်းစားနိုင်သလောက် အမျိုးမျိုး စမ်းသပ်ပြီး အချင်းချင်း ပျော်အောင်လုပ်လို့ရပါတယ်။ စိတ်ဝင်စားရင် လိင်အရုပ်တွေ ထည့်သုံးတာ ပြီးတော့ နှစ်ဦးစလုံး အဆင်ပြေမယ့် ပုံစံကိုစမ်းသပ်ပြီး အတူတူသွားလာလို့လည်း ရပါတယ်။ နောက်တစ်ခုက ယောက်ျားနှစ်ယောက်ရဲ့ တွယ်တာမှုတွေဟာ လိင်ဆက်ဆံတာတစ်ခုတည်းနဲ့သာ တည်ဆောက်ရတာ မဟုတ်ပါဘူး။

အဲ့တော့ နောက်ဆုံးပြောချင်တာက ကိုယ့် လိင်အင်္ဂါကို တန်ခိုးနှင့် ကြီးလာအောင်လုပ်လို့ မရသလို အဲ့ဒါက ပြဿနာတစ်ခုလည်းမဟုတ်ပါဘူး။

ရအောင်လုပ်ပေးမယ်လို့ ပြောပြောနေတဲ့ နည်းလမ်းတွေကို ကိုယ့်ရဲ့ တွေးတောဆင်ချင်မှု နှင့် ရွေးချယ်မှုအရတော့ လုပ်မယ်ဆိုရင်တော့ ဒါကလူတစ်ဦးချင်းစီရဲ့ ဆုံးဖြတ်ပိုင်ခွင့်ပါ။ ဒါပေမဲ့ ကိုယ့်အတွက် တကယ် ရေရှည် အကျိုးရှိစေမှာကတော့ ကိုယ့် သဘာဝအရွယ်အစားနှင့် ကိုယ့်ကိုကိုယ် ကျေနပ်စွာ လက်ခံပေးဖို့ပါပဲ။ ပြီးတော့ ကိုယ့်ကို အမှန်တကယ်လက်ခံတဲ့ ချစ်သူ လက်တွဲဖော်ကို ရှာဖို့ပါပဲ။

၁) HIV ဘယ်လိုကူးလဲ။ 

ဒီမေးခွန်းကတော့ လူတိုင်းမေးတဲ့ မေးခွန်းပေါ့။ အသေးစိတ် ဖြေရမယ်ဆိုလည်း အများကြီးပါပဲ။ အခြေခံပြောရမယ် ဆိုရင်တော့ ကူးစက်နိုင်တဲ့ အဓိက အန္တရာယ်ကြီးတွေက အကာအကွယ်မဲ့ စအိုကနေ လိင်ဆက်ဆံတာ၊ ပိုးရှိသူနှင့် ဆေးထိုးအပ် ဝေမျှသုံးစွဲတာပါ။ ပါးစပ်နှင့် လိင်ဆက်ဆံတာက ကူးဆက်ဖို့ အခြေအနေ အရမ်းနည်းပေမဲ့ ကူးစက်ဖို့ ဖြစ်နိုင်ပါတယ်။ ရောဂါပိုးရှိတဲ့သွေးနှင့် ထိတွေ့ခြင်းကတော့ ပိုးရှိတဲ့သွေးဟာ ခန္ဓာကိုယ်ထဲကို တိုက်ရိုက်ဝင်သွားမှ ကူးနိုင်တာပါ။ အခြားကူးနိုင်နည်းလမ်းတွေဖြစ်တဲ့ ပိုးရှိသော သွေးသွင်းခြင်း နှင့် ကိုယ်အင်္ဂအစိတ်အပိုင်း အစားထိုးခြင်းတို့ကြောင့် ကူးနိုင်တယ် ဆိုပေမဲ့ ဒါတွေက ဆေးရုံတွေမှာ စနစ်တကျ နှင့် သေသေချာချာ စစ်ဆေးမှုတွေ ပြုလုပ်တဲ့ အတွက်ကြောင့် ကူးနိုင်တဲ့ နည်းလမ်းထဲမှာ အနည်းဆုံးဖြစ်သွားပါပြီ။

ဤစာမျက်နှာကိုလည်း ဖတ်ပါ။ - ယောက်ျားချင်းချစ်သူများ နှင့် လိင်ကျန်းမာရေး

၂) Tops ဖြစ်ရင် ပိုးမကူးနိုင်ဘူးဆို?

အမှန်တော့ ယောက်ျားချင်း လိင်ဆက်ဆံရာမှ တစ်ယောက်က top အဖြစ် (ထိုးသွင်းသူ) ကဏ္ဍကို ယူထားရင် ကူးစက်နိုင်ခြေ လျော့နည်းသွားတာတော့ ဟုတ်ပါတယ်။ ၂၀၁၂ ခုနှစ်က ပြုလုပ်ခဲ့ လေ့လာမှုတစ်ခုမှာ topဖြစ်သူတွေအတွက် ကူးစက်နိုင်ခြေက ၈၈ရာခိုင်နှုန်း နည်းပါးတယ်လို့ ပြောပါတယ်။ ဆိုလိုချင်တာက topဖြစ်လည်း ပိုးရှိသူနှင့် အကာအကွယ်မဲ့ လိင်ဆက်ဆံလျှင် ၂၂% ရောဂါကူးနိုင်ခြေရှိတယ် ဆိုတာပါ။

၃) HIV ပိုးရှိရင် AIDS ဖြစ်မှာလား။

မဖြစ်ပါဘူး။ HIV ပိုးကို စောစောသိလို့ ဆေးနှင့် ထိမ်းထားနိုင်ရင် HIVရဲ့ နောက်ဆုံးအဆင့်ဖြစ်တဲ့ ကိုယ်ခံအားစနစ်ကျဆင်းတဲ့ အဆင့် AIDS အဆင့်ကို မရောက်နိုင်ပါဘူး။ မှန်ကန်သော ဆေးကုသမှုခံယူခြင်း၊ ပုံမှန်ဆေးစစ်ခြင်း၊ ကျန်းမာရေးလိုက်စားပြီး ကိုယ်ခံအားစနစ်ကောင်းမွန်အောင် နေထိုင်ပါက AIDSရဲ့ လက္ခဏာတွေ ပေါ်လာမယ့် အဆင့်ကို မရောက်အောင် ကာကွယ်နိုင်ပါတယ်။ HIV positive ဖြစ်တယ်ဆိုတာ HIV ပိုးရှိတာ တစ်ခုတည်းကိုပဲပြောတာပါ။

၄) ကျွန်တော် သေတော့မှာလား။

မသေပါဘူး။ သင့်ဘဝမှာ ဆင်ခြင်ရမယ့် အရာတွေရှိလာတာပေါ့။ အခြား နာတာရှည် အခြေအနေ (ဥပမာ ဆီးချို) လိုပါပဲ ဆေးပုံမှန်မှီဝဲကာ နေထိုင်မှုပုံစုံပြောင်းပြီး နေထိုင်သွားရင် လူတိုင်းလိုပင် သက်စေ့နေထိုင်သွားနိုင်ပါတယ်။ အခြားလူတွေလိုပဲ ကိုယ့်ကျန်းမာရေးကို အသက်ကြီးလာတာနှင့် အမျှ ဂရုစိုက်သွားရပါမယ်။

၅) HIV ဘယ်လို မကူးဘူးလဲ။

HIV ကူးတယ်လို့ထင်တဲ့ အယူအဆမှားတွေကို ပြောကြည့်ရရင် အိမ်သာထိုင်ခုံတို့၊ ရေခွက်စတဲ့ မီးဖိုခန်းအသုံးအဆောင်တွေကို ဝေမျှခြင်းဖြင့် မကူးနိုင်ပါဘူး။ နှုတ်ခမ်းချင်းစုတ်နမ်းခြင်းမှ မကူးနိုင်ပဲ တံတွေးမှာလည်း ပိုးမရှိပါဘူး။ ချွေး နှင့် ဆီးမှာလည်း ပိုးမရှိပါဘူး။ ရေကူးကန်၊ ရေနွေးစိမ်ကန်မှလည်း မကူးပါ။ အကောင်ကိုက်ခြင်း ခြင်ကိုက်ခြင်းမှလည်း မကူးနိုင်ပါ။ HIV ပိုးရှိနိုင်တဲ့ အရည်တွေက သွေး၊ သုတ်ရည်၊ အမျိုးသမီးကိုယ်တွင်းမှ အရည်များ၊ နို့ရည်များသာ ဖြစ်ပါတယ်။ ထိုအရည်တွေအထဲမှာ ပိုးကူးစေလောက်တဲ့ ပိုးအရေအတွက်ရှိတဲ့အခါ ထိုအရည်တွေက ခန္ဓာကိုယ်ရဲ့ အပေါက်အပြဲများ၊ အမှေးပါးများကတဆင့့် သွေးစီးကြောင်းထဲကို တိုက်ရိုက်ထိတွေ့မှသာ ကူးစက်မှု ဖြစ်ပေါ်နိုင်တာပါ။

၆) ဘယ်သူတွေ ပိုးကူးဖို့ ဖြစ်နိုင်ပါသလဲ။

ဘယ်သူမဆို ဖြစ်နိုင်ပါတယ်။ အသက်အရွယ်၊ အသားအရောင်၊ အဆင့်အတန်း၊ လိင်တူချစ်သူ၊ လိင်ကွဲချစ်သူ နှင့် ကျားမ မရွေး မည်သူမဆို ဘေးကင်းတဲ့ လိင်ဆက်ဆံမှုကို မကျင့်သုံးပဲ ပိုးရှိသူနှင့် အကာအကွယ်မဲ့ ဆက်ဆံရင် ပိုးကူးနိုင်ပါတယ်။

၇) ဒါဆို HIVပိုး ကူးမှာကြောက်ရင် လိင်မဆက်ဆံပဲ နေရတော့မှာလား။ 

အဲ့လိုလည်း မဆိုလိုပါဘူး (သင်က မဆက်ဆံချင်တော့ဘူး ဆိုရင်တော့လည်း သဘောပဲပေါ့)။ လိင်ဆက်ဆံမှုမှ ရရှိတဲ့ (orgasm) ပြီးမြောက်မှုဟာ သင့်အတွက် ဆေးတပါးလည်း ဖြစ်ပါတယ်။ လိင်ဆက်ဆံခြင်းမှ ထွက်လာတဲ့ ဟောမုန်းဖြစ်တဲ့ immunoglobulin ဟာ ရောဂါကူးစက်ခြင်းများကို တိုက်ဖျက်ပါတယ်။ လိင်ဆက်ဆံခြင်းကြောင့် ကောင်းမွန်စွာ အိပ်ပျော်ပြီး၊ စိတ်ဖိစီးမှု၊ စိတ်ဓာတ်ကျမှု နှင့် အထီးကျန်မှုတို့မှ ကင်းဝေးစေပါတယ်။ HIV ပိုးရှိတဲ့ ကိုယ့်ရဲ့ လက်တွဲဖော်နှင့် ဆက်လက် သွားလာမယ်ဆိုရင်တောင် မှန်ကန်စွာ ကွန်ဒုံးအသုံးပြုခြင်း၊ ပိုးရှိသူသည် ဆေးကုသမှု ခံယူကာ ပိုးကောင်ရေ မတွေ့နိုင်သည့် အဆင့်ထိအောင် လျှော့ချခြင်းတို့ဖြင့် ဆက်လက်ပေါင်းသင်းသွားလို့ ရပါတယ်။

ဤစာမျက်နှာကိုလည်း ဖတ်ပါ။ - HIV ရှိသူ လက်တွဲဖော် နှင့် အသက်ထက်ဆုံးပါင်းသင်းသွားဖို့ ဖြစ်နိုင်တယ်ဆိုတဲ့ အကြောင်း

၈) Oral sex ဆိုရင်ကော်။

ပါးစပ်နှင့် လိင်ဆက်ဆံခြင်းက ကူးစက်ဖို့ဆိုတာ ဖြစ်လေ့ဖြစ်ထမရှိပါဘူး။ ဒါပေမယ့် သီအိုရီအရ ကူးနိုင်ခြေရှိပါတယ်။ အထူးသဖြင့် HIV ရှိသူကို သင်ပါးစပ်နှင့် ဆက်ဆံပြီး သင့်ရဲ့ခံတွင်းထဲမှာ သူသုတ်လွှတ်ခဲ့ရင် ကူးစက်နိုင်ပါတယ်။ အကယ်၍ အပြင်ဘက်မှာ သုတ်လွှတ်ရင်တော့ ကူးစက်ဖို့ ဖြစ်နိုင်ခြေ အလွန်နည်းပါတယ်။ ဒါကြောင့် သူ့ကို အပြင်မှာ သုတ်လွှတ်ခိုင်းရင် သင့်အတွက် အန္တရာယ်နည်းပါတယ်။

၉) “Treatment as Prevention” – “ကုသခြင်းဖြင့် ကာကွယ်မှု” ဆိုတာ ဘာပါလဲ။

တစ်ဦးတွင် HIV ပိုးရှိပြီး နောက်တစ်ဦးမှာ HIV ပိုးမရှိတဲ့ စုံတွေနဲ့ ပြုလုပ်ခဲ့တဲ့ သုတေသန အကြီးစားနှစ်ခုလောက်မှ ရလာဒ်များရဲ့ ညွန်ပြချက်အရ ပိုးရှိသူက ဆေးကုသမှုခံယူနေပြီး သူရဲ့ ပိုးကောင်ရေ အရေအတွက် “viral load” ကို မရှိသလောက်လျှော့ချထားတဲ့ အချိန်မှာ ကွန်ဒုံးမသုံးပဲ လိင်ဆက်ဆံတာတောင်မှ ၄ ရာခိုင်နှုန်းသာ ကူးနိုင်ခြေ ရှိပါတယ်။ HIV positive (ပိုးရှိသူ) တစ်ယောက်ဟာ သူ HIV positive ဖြစ်တယ်ဆိုတာကို ပြောပြတာဟာ သူများတွေကို ကူးစက်မှာကို စိုးရိမ်စိတ် စေတနာနှင့် ပြောပြတာပါ။ အကယ်၍ ပိုးရှိသူက ကျန်းမာစွာနေထိုင်ပြီး သူရဲ့ပိုးကောင်ရေကို မရှိသလောက် ထိန်းထားမယ်ဆိုလျှင် ပိုးမရှိတဲ့ သင့်ရဲ့လက်တွဲဖော်နှင့် ဆေးမကုပဲ ကွန်ဒုံးနှင့် လိင်ဆက်ဆံတာထက် အများကြီး ပို၍ အန္တရာယ်ကင်းပါတယ်။ ဒါကြောင့် ဆေးကုသခြင်းဖြင့် ကူးစက်ခြင်းကို ကာကွယ်မှု ပြုလုပ်တာလို့ ခေါ်တာပါ။

၁၀) PrEP ဆိုတာဘာလဲ။

PrEP (Pre-Exposure Prophylaxis) ဆိုတာ Truvada လို့ခေါ်တဲ့ တံဆိပ်ကထုတ်တဲ့ ပေါင်းသောက်ရတဲ့ ဆေးနှစ်မျိုးပါ။ ဒီဆေးတွေကို ရောဂါပိုးကူးစက်ဖို့ အန္တရာယ်များတဲ့ အခြေအနေနှင့် ထိတွေ့နေရတဲ့ သူတွေအတွက် အသုံးပြုတဲ့ ကာကွယ်နည်းတစ်မျိုးပါ (ဥပမာ လိင်လုပ်သားများ၊ တစ်ဦးတွင် ပိုးရှိပြီး နောက်တစ်ဦးတွင် ပိုးမရှိသော စုံတွဲများ)။ ဒီဆေးတွေကို နေ့စဉ် ပှံမှန်နှင့် မထိတွေ့ခင် ကြိုတင်သောက်သုံးရင် အလွန်ထိရောက်ပါတယ်တဲ့။ ဒီဆေးတွေက ပိုးခန္ဓာကိုယ်ထဲ ၀င်ရောက်လာရင် အခြေမချနိုင်အောင် တားထားတဲ့ ပုံစံမျိုးနှင့် အလုပ်လုပ်တာပါ။ ဘေးထွက်ဆိုးကျိုးတွေတော့ရှိနိုင်ပါတယ်။ ဆရာဝန်တွေက ဒီကာကွယ်နည်းသုံးမယ်ဆိုရင်တောင်မှ ပိုမို လုံခြုံမှုရရှိအောင် ကွန်ဒုံးကိုလည်း သုံးဖို့တိုက်တွန်းကြပါတယ်။

ကျန်းမာပျော်ရွင် ကြပါစေ။ 

ကျွန်တော်တို့ ယောက်ျားချင်းချစ်သူများထဲက အလှကြိုက်သူတွေဟာ လူတွေပြောကြတဲ့ လှပတယ်ဆိုတဲ့ ခန္ဓာကိုယ်မျိုးကို ရရှိဖို့ကို တမ်းတကြပါတယ်။ အတော်အများဟာ gym အားကစားရုံတွေမှာ အချိန်တွေ သုံးပြီးတော့ လေ့ကျင့်ခန်းတွေလုပ်ကာ တောင့်တင်းလှပတဲ့ ခန္ဓာကိုယ်ကို ရရှိအောင် ကြိုးပမ်းကြပါတယ်။

မီဒီယာတွေမှာ အများဆုံး ဖော်ပြလေ့ရှိတဲ့ ပြီးပြည့်စုံတဲ့ ခန္ဓာကိုယ် (perfect body) ဆိုတဲ့ ပုံစံက လူဖြူယောက်ျားတွေရဲ့ အားကစားလုပ်ထားတဲ့ ရင်အုံဖြိုးမောက်ကာ လက်မောင်းတုတ်ခိုင်ပြီး ဗိုက်သားအဖုအထစ်များနှင့် တင်ပါးများ ပြည့်တင်းနေသော ခန္ဓာကို ဖော်ပြလေ့ရှိပါတယ်။ 
 

ဒါပေမဲ့ ကျွန်တော်တို့ လူတွေဟာ တစ်ဦးနှင့် တစ်ဦး မတူကြပါဘူး။ မျိုးရိုးဗီဇကွာသလို ခန္ဓာကိုယ်ဖွဲ့စည်းပုံ နှင့် ဇီဝဖြစ်ပျက်မှုတွေ လဲကွာခြားကြပါတယ်။ ဒါပေမဲ့ မီဒီယာတွေက ပုံသေဆွဲပြီး ဖော်ပြတာကြောင့် ကျွန်တော်တို့ လှတယ်ဆိုတဲ့ အမြင်ဟာ ဒီလိုဖြစ်မှပဲ လှတယ်လို့ မြင်လာပြီး အဲ့လိုပုံ မရရှိပါက မိမိကိုယ်မိမိ ယုံကြည်မှုကို သံသယရှိလာနိုင်ပါတယ်။

ဒါပေမဲ့ လှပတဲ့ ခန္ဓာကိုယ်ဆိုတာကို မြင်တဲ့ အမြင်တွေကို မတူကွဲပြားကြပါတယ်။

Buzzfeed ကပြုလုပ်တဲ့ ဒီဗီဒီယိုလေးက LGBT အားကစားသမားတွေကို ပြီးပြည့်စုံတဲ့ ခန္ဓာကိုယ်ဟာ ဘယ်လိုပုံစံလို့ ထင်ပါသလဲဆိုပြီး မေးထားပါတယ်။ ဗီဒီယိုထဲက သူတို့ ဖြေထားတာကို ဘာသာပြန်ပြီး ဒီ ဘလော့မှာ ဖော်ပြလိုက်ပါတယ် ခင်ဗျာ။

“ဒီဟာက ခက်ခဲတဲ့ မေးခွန်းတစ်ခုပါပဲ။ အထူးသဖြင့် အားကစားပိုင်းမှာပေါ့”

Pat Manuel - လက်ဝေ့ကစားသမား

"ကျွန်တော့် အနေနှင့် ပြီးပြည့်စုံတဲ့ ခန္ဓာကိုယ် ဆိုတာကို ကြားရင် ကျွန်တော့် ခေါင်းထဲဝင်လာတာက ဖိနှိပ်မှုရှိတယ်ဆိုတဲ့ အတွေးတစ်ခုပဲ။ ကျွန်တော်တို့ လူအသိုင်းအဝန်းမှာ ပြီးပြည့်စုံတဲ့ ခန္ဓာကိုယ်ဆိုတာနှင့် ပက်သတ်တဲ့ စံနှုန်းတွေ သတ်မှတ်ထားတာရှိပြီး အဲ့ဒါတွေက အရမ်း သေးသိမ်ပါတယ်။"

"ကိုယ့်ရဲ့ ကျားမဖြစ်ပုံနှင့် စိတ်မချမ်းမြေ့ရုံတင်မက လူမဲယောကျ်ားတစ်ဦးအဖြစ် ခန္ဓာကိုယ်ဆိုင်ရာ အခက်အခဲတွေနဲ့ပက်သက်ပြီး ရုန်းကန်နေရတဲ့ လူတစ်ယောက်အနေနှင့်ပေါ့… ဘယ်လိုပြောမလဲ… ငယ်ငယ်တုန်းကဆို ရေးကူးသမားတစ်ယောက်ရဲ့ ခန္ဓာကိုယ်လိုမျိုး အရပ်ရှည်ပြီး ကျစ်လစ်တဲ့ ခန္ဓာမျိုးကို လိုချင်ခဲ့မိတာ… ဒါပေမဲ့ အဲ့ဒါက ကျွန်တော့် ခန္ဓာကိုယ် အမျိုးအစားမဟုတ်ဘူး။ "

"အထူးသဖြင့် အားကစားနည်းပြ တစ်ဦးအနေနှင့် (ပြီးပြည့်စုံတဲ့ ခန္ဓာကိုယ်ဆိုတဲအရာက) အလွန်မွန်းကျပ်စေပါတယ်။"

Robbie Rogers - ဘောလုံးသမား

"ကျွန်တော် စပြီးတွေးမိတာက ကျွန်တော်အားကစားလုပ်တဲ့ အချိန် အသင့်ဆုံး ကိုယ်အလေးချိန်၊ ခန္ဓာကိုယ်ထဲမှာ ရှိတဲ့ အဆီ၊ ကြွက်သား သိပ်သည်းမှုတွေ စသဖြင့်ပေါ့။"

"အဲ့တော့ ကျွန်တော်ကတော့ လူအတော်များ တွေးခေါ်ပုံနှင့် မတူတဲ့ အမြင်ရှိတာပေါ့။
လူတွေအတော်အများက ဗိုက်က အဖု၆လုံး (6 packs) နဲ့တို့ ဘာတို့ဘာတို့ပေါ့။ ကျွန်တော်ကတော့ အားကစားအတွက် လိုအပ်တဲ့ ၈ မိုင် ၉ မိုင်လောက်ကို ပြေးနိုင်နေသရွေ့တော့ ကိုယ့်ကိုယ်ကို ရေကူးဝတ်စုံဝတ်လိုက်လို့ ဘယ်လိုမျိုးပုံစံ ပေါ်လဲဆိုတာကို သိပ်ဂရုမစိုက်ဘူး။"

"အားကစား မလုပ်တဲ့ ရာသီမှာဆိုရင် ကျွန်တော့်အတွက် ပြီးပြည့်စုံတဲ့ ခန္ဓာကိုယ်ဆိုတာ မနာကျင်တဲ့ ခန္ဓာကိုယ်။ သက်တောင့်သက်သာရှိပြီး အနားယူနေတဲ့ ခန္ဓာကိုယ်ပါ။ ဒါပေမဲ့ ကျွန်တော် လျှောက်လည်ထားသမျှကြောင့် ဖြစ်နေတဲ့ နေလှုံထားတဲ့အရောင် (ကြေးနီရောင်)လေးလဲ ပါမှာပေါ့။" 

Julie Shaw - ဘက်စကတ်ဘော နည်းပြ

"ပြီးပြည့်စုံတဲ့ ခန္ဓာကိုယ်ဆိုတာ သင် ကိုယ့်ကိုကိုယ် သက်တောင့်သက်သာ ရှိတဲ့ ခန္ဓာပါ။ နောက်ထပ်ဖြည့်ချင်တာက ကျန်းမာတာ။ သင့်အတွက် ကျန်းမာတဲ့ ခန္ဓာကိုယ် ပေါ့။"

"ပြီးပြည့်စုံတယ်ဆိုတာ ကျွန်မ အမြင်မှာတော့ အချိန်နှင့်အချိန် မရနိုင်ပါဘူး။ အထူးသဖြင့် သင်ရဲ့ ကျန်းမာရေး နှင့် ခန္ဓာ အကြောင်းကို ပြောမယ်ဆိုရင် ပြီးတော့ အမျိုးသမီးနှင့် အားကစားနှင့်ပက်သက်ပြီး လုပ်ရမယ်ဆိုရင် အဲ့လို (ပြီးပြည့်စုံတယ်ဆိုတာကို) ပြောတာက ဖိစီးမှုတွေ အများကြီး ဖြစ်နိုင်ပါတယ်။" 

"ဘာလို့လဲဆိုတော့ ကျွန်မအမြင်က ကျွန်မတို့အားလုံးက ကိုယ့်ခန္ဓာကိုယ်ကို ပိုင်ဆိုင်ရပါမယ် ပြီးတော့ ကိုယ့်အတွက် ဘာက ကောင်းတယ်၊ ဘာက ကျန်းမာစေတယ်ဆိုကို သိရပါမယ်။ ကျန်းမာရမယ် ဆိုတဲ့အပိုင်းက အရမ်းရမ်းကို အရေးကြီးတယ်လို့ ထင်ပါတယ်။" 

Lypheng Kim – USC Dragon Boat

"ပြီးပြည့်စုံတဲ့ ခန္ဓာကိုယ်ဆိုတာ လူမျိုးစွဲကြီးနဲ့ လာတာလည်း ပါပါတယ်။ ဘာလို့ ကမ္ဘာကြီးက လူဖြူတွေရဲ့ ပြီးပြည့်စုံတဲ့ ရုပ်သွင်ကို မြတ်နိုးကိုးကွယ်နေရတာလဲပေါ့။"

"ကျွန်တော့် တဘဝလုံး ပိန်ပြီးတော့ပဲ ကြီးပြင်းလာခဲ့တယ်။ တကယ့်စိတ်ထဲမှာတော့ အဲ့လောက် မပိန်ရင်ကောင်းမှာပဲလို့ ဆုတောင်းခဲ့မိတယ်။ အဲ့လောက်မြန်တဲ့ ဇီဝတွင်းဖြစ်ပျက်မှု (metabolism) မရှိရင်ကောင်းမှာပဲပေါ့။ "

"ဒါပေါ့… ကျွန်တော်ကိုယ့်ကိုယ်ကို ကျွန်တော့် ခန္ဓာ၊ ပြီးတော့ ကျွန်တော့် ဘယ်သူလဲဆိုတာနှင့် ပက်သက်လို့ အကောင်းဆုံးလို့ မထင်ခဲ့တဲ့ အချိန်တွေလည်းရှိခဲတာပေါ့။ ဒါပေမဲ့ ကျွန်တော်ကိုယ့်ကိုယ်ကို ဒီဟာက ကျွန်တော်ရရှိထားတဲ့ အရာတွေပဲဆိုတာကို လက်ခံပေးရဖို့ပါ။ အဲဒီတော့ ကျွန်တော်အနေနှင့် ပြီးပြည့်စုံတဲ့ ခန္ဓာကိုယ်ဆိုတာက ကျွန်တော့် အရှိ အရှိအတိုင်းပါ။ ကျွန်တော်ကိုယ့်ကိုယ်ကို ပြန်ကြည့်လိုက်ပြီး ဒီလိုပုံစံကိုပဲ မြတ်နိုးမယ် ဆိုတဲ့ပုံစံမျိုးပဲ ဖြစ်သင့်တာပါ။

ကျွန်တော်တို့ ဂေးယောက်ျားများအဖို့ တင်ပါးက ခန္ဓာကိုယ်ရဲ့ အကြိုက်ဆုံး အပိုင်းထဲကတစ်ခုလို့ဆိုရင် မမှားနိုင်ပါဘူးနော်။ ဘာ့ကြောင့် လဲဆိုတာတော့ အထူးရှင်းပြစရာတော့ မလိုတော့ဘူးပေါ့။

ဒီတော့ ကိုယ့်ခန္ဓာရဲ့ အကြိုက်ဆုံး အပိုင်းလေးရဲ့ အကြောင်းကို ကောင်းကောင်းသိထားတော့ ကိုယ့်ကျန်းမာရေးအတွက် မလိုလားအပ်တဲ့အဖြစ်တွေကို ရှောင်ရှားလို့ရပြီး ကျန်းမာပျော်ရွင်တဲ့ တင်ပါးလေး ရတာပေါ့။

အဲတော့ တင်ပါးကြိုက်တဲ့ အမောင်တို့အားလုံး ဂရုပြုရမယ့် အချက်တွေကို မှတ်သားထားပါလော့။ ဟုတ်တယ်… ဟို top only ဆိုတဲ့ အကိုတော်တွေ - ခင်ဗျားတို့ကို ရည်ရွယ်ပြီး ပြောနေတာ။ အသေအချာ ဖတ်ပါ။

ကျွန်တော်တို့ ယောက်ျားချင်းချစ်သူတွေအဖို့ စအိုနှင့် လိင်ဆက်ဆံခြင်းဟာ မှန်ကန်စွာပြုလုပ်လျှင် နှစ်လို့ဖွယ်ရာ ခံစားမှုတွေ ပေးနိုင်ပါတယ်။ အဲ့လိုကောင်းမွန်တဲ့ အတွေ့အကြုံတွေရရှိဖို့ ကိုယ့်ရဲ့တင်ပါးက ဘယ်လို အလုပ်လုပ်တယ်ဆိုတာကို သိထားဖို့တော့ လိုပါမယ်။

သင့် စအိုဝမှာရှိတဲ့ (sphincter) ရှုံ့ဆန့် ကြွက်သားတွေဟာ ခန္ဓာကိုယ်ထဲက အရာတွေရဲ့ အထွက်ကို ထိန်းချုပ်ပါတယ်။ ပြီးတော့ ခန္ဓာကိုယ်ထဲအဝင်လည်း ပါတာပေါ့။ ဒီရှုံ့ဆန့် ကြွက်သားတွေဟာ အာရုံကြောတွေ အများကြီးရှိပြီး သူတို့ဟာ သာယာမှုနှင့်နာကျင်မှု နှစ်မျိုးစလုံးရဲ့ အရင်းမြစ် ဖြစ်ပါတယ်။

လိင်ဆက်ဆံရာမှာ စတင်ထိုးသွင်းတဲ့အချိန် နာကျင်တယ်ဆိုတာ ရှုံ့ဆန့် ကြွက်သားတွေအပေါ် ပွတ်တိုက်မှုနှင့် နှိပ်ဖိမှုတို့ကြောင့် ဖြစ်ပါတယ်။ အကယ်၍ မိမိ ကြွက်သားတွေကို တင်းမထားပဲ ဘယ်လို လျှော့ချရမယ်ဆိုတာကို သိနိုင်ရင် လွယ်ကူတဲ့ ခံစားမှု ဖြစ်လာမှာပါ။ သင့်ဦးနှောက်က ခန္ဓကိုယ်ထဲကို ပြင်ပအရာတစ်ခုဝင်လာတဲ့အခါ ကြွက်သားတွေကို ကျုံ့ပြီး ငြင်းပယ်တယ်ဆိုတာက သဘာဝပါ။ ဒါကို တဖြည်းဖြည်းနှင့် အလိုက်သင့်ဖြစ်အောင် အလေ့အကျင့်ရယူပြီး သင့်ဦးနှောက်ကို ဝင်လာတာဟာ လက်ခံလို့ရတယ်လို့ ပြောနိုင်ရင် တင်းကြပ်မှုတွေ တဖြည်းဖြည်း လျော့ကျသွားမှာပါ။

အဲ့လိုမျိုးရနိုင်ဖို့ ဒီနေရာမှာ စိတ်ရှည်သီးခံမှုက အလွန်အရေးကြီးတဲ့ အရာပါ။ အထူးသဖြင့် ပထမဦးဆုံး အကြိမ်ဆိုရင် တစ်ဦးနဲ့တစ်ဦး နားလည်မှု တည်ဆောက်ပြီး စိတ်ရှည်စွာ စောင့်ဆိုင်းရမှာ ဖြစ်ပါတယ်။ ခန္ဓာကိုယ်ထဲကို စဝင်လာတဲ့ အရာနဲ့ ၄င်းက ပေးတဲ့ ဖိအားကို အသားကျအောင် ပထမခံစားကြည့်ရပါမယ်။ နာနေသေးရင် ရှေ့ဆက်မတိုးပဲ အဲ့နားမှာ ခဏစောင့်ပြီး ကြွက်သားတွေ သက်တောင့်သက်သာဖြစ်အောင် လေ့ကျင့်ယူရပါမယ်။ အဲ့လိုနဲ့ တဖြေးဖြေး ရှေ့ဆက်တိုးနိုင်ပါတယ်။ ဒီအချိန်မှာ ကြမ်းတမ်းစွာ ဖိမယ်၊ ပွတ်မယ်၊ အတင်းထိုးသွင်းမယ် ဆိုရင် နာကျင်မှုပဲ ဖြစ်ပါလိမ့်မယ်။ စိတ်ရှည်ရှည်နဲ့ စအိုကြွက်သားတွေက သက်တောင့်သက်သာရှိရှိ လက်ခံလာနိုင်ပြီဆိုမှသာ လှုပ်ရှားသင့်ပါတယ်။ အဲ့ဒါမှ လိင်ဆက်ဆံမှုကနေ နာကျင်မှု မဖြစ်ပေါ်ပဲ နှစ်လို့ဖွယ်ရာ ခံစားမှုကို ရနိုင်ပါမယ်။ တစ်ဦးက သက်သောင့်သက်သာ မဖြစ်သေးသရွေ့ အတင်းအကြပ် ရှေ့ဆက်တိုးရင် နှစ်ဦးနှစ်ဖက်လုံးအတွက် ကောင်းမွန်တဲ့ အတွေ့အကြုံကို မရနိုင်ပါဘူး။ နာကြင်မှုပဲ ဖြစ်လာမှာပါ။

အထူးသဖြင့် ပထမအကြိမ်မှာ မအောင်မြင်ဘူးဆိုရင် ခဏရပ်နားပြီး နောက်တစ်ကြိမ် ပြန်ကျိုးစားပြီး တဖြည်းဖြည်း လေ့ကျင့်ယူနိုင်ပါတယ်။ အတွေ့အကြုံရှိပြီးသားသူတွေတောင်မှ ထိုးသွင်းသူဟာ ကိုယ်အသားကျပြီးသားသူ မဟုတ်ပဲ အရွယ်အစားပိုကြီးပြီး ပုံသဏ္ဍာန်မတူတော့ရင် ပြန်ကျင့်သားရယူဖို့ အချိန်အနည်းငယ်တော့ ပေးရပါမယ်။

အဲ့လိုမှ မဟုတ်ပဲ၊ စိတ်မရှည်ပဲ အတင်းအကြပ် ထိုးသွင်းမယ်ဆိုရင် ကြွက်သားတွေ ကွဲပြဲတာတွေ ဖြစ်နိုင်ပါတယ်။ အဲ့ဒီအနာတွေဖြစ်ပြီး သွေးထွက်ရာကနေ ရောဂါပိုးတွေဟာ အလွယ်တကူ ဝင်လာနိုင်ပါတယ်။ အထူးသဖြင့် အဲ့ဒီအနာဖြစ်သွေးထွက်ခဲ့ရင် HIV ပိုးတွေ လွယ်လွယ်လေးဝင်နိုင်လို့ အန္တရာယ်အရမ်းများပါတယ်။

အဲ့တော့ အတင်းအကြပ်လုပ်မယ့် သူဆိုရင်တော့ သင့်ကို မထိုက်တန်တဲ့သူဖြစ်တဲ့အတွက် သူ့ကို taxi ငှားပေးပြီး အိမ်ပြန်ခိုင်းလိုက်ပါတော့။

နောက်တစ်ခု အရေးကြီးဆုံးက စအိုဆိုတာ သဘာဝအလျောက် ချောမွေ့စေတဲ့ အဆီတွေ မထွက်ပါဘူး။ ဒါကြောင့် လိင်ဆက်ဆံတဲ့အခါ ပွတ်တိုက်မှုတွေ လျှော့ချဖို့ ချောဆီ (lube) လုံလုံလောက်လောက် သုံးကိုသုံးဖို့ အရေးကြီးပါတယ်။ တံတွေးနဲ့ဆိုတာ မလုံလောက်ပါဘူး။ အထူးသဖြင့် ကွန်ဒုံးနဲ့ တံတွေးပွတ်တိုက်မှုကြောင့် ကွန်ဒုံးပေါက်ပြဲနိုင်ပါတယ်။ ကွန်ဒုံးနဲ့ ဆီလျော်တဲ့ ချောဆီကို အသုံးပြုရပါမယ်။

အဲ့တော့ လိင်ရုပ်ရှင်ထဲက မင်းသားတွေကိုကြည့်ရတာ သူတို့အတွက် အလွယ်တကူဆိုပေမဲ့ သင်အဲ့ဒီလို လိုက်လုပ်နိုင်ရမယ်လို့ မဆိုလိုပါ။ လူတစ်ဦးနှင့်တစ်ဦး မတူသလို သူတို့ဟာ သရုပ်ဆောင်တွေပါ။ အဲ့ဒီ ရုပ်ရှင်မရိုက်ခင်မှာ သူတို့ ဘယ်နှနာရီလောက် လေ့ကျင့်ခဲ့ရတယ်ဆိုတာ သင်သိမှာ မဟုတ်ပါဘူး။

အဓိကကတော့ သင့်ရဲ့  ရှုံ့ဆန့် ကြွက်သား(sphincter)တွေကို အလေးထားပါ။

နာကျင်တယ်ဆိုတာ ခန္ဓာကိုယ်က တစ်ခုခုမှားနေပြီဆိုတာကို အချက်ပြနေတာ ဖြစ်ပါတယ်။ စအိုနှင့် လိင်ဆက်ဆံတဲ့ အစပိုင်းမှာ ဘယ်လိုလျှော့ထားရမလဲဆိုတာကို အလေ့အကျင့် မဖြစ်သေးခင်မှာ နာနိုင်ပေမဲ့၊ အဲ့ဒီအနာ ပျောက်မသွားဘူးဆိုရင် လစ်လျူရှုထားလို့ မရပါဘူး။ သင်ချစ်ရတဲ့ ကိုကိုက ဆက်လုပ်ချင်တယ်လို့ ဘယ်လောက်ပြောပြော နာကျင်နေတာကို ဂရုမစိုက်လို့ မရပါဘူး။ ချစ်သူက တစ်ရက်ရက် ထားခဲ့ရင်ထားခဲ့မယ် သင့်တင်ပါးက သင်နဲ့ တစ်သက်လုံး စခန်းသွားမယ့် ငယ်ချင်းဆွေပါ။ သူ အနာတရ ဖြစ်သွားရင် သင် ဒုက္ခများပါလိမ့်မယ်။

နောက်ဆုံးတစ်ခုက ဆော့ကစားရင်းနဲ့ အထဲကို အရုပ်တွေဝင်သွားရင် ဆေးရုံကိုသာ အမြန်ပြေးပါတော့။ (မထင်နဲ့နော် အခုခေတ် အချို့ဂေးကောင်လေးတွေ လက်ကမြင်းပုံများ ဖြစ်တတ်တယ် ဟိဟိ)။ ကိုယ့်ဟာကိုယ် ကြိတ်မှိတ်ထုတ်လို့ ဒါဏ်ရာရပြီး တစ်သက်လုံး နောင်တရမယ့်အစား ဆရာဝန်ဆီကို အရှက်တကွဲ အကြိုးနည်းခံပြီး ပြေးလိုက်တာက ပိုတန်ပါတယ်။ ဖြစ်နိုင်ရင် ဆရာဝန်ကို အိမ်ခေါ်လိုက်ပေါ့။

Bottom တိုင်းက bottom ဖြစ်ဖို့ မရည်ရွယ်ပါဘူး။

လူတစ်ယောက်နှင့် တစ်ယောက်မတူနိုင်ပါဘူးလို့ ပြောရင် ခန္ဓာအတွင်းပိုင်း တည်ဆောက်မှုတွေ မတူဘူးဆိုတာလည်း ပါပါတယ်။ လူတစ်ယောက်နှင့်တစ်ယောက်စီမှာ ရှုံ့ဆန့် ကြွက်သားတွေရဲ့ ကျန်းခံ့သန်စွမ်းမှုတွေ မတူပါဘူး။ ကျွန်တော်တို့ထဲက တစ်ယောက်တစ်လေဟာ ဘယ်လောက်ပဲ စိတ်အားထက်သန်ပစေ သေးငယ်တဲ့ အရာလေးတွေကအစ သက်တောင့်သက်သာနဲ့ ဆန့်ဝင်ဖို့ လက်ခံလို့ မရနိုင်တာရှိပါတယ်။ ထိုးသွင်းတဲ့အခါ အဆက်မပြတ်နာတာမျိုးရှိနေပြီးတော့ အဲ့ဒါတွေက အာရုံကြောကြောင့်မဟုတ်ပဲ ကြွက်သားကြောင့်ဖြစ်နေရင် သင် bottom (လက်ခံသူ) ဘဝကနေ ပင်ဆင်ယူဖို့ စဉ်းစားသင့်ပါပြီ။

ရှုံ့ဆန့် ကြွက်သားတွေကို စမ်းသပ်ကြည့်ချင်တယ်ဆိုရင် လိင်တံရုပ်သေးသေးတစ်ခု ထည့်ပြီး စမ်းကြည့်ပြီးမှ တဖြည်းဖြည်း အရွယ်အစား ထပ်ကြီးထည့်ကြည့်ပါ။ အားကစားလုပ် သလိုပါပဲ။ ၂၅ ပေါင်အလေးတုံးကို မ မခင် ၁၀ ပေါင်အလေးတုံးနှင့် စပြီး မသလိုပေါ့။ ထပ်ပြီးမသေချာသေးရင်တော့ သင်ရဲ့ အချစ်လှိုင်ခေါင်းကို ပျက်ဆီးအောင် တစ်ခုခုမလုပ်မိခင်မှာ နားလည်ပေးနိုင်မယ့် ဆရာဝန်နဲ့ စစ်ဆေးမှုတွေ ပြုလုပ်ပါ။

တစ်ခုထပ်မှာချင်တာက တကယ်လို့ အလေ့အကျင့်ရအောင် လက်ချောင်းလေးတွေထည့်ပြီး ပြင်ဆင်မယ်ဆိုရင် ထည့်မယ့်လက်ချောင်းတွေ လက်သည်းညှပ်ထားဖို့လိုပါမယ်။ ကိုယ်ကိုယ်တိုင်ပဲထည့်ထည့် ချစ်သူကပဲ သူမထိုးသွင်းခင်ပဲ လက်နဲ့ ပြင်ဆင်ပေးတာမျိုးလုပ်လုပ် လက်သည်းတွေဟာ နူးညံ့တဲ့ စအိုအတွင်းသားတွေကို ပေါက်ပြဲစေနိုင်တာမို့ ရောဂါများဝင်လာနိုင်ရန် အန္တရာယ်ရှိပါတယ်။ ဖြစ်နိုင်ရင် လက်မှာ ကွန်ဒုံးစွတ်ပါက အကောင်းဆုံးပါ။ နာကျင်မှု မရှိစေဖို့ ချောဆီသုံးရန်လည်း တိုက်တွန်းပါတယ်။

အမျှင် (fibre) က သင့်ရဲ့ အချစ်ဆုံး သူငယ်ချင်းပါ။

အူလမ်းကြောင်း လှုပ်ရှားမှုကို ကောင်းမွန်စေတဲ့ Fibre က ဝမ်းမမှန်တော့တဲ့ အသက်ကြီး ပုဂ္ဂိုလ်တွေနှင့်ပဲ ဆိုင်တာမဟုတ်ပါဘူး။ Fibre ရဲ့အကျိုးကျေးဇူးက အူလမ်းကြောင်း ကင်ဆာကို ကာကွယ်ပေးတာ တစ်ခုတည်းတင် မဟုတ်ပါဘူး။ Fibre က စအိုထဲမှာ ရောဂါကူးစေမယ့် အကြွင်းအကျန်တွေ နှင့် အခြား အညစ်အကြေးတွေကို ရှင်းလင်းပေးပါတယ်။ အမြဲတမ်း အဆင်သင့်ဖြစ်နေချင်တဲ့ bottomတွေအတွက် Fibre ရဲ့ ဝမ်းမှန်စေတဲ့ ကောင်းကျိုးတွေကိုတော့ အထူးပြောစရာ မလိုတော့ဘူးပေါ့။ သင့်ရဲ့ အစာအိမ်နဲ့ အူလမ်းကြောင်းက ကျန်းမာနေသရွေ့ သင်အတွက် တင်ပါးနဲ့ လိင်ဆက်ဆံမှုကို ကောင်းမွန်မှာပါ။ ဝမ်းမကောင်းနဲ့နေ့ ဝမ်းအခြေအနေ မသာယာတဲ့နေ့တွေမှာ နှစ်ယောက်လုံး စိတ်ပျက်စရာတွေ မဖြစ်အောင် ကိုကိုနဲ့ အချစ်လှိုင်ခေါင်းထဲ နှစ်ပါးသွားတာ ရှောင်သင့်ပါတယ်။ အဓိကကတော့ သင့်အနေနဲ့ ပျော်ရွင်ကျန်းမာတဲ့ ဘော်တွမ် ကောင်းကောင်းဖြစ်ချင်ရင် ကျန်းမာရေးနဲ့ ညီညွတ်တဲ့ အစားအသောက် အသီးအနှံကို စားသုံးပြီး သင့်တင်ပါးလေးကို အကောင်းမွန်အောင် ထိမ်းသိမ်းပေးဖို့ပါပဲ။ အဲ့ဒါမှသာ မျက်နှာပျက်စရာ ကိစ္စတွေ နဲနိုင်သမျှနဲအောင် ပြုလုပ်နိုင်မှာပါ။

ဒါနဲ့ စကားမစပ် အားကစားရုံမှာ မတော်မတရား အလေးတုံးတွေနဲ့ ထ၊ထိုင်လုပ်ပြီး လိပ်ခေါင်းထွက်ကုန်တဲ့ ကိုကိုတွေအတွက်လည်း Fibre က လိပ်ခေါင်းကို သက်သာစေပါတယ်နော် ဟိဟိ။

အသီးအရွက်တွေ နှင့် သစ်သီးတွေမှာ Fibre ကောင်းကောင်း ပါ ပါတယ်။ ဂျုံကြမ်း ဆန်ကြမ်းတွေနှင့် အစေ့အစံတွေကို စားပေးပါကလည်း ပိုကောင်းပါတယ်။

စအိုကင်ဆာက ကျွန်တော်တို့ ဂေးယောက်ျားတွေအတွက် ရန်သူကြီးပါ။

ဂေးယောက်ျားတွေမှာ စအိုကင်ဆာဖြစ်ဖို့ အန္တရာယ်များပါတယ်။ အကယ်၍ HIV ပိုးရှိခဲ့ရင် အဆ ၁၀၀ ပို အန္တရာယ်များပါတယ်။ စအိုမှာ တစ်ခါတစ်ရံ ယားယံတာ၊ အဖုပေါက်တာ၊ အောင့်နာတာတွေ နှင့် သွေးအနည်းငယ်ပါတာက သိပ်စိုးရိမ်စရာ မရှိပဲ ဆေးလိမ်းဆေးသောက်လိုက်လို့ ပျောက်သွားရင် ပျေက်သွားပါမယ်။ ဒါပေမဲ့ မသက်သာပဲ ဆက်ကြာရှည်နေရင်တော့ ဆေးစစ်သင့်ပါပြီ။ ကင်ဆာဆိုတာ တစ်ခါတည်း အကြီးကြီးကစဖြစ်တာမျိုး မဟုတ်ပါဘူး။ သေးသေးလေးကနေစတဲ့ အတွက် အသိစောခဲ့လျှင် ဆေးမှီနိုင်ပါတယ်။ အဲ့လိုမဟုတ်ပဲ လစ်လျှူရှုထားမှာသာ ဆိုးရွားလာတာပါ။

စအိုကင်ဆင်ဖြစ်စေတဲ့ အဓိက တရားခံကတော့ Human Papilloma Virus (HPV) ဆိုတဲ့ ပိုးပါ။ လိင်မှတဆင်းကူးဆက်တဲ့ ရောဂါတွေထဲမှာ အကူးလွယ်ဆုံး ပိုးပါ။ လူတွေ အတော်အများမှာ ရှိနေပြီး ရောဂါ လက္ခဏာတွေလည်း မပြလို့ ရှိလို့ရှိမှန်းလည်း မသိကြပါဘူး။ HPV ပိုးအုပ်စုတွေဟာ အရေပြားချင်း ထိရုံနှင့် ကူးစက်နိုင်ပါတယ်။ အချို့ ပိုးအမျိုးအစားများကတော့ ရှိလို့ရှိမှန်းမသိလိုက်ပဲ သူ့ဘာသာ ကိုယ်ခံအားစနစ်ကြောင့် ပြန်ပျောက်သွားပေမယ့် အချို့ အမျိုးအစားတွေက ကင်ဆာ ဖြစ်စေနိုင်ပါတယ်။ ဒါကြောင့် လိင်ဆက်ဆံဖော်အရမ်းများတဲ့ ဂေးယောက်ျားတွေအဖို့ ဆေးပုံမှန် စစ်သင့်သလို အနည်းဆုံး ၃ နှစ် ၁ခါ စအိုကင်ဆာကိုလည်း အမြဲသတိထား စစ်သင့်ပါတယ်။

သင်အသက်၅၀ကျော်ပါက သင့် တင်ပါး နယ်မြေအကုန်လုံးကို ဆေးစစ်သင့်ပါတယ်။ အထူးသဖြင့် HIV ပိုးရှိလျှင် အသက်၄၀ ကတည်းက စစ်သင့်ပါတယ်။

နေ့စဉ်နေ့တိုင်းမှာ ကျွန်တော်တို့ဟာ ကိုယ့်လိင်တံရဲ့စွမ်းဆောင်ရည်ကို ချစ်သူနှင့် ကာမချမ်းသာမှု ဘယ်လောက်ပေးတယ်ဆိုအပေါ်ကိုသာ ကြည့်ပြီး ဆုံးဖြတ်ကြပါတယ်။ အမှန်တော့ လိင်တံကလည်း ကျွန်တော်ရဲ့ ကျန်းမာရေးအကြောင်းကို အများကြီးပြောပြနိုင်ပါတယ်။ ကျွန်တော်တို့ ခန္ဓာကိုယ်ရဲ့ အခြေအနေတွေကို ငယ်ပေါင်းဖော်ကနေ အချက်ပြနေတာတွေ ရှိပါတယ်။ ကျန်းမာသော လိင်အင်္ဂါဆိုတာက ကောင်းမွန်သော ကျန်းမာရေးကို ညွန်ပြတာပါ။

၁) တောင့်တင်းမှု ကျဆင်းခြင်း

ငယ်ပါတောင့်တင်းတယ်ဆိုတာလိင်တံကြွက်သားတွေထဲကို သွေးဝင်လာလို့ တောင့်တင်းလာတာဖြစ်ပါတယ်။ တောင့်တင်းဖို့ အခက်အခဲရှိလျှင် နှလုံးမှာ ပြသနာရှိနေနိုင်တယ်ဆိုတာကို ပြနေတာပါ။ Erectile Dysfunction (လိင်တံ တောင့်တင်းရန်ခက်ခဲခြင်း) ဖြစ်နေသော ယောက်ျားများတွင် နောင်နှစ်များ ကြာလာသောအခါ နှလုံးရောဂါဖြစ်လာဖို့ ၆၅%ပိုများတယ်လို့ သြစတြေးယ နိုင်ငံမှ လေ့လာမှုတစ်ခုမှ ပြောပါတယ်။ ပြီးတော့ လိင်တံရဲ့ သွေးကြောတွေ ကျဉ်းနေတာ သေးနေတာကြောင့် မတောင့်တင်းနိုင်ရင်လည်း နှလုံးရောဂါဖြစ်ဖို့ အလားအလာတွေပါ။ ဆရာဝန် ပြသင့်ပြီလို့ သင့်ငယ်ပါက ပြောပြနေတာပါ။

၂) အနီရောင် အရည်များ

သင့်ရဲ့ဆီးက အဝါရောင်ကနေ အနီရောင်ကို ပြောင်းသွားတယ်ဆိုရင် စိုးရိမ်ရတဲ့ အချက်ပါ။ ချက်ချင်း ဆရာဝန်ဆီပြေးပါတော့။ သင့်ရဲ့ ဆီးကြိတ်၊ ဆီးအိမ်၊ ဒါမှမဟုတ် ကျောက်ကပ်မှာ ရောဂါရှိပြီဆိုတာကို ပြနေပါတယ်။ သင့်သုတ်ရည်က ပန်းရောင် (သို့) သွေးရောင် သန်းလာတယ်ဆိုရင်တော့ သေလောက်အောင်မဆိုးသေးပေမဲ့ ဆရာဝန်ကို ပြပါ။ ဆီးကြိတ်ထဲ ပိုးဝင်နေတယ်ဆိုတဲ့ သဘောပါ။

၃) ကာမရာဂ ဆန္ဒတွေ ပျောက်ကုန်ခြင်း

ချစ်သူနှင့် သွားလာချင်စိတ်တွေ ကုန်နေပါလား။ အဲ့ဒါ သူမကောင်းလို့ မဟုတ်ပါဘူး။ သင်ဟောက်နေတာနှင့် သက်ဆိုင်နိုင်ပါတယ်။ ဒီလိုပါ။ Obstructive sleep apnea လို့ခေါ်တဲ့ အိပ်နေစဉ် အသက်ရှုလမ်းကြောင်းပိတ်ကာ အသက်ရှုကြပ်ခြင်းကြောင့် သင့်ရဲ့ သွေးထဲမှာ အောက်စီဂျင် နည်းပါးစေကာ လိင်ဆက်ဆံလိုစိတ်တွေ ကျဆင်းလာစေနိုင်ပါတယ်။ ဂျာမနီနိုင်ငံက သုတေသနက ညဘက်အောက်စီဂျင်နည်းခြင်းဟာ testosterone ယောက်ျားဟော်မုန်း ထုတ်လုပ်မှု လျှော့ချစေကာ လိင်စိတ်ကို ၁၁% လျော့နည်းစေပါတယ်။ ဒါ့ကြောင့် သင်အရမ်းဟောက်တာ၊ အိပ်ပျော်နေစဉ် မောပြီးနှိုးလာတာ (သို့) နေ့ပိုင်းမှာ ပင်ပန်းနွမ်းနယ်တာ ရှိလျှင် ဆရာဆီကိုသာ ဒိုးပါတော့။

၄) သင့် ငယ်ပါ ဖောယောင်နေခြင်း

အရေးပြား နဲ့ ကွမ်းသီးက ဖောရောင်ပြီး ယားယံပါသလား။ Balantitis လို့ခေါ်တဲ့ လိင်တံထိပ်မှာ ဘက်တီးရီးယား၊ မှိုတွေနှင့် ဗိုင်းရပ်ပိုးတွေ တစ်ကိုယ်ရေ သန့်ရှင့်မှု နည်းပါးတာကြောင့် ဖြစ်နေတာပါ။ ဆရာပြောပြီး ဆေးလိမ်းလိုက်ရင်တော့ရပါတယ်။ ဒါပေမဲ့ တစ်ခါတည်း ကိုယ့်မှာ ဆီးချိုသွေးချိုရှိမရှိ စစ်လိုက်တာ ပိုအကျိုးရှိပါတယ်။ ဘာ့ကြောင့်လဲဆိုတော့ ဆီးချိုသွေးချိုရှိတဲ့လူတွေက balantitis ဖြစ်ဖို့ ၃ဆ ပိုများတယ်လို့ သုတေသနတစ်ခုက ပြောပါတယ်။

၅) အာရုံခံစားမှု နည်းလာခြင်း

အထိအတွေ့ ခံစားမှု နည်းလာတယ်ဆိုတာ အဟာရချို့တဲ့တယ်ဆိုတာကို ပြတာပါ။ အထူးသဖြင့် အာရုံကြောတွေက ဦးနှောက်ကို သတင်းအချက်အလက်တွေပို့ဖို့ လိုအပ်တဲ့ Vitamin B12 နှင့် fotale ကို ရဖို့ နွားနို့နှင့် အသားအတွေ၊ အစိမ်းရောင်အရွက်တွေကို စားသုံးဖို့လိုနေပါပြီ။ ဆီးချိုသွေးချိုကြောင့်လဲဖြစ်နိုင်တာရှိပါတယ်။ ငယ်ပါကြီး အာရုံခံစားမှုကောင်းမှ သုခကောင်ကောင်းရနိုင်မယ် မဟုတ်လား။

၆) ခဏခဏ ဆီးသွားလိုခြင်း

Benign prostatic hyperplasia (သို့) BPHလို့ခေါ်တဲ့ အခြေအနေကြောင့် ခဏခဏ ဆီးသွားလိုစိတ်ဖြစ်တာပါ။ အသက် ၄၀ မကျော်ခင်ထိ ဖြစ်လေ့မရှိပါဘူး။ အသက် ရ၀ ကျော်ရင်တော့ ယောက်ျား ၉၀% လောက်မှာ ဖြစ်လေ့ရှိပါတယ်။ ဆီးကျိတ်ကြီးလာတဲ့ အတွက် ဆီးပြွန်ကိုဖိတာကြောင့် ခဏခဏ ဆီးသွားလိုစိတ်ဖြစ်တာပါ။ ဆရာဝန်က ဆေးပေးပါလိမ့်မယ်။

ရ) သုတ်လွတ်နည်းပြီး အထိတ်အထိပ်ကို မရဘူး။

ခန္ဓာကိုယ်မှာ testosterone ယောက်ျားဟော်မုန်း နည်းပါးနေလို့ဖြစ်တာပါ။ သုတ်ရည်နည်းလျှင် ပန်းထွက်တဲ့အားလည်းနည်းပါတယ်။ အဲ့ဒီတော့ orgasm ဆိုတဲ့ အထိတ်အထိပ် ခံစာမှုမျိုးမရောက်နိုင်ဖြစ်ရတာပေါ့။ အဖြစ်နိုင်ဆုံးကတော့ သင် စိတ်ဓာတ်ကျမှုကို တိုက်တဲ့ဆေးတွေ သုံးနေတာကြောင့်ပါ။ ဒါဆိုရင် ဆရာဝန်ကို အခြားအစားထိုးစရာ စဉ်းစားခိုင်းပါ။

ကျန်းမာပျော်ရွင်ကြပါစေ။

Menshealth မှ ကိုးကား ရေးသားထားပါသည်။

မှတ်ချက်။ ။ကျွန်တော်ဆရာဝန်တစ်ယောက်မဟုတ်ပါ။ မှားနေခဲ့ရင် ထောက်ပြနိုင်ပါတယ်။ ဒါပေမဲ့ ဘာပဲပြောပြော ကျန်းမာရေးနှင့် ပက်သက်လာရင် နောက်ဆုံအဆင့်ထိမရောက်စေပဲ ကြိုတင် စစ်ဆေးမှုတွေပြုလုပ်တာကာ အကောင်းဆုံးပင် ဖြစ်ပါတယ် မဟုတ်ပါလား။

Buzzfeed Website မှကူးယူ ဘာသာပြန်ဖော်ပြသည်။
Translated from Buzzfeed

ကျွန်တော်တို့တွေဟာ ကိုယ့်ကိုကိုယ် လိင်တူချစ်သူတွေပါလို့ ဂုဏ်ယူဝင့်ကြွားစွာ အားလုံးကို ပြောပြလိုက်ချင်ပေမဲ့ အခြေအနေမပေးတော့ ကျွန်တော်တို့ အတော်အများဟာ ခံစားချက်လေးတွေကို မျိုသိပ်လို့ နောက်ကွယ်ကနေပဲ နေနေကြရပါတယ်။ ကျွန်တော်တို့ဟာ တစ်ဦးနှင့်တစ်ဦး ကြီးပြင်းလာခဲ့ကြတဲ့ အတွေ့အကြုံတွေမတူကြပေမဲ့ တခါတရံ ဒီလို အဖြစ်ကလေးတွေကတော့ တစ်ခုမဟုတ်တစ်ခု ကြုံခဲ့ကြမှာပါ။ ပြန်တွေးကြည့်လည်း ကိုယ့်ဟာကိုယ်ပြန်ရယ်ချင်မိကြတာပါပဲ။ Tumblr, Instagram နှင့် twitter အသုံးပြုသူတွေက သူ့တို့ရဲ့ အတွေ့အကြုံတွေကို #GrowingUpGay ဆိုတဲ့ hashtag တွေနဲ့ ဓာတ်ပုံတွေတင်နေကြပါတယ်။

၁) gym/အားကစားရုံမှာ ကစားရတဲ့ အကောင်းဆုံးအပိုင်းက။    ။
အဝတ်လဲခန်းထဲမှာ ရုပ်တည်ကြီးနဲ့ ဒီလိုမျိုးလေး

Via geminimind2015.tumblr.com

၂) ကာယအတန်းမှာ စိတ်အညစ်ဆုံးအချိန်က။     ။
ဆရာမက အားကစားလုပ်ဖို့ ယောက်ျားလေးတွေသပ်သပ် မိန်းခလေးတွေသပ်သပ်ခွဲလိုက်တော့ ကိုယ့်သူငယ်ချင်းတွေ အကုန်လုံးက မိန်းခလေးတွေကြီးဖြစ်နေတော့

Via jesael13.tumblr.com

၃) ကိုယ့်အမေနှင့် ကိုရီးယားကား အတူတူထိုင်ကြည့်ရတဲ့ တကယ့် အကြောင်းအရင်းက။    ။
အမေနဲ့အတူတူ တီဗီကြည့်နေတုန်း ရုပ်ရှင်ထဲမှာ ခပ်လန်းလန်း မင်းသားက အင်္ကျီမပါပဲ ထွက်လာတဲ့အခါ

၄) စိတ်အညစ်ဆုံးမေးခွန်းက။     ။

အမေ။    ။သားသူငယ်ချင်းတွေက ဘာလို့ မိန်းခလေးတွေပဲ ဖြစ်နေတာလဲ။

ကျွန်တော်။    ။ 

၅) ဒီမေးခွန်းကမှ ပိုစိတ်ညစ်ဖို့ကောင်းတာ။      ။

တစ်ခုလောက်မေးလို့ရမလား၊ စိတ်မဆိုးနဲ့နော်။ မင်းဟိုဟာ ဖြစ်နေတာတော့ မဟုတ်ပါဘူးနော်၊
သေစမ်း

၆) ကိုယ်ပေါင်းတဲ့ ကောင်မလေးတွေက လန်ထွက်နေတဲ့သူတွေကြီးဖြစ်နေတယ်ဆိုတဲ့ အဓိပ္ပာယ်က။
 အတန်းထဲအမှာ အချောဆုံး ဆော်တွေနဲ့ အချစ်ဆုံးသူငယ်ချင်းဖြစ်နေတော့ ကိုယ့်ကို အကောင်တွေက လာမစရဲဘူး။ သူတို့ကြိုက်နေတဲ့ ဆော်တွေက စိတ်ဆိုးမှာ စိုးလို့။

When you befriend all the hot girls, and guys can't make fun of you, cause girls will hate them #GrowingUpGay pic.twitter.com/FNFfll6Ewi

— Tony Diaz (@_tonyedwindiaz) July 15, 2015

၇) ကိုယ်တွေက တစ်ခါတစ်လေ သူလျှိုလိုလို။    ။

ကိုယ်ကအပုန်းဆိုတာကိုမသိပဲ သူငယ်ချင်းတွေက ဂေးတွေအကြောင်းကို ကိုယ့်ရှေ့မှာ ပြောဆိုနေကြတာ နားထောင်ရတော့ ရန်သူနယ်မြေထဲခိုးဝင်သွားတဲ့ စပိုင်လိုလို ဘာလိုလို

#GrowingUpGay hearing your friends talk about gays not knowing you're one and feeling like an undercover spy infiltrating the hetero camp

— danika (@lovatoreguii) July 15, 2015

၈) သင့်ကြောင်းကို ရိပ်မိတဲ့ ကောင်မလေးတစ်ယောက်က သင့်ကို ကြည့်တဲ့အခါ။    ။

Via thefemalepharaoh13.tumblr.com

၉) ဒီလို တရားပေါက်သွားတဲ့အချိန်တွေ။    ။

Via sorryandsoweare.tumblr.com

၁၀) အဲ့လိုအဲ့လို ပြောင်ငြင်းတာ။    ။
Britney Spears ကို ဆော်ကြီးက လန်းလို့ကြိုက်တာကွ။

#GrowingUpGay "NO! I like Britney Spears because she's HOT"

— John (@uhwhoisjohn) July 17, 2015

၁၁) ဒီလို ငြင်းတာက ပိုဆိုးတယ်။    ။ 
သူ။  ။ ဟေ့ကောင်ကြီး မင်းဂေးဖြစ်နေလား။
ကျွန်တော်။   ။ဟာဟုတ်ပါဘူးကွာ ငါ့အခန်းထဲမှာ ဆော်ပုံကြီးတွေ ချိတ်ထားတာ။

၁၂) အဆိုးဆုံးကတော့။     ။
Pop live concert ထဲက အကတွေ လိုက်ကကြည့်နေတုန်း တစ်ယောက်ယောက်ဝင်လာတဲ့ ခြေသံကြားလိုက်တော့။

#GrowingUpGay When you were re enacting a pop concert in your room and heard footsteps pic.twitter.com/7OnqstR63Y

— Romeo Santos (@ByeAshy) July 15, 2015

၁၃) ပို အဆိုးဆုံးက။    ။
မင်းဖုန်းကို ခဏကြည့်လို့ရမလား။ ဟာ မရဘူး။ ဟ... ဘာတွေမြင်မှာကြောက်လို့တုန်း။

၁၄) ဒီလို မျိုးလေး။  ။
ကျွန်တော်တဲ့ အတူတူ လျှောက်လည်နေတဲ့ ကောင်မလေးတွေက ကျွန်တော့် ရည်းစားလား မိဘတွေက မေးတော့။

 

 ၁၅) ဒီလို မျှော်လင့်ချက်အမှားလေးတွေနဲ့။     ။
သင့်ကို စစနေတတ်တဲ့ သင့်ရဲ့ straight သူငယ်ချင်းက သင့်ကို ယောကျာ်းချင်းချစ်တဲ့ပုံစံမျိုး တစ်ခုခုနောက်ပြီးလုပ်တော့ စိတ်ထဲကတော့ ဆုတွေတောင်းနေတာ

Via instagram.com

၁၆) အိမ်က အဖေ့ရဲ့ ကွန်ပြူတာ ခဏခိုးသုံးပြီးတော့။    ။
သင် အိမ်က ကွန်ပြူတာနှင့် ယောက်ျားချင်း ရင်ခုန်စရာ ကိစ္စတွေ လုပ်တာတွေကို ခိုးကြည့်ပြီး history ကို ပြန်ဖျက်ဖို့ မေ့သွားတော့ နောက်တစ်ယောက်က ဒါတွေ ဘယ်သူကြည့်တာလည်း မေးလိုက်တော့

၁၇) စတိုးဆိုင်မှာ သင်အမြဲလိုလို ခြေလှမ်းလှမ်းမိတဲ့ အတန်းက။    ။
အတွင်းခံဘောင်းဘီရောင်းတဲ့ အထုပ်ပေါ်က မော်ဒယ်တွေရဲ့ပုံကို ကြည့်ချင်လို့ အတွင်းခံရောင်းတဲ့ အတန်းမှ နေနေခဲ့ရင်တော့ အပုန်းဘဝလေးနဲ့ ကြီးပြင်းခဲ့ရတာပေါ့နော်။

၁၈) Facebook မှာ ဖြည့်လား မဖြည့်ဘူးလား။   ။
Facebook မှာ profile ဖြည့်တဲ့အခါ "interested in" ကိုချန်ထားတာဟာ ဘာအထာတွေပေးချင်လို့လဲ။

#GrowingUpGay purposefully not filling in the "interested in" section on Facebook

— Jake (@itsjakedriscoll) July 17, 2015

၁၉) သူ့လိုမျိုး။   ။
သင့်မှာ မိန်ခလေးရည်းစားရှိလား အမေးခံရတော့

#GrowingUpGay Anyone: So you got a girlfriend? You: pic.twitter.com/3duH4epjGM

— Phillip Van De Kamp (@MajorPhilebrity) July 15, 2015

၂၀) အိမ်က လူတွေ တီဗီအတူကြည့်တာအခါ အဖြစ်လေးက။   ။
မိဘတွေ သူငယ်ချင်းတွေနဲ့ တီဗီ အတူကြည့်နေတုန်း တီဗီထဲက တစ်ယောက်က ဂေးဖြစ်နေတဲ့ အခန်းကိုကြည့်နေရတုန်း


၂၁) ရေကူးသင်တန်းတက်ရတော့မယ်ဆိုရင်။    ။
နပမ်းလုံးပွဲတွေ ရှေ့ကနေဖြတ်သွားတဲ့ပုံလေးက

#GrowingUpGay Walking by wrestling practice in school like... pic.twitter.com/4IuImsKFIt

— Matt Stopera (@mattstopera) July 15, 2015

၂၂) သူငယ်ချင်းတွေနဲ့ အားကစား အတူတူကြည့်ရတဲ့ အဖြစ်လေး။။
ဘောလုံးပွဲကို ကြည့်တဲ့အခါ ကိုယ်တွေသူငယ်ချင်းတွေက အဲ့လို။ ကိုယ်တွေကတော့ BEYONCÉ လို မျက်နှာလေးနဲ့။

 

၂၃) ကဲ... သင့်ဘဝကို အကျဉ်းချုပ်ရမယ်ဆိုရင်။    ။

ဒါဖတ်ပြီးရင် *internet browser history ကို ဖျက်လိုက်တယ်*။

#GrowingUpGay *clears browser history*

— ™ (@niteslut) July 17, 2015

စာဖတ်သူတွေလဲ့ ကိုယ့်ရဲ့ အဖြစ်လေးတွေရှိရင် ဝေမျှပေးပါဦး ခင်ဗျာ။

ဘဝကို ရယ်မောခြင်းဖြင့် အမောပြေနိုင်ကြပါစေ။

အင်တာနက်သုံးပြီး ချစ်သူရှာဖို့ ရည်ရွယ်နေပါသလား။ ကျွန်တော်တို့ ဂေးတွေ အများသုံးကြတဲ့ phone က app တွေ ဖြစ်တဲ့ jack'd တို့ grindr သုံးပြီး ချစ်သူရှာမလား၊ ဒါမှမဟုတ် dating website တွေမှာ account ဖွင့်မလား၊ မဟုတ်ရင် facebook ကနေပဲ ရှာမလား။ ဒါပေမဲ့ ပထမဆုံးခြေလှမ်းက profile ကောင်းကောင်းလေးဖွင့်ပြီး ကိုယ့်ကို စိတ်ဝင်စားလာအောင် ဘယ်လိုလုပ်မလဲ။ ကိုယ့် profileမှာ ဘယ်လိုပုံ သုံးမလဲ။ ကဲဒီနည်းလမ်းလေးတွေ စမ်းကြည့်လိုက်ပေါ့။

၁။ ကိုယ့်မျက်နှာ အကောင်းဆုံးပေါ်တဲ့ ပုံကို သုံးပါ။ 

ကိုယ့်ကိုကိုယ် ကိုယ်မဟုတ်ဘူးလို့ ယူဆလိုက်ပါ။ ကိုယ့်ပုံကိုပြန်ကြည့်ပြီး ကျွန်တော်ဆိုရင် ဒီပုံထဲက ကောင်လေးနဲ့ တွဲမလားဆိုပြီး ပြန်စဉ်းစားကြည့်ပါ။ သင့်ရဲ့ ဓာတ်ပုံက ဒီအချက်နှစ်ချက်တော့ပြောပြနေပါစေ - “ကျွန်တော့် တကယ့်ပုံပါ” ပြီးတော့ “ကျွန်တော့်မှာ ပင်ကိုယ်စရိုက်ရှိပါတယ်။”

ဓာတ်ပုံ အနည်းဆုံး လေးပုံနှင့် အထက်ရှိတဲ့ သူတွေက online မှာ ချစ်သူရှာရတဲ့ အတွေ့အကြုံကောင်းကောင်း ရတယ်လို့ ပြောကြပါတယ်။ အဲ့ဒီအထဲမှာ အဓိကဓာတ်ပုံကိုတော့ သင့်မျက်နှာကို မနီးမဝေး (medium shot) က ရိုက်ထားတဲ့ ပုံကို သုံးပါ (close-up လိုသိပ်မကပ်စေပါနှင့်)။ ကိုယ့်မျက်နှာရဲ့ ဘယ်ဘက်အခြမ်းကို ပေါ်လွင်တဲ့ပုံက ပိုကောင်းပါတယ် လို့ပြောပါတယ်။

၂။ သင့် သူငယ်ချင်းတွေ ပုံထဲက ဖယ်ထားပါ။

သူငယ်ချင်းတွေနဲ့ ရိုက်ထားတဲ့ ပုံကတော့ တင်ချင်စရာပါ။ အင်းပြောရမယ်ဆို သင့်မှာ အခြွေအရံ အပေါင်းအသင်းများပြီး ဆက်ဆံရေးကောင်းတယ်ဆိုတာ ပြတာတော့ ဟုတ်ပါပြီ။ ဒါပေမဲ့ တခြားချောတဲ့ ကောင်လေးတွေ သင့်ကို ဝန်းရံထားတော့ သင့်ကို စကားလာ ပြောချင်တဲ့ လူက ဘယ်လိုလာ ချဉ်းကပ်ရဲရမလဲ။ ပြီးတော့ သင်က ဘယ်တစ်ယောက်လဲဆိုတာ ဘယ်လိုသိမလဲ။ တော်ကြာ ကိုယ့်ကို မကြိုက်ပဲ သင့်သူငယ်ချင်းကို မျက်စိကျသွားရင် ဒုက္ခ။ 

၃။ selfie သုံးရင်ကောင်းမလား 

ဥပမာ သင့် profile မှာ ပုံ ၄ ပုံရှိတယ်ဆိုပါဆို့။ အနည်းဆုံး ၂ ပုံလောက်ကတော့ selfie ပုံ မဖြစ်သင့်ပါဘူး။ ကိုယ့် ဓာတ်ပုံတွေက ကိုယ့် ဘဝကို တကယ်ပြတဲ့ ပုံတွေဖြစ်သင့်ပါတယ်။ ခရီးသွားရတာ ကြိုက်လား၊ ဒါဆို နောက်တစ်ခေါက် လမ်းရောက်ရင် ကိုယ့်သူငယ်ချင်းကို ဓာတ်ပုံတစ်ပုံလောက်တော့ ရိုက်ခိုင်း။ ပင်လယ်ကမ်းခြေမှာ ရေကူးဝတ်ဆုံနဲ့ ဓာတ်ပုံက သင့်အိမ်ကရေချိုးခန်းထဲက အတွင်းခံ ဘောင်းဘီ နဲ့ပုံထက်တော့ သာပါတယ်။

၄။ ကိုယ်မကြိုက်တဲ့ အရာတွေကို ပြောမယ့်အစား ကြိုက်တဲ့ အရာတွေကို ပြောပါ။

“ကျွန်တော်သည် အားကစားလုပ်ရတာကြိုက်ပြီး ကျန်မာရေးလိုက်စားတဲ့သူကို သဘောကျတယ်” လို့ပြောခြင်းက “ဝတဲ့သူကို မကြိုက်”လို့ ပြောတာထက်အများကြီးသာပါတယ်။ ယဉ်ယဉ်ကျေးကျေးနဲ့ ကိုယ်လိုချင်တာပြောတာက တခြား ကိုယ့်profileလာကြည့်တဲ့သူတွေကို ထိခိုက်ရာမရောက်ပါဘူး။ အထူးသဖြင့် "နွဲ့တဲ့သူမကြိုက်"တို့ "ဟိုလူမျိုးဒီလူမျိုးအလိုမရှိ"လို့ ရေုးခြင်းက ကိုယ့်ကိုကိုယ် စိတ်ထားသေးသိမ်တဲ့လူလို့ ပေါ်လွင်စေပါတယ်။ ဘယ်သူမှ သဘောမကောင်းတဲ့ လူနှင့် ချိ်န်းမတွေ့ချင်ပါဘူး။ 

၅။ လူတိုင်းပြောတဲ့ အပြောတွေရှောင်ပါ။

ဥပမာ သီချင်းကြိုက်တယ်၊ ရုပ်ရှင်ကြိုက်တယ်လို့ရေးရင် စိတ်ဝင်စားဖို့ကောင်းမလား။ အဲ့ဒါတွေ ဘယ်သူကေကော် မကြိုက်လို့လဲ။ အဲ့လိုမဟုတ်ပဲ ကျွန်တော်က Minions ရုပ်ရှင်ကို အရမ်းကြိုက်တယ်၊ ခေတ်ဟောင်းအဆိုတော်တွေကို အများကြီးနားထောင်တယ်လို့ ရေးထားတာကမှ ကိုယ့် profile ကို လာကြည့်သူကို ကိုယ့်အကြောင်း နည်းနည်းပို သိသွားစေတာပေါ့။

အဲ့လိုပါပဲ စပြီးစကားပြောတဲ့ အခါ၊ hi တို့ hello တို့နှင့် စပြောရင် သိပ်ပြီး စိတ်ဝင်စားစရာ မကောင်းဘူး။ သူ့ရဲ့ profile ကိုသေချာဖတ်ပြီး သူရေးထားတာ တစ်ခုခုနှင့် ပက်သက်တဲ့ စကားတစ်ခုခုနှင့် စပြောရင်တော့ ကိုယ့်ကို သတိထားမိသွား နိုင်ပါတယ်။ 

 ကဲချစ်သူတွေ ရှာတွေ့နိုင်ကြပါစေ။

အင်္ဂလိပ် ရုပ်ရှင် The Imitation Game ဟာ သင်္ချာပညာရှင် အလန်တူရင်း၏ ဘဝ တပိုင်းတစကို အခြေခံပြီး ရိုက်ကူးထားသော ဇာတ်ကားဖြစ်ပါသည်။ အင်္ဂလိပ် သင်္ချာပညာရှင် အလန်တူရင်းသည် ကမ္ဘာသမိုင်းတွင် ဒုတိယ ကမ္ဘာစစ်အတွင်း၌ နာဇီဂျာမာန်တို့၏ လျှို့ဝက်သတင်းအချက်အလက်များအား ဖော်ထုတ်နိုင်သူ တစ်ဦးအဖြစ်ကျော်ကြားသည်။ သူ၏ ကျိုးပန်းမှုကြောင့် မဟာမိတ် စစ်တပ်တွေဟာ နာဇီတပ်တွေကို ပိုမို လျှင်မြန်စွာ အနိုင်ယူနိုင်ခဲ့ပြီး ကမ္ဘာစစ်ကြီးကို ၂ ကျော် တိုတောင်းသွားစေကာ လူ့အသက်ပေါင်း သန်းနှင့််ချီကာ ကယ်တင်နိုင်ခဲ့သည်။ ထို့အပြင် ကျွှန်ုပ်တို့ ယနေ့အသုံးပြုနေသော ကွန်ပြူတာဟုခေါ်သော အခြေခံအယူအဆကို စတင်သော တူရင်းစက်များကို တီထွင်ခဲ့ သူတစ်ဦးအဖြစ် မော်ကွန်းတင်ကြသည်။ ဤစွမ်းဆောင်မှုများအပါအဝင် အခြားအရေးပါသော ရှာဖွေမှုများပြုလုပ်ခဲ့သော ပရော်ဖက်ဆာ အလန် တူရင်းသည် လိင်တူချစ်သူ အမျိုးသားတစ်ဦး ဖြစ်သည်။

ဒုတိယ ကမ္ဘာစစ်ပြီးနောက် အင်္ဂလန်တွင် လိင်တူချစ်သူများ တရားမဝင်ဟု သတ်မှတ်ထားချိန်တွင် အလန် တူရင်းအား အပြစ်ဒါဏ်ချမှတ်ခဲ့သည်။ တရားရုံးမှ ထောင်ဒါဏ် သို့မဟုတ် ဟော်မုန်းအစားထိုးခြင်းအားခံယူရန် ရွေးချယ်စေရာ သူသည် အစားထိုးမှုခံယူရန် ဆုံးဖြတ်ခဲ့သည်။ ဟော်မုန်းအစားထိုးခံယူပြီးနောက် ၁ နှစ်ကျော်အကြာ ၁၉၅၄ ခုနှစ်၌ အသက်၄၁နှစ်တွင် မိမိကိုယ်ကို အဆုံးစီရင်ခဲ့သည်ဟု သမိုင်း ပညာရှင်များက သတ်မှတ်ကြသည်။ သေဆုံးပြီးနောက်ပိုင်းတွင် ၂၀၀၉ ခုနှစ်တွင် ဗြိတိသျှ ၀န်ကြီးချုုပ်မှ လည်းကောင်း ၂၀၁၃ ခုနှစ်တွင် ဘုရင်မကြီးမှ လည်းကောင်း သူ့အား အပြစ်ဒါဏ် ချမှတ်ခဲ့ခြင်းအပေါ် နိုင်ငံတော်မှ တောင်းပန်ခြင်းကို ပြုလုပ်ခဲ့ပြီး သူ၏ အောင်မြင်မှုကို ဂုဏ်ပြုခဲ့သည်။

တူရင်းသည် ငယ်ရွယ်စဉ်ကပင် ထူးချွန်သူတစ်ဦးဖြစ်သည်။ သိပ္ပံနှင့် သင်္ချာဘာသာကို အထူးစိတ်ဝင်စားသူ ဖြစ်သည်။ သူသည် ကျောင်းတက်နေစဉ် သူ၏ ကျောင်းနေဖက် ခရစ္စတိုဖာ မော်ကွမ်း (Christopher Morcom) နှင့် အလွန်နီးကပ်ခဲ့ပြီး မေတ္တာသက်ဝင်ခဲ့သည်။ သို့သော် မော်ကွမ်းသည် တီဘီရောဂါကြောင့် သိပ်မကြာခင်တွင် သေဆုံးသွားခဲ့သည်။ မော်ကွမ်းသေဆုံးမှုကြောင့် တူရင်းသည် သူနှင့် အတူတူလေ့လာခဲ့သော သိပ္ပံနှင့် သင်္ချာဘာသာကိုသာ အာရုံပိုစိုက်လာခဲ့သည်။ ထို့နောက် ကိန်းဘရစ် တက္ကသိုလ်တွင် ဂုဏ်ထူးဖြင့် ဘွဲ့ရခဲ့သည်။

ဒုတိယ ကမ္ဘာစစ်အတွင်း တူရင်းသည် ဗြိတိသျှ အစိုးရအတွက် ဂျာမာန်တို့၏ Enigma ခေါ် လျှို့ဝက် သတင်းအချက်အလက်များကို ဖော်ထုတ်သော အဖွဲ့တွင်ပါ၀င်ပြီး စစ်ပွဲ အနိုင်ရရှိနိုင်ရန် ကူညီခဲ့သည်။ သူသည် Bombe ဟုခေါ်သော စက်ကို တီထွင်ပြီး လျှို့ဝှက်သတင်းများကို နားလည်ဖော်ထုတ်နိုင်ရန် ကြိုးစားခဲ့သည်။ ၎င်းအဖွဲ့တွင် တူရင်းသည် အရေးပါသော ကဏ္ဍမှ ပါ၀င်ခဲ့ပြီး မဟာမိတ်တပ်များကို အထောက်အကူပြုခဲ့သည်။ စစ်ပြီးနောက်တွင် ယနေ့ ကွန်ပြူတာများ၏ အစပိုင်းဖြစ်သော Universal Turing Machine ခေါ် တွက်ချက်သည့် စက်များကို ဆက်လက်တီထွင်နေခဲ့သည်။ ထို့အပြင်သူသည် အရေးပါသော တက္ကသိုလ်စာတမ်းများလည်း ရေးသားခဲ့သည်။

ထိုခေတ်အခါ၌ အင်္ဂလန်တွင် လိင်တူချစ်ခြင်းကို ဖမ်းဆီးနိုင်သည်ဟု သတ်မှတ်ထားသော်လည်း တူရင်းသည် သူ၏ လိင်တူချစ်ခြင်းကို ဖုံးကွယ်ထားခြင်းမရှိပါ။ ၁၉၅၂ ခုနှစ်တွင် ယောက်ျားတစ်ဦးနှင့် တွဲသောကြောင့် အဖမ်းခံရပြီးနောက် သူ၏ လိင်တူချစ်ခြင်းကို ဖုံးကွယ်မထားပဲ ၀န်ခံခဲ့သည်။ သူသည် လုပ်ငန်းများကို ဆက်လက်လုပ်ကိုင်လိုသောကြောင့် ထောင်ဒဏ် ၂ နှစ်ချမှတ်ခြင်းကို လက်မခံပဲ ဟော်မုန်းအစားထိုးခြင်းကိုသာ ခံယူခဲ့သည်။ ဤကဲ့သို့ ပြုလုပ်ခြင်းသည် သူ၏ ကျန်းမားရေးကို များစွာထိခိုက်နေသော်လည်း မရပ်နားပဲ သူတီထွင်နေသော စက်များနှင့် ဆက်လက် အလုပ်လုပ်ကိုင်ခဲ့သည်။ သို့သော် ထိုကဲ့သို့ အပြစ်ဒဏ်ချမှတ်ခြင်းသည် သူ၏ လုပ်ငန်းများအပေါ် အကြီးမားဆုံး ထိခိုက်ခဲ့သည်။

တူရင်းသည် သင်္ချာပညာ လောကတွင် အမြင့်မားဆုံး ဂုဏ်ထူးဆောင်တစ်ဦးဖြစ်သည်။ သူ့အားဂုဏ်ပြုသောအားဖြင့် တူရင်းဆုကို Association for Computing Machinery (ACM) မှ ၁၉၆၆ ခုနှစ်မှစ၍ နှစ်စဉ်နှစ်တိုင်း ကွန်ပြူတာ ဘာသာရပ်တွင် ထူးချွန်စွာ တီထွင်သူများအား ပေးအပ်လေ့ရှိသည်။ တူရင်းသည် ၂၀ ရာစုနှစ်၏ အရေးပါသော လူတစ်ဦးအဖြစ်လည်း သတ်မှတ်ခြင်းခံရသည်။ လိင်တူချစ်သူ တစ်ဦးနေဖြင့် အလန်တူရင်းသည် ခေတ်သစ် လူ့သမိုင်းအား တန်ဖိုးမဖြတ်နိုင်သော ဆောင်ရွက်မှုများ ပြုလုပ်ပေးခဲ့သူ လူစွမ်းကောင်းတစ်ဦးပင် ဖြစ်ပါသည်။

၂၀၁၄ ခုနှစ်တွင် ရိုက်ကူးသော The Imitation Game ဇာတ်ကားသည် အလန်တူရင်း၏ ဘဝ တပိုင်းတစကို ပုံဖော်ပေးဖို့ ရိုက်ကူးထားပါသည်။ အင်္ဂလိပ် သရုပ်ဆောင် Benedict Cumberbatch သည် အလန်တူရင်းအဖြစ် သရုပ်ဆောင်ထားသည်။ ၎င်းရုပ်ရှင်အား လိင်တူချစ်သူ၏ အခွင့်အရေးများနှင့် အလန်တူရင်း၏ အောင်မြင်မှုကို လူအများအသိအမှတ်ပြုနိုင်စေရန် ပြုလုပ်သည်ဟု ချီးကျူးကြပြီး အကယ်ဒမီ ဆုများရရှိခဲ့သည်။

၂၀၁၅ ဇွန်လနှင့် ဇူလိုင် တွင်းမှာ ကမ္ဘာအရပ်အရပ်မှာ လတ်တလော ရေပန်းစားနေတဲ့ လိင်တူချစ်သူအဆိုတော်တွေရဲ့ သို့မဟုတ် လိင်တူချစ်သူတွေနှင့် ပက်သက်တဲ့ အကြောင်းအရာပါတဲ့ သီချင်းတွေ စုစည်းထားတာဖြစ်ပါတယ်။

KAZAKY - MILK-CHOC

Country - Ukraine
Language - English
Genre - Dance
Year - 2015

ယူကရိ်န်းက ကမ္ဘာကျော် အကအဖွဲ့ရဲ့ နောက်ဆုံးထွက် MILK-CHOC သီချင်းကတော့ ဒီတစ်လထဲမှာ အဟော့ဆုံးသီချင်းပါပဲ။ သွက်လက်တဲ့ ကကွက်တွေနှင့် နာမည်ကျော်တဲ့ ယူကရိန်းက KAZAKY အဖွဲ့ကတော့ ဒီတစ်ခေါက်မှာ သူတို့ ဗီဒီယိုကို ၁၉၈၀ ခုနှစ်တွေတုန်းက ဖက်ရှင်ပုံစံတွေနှင့် အဆန်းထွင် ရိုက်ပြထားတာပါ။

Neon Trees - Songs I Can't Listen To

Country - US
Language - English
Genre - Rock
Year - 2015

နာမည်ကြီး အမေရိကန် ရော့(ခ)ဂီတအဖွဲ့ Neon Trees ရဲ့ ခေါင်းဆောင်အဆိုတော် Tyler Glenn ဟာ ဂေးပါ။ သူတို့ရဲ့ နောက်ဆုံးထွက် သီချင်းဗီဒီယိုဖြစ်ပါတယ်။

Ricky Martin - La Mordidita

Country - Puerto Rico
Language - Spanish
Genre - Pop
Year - 2015

ကမ္ဘာကျော်အဆိုတော် Ricky Martin ရဲ့ A Quien Quiera Escuchar အခွေထဲက နောက်ဆုံးထွက်သီချင်းက ခပ်မြူးမြူးနဲ့ ကောင်းပါတယ်။

ARISA feat. Sarit Hadad - Kirkas

Country - Israel
Language - Hebrew
Genre - Pop
Year - 2015

အစ္စရေးနိုင်ငံက လူကြိုက်များတဲ့ Drag Queen တစ်ယောက် Arisa  က အဆိုတော် Sarit Hadad ရဲ့ အကသီချင်း Kirkas ကို သူ ပါးစပ်လုပ်သရုပ်ဆောင်ထားပြီး ခပ်လမ်းလမ်း အစ္စရေးက ဘဲတွေနှင့် အတူ သီဆိုထားပါတယ်။

Emmanuel Moire - Bienvenue

Country - France
Language - French
Genre - Pop
Year - 2015

နာမည်ကြီးပြင်သစ် ဂေး အဆိုတော် Emmanuel Moire ရဲ့ နောက်ဆုံးထွက် သီချင်း Bienvenue က အေးအေးလေးနှင့် ညိမ့်ပါတယ်။

Cassandre - Nos cœurs libres

Country - France
Language - French
Genre - Pop
Year - 2015

ဒီပြင်သစ်စုံတွဲ အဆိုတော်နှစ်ယောက် အကြောင်းကို သေချျာမသိရသေးပေမဲ့ သူတို့ သီချင်းဗီဒီယိုထဲမှာတော့ ယောကျ်ားခန္ဓာ အလှတွေနှင့် ရင်ခုန်စရာရိုက်ထားတာပါ။

Years & Years - Shine

Country - UK
Language - English
Genre - Pop
Year - 2015

King ဆိုတဲ့ သီချင်းနဲ့ နာမည်ကျော်ခဲ့တဲ့ ယူကေက Years & Years အဖွဲ့ရဲ့နောက်ဆက်လက် ထွက်ရှိလာတဲ့ သီချင်းဖြစ်ပါတယ်။

Greg Holden - Boys In The Street

Country - US
Language - English
Genre - Pop
Year - 2015

နယူးယောက်က အဆိုတော်ရဲ့ အဆွေးသီချင်းလေးကတော့ ဂေးတစ်ယောက်ကို သူ့ဖခင်က လက်မခံတဲ့ အတွက်ကြောင့် ကြေကွဲရတဲ့ အကြောင်းကို ရေးစပ်သီဆိုထားတာပါ။

Will Young - Thank You

Country - UK
Language - English
Genre - Pop
Year - 2015

ယူကေ အဆိုတော် Will Young ရဲ့ အသစ်ထပ်ထွက်လာတဲ့ သီချင်းဖြစ်ပါတယ်။

The Away Days - ''Calm Your Eyes'' 

Country - Turkey
Language - English
Genre - Dreamrock
Year - 2015

အဖွဲ့ကတော့ ဂေးမဟုတ်ပေမဲ့ တူရကီ dreamrock အဖွဲ့ရဲ့ အိမ်မက်ဆန်တဲ့ သီချင်းထဲမှာ ဂေးယောကျ်ားနှစ်ယောက်ရဲ့ ခက်ခဲတဲ့ ဘဝအကြောင်းကို ရိုက်ပြထားပါတယ်။

Muộn Màng - Dương Triệu Vũ

Country - Vietnam
Language - Viet
Genre - Ballad
Year - 2015

ဗီယက်နမ်က အချစ်အဆွေးသီချင်းရဲ့ ဗီဒီယိုက ယောကျ်ားနှစ်ယောက်ရဲ့ အသည်းကွဲဇာတ်လမ်းကို ရိုက်ပြထားတာပါ။

KIKA LORACE - ADIÓS BOTELLA

Country - Spain
Language - Spanish
Genre - Pop
Year - 2015

ဒီတစ်လအတွက် နောက်ဆုံးသီချင်းကတော့ စပိန်က Drag Queen တစ်ယောက်ဆိုထားတဲ့ ဒီပျော်စရာသီချင်းလေးက Youtube အခုလက်ရှိ ကြည့်တဲ့သူတွေ အများကြီးနဲ့ ရေပန်းစားနေပါတယ်။